SJ WorldNews - шаблон joomla Авто

လူငယ်ပွဲတော်၌ အကနှင့်အတီးကဏ္ဍမှ ရွှေတံဆိပ်ဆုနှစ်ခု ဆွတ်ခူးရရှိသော မြန်မာအဖွဲ့ ပြန်လည်ရောက်ရှိ

Thursday, 08 August 2019 09:13 font size decrease font size decrease font size increase font size increase font size

ရုရှားနိုင်ငံ၌ ကျင်းပသည့် လူငယ်ပွဲတော်၌  အကနှင့်အတီးကဏ္ဍမှ  အမြင့်ဆုံးရွှေ တံဆိပ်ဆုနှစ်ခု ရရှိခဲ့သော   မြန်မာလူငယ် အဖွဲ့ သြဂုတ် ၇ ရက်က လေကြောင်းခရီးဖြင့် ရန်ကုန်မြို့သို့  ပြန်လည် ရောက်ရှိကြောင်း သိရသည်။

လူငယ်ပွဲတော်၌ တက်ရောက်နေသည့် Private Teachers Association နှင့်   မြန်မာနိုင်ငံ သဘင်အစည်းအရုံးတို့ ပူးပေါင်းထားသော မြန်မာလူငယ် အဖွဲ့သည် LIVE ၊ CREATE  &  DREAMဟု အမည်ပေးထားသည့် အနုပညာပြိုင်ပွဲတွင် အဆို၊  အက၊  အတီး  ကဏ္ဍသုံးခုအနက် အကနှင့် အတီးကဏ္ဍမှ ရွှေတံဆိပ်ဆုနှစ်ခု ဆွတ်ခူးရရှိခဲ့ခြင်း ဖြစ်သည်။

၂ဝ၁၈ ခုနှစ် သွားရောက် ယှဉ်ပြိုင်စဉ်ကလည်း  ပြိုင်ပွဲ၏ အမြင့်ဆုံး  Grand Prix  ဆုကြီးကို မြန်မာလူငယ်များ ဆွတ်ခူးနိုင်ခဲ့သည်။

လူငယ်ပွဲတော် (Children of  the World 2019) ကို ရုရှားနိုင်ငံ ဗလာဒီဗော့စတော့ မြို့ရှိ  အိုကီယမ်စင်တာ၌  ပြုလုပ်ခြင်းဖြစ်ပြီး  အဆိုပါ လူငယ်အဖွဲ့ကို  ဗဟိုသဘင် အမှုဆောင် (၃) ဒေါ်မြတ်နုသွေး ဦးဆောင်၍ ဇူလိုင် ၁၉ ရက် ညပိုင်းက  ရန်ကုန်အပြည်ပြည်ဆိုင်ရာ လေဆိပ်မှ ထွက်ခွာသွားကာ သြဂုတ် ၇ ရက် ညပိုင်းက ပြန်လည် ရောက်ရှိကြောင်း သိရသည်။

Read 349 times Last modified on Thursday, 08 August 2019 09:14