SJ WorldNews - шаблон joomla Авто

စပျစ်သီး အထွက်နှုန်း ကျသော်လည်း ရန်ကုန်ဝယ်လက် နည်း၍ ယမန်နှစ်ကထက် ဈေးနှုန်း ကျဆင်း

Thursday, 15 February 2018 09:37 font size decrease font size decrease font size increase font size increase font size

မန္တလေး  ဖေဖော်ဝါရီ  ၁၄

မန္တလေးတိုင်း ဒေသကြီး၌  ပြီးခဲ့သည့် ဒီဇင်ဘာလ အတွင်းက မိုးရွာသွန်းမှုကြောင့် စပျစ်သီးအထွက်နှုန်း ကျပြီး    ရန်ကုန်ဝယ်လက် နည်းပါးသဖြင့် ယမန်နှစ်ကထက် ဈေးနှုန်း ကျဆင်းနေကြောင်း မန္တလေးတိုင်းဒေသကြီး ရမည်းသင်းမြို့နယ် ရွာတန်းတိုက်နယ် သဲကျွန်းအုပ်စု ဆည်ထိပ်ရွာရှိ စပျစ်သီး စိုက်ပျိုးသူ ဦးညိုကြီးထံမှ သိရသည်။

''ရာသီဥတုက မိုးများထားတော့ အပျက်အစီးများပြီး အထွက်နှုန်းနည်းတယ်။ ဈေးကလည်း မနှစ်ကထက် ကျဆင်းနေတယ်။ဈေးနှုန်းတွေကျတာက ရန်ကုန်က ဝယ်လက်နည်းနေလို့ပါ''ဟု ဦးညိုကြီး ကပြောသည်။

လက်ရှိတွင် မကွေး၊ လားရှိုး  စသည့်နယ်မြို့များမှ ဝယ်ယူမှုများ ရှိနေပြီး ဝိုင်စပျစ်ဈေးနှုန်းမှာ ပုံမှန်အတိုင်းသာရှိကြောင်း သိရသည်။ မြန်မာနိုင်ငံရှိ စပျစ်သီးဈေးကွက်တွင်  ပြည်တွင်းစပျစ်သီးနှင့် တရုတ်နှင့် ထိုင်းနိုင်ငံတို့မှ   တင်သွင်းသည့်    စပျစ်သီးဟူ၍ရှိပြီး မြန်မာနိုင်ငံ၌ အများဆုံး စိုက်ပျိုးသော စပျစ်သီးမျိုးများတွင်  နံပါတ်-၃   ၄ဝ  ရာခိုင်နှုန်း၊ Black Queen ၄ဝ ရာခိုင်နှုန်း၊ Big Black ၊ရွှေနီ၊ ကာဒိနန်နှင့် တခြား စပျစ် ၂ဝ ရာခိုင်နှုန်းခန့်  စိုက်ပျိုးကြကာ လက်ရှိတွင် စပျစ်စိုက်ဧက ၅ဝဝဝ ခန့်ရှိကြောင်း သိရသည်။                        

Read 308 times Last modified on Thursday, 15 February 2018 09:38