SJ WorldNews - шаблон joomla Авто

၂ဝ၁၉ ခုနှစ် ဇန်နဝါရီလမှ အောက်တိုဘာလအထိ ပြည်ပသို့ ကုလားပဲ ပဲလွမ်းဖြူနှင့် မြေထောက်ပဲ တန်ချိန် ကိုးသောင်းကျော် တင်ပို့

Thursday, 07 November 2019 09:49 font size decrease font size decrease font size increase font size increase font size

၂ဝ၁၉  ခုနှစ်  ဇန်နဝါရီလမှ အောက်တိုဘာလအထိ ပြည်ပသို့  ကုလားပဲ၊ ပဲလွမ်းဖြူနှင့်  မြေထောက်ပဲ  တန်ချိန် ကိုးသောင်းကျော်   တင်ပို့ထားကြောင်း ပြည်တွင်းမှ ပဲကုန်သည်များ၏ ပြောကြားချက်အရ သိရသည်။
လက်ရှိတွင် ကုလားပဲတန်ချိန် ၄၈ဝဝဝ ကျော်၊ ပဲလွမ်းဖြူတန်ချိန် ၃၅ဝဝဝ ကျော် နှင့် မြေထောက်ပဲတန်ချိန်  ၉၈ဝဝ  ကျော် တင်ပို့ထားကြောင်း သိရသည်။
''အရင်နှစ်တုန်းက ဒီပမာဏလောက် မတင်ပို့နိုင်ဘူး။  အများဆုံး  တန်ချိန် ရှစ်သောင်းကျော်လောက်ပဲ   တင်ပို့နိုင်ပါတယ်။  ဒီနှစ်တိုးပြီး  တင်ပို့နိုင်တယ်။ ကုလားပဲဆိုရင် ပြည်တွင်းမှာရော ပြည်ပမှာပါ ဈေးကွက်ရှိတယ်။ ပြည်တွင်းမှာ ကုလားပဲကို ပဲခွဲစက် လုပ်ငန်းရှင်တွေက   စားတော်ပဲ အစားထိုးကြတယ်။  ပြည်တွင်းမှာ စားသုံးတဲ့ ပဲတစ်မျိုးလည်းဖြစ်တယ်။  ကုလားပဲကို  ခွဲခြမ်း လုပ်ပြီးတော့လည်း တင်ပို့ကြတယ်။ ကုလားပဲကို ပါကစ္စတန်၊ တူရကီနဲ့ အာရပ်စော်ဘွားများပြည်ထောင်စု က ကြိုက်ကြတယ်။  ကုလားပဲကို  အိန္ဒိယ နိုင်ငံအပါအဝင်  နိုင်ငံပေါင်း ခုနစ်နိုင်ငံကို တင်ပို့နေတယ်'' ဟု  မန္တလေးမြို့ရှိ   နှမ်းမျိုးစုံနှင့် ကုလားပဲကုန်သည် ဦးတင်လှိုင် ကပြော သည်။
လက်ရှိ ပြည်ပဈေးကွက်၌ ကုလားပဲ တစ်တန်လျှင် အမေရိကန်ဒေါ်လာ ၆ဝဝ မှ ၆၃ဝ ကြား၊ ကုလားပဲအခွံချွတ် တစ်တန် လျှင် အမေရိကန်ဒေါ်လာ ၈ဝဝ မှ ၈၄ဝ ကြား ဈေးရရှိကြောင်း သိရသည်။
လက်ရှိ ပြည်တွင်း ပဲစားသုံးမှု တန်ချိန် ၁၃ဝဝဝဝ ကျော်ရှိပြီး ပြည်ပသို့ နှစ်စဉ် အနည်းဆုံး ပျမ်းမျှတန်ချိန် သုံးသောင်းကျော်  တင်ပို့ကာ အများဆုံးတန်ချိန်  ရှစ်သောင်းကျော် တင်ပို့ကြောင်း သိရသည်။ နိုင်ငံအတွင်း ဆောင်းသီးနှံအဖြစ် စိုက်ပျိုးမှုများသည့် မြေထောက်ပဲကို  တရုတ်နိုင်ငံ အပါအဝင် ဈေးကွက်အင်အားကြီး နိုင်ငံများက ဝယ်လိုအားကောင်းလာ၍  လက်ရှိ ဈေးကွက်အတွင်း လက်ကျန်နည်းပါးနေသည်။
''ဘဏ္ဍာနှစ်အလိုက်   တင်ပို့မှုနှုန်း တက်လာတယ်။ မြေထောက်ပဲကို ပြည်တွင်းမှာ အစိုက်နည်းတယ်။ ဒါပေမဲ့ ပြည်တွင်းမှာ ပိုပြီးစားသုံးလို့ မတ်ပဲနဲ့ ပဲစင်းငုံနေရာမှာ အစားထိုးစိုက်ဖို့လိုတဲ့  သီးနှံတစ်မျိုး ဖြစ်လာနိုင်တယ်။ ပြည်တွင်း ထွက်ရှိနှုန်း နည်းလို့ ပြည်ပကို လိုသလောက် မတင်ပို့ နိုင်သေးဘူး''  ဟု မန္တလေးမြို့ရှိ  ဇရာမြေလပ် ပွဲရုံပိုင်ရှင် ဦးကျော်ခန့်ကပြောသည်။
လက်ရှိ  မြေထောက်ပဲ တင်ပို့နေသည့် နိုင်ငံများမှာ တရုတ်၊ ဂျပန်၊ စင်ကာပူ၊ တောင်ကိုရီးယား၊ ဆွစ်ဇာလန်၊  အိန္ဒိယ၊ မလေးရှား၊ တရုတ်(တိုင်ပေ)၊ ဒိန်းမတ်၊ ထိုင်း၊ ကနေဒါနှင့် ကင်ညာနိုင်ငံတို့ဖြစ် သည်။
ဘဏ္ဍာနှစ်အလိုက် ကုလားပဲတင်ပို့မှု စာရင်းများအရ ၂ဝ၁၅-၂ဝ၁၆ ဘဏ္ဍာနှစ် က တန်ချိန်  ၃၅ဝဝဝ  ကျော်တင်ပို့မှုမှ အမေရိကန်ဒေါ်လာ  ၁၉  သန်းကျော်၊ ၂ဝ၁၆- ၂ဝ၁၇  ဘဏ္ဍာနှစ်က  တန်ချိန် ၃၅၇ဝဝ ကျော်တင်ပို့မှုမှ  အမေရိကန် ဒေါ်လာ ၂၈ သန်းကျော်၊ ၂ဝ၁၇-၂ဝ၁၈ ဘဏ္ဍာနှစ်က တန်ချိန် ၃၆ဝဝဝ ကျော် တင်ပို့မှုမှ အမေရိကန်ဒေါ်လာ ၃၂ သန်း ကျော်ရရှိခဲ့သည်။
အလားတူ မြေထောက်ပဲကို နယ်စပ်နှင့်  ပင်လယ်ရေကြောင်းများမှ ၂ဝ၁၆-၂ဝ၁၇  ဘဏ္ဍာနှစ်က တန်ချိန် ၂၅ဝဝဝ ကျော်နှင့် ၂ဝ၁၇-၂ဝ၁၈ ဘဏ္ဍာနှစ်က တန်ချိန် ၂၅ဝဝဝ ကျော် တင်ပို့ခဲ့ကြောင်း  သိရသည်။      
Read 60 times Last modified on Thursday, 07 November 2019 10:07