SJ WorldNews - шаблон joomla Авто

တရုတ်နိုင်ငံသို့ ဆန် ပြောင်းနှင့် ဂျုံတို့ကို ကိုတာစနစ်ဖြင့်တင်ပို့လိုပါက နိုဝင်ဘာ ၁၅ ရက်မတိုင်မီ လျှောက်ထားရန် သတ်မှတ်

Friday, 08 November 2019 09:33 font size decrease font size decrease font size increase font size increase font size

၂ဝ၂ဝ ပြည့်နှစ်အတွက် တရုတ်နိုင်ငံသို့ ဆန်၊ပြောင်းနှင့် ဂျုံတို့ကို ကိုတာစနစ်ဖြင့် တင်ပို့လိုပါက  နိုဝင်ဘာ  ၁၅ ရက်မတိုင်မီ   လျှောက်ထားရန် သတ်မှတ်ထားကြောင်း   ကုန်သွယ်မှုမြှင့်တင်ရေး ဦးစီးဌာန  ညွှန်ကြားရေးမှူး ဦးမျိုးသူ၏ ပြောပြချက်အရ သိရသည်။

''နိုဝင်ဘာ ၁၅ ရက်မတိုင်မီလျှောက် ထားဖို့ တရုတ်နိုင်ငံက ခွင့်ပြုထားပါတယ်။ အခွန်နည်းနည်းပေးပြီး တင်သွင်းလာတာကို ကိုတာစနစ်လို့ သတ်မှတ်ထားတာပါ။

တင်သွင်းခွင့်ကိုလည်း  တရုတ်နိုင်ငံအစိုးရကနေ သူ့နိုင်ငံအတွင်းက  နိုင်ငံပိုင် ကုမ္ပဏီတွေကို တင်သွင်းရမယ့် ခွဲတမ်းတွေ  ပြန်ခွဲပေးတာဖြစ်ပါတယ်။ ကိုတာမရဘဲ တင်သွင်းခွင့်ပေးပေမယ့် အခွန်ကတော့ အများကြီးကောက်တယ်။   အရင်က တင်သွင်းဖူးတဲ့  ကုမ္ပဏီလားဆိုတာကို စစ်ဆေးပြီး တင်သွင်းခွင့်ပေးတာဖြစ်ပါတယ်'' ဟု ဦးမျိုးသူကပြောသည်။

တရုတ်နိုင်ငံ အစိုးရအနေဖြင့် လျှောက်ထားလာသည့်   ဆန်၊   ပြောင်းနှင့်ဂျုံ ကိုတာတန်ချိန်များပေါ် စိစစ်ပြီး တင်သွင်းခွင့်ပြုမည်ဖြစ်သည်။ 

သို့သော် ကုမ္ပဏီများက လျှောက်ထားလာသည့် ကိုတာပမာဏသည်  ကုမ္ပဏီ တစ်ခုကို  တင်သွင်းခွင့်ပြုမည့် ပမာဏနှင့် ကိုက်ညီပါက ထိုပမာဏအတိုင်း  ခွင့်ပြုပေးမည်ဖြစ်ကြောင်းနှင့် သတ်မှတ်ချက်ထက်    ပိုမိုလျှောက်ထားပါက ယခင်နှစ်က ရရှိခဲ့သည့် ပမာဏထက်မနည်း စိစစ်ခွင့်ပြုပေးမည်ဖြစ်ကြောင်း သိရသည်။

လက်ရှိတွင် မြန်မာ့ပြောင်းကို ကိုတာစနစ်ဖြင့်  တင်သွင်းခွင့်ပြုပေးရန် တရုတ်နိုင်ငံသို့  လျှောက်ထားမည်ဖြစ်ကြောင်းနှင့် ၂ဝ၂ဝ ပြည့်နှစ်နှင့်  ၂ဝ၂ဝ ပြည့်နှစ် နောက်ပိုင်းအထိ  တင်သွင်းခွင့် ရရှိထားသည့် ပမာဏအတိုင်း အပြည့်အဝ တင်သွင်းနိုင်ခြင်း မရှိပါက တရုတ်နိုင်ငံ အစိုးရအနေဖြင့် လယ်ယာထွက်ကုန်ဆိုင်ရာ ဥပဒေနှင့်အညီ ဆောင်ရွက်မည်ဖြစ်ကြောင်း သိရသည်။

Read 61 times Last modified on Friday, 08 November 2019 09:34