SJ WorldNews - шаблон joomla Авто

နည်းပညာနှင့် ချေးငွေအပြင် ပြည်ပဝယ်လက်များနှင့် ချိတ်ဆက်ရန် လိုအပ်နေသည့် နဂါးမောက်သီး ဈေးကွက်

Thursday, 10 August 2017 09:11 font size decrease font size decrease font size increase font size increase font size

ပြည်တွင်း၌ ကျန်းမာရေးဓာတ်စာအဖြစ် စားသုံးမှုများပြားလာသည့်  နဂါးမောက်  သီးနှံစိုက်ပျိုးရေးသည်  လတ်တလောတွင်   စိုက်ပျိုးမှု  အနည်းငယ်မြင့်တက်လာကာ တောင်ကိုရီးယားနိုင်ငံမှ ဝယ်ယူရန်  ကမ်းလှမ်းမှုများ ရှိနေပြီဖြစ်သည်။

သို့သော် လက်ရှိတွင်  ပြည်ပသို့တင်ပို့ နိုင်သည်အထိ များစွာမထွက်ရှိသေးသဖြင့်  နဂါးမောက်သီးနှံ စိုက်ပျိုးရေး ဖွံ့ဖြိုးတိုးတက်ရန် အဘက်ဘက်မှ လိုအပ်နေသေးသည်။

''ကျွန်တော်တို့ကို   တောင်ကိုရီးယားနိုင်ငံက  နဂါးမောက်အနီသီး တင်ပို့ပေးဖို့ ကမ်းလှမ်းထားပါတယ်။  ဒါပေမဲ့  ကျွန်တော် တို့နိုင်ငံရဲ့ စိုက်ပျိုးနိုင်တဲ့ အားနဲ့ဆိုရင် နောက် သုံးနှစ်လောက်မှ   တင်ပို့နိုင်မယ်လို့ မှန်းဆထားပါတယ်'' ဟု ပုပ္ပားမြို့မှ   ရွှေသရဖူ နဂါးမောက်ခြံပိုင်ရှင်   ဦးတင်အောင်မိုးက ပြောသည်။

ထိုသို့တင်ပို့နိုင်ရန်     နိုင်ငံတော်က တောင်သူများအား  ပံ့ပိုးမှုများစွာပေးရန်   လိုအပ်နေပြီး   နဂါးမောက်သီး တစ်နှစ်ပတ်လုံး ထွက်ရှိသည့်  ဗီယက်နမ်နိုင်ငံမှ နည်း ပညာနှင့် မျိုးရယူရန်၊   သီးနှံအရည်အသွေး မြှင့်တင်ရန်နှင့် နှစ်ရှည်ချေးငွေများ ရရှိရန်   လိုအပ်လျက်ရှိကြောင်း သိရသည်။

ပြည်တွင်း၌    ခေတ်စားလာသည်မှာ  ၁ဝ စုနှစ်တစ်ခုပင် မရှိသေးသည့် နဂါးမောက်သီးသည် အသီးပုံသဏ္ဌာန်နှင့် အခွံအရောင် (အနီနှင့်ပန်းရောင်)မှာ  ဆွဲဆောင်မှုရှိပြီး   မူရင်းဒေသ မျိုးစုအောက်တွင် မျိုးစိတ်ပေါင်း  ၂၆  ခုရှိရာ မျိုးစိတ်အလိုက်   မူရင်းဒေသ ကွဲပြားလေ့ရှိသည်။  စီးပွားဖြစ်စိုက်ပျိုးလျက်ရှိသော မျိုးများ၏ မူရင်းဒေသမှာ မက္ကဆီကို နိုင်ငံအလယ်ပိုင်း ဒေသဖြစ်ပြီး ရာသီဥတုဒဏ်နှင့်  ရေငတ်သည့်ဒဏ် ခံနိုင်သော  ရှားစောင်း နွယ်ဝင် အပင်မျိုးဖြစ်သည်။

နဂါးမောက်သည် နေရောင်ခြည်ကောင်းစွာရရှိသော  နေရာဒေသများတွင် ကောင်းစွာဖြစ်ထွန်းကာ အနိမ့်ဆုံးအပူချိန် ( -၂) ဒီဂရီ စင်တီဂရိတ်အထိ ခံနိုင်ရည်ရှိ သည်။   စိုက်ပျိုးရန် သင့်လျော်သော  မြေချဉ်ငန်ကိန်း စံ မှာ (၆) ဖြစ်ပြီး  ရေစိမ့် မှုကောင်းသော မြေမျိုးတွင် ကောင်းစွာဖြစ်ထွန်းသည်။

အပင်အမျိုးအစားမှာ   တွယ်တက်ပင်နှင့် မြေပေါ်တွားသွားပေါက်သော   ရေငတ် ဒဏ်ခံနိုင်သည့်     ရှားစောင်းမျိုးနွယ်ဝင် အပင်ဖြစ်ကာ   ပင်စည်သုံးမြှောင့်ပုံ ရှိသည်။  ပင်စည်အနားတွင်  ဆူးငယ်များရှိသည်။ မျိုးအလိုက် ဆူးအတို၊ အရှည်နှင့် ဆူးအရေ အတွက်ကွာခြားသည်။   ပင်မပင်စည်၏ အဖူးမှထွက်လာသော ပင်စည်သစ်သည် သက်တမ်း နှစ်နှစ်သား ရှိလာလျှင် ပန်းပွင့်သည်။

နေထွက်လျှင်   ပန်းပွင့်ငုံသွားတတ်ပြီး   ပွင့်ဖတ်သည် အစိမ်းရောင် သန်းသောအဝါ ရောင်ရှိကာ   ပွင့်ချပ်သည် နို့နှစ်ရောင်ဖြစ် သည်။  အသီးအရောင်မှာ  မျိုးအလိုက် အနီရောင်၊ ပန်းရောင်၊  အဝါရောင်သန်း သော ပန်းရောင် စသည်ဖြင့်ရှိသည်။ အသီး လုံးပတ်လည်တွင်   နဂါးအမောက်ကဲ့သို့ ကော့ပျံနေသော အဖတ်များရှိပြီး အစေ့မှာ အမည်းရောင်ဖြစ်သည်။   အတွင်းသား အဖြူရောင်မျိုးနှင့်  အနီရောင်မျိုးများကို စီးပွားဖြစ် စိုက်ပျိုးသည်။

''နဂါးမောက်သီး   စစိုက်ဖို့  တကယ်တမ်း သတ်မှတ်ထားတာက ဒီဇင်ဘာလပေါ့။  ဒီဇင်ဘာလမှာစစိုက်ရင်      ပထမဆုံး အသီးသီးတဲ့ နှစ်ကတော့  သြဂုတ်လပိုင်း မှာစသီးတယ်။  နောက်နှစ်ကျရင်တော့   မေလပိုင်းကနေ  စသီးတာပေါ့''   ဟု  ဦးတင်အောင်မိုးက    ဆက်လက်ပြောသည်။

နဂါးမောက်သီးမှာ      မေလမှစ၍ နိုဝင်ဘာလအထိ သီးလေ့ရှိကာ   အဖြူသီး  တစ်ပင်သည်   တစ်နှစ်လျှင်  ငါးကြိမ်မှ ရှစ်ကြိမ်အထိသီးလေ့ရှိပြီး  အနီသီးမှာ ရှစ် ကြိမ်မှ  ၁၅   ကြိမ်ခန့်အထိ   သီးလေ့ရှိ သည်။

အကြမ်းဖျင်းအားဖြင့်  တစ်ရာသီလျှင်   နဂါးမောက်တစ်ပင်မှ ကီလို  ၂ဝ  အထိ  သီးလေ့ရှိပြီး အများဆုံးအားဖြင့် ၅ဝ  ကီလို   ခန့်အထိ  သီးလေ့ရှိသည်။ ထို့ပြင် တစ်ဧက တွင်  တိုင်  ၄၃ဝ  စိုက်၍  စိုက်ပျိုးသည့် စနစ်မှာ အကောင်းဆုံးဖြစ်ကာ တစ်တိုင်လျှင်  အပင်လေးပင်   စိုက်ပျိုးနိုင်သည့်အတွက် တစ်ဧကလျှင်  ခန့်မှန်းခြေ အပင်  ၁၇၂ဝ စိုက်နိုင်ကာ  ကီလို  ၃၄၄ဝဝ  မှ   ၈၆ဝဝဝ  ကီလိုအထိ   ထွက်ရှိနိုင်ကြောင်း သိရသည်။

ထိုသို့စိုက်ပျိုးရာတွင်    ပျိုးကိုင်းကို စိုက်ပျိုးလေ့ရှိပြီး   စတင်စိုက်ပျိုးချိန်တွင် နဂါးမောက်သီး အဖြူမျိုးအား   ဗီယက်နမ် နိုင်ငံမှ တင်သွင်းလာကာ     မျိုးခံစိုက်ခဲ့ပြီး အနီသီး အတွက် ထိုင်းနိုင်ငံမှ  မျိုးသွင်းယူခဲ့ကြောင်း သိရသည်။

မြန်မာနိုင်ငံ၌ နဂါးမောက်သီးကို  အဓိကအားဖြင့် ကျောက်ပန်းတောင်းမြို့၌ စိုက်ပျိုးကာ အများအားဖြင့်     ပြင်ဦးလွင်နှင့် အောင်ပန်းမြို့နယ်တို့၌    စိုက်ပျိုးလေ့ရှိ သည်။

နဂါးမောက်သည် ကျန်းမာရေးအတွက် အလွန်ကောင်းမွန်ပြီး   ချိုသောအရသာရှိသည့် သီးနှံဖြစ်သော်လည်း ဆီးချိုရောဂါသည်များ၊ ကင်ဆာရောဂါသည်များ စားသုံးနိုင်သည်။   နဂါးမောက်သီး အနီသီးမှာ  အရောင်လှပသည့်အပြင် လတ်ဆတ်ချိန်တွင် အဖြူသီးထက်   ပိုချိုသော်လည်း အသီးများ နွမ်းချိန်တွင် အဖြူသီးမှာ ပိုချိုသည်။  အဖြူသီး၏ အရသာမှာ  ချဉ်ချိုဖြစ်ကာ  အနီသီးမှာ    အများအားဖြင့် ချိုလေ့ရှိကာ အချိုပေါ့ပါက  စိမ့်သည့်အရသာရှိပြီး ကျောက်ကျော၊ ကိတ် မုန့်၊ ဖျော်ရည်နှင့် ဝိုင်များပြုလုပ်ပါက အနီသီးမှာ အရောင်လှသည့်အတွက်   ပိုမိုအသုံးပြုလေ့ ရှိကြသည်။နဂါးမောက်သီးမှာ လတ်တလောတွင်  ပေါများစွာထွက်ရှိနေ သည့်အတွက် ဈေးနှုန်းကျဆင်းမှုများရှိနေ ကာ ရန်ကုန်ဈေးကွက်တွင် တစ်လုံးလျှင် ငွေကျပ် ၅ဝဝ  ခန့်အထိ ဈေးနှုန်းကျဆင်းလျက်ရှိသည်။

''ပြည်ပကဝင်နေတဲ့ အသီးတွေနဲ့ ဈေးနှုန်းက ကွာနေတယ်။ဈေးကွက်က  ဒီအတိုင်းဆို  စိုက်တဲ့အရင်းတောင် ပြန်ရနိုင်မယ် မထင်ဘူး။  နှစ်ရှည်သီးနှံဖြစ်တဲ့အတွက်   ကုန်ကျစရိတ် ကများပါတယ်။ ပြီးခဲ့တဲ့လေးနှစ်လောက်က စိုက်တဲ့စိုက်ခင်းတွေက ဒီနှစ်မှ အထွက် နှုန်းတွေကောင်းနေလို့  ဈေးကျနေတာပါ'' ဟု နဂါးမောက်စိုက်ပျိုးသူ ဦးမျိုးကျော်က ပြောသည်။

နဂါးမောက်ကို ဝိုင်အဖြစ်လည်း ပြုလုပ်နိုင်သည်။ ဝိုင်ပြုလုပ်နည်းမှာ အနီသီးကီလို ၂ဝ ၊  အဖြူသီး ငါးကီလို၊ သကြားညိုမရလျှင် အဖြူတစ်ကီလို၊ ရိုးရိုးရေ  နှစ်လီတာ၊ ၂၅ ပုလင်းဝင်စဥ့်အိုးတစ်လုံး၊ ရိ့စ်နှင့် သကြား တစ်ကီလိုကျိုပြီး   စဥ့်အိုးထဲထည့်ရမည်။ ထို့နောက်  အေးသည့်အချိန်တွင် လက်အိတ်စွပ်ပြီး  နဂါးမောက်သီးအခွံခွာ၍  ဖျစ်ပြီး အိုးထဲထည့်ကာ ရိ့စ်ကိုထည့်မွှေပြီး လေလုံအောင်ပိတ်ထားရမည်။   ပြီးလျှင်   နှစ်ရက် တစ်ခါမွှေပြီး အေး၍နေရိပ်သော နေရာတွင် ထားရမည်ဖြစ်ကာ  သုံးလခန့်တွင် အပေါ်ယံရှပ်ပြီး ခပ်ရမည်။  အနည်များ စစ်ထုတ်ရမည်ဖြစ်ပြီး တစ်နှစ်ကျော်သည်အထိ ထွက်ရှိသော အနည်များကို ခပ်ပစ်ရမည်။

နဂါးမောက်အနီသီးမှာ အစားအစာများ  အတွက်  သဘာဝဆိုးဆေးအဖြစ်  အသုံးပြုလေ့ရှိရာ  ဈေးကွက်မရှိသည့်   အသီးသေးများကို ဝယ်လက်များက ဝယ်ယူ၍ ဆိုးဆေးအဖြစ် အသုံးပြုလေ့ရှိကြသည်။

''ဈေးကွက်မရှိတဲ့ နဂါးမောက်သီး အသီး သေးတွေကို ဝယ်ပြီးတော့ အစားအစာတွေမှာ ဆိုးဆေးအဖြစ်  သုံးတယ်လို့သိရတယ်။ ဆိုးဆေးဆိုတာက အစားအသောက်တစ်ခုခု ထဲမှာထည့်တော့  လူစားတဲ့အခါ အန္တရာယ် မဖြစ်တဲ့ ဆိုးဆေးကိုသုံးရပါတယ်။ အဲဒီတော့ ပြဿနာမရှိဘူးပေါ့။ ဘယ်အစားအသောက် ထဲမှာသုံးတယ်ဆိုတာ သူ့လျှို့ဝှက်ချက်ဆိုတော့ ကျွန်တော်တို့လည်းမသိဘူးပေါ့''  ဟု ဦးတင်အောင်မိုးကပြောသည်။

ထို့ပြင် စတင်စိုက်ပျိုးချိန်မှ အပင်သုံးနှစ်သားသို့ ရောက်ရှိချိန်တွင် တစ်နိုင်ငံလုံး     အတိုင်းအတာဖြင့် နဂါးမောက်သီးထွက်ရှိချိန်ဖြစ်သည့်  သြဂုတ်လတွင် ဈေးကျပြီး လွှင့်ပစ်ရပြီဟု ထင်ခဲ့သော်လည်း ဝယ်လက်များ  တဖြည်းဖြည်း ဝယ်လိုအား တက်လာ သည့်အပြင်  မျိုးများကိုပါ ဝယ်ယူသူများ ရှိလာသည့်အတွက်  အဆင်ပြေမှု ရှိလာကြောင်း သိရသည်။

နဂါးမောက်သီးသည်   စတင်စိုက်ပျိုးချိန်က တိုင်ဖိုး၊ ပျိုးပင်ဖိုးနှင့်   စိုက်စရိတ် များကုန်ကျသော်လည်း   နောင်နှစ်များတွင်  ရေနှင့်  မြေသြဇာဖိုးများသာ ကုန်ကျမည်  ဖြစ်၍ ဝင်ငွေကောင်းမွန်သည့် သီးနှံတစ်မျိုး ဖြစ်ပြီး  စတင်စိုက်ပျိုးချိန်မှ  နှစ်နှစ်ကြာမြင့် ချိန်တွင်  အရင်းကြေနိုင်သော သီးနှံပင်တစ်မျိုးဖြစ်သည်။

ထို့ပြင် တစ်ဧကလျှင် ငွေကျပ် သိန်း ၁ဝဝ ခန့်အထိ  ဝင်ငွေရှိနေသည့် သီးနှံပင် တစ်မျိုးဖြစ်သည်။ သို့ဖြစ်၍ ပြည်တွင်း၌  သီးနှံပေါ်ချိန်တွင် ပြည်ပမှ ဝင်ရောက်မှုများ   အား ကန့်သတ်ပေးခြင်း၊ မျိုးများ၊ တန်ဖိုးမြင့် ထုတ်ကုန်များထုတ်လုပ်နိုင်ရန်   နည်းပညာ  လိုအပ်ချက်များကို  ဖြည့်ဆည်းပေးခြင်း၊  ပြည်ပဝယ်လက်များနှင့် ချိတ်ဆက်ပေးခြင်း များ  စသည်တို့ကို နိုင်ငံတော်က ဖြည့်ဆည်း ပေးခြင်းဖြင့် တောင်သူများ  ဝင်ငွေတိုးစေရန် နှင့်  ပြည်တွင်း၌    နဂါးမောက်သီးစိုက်ပျိုးရေး ဖြစ်ထွန်းစေရန် ဆောင်ရွက်ပေးသင့်ပါကြောင်း     ရေးသား တင်ပြလိုက်ရပါ သည်။                     

Read 708 times Last modified on Thursday, 10 August 2017 09:12