မကွေး ဒီဇင်ဘာ ၁၃
မကွေးတိုင်းဒေသကြီးအတွင်း တောင်သူများ လယ်ယာကဏ္ဍ၌ အသုံးပြုနေသည့် ကျွဲ၊ နွားများတွင် လည်ချောင်းကွဲရောဂါ မဖြစ်စေရေးအတွက် ၂ဝ၂ဝ-၂ဝ၂၁ ဘဏ္ဍာနှစ် ပထမသုံးလပတ်တွင် ကျွဲ၊ နွားများအား ကာကွယ်ဆေး ထိုးနှံပေးလျက်ရှိကြောင်းတိုင်းဒေသကြီး မွေးမြူရေးနှင့် ကုသရေးဦးစီးဌာန ညွှန်ကြားရေးမှူး ဒေါက်တာမောင်မောင်စိုးဦးထံမှ သိရသည်။
၂ဝ၂ဝ-၂ဝ၂၁ ဘဏ္ဍာနှစ်အတွင်း ကျွဲ၊ နွား လည်ချောင်းကွဲရောဂါ ကာကွယ်ဆေးကို သုံးလတစ်ကြိမ်ဖြင့် ထိုးနှံပေးခြင်းဖြစ်သည်။
ကျွဲ၊ နွား လည်ချောင်းကွဲရောဂါ ကာကွယ်ဆေးကို ၂ဝ၂ဝ-၂ဝ၂၁ ဘဏ္ဍာနှစ် အောက်တိုဘာတွင် ကျွဲ၊ နွားကောင်ရေ ၃၉၅ဝ နှင့် နိုဝင်ဘာတွင် ကျွဲ၊ နွားကောင်ရေ ၄ဝ၅ဝ ကို ထိုးနှံပေးပြီး ယခုဒီဇင်ဘာတွင် ကျွဲ၊ နွားကောင်ရေ ၄၄ဝဝ ကို ထိုးနှံပေးမည် ဖြစ်ကြောင်း သိရသည်။