SJ WorldNews - шаблон joomla Авто

ဥပဒေ အမိန့်နှင့် ညွှန်ကြားချက်

Friday, 18 August 2017 09:53 Written by  font size decrease font size decrease font size increase font size increase font size

မေးခွန်း''ဆရာရေးတဲ့ဆောင်းပါးတွေ  ဖတ်ရတယ်။ ဥပဒေကို လွယ်လွယ်ရေးပြလို့ စိတ်ဝင်စားပါတယ်။ ခက်ခဲနက်နဲတဲ့  ဥပဒေဘာသာရပ် အတွက်  အသေးစိတ်မသိချင်ပါဘူး။

ဒါ ပေမဲ့ ဥပဒေ ဆိုတာဘာလဲ။ အမိန့်ဆိုတာဘာလဲ။ ညွှန်ကြားချက်ဆိုတာဘာလဲ။ လိုတိုရှင်း အဓိ ပ္ပာယ် သိချင်ပါတယ်။ ဘာတွေ ကွာခြားသလဲ။   နည်းနည်းပါးပါးသိရရင်ကျေနပ်ပါပြီ''ဟု ထို မိတ်ဆွေ က ဆိုပါသည်။

ထို့ကြောင့်ကျွန်တော်ဥပဒေသင်တန်းသား အရာရှိ အဖြစ် ဖောင်ကြီး ဗဟိုပြည်သူ့ ဝန်ထမ်း ကျောင်းတက်ရောက်ခဲ့စဉ်က  ရေးမှတ်ခဲ့ သော ဥပဒေမှတ်စုမှ ကောက်နုတ်တင်ပြ လိုက်ပါ သည်။

မိတ်ဆွေ၏မေးခွန်းကို အကျဉ်းမျှဖြေဆိုခြင်းလည်းဖြစ်ပါသည်။တရားဥပဒေဆိုသည့်စကားရပ်သာမန် အားဖြင့် ဥပဒေ၊ တရားဥပဒေ ဆိုသည့်စကားရပ်တွင်အက်ဥပဒေ၊ တစ်ချက် လွှတ် ဥပဒေ၊ တရားဥပဒေကဲ့သို့  အကျိုးသက်ရောက်သော နည်းဥပဒေ၊ စည်းမျဉ်းဥပဒေ၊ စည်း ကမ်းဥပဒေ၊ အမိန့်စသည်များ ပါဝင်သည်။ယင်းဥပဒေ၊ အမိန့်နှင့် ညွှန်ကြား ချက် အမျိုးအစားများ မှာ အောက် ပါ အတိုင်းဖြစ်ပါသည်-

(က)   အမိန့်ကြေညာချက် (Proclamation)

(ခ)     တစ်ချက်လွှတ်ဥပဒေ (Ordinance)

(ဂ)     အက်ဥပဒေ (Act)

(ဃ)   ဥပဒေ (Law)

(င)     နည်းဥပဒေ (Rules)

(စ)     စည်းမျဉ်းဥပဒေ (Rules)

(ဆ)   စည်းကမ်းဥပဒေ Regulations)

(ဇ)     ဆုံးဖြတ်ချက် (Resolutions)

(ဈ)    အမိန့်ဆင့်ဆိုချက်((Directions)

(ည)   ညွှန်ကြားလွှာ (Directive)

(ဋ)     ညွှန်ကြားချက်(Instruction)

(ဌ)     ဆာကြူလာ(Circular)

(ဍ)     အမိန့်ကြော်ငြာစာ (Notifi cation)

(ဎ)     အမိန့်စာ၊ အမိန့်(Order)

(ဏ)   လက်စွဲဥပဒေ(Manual) အမိန့်ကြေညာချက်သာမန်အမိန့်မျိုးမဟုတ်ဘဲ နိုင်ငံ၏အကြီးအကဲကထုတ်ရသော အမိန့်ကြေညာချက်မျိုးဖြစ်သည်။  ဝန်ကြီးများခန့်ထားခြင်း၊ တရား သူကြီး များခန့် ထားခြင်း စသောကိစ္စများတွင်သုံးသည်။

တစ်ချက် လွှတ်ဥပဒေပါလီမန် လက်ထက်ကစ၍ အရေးပေါ်လတ်တလော လိုအပ်သော ကိစ္စများတွင် တစ်ချက်လွှတ်ဥပဒေ  ထုတ်ပြန်လေ့ရှိသည်။ တော်လှန်ရေးကောင်စီလက်ထက်တွင် ၁၉၆၃ခုနှစ် ဘဏ် လုပ်ငန်းနိုင်ငံပိုင်ပြုလုပ်ရေး တစ်ချက်လွှတ်ဥပဒေ(၁/၁၉၆၃) ထုတ်ပြန် ခဲ့ဖူးသည်။

အက်ဥပဒေပါလီမန်ခေတ်    ပါလီမန်ဥပဒေပြုလွှတ်တော်မှပြဋ္ဌာန်းခဲ့သော  ဥပဒေများ (၁၉၆၂ မတိုင်မီက ရှိခဲ့သော ဥပဒေများကို အက်ဥပဒေများဟုခေါ်သည်)  တစ်နည်း အားဖြင့်  ပါလီမန် ကပြု သော ဥပဒေများကို  အက်ဥပဒေဟု ခေါ်သည်။

ဥပဒေဥပဒေပြုအာဏာရှိသော အဖွဲ့အစည်းက (ဥပမာ၊ ပြည်သူ့လွှတ်တော်)ပြုသောဥပ ဒေများ ကို ဥပဒေဟုခေါ်သည်။နည်းဥပဒေတစ်ဆင့်ခံဥပဒေဖြစ်သည်။ အက်ဥပဒေ သို့မဟုတ်  ဥပဒေ ကအာဏာအပ်နှင်း သောအခါမှသာ နည်းဥပဒေကို ပြဋ္ဌာန်းနိုင်သည်။  များသော အားဖြင့် အုပ်ချုပ်ရေးအာဏာပိုင်များသို့ နည်းဥပဒေပြုနိုင်သော အာဏာအပ်နှင်းလေ့ရှိသည်။ နည်းဥပဒေသည် ဥပဒေပါရည်ရွယ်ချက်များ အကောင်အထည်ဖော်သော နည်းလမ်း များဟု ခေါ်နိုင်သည်။

စည်းမျဉ်းဥပဒေစည်းမျဉ်းဥပဒေတွင် ဖွဲ့စည်းအုပ်ချုပ် ပုံဥပဒေအရပြုသောစည်းမျဉ်း ဥပဒေ နှင့်အက်ဥပဒေ သို့မဟုတ် ဥပဒေအရပြုသောစည်းကမ်းဥပဒေဟူ၍ နှစ်မျိုးနှစ်စားရှိသည်။

စည်းကမ်းဥပဒေတစ်ဆင့်ခံဥပဒေဖြစ်သည်။  ဥပဒေ သို့မဟုတ် အက်ဥပဒေကအာဏာအပ်နှင်း ထားမှသာလျှင် ပြုပိုင်ခွင့်ရသည်။ ရှေးအခါက ဘိုင်လောဟုခေါ်သည်။  မြူနီစီပယ်အဖွဲ့၊ မီးရ ထားအဖွဲ့အစည်းတို့က ထုတ်ပြန်လေ့ရှိသည်။  ပင်မဥပဒေမှပေါက်ဖွားလာသော ဥပဒေတစ် ရပ်ဖြစ်သည်။

ဥပဒေကဲ့သို့ အာဏာရှိသည်။ဆုံးဖြတ်ချက်ဆုံးဖြတ်ချက်ဆိုသည်မှာ မညီမညွတ်မှုတစ်ရပ်ကို ညီ ညွတ်အောင်အများသဘောဖြင့် ဆုံးဖြတ်ခြင်းကိုဆိုသည်။ သံသယမကင်းသည့်ကိစ္စ၊ ပြဿနာ ပေါ် သည့် ကိစ္စစသည်တို့ကို ဖြေရှင်းခြင်းလည်းဖြစ်သည်။

အမိန့်ဆင့်ဆိုချက်မိန့်ဆင့်ဆိုချက်မျာသည် များသောအားဖြင့် တစ်ဆင့်ခံဥပဒေမဟုတ်သောကြောင့် ဥပဒေကဲ့သို့ အာဏာမရှိပေ။အက် ဥပဒေ သို့မဟုတ်  ဥပဒေအရ အာဏာ အပ်နှင်း သည့်အပြင် တိကျစွာ ဥပဒေကဲ့သို့ အာဏာတည်နိုင်မည်။ အဆိုအမိန့်ဆင့်ဆို ချက်များ ဟုဖော်ပြမှသာ   ဥပဒေကဲ့သို့ အာဏာတည်နိုင်မည်။ အဆိုအမိန့်ဆင့်ဆိုချက်များသည် ဥပဒေကို အဓိ ပ္ပာယ် ဖွင့်ဆိုပြီး အချို့သည် အစိုးရ၏မူဝါဒများကို ဖော်ပြတတ်သည်။အချို့မှာမူ ဥပဒေ အားလက်တွေ့အကောင်အထည်ဖော်မည့် အုပ်ချုပ်ရေးဝန်ထမ်းများအား လမ်းညွှန် သော နည်းလမ်း များပါ ရှိသည်။

ညွှန်ကြားလွှာ တပ်မတော်ဘက်တွင်  အသုံးပြုသည့် ညွှန်ကြားလွှာမျိုးဖြစ်သည်။ တစ်ဆင့်ခံဥပဒေမဟုတ်။ ဥပဒေထက်အဆင့်နိမ့်သည်။ သို့သော် ဥပဒေတစ်ခုခုအရ ထုတ်သော ညွှန်ကြား လွှာမှာ   ဥပဒေကဲ့သို့ အာဏာတည် သည်။ လမ်းညွှန်သဘောအရ ရုံး သို့မဟုတ် ဌာနအ တွင်းလိုက်နာရန် ကျင့်ထုံးမျိုးသာဖြစ်သည်။

ညွှန်ကြားချက် ဝန်ကြီးဌာနက အုပ်ချုပ်ရေးဆိုင်ရာကိစ္စများနှင့်စပ်လျဉ်း၍ လက်အောက်ဌာနများအနေနှင့်သိစေလိုသောအခါ  ညွှန်ကြားချက်ထုတ်ပြန်လေ့ရှိသည်။ အချို့မှာ အမှာစာဖြင့်၊ အချို့ မှာ ဆာကြူ လာဖြင့်၊ အချို့မှာညွှန်ကြားချက်ဟု ခေါင်းစဉ်တပ်၍ ရေးလေ့ရှိသည်။

ဆာကြူလာဝန်ကြီးဌာနသည် လက်အောက်ခံဌာနများသို့ ဥပဒေပါအချက်အလက်များကို ရှင်းလင်း သောအခါတွင်  ဆာကြူလာနှင့်ရှင်းလင်းလေ့ရှိသည်။ ဆာကြူလာသည် သာမန်အုပ ချုပ်ရေး သဘောညွှန်ကြားခြင်းမျိုးမဟုတ်။ ဥပဒေကဲ့သို့ အာဏာရှိသည်။ ဥပဒေတွင်လည်း ဆာကြူလာလုပ်ပိုင်ခွင့်အာဏာပေးထားရန် လိုအပ်သည်။ ဌာနတွင်း လိုက်နာရန်ဆာကြူ လာ နှင့်  ဌာနများ ကလိုက်နာရန်ဆာကြူလာဟု ခွဲခြားထားသည်။

အမိန့်ကြော်ငြာ စာဝန်ထမ်းများအားခန့်ထားခြင်း၊ ထုတ်ပယ်ခြင်း၊ ခွင့်သွားခြင်း၊ ရာထူးတိုးခြင်း၊ ပြောင်းရွှေ့ခြင်း၊ အလုပ်လက်ခံခြင်း စသည်များကို အမိန့်ကြော်ငြာစာဖြင့်သာ ထုတ်ပြန်လေ့ရှိ သည်။ အချို့ဥပဒေများစတင်အာဏာတည်သောနေ့၊ နည်းဥပဒေများ၊ စည်းမျဉ်းဥပဒေ၊  အမိန့် စသည်များကို ပြဋ္ဌာန်းသောအခါတွင်လည်း အမိန့်ကြော်ငြာစာကိုသုံးလေ့ရှိသည်။ပြင်ဆင်၊ ဖြည့် စွက်၊ ရုပ်သိမ်းသော အခါတွင်လည်း အမိန့်ကြော်ငြာစာဖြင့်ပင် ထုတ်ပြန် လေ့ရှိသည်။

ဥပဒေ၏ သဘောဥပဒေ၏ သဘောကိုခြုံငုံသိရှိစေရန် ရည်ရွယ်ပါသည်။ ရပ်ရွာအေးချမ်း သာယာရေးနှင့် တရား ဥပဒေစိုးမိုးရေး အတွက် ပြည်သူများ၏ကျရာတာဝန်ကို ကျေပွန် စေရ မည်ဖြစ် သည်။ ဥပဒေ၏ရည်ရွယ်ချက်၊ ဥပဒေ၏အဓိပ္ပာယ်၊ ဥပဒေနှင့်စည်းကမ်း၊ ဥပဒေနှင့် အကျိုး ခံစားခွင့်၊ ဥပဒေနှင့်ပြောင်းလဲ တတ်သောသဘော၊ လက်တွေ့ဘဝနှင့် ဥပဒေ စသည်များ ဆက်နွှယ် မှုကို သိရှိ စေလိုသည်။ ရာဇဝတ်နှင့်တရားမရာဇဝတ်မှုနှင့်တရားမ မတူညီပုံ၊နစ်နာဆုံးရှုံးမှုကွာခြားပုံ၊ စီရင်ပိုင်ခွင့် များ ခွဲခြားကျင့်သုံးပုံများကိုလည်း တစ်ဆင့်တက်၍ လေ့လာ ဆည်းပူးသင့် ပါ သည်။

တင်ပြအကြံပြုချက်တတ်စွမ်းသမျှ ရှင်းရှင်းလင်းလင်းဖြစ်အောင်ကြိုးပမ်းတင်ပြပါသည်။ ဥပဒေစကားလုံးများ၊ ပြဋ္ဌာန်းချက်မူရင်းများကို စာရေးသူက ပြင်ရန်မဖြစ်နိုင်ပါ။ ပြဋ္ဌာန်းချက်များကိုအများ နား လည်အောင်သာ ဥပမာများပေး၍ တင်ပြနိုင်ပါမည်။ မရှင်းသည်များရှင်းအောင်၊ ခက်သည်များ လွယ်အောင် စေတနာမွန်ဖြင့် ဆက်လက် တင်ပြရေးသား သွားမည်ဖြစ်ပါ ကြောင်း။  

Read 774 times
Rate this item
(0 votes)
Last modified on Friday, 18 August 2017 10:00

Latest from ညောင်ရမ်း