SJ WorldNews - шаблон joomla Авто

ကလေးသူငယ် အနာဂတ်လှပစွာရှင်သန်ခွင့် မြေတောင်မြှောက်ကာ မြှင့်တင်ကြရာဝယ်

Wednesday, 23 October 2019 10:27 Written by  font size decrease font size decrease font size increase font size increase font size

 ကလေးအတွေးကိုလည်း အသိအမှတ်ပြုသင့်၏။ တစ်ခါတစ်ရံ  သူတို့၏စကားလေးများသည် အရွယ်နှင့်မမျှအောင် ကြီးကျယ်တတ်၏။  မျက်ကွယ်မပြုသင့်။

စာပေဂီတသီချင်းပုံပြင်ကဲ့သို့ သိမှတ်ဖွယ်ကလေးအတွက် မြတ်နိုး စရာများ သရုပ်သကန်ဖြင့် နည်းလမ်းပေးသင့် . . .

စိုးရိမ်သောကလွန်ခေတ်ဟု ကင်ပွန်းတပ်ရမလိုဖြစ်နေသော ကမာ့ လူ့အဖွဲ့အစည်းတွင် ကလေးသူငယ် များအရေး လည်း ပါဝင်ပေသည်။ ထို့ကြောင့် မြန်မာ နိုင်ငံရော နိုင်ငံတကာပါ ကလေးသူငယ်အခွင့်အရေး ကိစ၊ ကာကွယ်ရေး၊ ပျိုးထောင် ရေး၊ အေးချမ်းပျော်ရွှင်ရေး၊ လူမှုဝန်းကျင်ကောင်းဖန်တီးရေး၊ သောကကင်းဝေးနေထိုင် ခွင့်ရရှိရေးအတွက် ဘက်စုံပျိုး ထောင်ဖို့ အားထုတ် လျက်ရှိပေသည်။  ကျွန်တော်တို့ နိုင်ငံတွင်  သတိကြီးစွာ ထားကာ  ဆောင်ကြဉ်းပေး မှုများက အနား မသတ်နိုင်။ ခေတ်သုံးဝေါဟာရအသစ်များ ကလေး သူငယ်နှင့်စပ်လျဉ်းပေါ်ပေါက်ပေသည်။ ရင်ခွင်မဲ့ ကလေး၊ ဘာသာပြန်ပင် ကောင်းစွာ မပြုလုပ်ရသေးသော Single Mother စသည်တို့ဖြစ်၏။ မကြားစဖူး၊ မကြုံစဖူး ဖြစ်ပျက်မှုတွေက မြန်မာ့ စရိုက် လကဏာ နှင့်ဟပ်စပ်မှု မရှိအောင်ဖြစ်နေသည်။ သောကတွေ၊ စိုးရိမ်စိတ်တွေက ရင်သွေး ဆည်းလည်း ကလေးငယ် များအတွက်   ရတက်မအေးအောင်ဖြစ်ရသည်။ ဘ၀လုံခြုံရေး (Life Security) ကိစမှာလည်း အချို့ သတင်းများက စိတ်မသက်သာစရာ ကြားသိရပေသည်။

ယခုကဲ့သို့  လျင်မြန်လှသည့်  မီဒီယာခေတ်တွင် ဖြစ်ပျက်မှု သတင်းဆိုးတွေ ပျံ့နှံ့မှု လွယ်လွန်းပေရာ ကြားရချက် နားမ သက်သာ အောင်ရှိရလေသည်။ ဖွံ့ဖြိုးမှုလမ်းကြောင်းခေတ်သစ်တွင်နမူနာဆိုးပုံရိပ် တွေက တွန်းပို့သည်နှင့် တူနေ သည်။ အတွေးအဆ ပြောင်းရာ၌ အလွှာစုံအရွယ်စုံတို့သည် မကြားဝံ့မနာသာ သက်ငယ် မုဒိမ်းမှုမျိုး၊ သတင်းဆိုးတွေ ကြောင့် အုပ်ချုပ်ရေးယန်္တရား၊ ဥပဒေလမ်းကြောင်း လူမှုပုံရိပ်တွေဖြင့်  ဆောင်ကြဉ်းကြရဆဲဖြစ်လေသည်။

လူကြီးသူမများက ပျိုးထောင်မြေတောင်မြှောက်ကာ မြှင့်တင်မှ နေရာကျမည့် ကလေးတို့၏ အနာဂတ်သည် နိုင်ငံနှင့် ၀န်းကျင်၊ ဆွေမျိုးသင်္ဂဟအတွက် နေရာကျပေသည်။ ထို့ကြောင့် လျစ်လျူမရှုအပ်သည့်အကြောင်းတွေများစွာရှိပေသည်။ ကလေးဘ၀ ဇာစ်မြစ်နှင့်ရေခံမြေခံကို နားလည်ဖို့လို၏။ ထို့ပြင် ကလေးအတွေးကိုလည်း အသိအမှတ်ပြုသင့်၏။

တစ်ခါတစ်ရံသူတို့၏စကားလေးများသည် အရွယ် နှင့်မမျှအောင် ကြီးကျယ်တတ်၏။ မျက်ကွယ်မပြုသင့်။ ဟာသဆန် တတ် သော်လည်း အတွေးအခေါ် သက်ဝင်ကာ စဉ်းစားဆင်ခြင်ဖွယ်ပင် ဖြစ်နေသေး၏။

ရှေးစကားတစ်ခုရှိ၏။ မြွေပွေးကို ငယ်သည်ဟု အလမာယ်မပြနှင့် ကလေးကိုငယ်သည်ဟု  အလေး မထားမပြုသင့် ဆိုသည့် သဘောဖြစ်၏။ မြွေပွေးသည် ငယ်သော်လည်း မာန်စွယ်ထကာ ဒုကပေးနိုင်၏။ ကလေးကို ငယ်သည်ဟု အမှတ်မထင် ပြောဆို ဆက်ဆံ ခြင်းသည် အရှက်ရနိုင်၏။  ကလေးရှိသောမိသားစုတိုင်းတွင်  မှတ်လောက်သားလောက် ထူးဆန်း သည့်  စကားများကြားရတတ်သည်ဟု ယူဆနိုင်ပေသည်။  

ပြီးခဲ့သည့် ခေတ်တစ်ခုကဖြစ်၏။ ငွေရှား ပစည်းရှားပါးသော  ဇနီးမောင်နှံတွင် သားငယ်လေးရှိ၏။  ၀လင်စွာ စားသုံးခွင့် အတွက် စိုးရိမ်ရသည့်ကာလ ဖြစ်၏။  ထိုအခါ  ဇနီးသည်က  ညည်းညူစကား ပြောကြားသည်ကို ခင်ပွန်းက စာတတ်ပေ တတ်ပီပီ ပြောလိုက်၏။ တို့ရဲ့မျိုးချစ်စာဆိုကြီး သခင်ကိုယ်တော်မှိုင်းက ပြောဖူးတယ်။ ထမင်းတစ်လုတ်အတွက် ထင်း ခုတ်စား ရင်တောင် ရပါတယ်ဟူ၍ ဖြစ်လေသည်။

ထိုစကားကို ကြားရသည့် အနီးရှိ ကလေးငယ်က သားတို့က ထမင်းတစ်လုတ်တည်းစားမှာမှ မဟုတ်တာ ဟူ၍ ချက်ချင်း ပြောလိုက်ပေသည်။ မညံ့လှသော အတွေးဟု ဆိုချင်၏။

အတုမြင်အတတ်သင် စူးစမ်းတတ်သောကလေး သူငယ်များကို တလွဲသဖြင့် ကျီစယ်လိုသောသဘောဖြင့် ကလေး များကို ဆဲရေး တိုင်းထွာပညာပေးခြင်း အမူအရာ မသင့်မြတ်မှုကို သင်တတ်ခြင်းဖြစ်၏။

ရယ်ရွှင်ဖွယ်ဟာသ သဘောမထားသင့်။ တစ်ခဏ လုပ်ရပ်သည် မကောင်းမှု၌ စွဲမြဲတတ်ပေသည်။ စာရေးသူ ကိုယ်တိုင် ၀န်ခံချင်၏။ ကျွမ်းဝင်သောမိတ်ဆွေ၏ သားကလေးကို ဆဲရေးပညာ တစ်ခွန်းတစ်ကျပ်ချီးမြှင့်ကာ ကျီစယ်ဖူး၏။ မပြော သာသည့် မိဘတွေကို အားနာရမှန်းမသိ။ ယခုတော့ သားသမီးတွေ မြေးတွေ ပွားစီးကာမှ နားလည်ရပါတော့သည်။

ကလေးသူငယ်များနှင့် ပတ်သက်၍ ဗီဇနှင့်ပတ်ဝန်း ကျင်သည် အတော်ပင်ပဓာနကျ၏။ ဗီဇကောင်းသော ကလေးငယ် ကို အခွင့် အလမ်းကောင်းဖြင့်ပျိုးထောင်ဖို့ ဖြစ်၏။ ဗီဇမကောင်းသော်လည်း ပတ်ဝန်းကျင် ကောင်းနှင့်ထိတွေ့ပါက အမြင်မှန်၊ အတွေးမှန်၊ အလုပ်မှန်ရနိုင် ပေရာ ထိတွေ့ခွင့်ပြုရန်သာရှိ၏။ စာရေးသူတို့ ငယ်စဉ်က ဘ၀များစွာ လုံခြုံ၏။ အိမ်နီး ချင်း ကောင်းတွေ ရှိကြသည်။ စိတ်ချရသည်။ လူကြီးတွေ မရှိချိန်တွင် ပတ်ဝန်းကျင်ကို  အပ်နှံထား၏။  ကလေးသူငယ် သာမက လူပျို၊ အပျိုတွေအထိဖြစ်၏။ မှဲ့တစ်ပေါက်မစွန်း သားသမီးရင်းချာပမာ စောင့်ရှောက်ကြ၏။ ယခုသော် သတင်းဆိုး တွေကြားရ၏။ ကလေးသူငယ်ဘ၀ မလုံခြုံ နိုင်အောင်ရှိလေသည်။ သက်ငယ်မုဒိမ်းမှုတို့၊ လုယက် မှုတို့ကြားရသည်။ မဖွယ်မရာကိစတွေက အများသား။ စိုးရိမ်သောက လွန်ခေတ်ဟု ကင်ပွန်းတပ်ခြင်းက ယွင်းမှား သည်ဟု မဆိုသာ။

ခြောက်ပြစ်ကင်းသဲလဲစင် မဟုတ်သော ကလေး သူငယ်များ အမှားအယွင်းကျူးလွန်တတ်ကြသည်။  ဆုံးမရ၏။ သို့သော် နည်းလမ်းမှန်ဖို့လို၏။ အကျိုးသင့် အကြောင်းသင့်ဖြစ် ဖို့လို၏။ ရိုက်နှက်သင့်က ရိုက်နှက် ကြ၏။ သို့သော် သတ္တ၀ါနှင့် လက်နက် မမျှအောင် ဆုံးမခြင်းက အထိနာစေ၏။ နာကျင်မှုမှ နာကျည်းမှု သို့ပြောင်းလဲနိုင်၏။ အမုန်းဖက်နိုင်သဖြင့် စာပေဂီတ သီချင်းပုံပြင်ကဲ့သို့ သိမှတ်ဖွယ်ကလေးအတွက် မြတ်နိုးစရာများ သရုပ်သကန်ဖြင့် နည်းလမ်းပေးသင့်လေ သည်။ ဒေါသရှေ့ထားသော မိဘတွေကြောင့် ကလေး သူငယ်များလမ်းမှားမရောက်စေသင့်။ အနာဂတ်၏ ကလေး တန်ဖိုးမြှင့် တင်ခြင်း၌   ခရီးပေါက်ဖို့လိုပေသည်။

ကလေးတို့၏သိချင်၊ တတ်ချင်၊ စူးစမ်းချင်စိတ်ကို ပျိုးထောင်ပေးမည်ဆိုသည့် စာရေးဆရာကြီး သိပ္ပံ မောင်ဝသည် သမီးငယ် ၏ မေးခွန်းများကို အတော်ပင် ဖြေရှင်းပြီး ထွက်ပေါက်ရှာရပုံကို ရေးသားဖူးသည်။

လူကြီးမိဘများ၏ စိတ်ရှည်သည်းခံမှုက အရေးပါမှုကို ညွှန်ပြပေသည်။ အတုမြင်အတတ်သင် တတ်သော ယင်းတို့၏ ဓ လေ့ကို နားလည်ကာ လမ်းပြပေးမှုလိုအပ်လေသည်။ ယခုနှစ်တွင် ကျရောက်သည့် ကမ်္ဘာကျော် အကြမ်းမဖက်ဝါဒ ရှင်ငြိမ်းချမ်းရေး သမားကြီး အိန်္ဒိယ နိုင်ငံက မဟ္တမဂန်္ဒီအကြောင်း သတိထားမိ၏။ သူ၏ မွေးဇာတိရွာတွင် နှစ်စဉ် ကျင်းပသည့် မွေးနေ့အတွက် ဂနီ်္ဒရုပ်ပုံလွှာပုံတူသရုပ်ဆောင်ခြင်းဖြစ်၏။ ကလေးငယ်များဖြစ်၏။ ဂန်္ဒီ၏၀တ်စား ဆင်ယင်မှု အမူအကျင့်၊ စိတ်ထား၊ လှုပ်ရှားမှုတို့ပါဝင်သည်။ တကယ်တော့ ရုပ်ခန်္ဓာတူခြင်းထက် မြင့်မြတ်သောစိတ်ဓာတ်၊ ကြင်နာမှု၊ နိုင်ငံကို ချစ်မြတ်နိုးမှု၊ တိုင်းရင်းဖြစ်ဝတ်စုံကို ခုံမင်မှုစသည်တို့ကို အလေးထားအတုယူစေလိုမှု ဖြစ်၏။ နိုင်ငံများစွာတွင် ယင်းဓလေ့မျိုး အတော်ပင် ဆောင်ကြဉ်းကြောင်းသိရပေ၏။ နမူနာကောင်းဖြစ်၏။ မူရင်းကောင်းမှ မ္တိူကောင်းသည် ဆိုသည့် ခေတ်စကား အသွင်ဖြစ်လေသည်။

မြေတောင်မြှောက်ကြရာတွင် ကလေးများသိရှိဖို့ လိုအပ်သည်ကို နားလည်အောင်အားထုတ်ပြီး ဖုံးကွယ် သင့်သည်ကို ဖုံးကွယ်သင့်၏။ နားလည်ခံစားခြင်းမှ အတုယူလက်တွေ့ကျင့်သုံးမှုကား အချည်းနှီးမဟုတ်ပါ။  ကမ်္ဘာကျော်သိပ္ပံ ပညာရှင် ကြီး သောမတ်အယ်ဒီဆင်သည် လျှပ်စစ်မီးသီးတီထွင်မှုဖြင့် ကျေးဇူးရှင်ကြီးအဖြစ် ထင်ရှား၏။ အခက်အခဲများစွာကြုံကာ ဆုံးရှုံးခဲ့မှုတွေ ဖြတ်သန်းရ၏။ သို့သော် ယင်းတို့ကို စုစည်းပြီး ခွန်အားအဖြစ် အသုံးချ၏။ အောင်မြင်မှုသရဖူဆောင်းခွင့် ရပါတော့သည်။ တကယ်တော့ ထူးကဲသူမဟုတ်။ သာမန်ဘ၀က တက်လှမ်းလာသူဖြစ်သည်။ ဆင်းရဲ နုံချာသော ဘ၀ မျိုး၌ မိခင်နှင့်အတူ ကြီးပြင်း၏။ ကျောင်းတက်စာသင်၏။ တစ်ရက်တွင် သူနှင့်အတူ ကျောင်းမှပေးလိုက်သော စာတစ်စောင် ပါလာ၏။

သူက စာမဖတ်တတ်သေး။ မိခင်ကိုဖတ်ခိုင်း၏။ ဆရာမ ရေးပေးလိုက်တာ သူတို့ကျောင်းမှာ မင်းလိုပညာဉဏ် ရည် ထက်မြက်သူကို စာသင်ပေးနိုင်စွမ်းမရှိလို့ မိခင်က သင်ပေးဖို့ရေးတာပါဟုဆို၏။ သို့ဖြင့် ကျောင်းမတက်ဘဲ မိခင်၏ သင်ကြားမှုခံယူ၏။ ကြိုးစားသဖြင့် စာပေတတ်ကျွမ်း၏။ တစ်ဆင့်တက်ကာ တီထွင်မှုပြုလုပ်သည်။ အောင်မြင်ပါ၏။ အချိန်ကျတော့မိခင် ကြီးကွယ်လွန်လေသည်။ တစ်နေ့တွင် မိခင်ကြီး  ကွယ်လွန်ပြီးကျန်ရစ်သည့် ပစည်းများကို ရှင်းလင်း၏။

ထိုအခါ ဗီရိုအံဆွဲ တစ်ခုအတွင်းမှ စာတစ်စောင်ကို တွေ့ရသည်။ ယင်းစာမှာသူ့ကိုငယ်စဉ်က ဆရာမပေး လိုက်သော စာဖြစ် သည်။ ဖတ်ကြည့်လိုက်ရာတွင် ဤကလေးသည် ဉဏ်ရည်ထုံထိုင်းလှသဖြင့် စာသင် ဖို့မဖြစ်နိုင်တော့ကြောင်း၊ အိမ်မှာပဲ ထားရန်ဖြစ်ပြီး ကျောင်းကထုတ်ပယ် ပစ်လိုက်ကြောင်းပါရှိပေသည်။ အယ်ဒီဆင်သည် သူ့ဘ၀အမှန် နားလည် သွား၏။ မိခင်ကြီး၏အမြော်အမြင်၊ ပျိုးထောင်မြေတောင်မြှောက် တတ်မှုကို နားလည်သွားသည်။ ဆရာမစာကြောင့် ဆူပူကြိမ်းမောင်း လျစ်လျူရှုလိုက်ပါက လူရာဝင်တော့ မည်မဟုတ်။ သို့ဖြစ်၍ ကလေးများကို နားလည်သင့် ၏။ ထိုသဘောကို ကလေးဘ၀ အလှဗေဒအတွက် စိတ်ပညာရှုထောင့်ဘ၀ဇာတ်လမ်းစုံတွေ ခင်းကျင်း သရုပ်ဖော်ပြီးကြပါပြီ။

ယနေ့ကာလသမယတွင် ဗီဇနှင့်ဝန်းကျင်ကောင်း ဆုံစည်းမိသဖြင့် ထက်မြက်ကျော်ကြားကလေးများကို တွေ့ကြရ ပေသည်။ တစ်ချိန်တည်းတွင် ကံဆိုးမိုးမှောင်ကျ ဘ၀မလှမပ။ မလုံခြုံသူတို့၏ဖြစ်ရပ်ဆိုးတွေ မီဒီယာစုံက ကြားသိရမှုက မချမ်းမြေ့စရာဖြစ်ရပါ၏။

သောကကင်းဝေးနေထိုင်ခွင့်ရရှိရေးနှင့် အနာဂတ် မျှော်လင့်ချက်၊ ပျိုးထောင်မှု၊ အခွင့်အလမ်းနှင့်အကာ အကွယ်ပေး မှုတွေ ပိုမိုဖွံ့ဖြိုးစေချင်ပေသည်။  

ဆောင်းပါးရှင်- ညွန့်ဟံ(ကြူတော)

Read 24 times
Rate this item
(0 votes)