SJ WorldNews - шаблон joomla Авто

စွန့်ပစ်ပစ္စည်း(အမှိုက်) အန္တရာယ် စုပေါင်းကာကွယ်

Thursday, 14 November 2019 10:11 Written by  font size decrease font size decrease font size increase font size increase font size

ကမ်္ဘာပေါ်တွင် နေ့စဉ်နေ့တိုင်း အမှိုက်တန်ချိန် ခြောက်သန်းကျော် စွန့်ပစ်လျက် ရှိကြောင်း၊ ယင်းတို့အနက် ၄၂ ရာခိုင်နှုန်းကျော်သာ ပြန်လည် သုံးစွဲကြပြီး ကျန် ၅၀ ရာခိုင်နှုန်းကျော်မှာ မြေကြီးထဲသို့လည်းကောင်း၊ ပင်လယ်သမုဒ္ဒရာ မြစ်ချောင်းအင်းအိုင်များထဲသို့ လည်းကောင်း၊ မီးရှို့ဖျက်ဆီးခြင်း၊ မီးလောင်ခြင်းတို့ကြောင့် အဆိပ်မီးခိုးများအဖြစ် လေထုအတွင်းသို့ ရောက်ရှိခြင်းဖြင့် လည်းကောင်း  နေ့စဉ်ပျံ့နှံ့ ရောက်ရှိသွားကြောင်း ထုတ်ပြန်ချက် တစ်ရပ်အရ သိရသည်။

နေ့စဉ်ထိုနှုန်းထားအတိုင်း စွန့်ပစ်ပစ္စည်းများ ထွက်ရှိနေပါက လစဉ်၊ နှစ်စဉ်တွင် အမှိုက်များ မည်မျှအထိ ထွက်ရှိပြီး ထိုထွက်ရှိမှုကြောင့် ပတ်ဝန်းကျင် ထိခိုက်ပြီး လူသားများအတွက် အန္တရာယ် အလွန်ကြီးကြောင်း တွက်ဆ၍ရသည်။

စွန့်ပစ်ပစ္စည်း(အမှိုက်) ဆိုသည်မှာ ““အသုံးမလို၍ စွန့်ပစ်လိုက်သော အစအန၊ အညစ်အကြေးများ””ဟု မြန်မာအဘိဓာန်တွင် ဖွင့်ဆိုသည်။ တစ်နည်းဆိုသော် လူတို့အသုံးမလို၍ စွန့်ပစ်သော အရာဝတ္ထုပစ္စည်း (အစိုင်အခဲ၊ အရည်၊ အငွေ့)အားလုံးကို အမှိုက်ဟု သတ်မှတ်သည်။ အမှိုက်ကို ခွဲခြားသတ်မှတ်ရာတွင် အသွင်အမျိုးမျိုး တွေ့ရသော်လည်း ပလတ်စတစ်နှင့် ပြုလုပ်ထားသော ပစ္စည်းမျိုးစုံ၊ စက္ကူနှင့် ပြုလုပ်ထားသော ပစ္စည်းမျိုးစုံ၊ မီးဖိုချောင်ထွက် ပစ္စည်းများ၊ ဟင်းသီးဟင်းရွက်နှင့် စားကြွင်းစားကျန်မျိုးစုံ၊ သံနှင့်သံထည်ပစ္စည်းမျိုးစုံ၊ အ၀တ်အထည်နှင့် အထည်ဖြတ်စမျိုးစုံ၊ သစ်သား၊ ၀ါးနှင့် သစ်သားဝါးဖြတ်စမျိုးစုံ၊ အသုံးမလိုသော လျှပ်စစ်ပစ္စည်းမျိုးစုံ ဟူ၍တွေ့ရပြီး ယင်းတို့အနက်ပလတ်စတစ်စွန့်ပစ်ပစ္စည်းမျိုးစုံမှာ အန္တရာယ်အပေးဆုံးဖြစ်သည်။

လူတို့အသုံးပြုနေသော ပလတ်စတစ်ကို ဓာတုပစ်္စည်းအမျိုးမျိုး ရောနှောအသုံးပြု၍ အသင့်သုံးကုန်ချောအဖြစ် ထုတ်လုပ်သည်။ လက်ရှိပြောင်းလဲလာသော လူနေမှုစနစ်အရ တစ်ခါသုံး ပလတ်စတစ်ပစ္စည်းများနှင့် အသင့်စားစားသောက်ကုန် ထုပ်ပိုးပလတ်စတစ်ပစ္စည်း

များမှာ တွင်ကျယ်လျက်ရှိပြီး   ထိုသို့တွင်ကျယ်လာမှုက အန်္တရာယ်ကို ဖိတ်ခေါ်သလိုရှိသည်။ ပလတ်စတစ်နှင့် ထုပ်ပိုးထားသော စားသောက်ကုန်ပစ္စည်းများကို စားသုံးပါက ကင်ဆာရောဂါ၊နှလုံး၊ သွေးကြောနှင့် အသက်ရှူလမ်းကြောင်းများ ထိခိုက်ပျက်စီးခြင်း၊ ကလေးများ ဉဏ်ရည်ဖွံ့ဖြိုးမှုကို ထိခိုက်စေခြင်း၊ မျိုးဆက်ပြန့်ပွားမှုစနစ် ထိခိုက်စေခြင်း စသည်တို့ ဖြစ်ပွားတတ်သည်။ ယခင်က  ထုပ်ပိုးခွံများသည်ပလတ်စတစ်မဟုတ်ဘဲ  မြေကြီးထဲ ရောက်သွားပါက အလျင်အမြန် ပျက်စီးလွယ်သော်လည်း ပလတ်စတစ်မှာမူ နှစ်ကာလများစွာကြာမှ ပျက်စီးခြင်းသို့ ရောက်သည်။

ပလတ်စတစ်အမှိုက်များအလိုက် ဆွေးမြည့်ပျက်စီးရန် ကြာချိန်ကို သုတေသနပြုခန့်မှန်း တွက်ချက်ရာ၌ သာမန်ပလတ်စတစ် ပစ္စည်းများ နှစ် ၅၀ မှ ၈၀ ထိ၊ ပလတ်စတစ်ပုလင်း နှစ် ၅၀၀၊ ပလတ်စတစ်အိတ် (ကြွပ်ကြွပ်အိတ်)နှစ် ၂၀၀ မှ ၁၀၀၀ ကြားဟူ၍ တွေ့ရသည်။ ပလတ်စတစ်အမှိုက်များ အပါအ၀င် စွန့်ပစ္စည်း အမျိုးမျိုးကြောင့် သဘာဝ ပတ်ဝန်းကျင်ထိခိုက်မှုအဖြစ် အနံ့ဆိုးထွက်ခြင်း၊ ကူးစက်ရောဂါပြန့်ပွားခြင်း၊ မီသိန်းဓာတ်ငွေ့ထွက်၍ မီးလောင်လွယ်ခြင်း၊လေထုညစ်ညမ်းခြင်း၊ ရေဆိုးထွက်သဖြင့် ရေထုညစ်ညမ်းပြီး အဆိပ်အတောက်ဖြစ်ခြင်း၊ မြေအရည်အသွေး ယုတ်လျော့ခြင်းတို့ တွေ့ရသဖြင့် အမှိုက်ထွက်ရှိမှု လျော့နည်းရေးနှင့် စွန့်ပစ်အမှိုက်များကို စနစ်တကျ စွန့်ပစ်ရေးတို့ လိုအပ်လာသည်။

ကြွပ်ကြွပ်အိတ်အပါအ၀င် တစ်ခါသုံး ပလတ်စတစ်အိတ်များ၊ ပလတ်စတစ်ပစ္စည်းများသည် သုံးစွဲရလွယ်ကူခြင်း၊ ခိုင်ခံ့ခြင်း၊ ဈေးသက်သာခြင်းနှင့် အလွယ်တကူ ၀ယ်ယူရရှိနိုင်ခြင်းတို့ကြောင့် အသုံးပြုမှုတွင်ကျယ်လာခြင်းဖြစ်သည်။ အသုံးပြုပြီးနောက် အလွယ်တကူ စွန့်ပစ်၍ရသဖြင့်  ပလတ်စတစ် အမှိုက်များကို နေရာတကာ၌ တွေ့နေရခြင်းဖြစ်သည်။ ထိုအရေးကို ဖြေရှင်းဆောင်ရွက်ရာတွင်  လူတို့၏ နေ့စဉ်နေထိုင် ကျင့်ကြံမှုများကိုပြောင်းလဲမှသာ ရရှိနိုင်မည်ဖြစ်သည်။ တစ်ခါ သုံးရေသန့်ဘူး၊    တစ်ခါသုံး ပလတ်စတစ်ခွက်များကို မသုံးဘဲ အကြိမ်ကြိမ်ပြန်သုံး၍ရသော ဖန်ခွက်၊ စတီးခွက်များနှင့် အစားထိုးခြင်း၊ ထုတ်ကုန်ပစ္စည်းများ ထုပ်ပိုးရာတွင် ပလတ်စတစ်ဘူးအစား စက္ကူဘူးများဖြင့် ပြောင်းလဲထုပ်ပိုးခြင်း၊ ဈေးဝယ်ရာတွင် အိမ်မှထည့်စရာများ ယူဆောင်သွားခြင်း၊ အမှိုက်ကိုခွဲခြားပြီးသတ်မှတ်နေရာများသို့ အရောက်ပို့ဆောင် စွန့်ပစ်ခြင်းတို့ပြုသင့်သည်။

စွန့်ပစ်အမှိုက်လျှော့ချရေး နည်းလမ်းများတွင် အမှိုက်ခွဲခြားစွန့်ပစ်ခြင်းသည် နည်းလမ်းကောင်း တစ်ခုဖြစ်သည်။ အမှိုက်ဟုဆိုရာ၌ အမှိုက်စိုနှင့် အမှိုက်ခြောက်ဟူ၍ နှစ်မျိုးတွေ့ရသည်။ ပုလင်းများ၊ သတ္တုဘူးများ၊ ပလတ်စတစ်အမှိုက်မျိုးစုံ၊ စက္ကူ၊ ဖြတ်စညှပ်စတို့မှာ အမှိုက်ခြောက်ဖြစ်ပြီး ပန်းအခြောက်များ၊ မီးဖိုချောင်ထွက် အမှိုက်များ၊ စားကြွင်းစားကျန်များမှာ အမှိုက်စိုဖြစ်သည်။ ထိုသို့အမှိုက်စိုနှင့် အမှိုက်ခြောက်ကို ခွဲခြားစွန့်ပစ်ခြင်းဖြင့် မီးဖိုချောင်ထွက် ပစ္စည်းများကို မြေဆွေးမြေသြဇာပြုလုပ်ခြင်း၊ စွန့်ပစ်အမှိုက်များမှ စွမ်းအင်ထုတ်လုပ်ခြင်း၊ ပြန်လည်အသုံးပြုနိုင်သော  အမှိုက်များကြောင့် ထွက်ငွေလျော့နည်းခြင်း၊ အမှိုက်များကို သိမ်းဆည်းစွန့်ပစ်ရန် လွယ်ကူခြင်း၊ အမှိုက်သိမ်း လုပ်သားများ၏ ကျန်းမာရေးကို မထိခိုက်စေခြင်းစသည့် အကျိုးတရားများ ရရှိစေသည်။

ပလတ်စတစ်ကမ္ဘာဟုပင် တင်စားနိုင်သော ယနေ့ကမ္ဘာတွင် ပလတ်စတစ်တစ်ခါသုံး ပစ္စည်းများ သုံးစွဲမှု တွင်ကျယ်နေသလို သုံးစွဲသည့်ပမာဏ အများဆုံး ဖြစ်သဖြင့် အမှိုက်သရိုက် စွန့်ပစ်ပစ္စည်းဟု ဆိုလိုက်သည်နှင့် ပလတ်စတစ်ပစ္စည်းများသာ အများဆုံးဖြစ်ကြောင်း တွေ့ရသည်။ ထိုသို့စွန့်ပစ်ပစ္စည်းများ လျော့နည်းရေး ပုံစံပြောင်းရာတွင် အဓိကအားဖြင့် အချက်ငါးချက်ကို လိုက်နာကျင့်သုံးကြရေး လိုအပ်သည်။ ထိုအချက်ငါးချက်မှာ- အမှိုက်ထွက်ရှိမှု နည်းအောင်ပြုလုပ်ခြင်း၊ စွန့်ပစ်ပစ္စည်းများမှ အသုံးပြု၍ရသည်ကို ပြန်လည်အသုံးပြုခြင်း၊ တချို့အမှိုက်များကို   ဆန်းသစ်တီထွင်ပြုပြင် အသုံးပြုခြင်း၊ အမှိုက်ထွက်ရှိမှု မများစေရေးအတွက်  ထုပ်ပိုးမှုတစ်ခုစီ တိုင်းအား ပလတ်စတစ်အိတ် အသုံးပြုမှုကို ငြင်းပယ်  ခြင်း၊ အမှိုက်များကို ခွဲခြားစုဆောင်းပြီး အလိုရှိသော ဆိုင်၊  အသုံးတည့်သော ဆိုင်သို့ ပြန်ပို့ပေးခြင်းတို့ပင်ဖြစ်သည်။

အလားတူစွာ မလိုဘဲ ပစ္စည်းမ၀ယ်ပါနှင့်။ ကာလရှည်ကြာ အသုံးပြုနိုင်သော ပစ္စည်းကိုသာ ၀ယ်ယူပါ။

ထမင်းဟင်းကို လိုသလောက် အတိုင်းအဆဖြင့်သာ ချက်ပြုတ်ပါ။ ထမင်းကျန်၊ ဟင်းကျန်မရှိရအောင် စနစ်တကျ တိုင်းထွာချက်ပြုတ်ပါ။ ဒေသထွက်ပစ္စည်းများကို အားပေးဝယ်ယူပါ။ တာရှည်ခံ အသုံးပြုနိုင်သော အိတ်ခွံ၊ ခြင်းတောင်းများ ယူပြီးမှ ဈေးဝယ်ထွက်ပါ။

အ၀တ်လက်သုတ်ပ၀ါကိုသာ သုံးစွဲပြီး တစ်ရှူးမသုံးပါနှင့်။ တစ်ခါသုံးပစ္စည်းများ၊ စွန့်ပစ်ပစ္စည်းဖြစ်လွယ်သည့် ပစ္စည်းများကို အသုံးမပြုဘဲ တာရှည်ခံ ပစ္စည်းများကိုသာ အသုံးပြုပါ။(ဥပမာ-ကြွေပန်းကန်၊ စတီးဘူး၊ စတီးဇွန်း၊ ဖန်ခွက်စသည်ဖြင့်)။ စားစရာဝယ်ရာတွင် ထည့်စရာချိုင့်၊ ပန်းကန်စသည့် ပစ္စည်းများ ယူသွားပြီးမှ ၀ယ်ယူပါ။ သို့မှသာ အမှိုက်ပစ္စည်း လျော့နည်းမှုကို အထောက်အကူပြုမည်ဖြစ်သည်။

ထို့အတူ လျှပ်စစ်သုံးပစ္စည်းများ ပျက်စီးပါက အလွယ်တကူ စွန့်မပစ်ဘဲ ပြန်လည်ပြုပြင် သုံးစွဲသင့်သည်။ အသုံးမလိုတော့သည့် အ၀တ်အစားဟောင်းများကို စွန့်မပစ်ဘဲ လိုအပ်သူများသို့ ဝေငှပေးခြင်း၊ တခြားနေရာတွင် အကျိုးရှိရှိသုံးခြင်းများ ပြုပေးပါ။ ပြန်သုံး၍ရသော ပစ္စည်းအားလုံးကို ပြန်သုံးပါ။ ရောင်းချ၍ ရသော စက္ကူစာစောင်အဟောင်းများ၊ ဗလာစာအုပ်ဟောင်းများ၊ ပုလင်း၊ သံဘူးများကို ရောင်းချပါ။

ကြွပ်ကြွပ်အိတ်နှင့် ထည့်ပေးလျှင်ငြင်းဆန်ပါ။ ဈေးဝယ်စင်တာများမှ ရရှိသော အိတ်ခွံများကို စုဆောင်း၍ လိုအပ်သော ဆိုင်သို့ပြန်ပို့ပါ။ ထိုသို့ဆောင်ရွက်နိုင်သည်နှင့်အမျှ တစ်ခါသုံး စွန့်ပစ်ပစ္စည်းလျော့နည်းကာ ပတ်ဝန်းကျင်သန့်ရှင်းမှုကို အကျိုးပြုစေသည်။

ကုလသမဂ်္ဂပတ်ဝန်းကျင် အစီအစဉ်၏ လေ့လာဆန်းစစ်ချက် တစ်ရပ်အရ ယနေ့ကမ္ဘာတွင် တစ်နှစ်လျှင် ပလတ်စတစ်အိတ် ဘီလီယံ ၅၀၀ ခန့် နှစ်စဉ် အသုံးပြုလျက်ရှိပြီး အသုံးပြုမှု၏ ၅၀ ရာခိုင်နှုန်းမှာ တစ်ခါသုံး ပလတ်စတစ်အိတ်များဖြစ်ကြောင်း၊ ပင်လယ်သမုဒ္ဒရာအတွင်းသို့ ရောက်ရှိသွားသော စွန့်ပစ်ပလတ်စတစ်ပမာဏမှာ နှစ်စဉ် အနည်းဆုံး တန်ချိန်ရှစ်သန်းခန့် ရှိကြောင်း၊ ပင်လယ်သမုဒ္ဒရာ အတွင်းသို့ ရောက်ရှိသွားသော စွန့်ပစ်ပလတ်စတစ်များ အတွက်ကမ္ဘာ့နိုင်ငံများက ထိန်းချုပ်မှုမရှိလျှင် သက္ကရာဇ်၂၀၅၀ ပြည့်ဝန်းကျင်နှစ်များ၌ ပင်လယ်သမုဒ္ဒရာအတွင်း ရေနေသတ္တ၀ါမျိုးစိတ် ပမာဏထက် ပလတ်စတစ် ပမာဏပို၍များလာမည်ဖြစ်ကြောင်း သိရသည်။

သယံဇာတနှင့် သဘာဝပတ်ဝန်းကျင် ထိန်းသိမ်းရေး ၀န်ကြီးဌာနအောက်ရှိ ပတ်ဝန်းကျင်ထိန်းသိမ်းရေး ဦးစီးဌာနနှင့် ကုလသမဂ္ဂ ပတ်ဝန်းကျင် အစီအစဉ်၏ နည်းပညာ အကူအညီဖြင့် အခြားဆက်စပ်ဌာနများ၊ အဖွဲ့အစည်းများမှ ကိုယ်စားလှယ်များ ပူးပေါင်း၍ ထာဝရစိမ်းလန်း သန့်ရှင်းပြီး မျှတကောင်းမွန်သော မြန်မာ့ပတ်ဝန်းကျင်ကို ဖော်ဆောင်နိုင်ရေး မျှော်မှန်း၍ အမျိုးသားအဆင့် စွန့်ပစ်ပစ္စည်း စီမံခန့်ခွဲမှုမဟာဗျူဟာနှင့် လုပ်ငန်းအစီအစဉ် (၂၀၁၇-၂၀၃၀)ကို ရေးဆွဲချမှတ် အကောင်အထည် ဖော်လျက်ရှိသည်။ လုပ်ငန်းအစီအစဉ်အရ ထိရောက်သော အမှိုက်သိမ်းဆည်းခြင်း ၀န်ဆောင်မှုလုပ်ငန်းကို တိုးမြှင့်ဆောင်ရွက်ရန် အပါအ၀င် ပန်းတိုင်များ အောင်မြင်ရေး အတွက် အမျိုးသားအဆင့်မှသည် မိသားစု အသိုက်အ၀န်း တစ်ဦးချင်းစီတိုင်းအထိ ဆောင်ရွက်မှသာ ထိရောက်စွာ ဖြေရှင်းနိုင်မည်ဖြစ်သည်။

ပတ်ဝန်းကျင် ထိန်းသိမ်းရေး တာဝန်သည် နိုင်ငံသားတိုင်းအပေါ် ကျရောက်လျက်ရှိရာ လုပ်နိုင်သည်က စလုပ်ကြရေး လိုအပ်သည်။ ဘ၀နေထိုင်မှု ပုံစံများပြောင်းလဲခြင်း၊ အမှိုက်ထွက်ရှိမှု လျော့နည်းအောင် စီမံခြင်း၊ အမှိုက်များကို ခွဲခြားစွန့်ပစ်ခြင်း၊ သတ်မှတ်နေရာများ၌သာ စနစ်တကျစွန့်ပစ်ခြင်း၊  တစ်ခါသုံး ပလတ်စတစ်ပစ္စည်းများ အသုံးပြုမှုရှောင်ရှားခြင်းတို့သည် သဘာဝပတ်ဝန်းကျင်ကို ကယ်တင်ရာရောက်သလို လူသားအချင်းချင်းလည်း ကယ်တင်ရာရောက်ပြီး ကောင်းမွန်သော သဘာဝ ပတ်ဝန်းကျင် အမွေအနှစ်အား အနာဂတ် မျိုးဆက်သစ်များသို့ လက်ဆင့်ကမ်း ပေးနိုင်မည်ဖြစ်သည်။ သို့ပါ၍ စွန့်ပစ်ပစ္စည်း ညစ်ညမ်းမှု အန္တရာယ်မှ လွတ်ကင်းသော ပတ်ဝန်းကျင် စိမ်းလန်းသာယာသည့် အခြေအနေသို့ ရောက်ရှိအောင် ““စွန့်ပစ်ပစ္စည်း(အမှိုက်) အန္တရာယ် စုပေါင်းကာကွယ်””ကြပါစို့ဟု တိုက်တွန်း ရေးသားလိုက်ရပါသည်။    

အရုဏ်ဦး(ပဲခူး)

Read 44 times
Rate this item
(0 votes)
Last modified on Thursday, 14 November 2019 10:13