SJ WorldNews - шаблон joomla Авто

စာဖတ်ခြင်းဖြင့် စိတ်အာဟာရ ဖြစ်စေချင် ……

Monday, 16 March 2020 09:52 Written by  font size decrease font size decrease font size increase font size increase font size

ယနေ့လူငယ် နောင်ဝယ်လူကြီး ဆိုသကဲ့သို့ ယနေ့လူငယ်များသည် အနာဂတ်နိုင်ငံ့တာဝန်များကို ပခုံး ပြောင်း ထမ်းဆောင်ကြမည့်သူများဖြစ်သည်။ အနာဂတ်သည် လူငယ်တို့၏ပထမအရွယ် ငယ်စဉ် ကတည်းက သိပ်္ပခေါင်အား ပညာများကို သင်ကြားမှုတွင် အမှီပြုနေပေသည်။ လူငယ်တို့၏ မူလဗီဇက ဖြူစင်ရိုးသားကြသည်။ လွတ်လပ်စိတ်နှင့် သင်ကြားတတ်မြောက်လို စိတ်ရှိကြရာ စာဖတ်ခြင်းအလေ့ကိုလည်း ဦးတည်လမ်းပြပေးရန် အထူးလိုအပ်လှပေ သည်။

စာဖတ်ခြင်းသည် ထမင်းစားခြင်း၊ ရေ သောက်ခြင်း၊ အသက်ရှူခြင်းတို့ကဲ့သို့ပင် အရေးကြီးသော ဆောင်ရွက်ဖွယ် တစ်ရပ် ဖြစ်သည်။ ထမင်းစားခြင်း၊ ရေသောက်ခြင်း၊ အသက်ရှူခြင်းတို့မှာ  ကိုယ်ကာယ၏ အာဟာရကို ဖြည့်တင်းရုံမျှ သာဖြစ်၍ စိတ်၏ အလိုဆနအာဟာရကို မဖြည့်တင်းပေးနိုင်ချေ။ စိတ်မှာလည်း ကိုယ်ကာယ ကဲ့သို့ပင် ပညာဗဟုသုတတည်း ဟူသော အာဟာရ လိုပေသည်။ ထက်သန်သောစိတ်မှာ ထိုသို့သော အာဟာရမျိုးကို လွန်စွာ တောင့်တလျက်  ထိုထိုဤဤ ကြံဆခြင်းကို  အမြဲ မပြတ်ပြု၍နေတတ်ရာ မိမိအနီးဝန်းကျင်ရှိ အရာများနှင့်သာလျှင် တင်းတိမ် ရောင့်ရဲ ခြင်းမရှိ။  လမ်းပြသဖွယ်ဖြစ်သော ပညာ ဗဟုသုတတို့  များစွာလိုပေသည်။ ထိုအခါ   စာဖတ်ခြင်း အလေ့သည်    အလွန့်အလွန် အသုံးဝင်လာလေသည်ဟု ဆရာကြီးဇေယျက  တကသိုလ်ဝင်တန်း  မြန်မာစကားပြေ 

စာဖတ်ခြင်း အလေ့ သင်ခန်းစာတွင် ဖော်ပြထားလေသည်။

စာပေသည် လူတို့အတွက် အလင်း ရောင်ဖြစ်သည်။ အမှောင်ခွင်း၍ အလင်း ဆောင်စေသောစာပေသည်   လူတိုင်း ကို အကျိုးဖြစ်စေသည်။ အသိအလိမ်္မာတိုးစေ သည်။ ဆင်ခြင်တုံတရားရှိစေသည်။ ဘ၀ အောင်မြင်ရေးလမ်းစ များကိုလည်း ရရှိစေ သည်။ ထို့ကြောင့် စာတတ်သူတိုင်း စာဖတ် ရမည်ဖြစ်သည်။ စာတတ်ပါလျက် စာပေ ဖတ်ရှုလေ့လာခြင်းမပြုသူသည် သံချေး တက်နေသော ဓားတစ်လက်နှင့် တူပေသည်။ မည်မျှပင် အသွား ထက် လှသော ဓားဖြစ်စေကာမူ မကိုင်တွယ်ဘဲ ပစ်ထားလျှင် သံချေးတက်မည်ဖြစ်သည်။ ထို့အတူ စာတတ်ပါလျက် မှတ်သားဖွယ်ရာစာပေ တို့ကို ရှာဖွေဖတ်ရှုခြင်း မပြုသူသည်လည်း တိုးတက်မှုမရှိနိုင်ပေ။

စာအုပ်စာပေ  လူ့မိတ်ဆွေ၊ အလိမာ စာမှာရှိဟူသော   ဆိုရိုးစကားအတိုင်း စာပေသည် လူတို့၏ ထာဝရ အဖော် မွန်ဖြစ်သည်။ စာဖတ်ခြင်းဖြင့် အသိအလိမ်္မာတိုး စေသည်။ စိတ်ကောင်း၊ စေတနာကောင်းများ ကိန်းအောင်း စေသည်။ ဗဟုသုတအဖြာဖြာ တို့ကို လေ့လာမှတ်သားရရှိစေသည်။ အထူးသဖြင့် စာပေသည် အသိဉဏ်ကျယ်ပြန့် ရေး အတွက်  မရှိမဖြစ်လိုအပ်သော  ရေ သောက်မြစ်ဖြစ်သည်။ စိတ်ကို အသိဉဏ် က အုပ်စိုးသည်။ အသိဉဏ်ကို ဗဟုသုတ က အုပ်စိုးသည်။ ဗဟုသုတကို စာပေက အုပ်စိုးသည်။   သို့ဖြစ်၍   အသိဉဏ် ကျယ်ပြန့်ရေးအတွက်   စာများများ ဖတ်ရန် လိုအပ်ပေသည်။

စာဖတ်ခြင်းကို စာပေလုပ်ငန်းလုပ်ကိုင် သူများသာပြုလုပ်ရမည်မဟုတ်ပေ။ မည်သူ မဆို စာဖတ်ခြင်းအလုပ်ကို လုပ်နိုင်ပေ သည်။ စာပေ၌မွေ့လျော်သူသည် ယဉ်ကျေး လိမ်္မာသူဖြစ်မည်မှာ  အသေအချာပင်။

ဖတ်ဖန်သော်ကား၊  ဖတ်ဖန်များက၊  သားမယားပင် သိမြင်ကင်းကွာ၊ မလိမာလည်း၊ စာပေစကား  နေ့တိုင်းကြားက၊ ထူးခြား လိမာရှိသည် သာတည်းဟု ရှင်မဟာရဋ္ဌသာရက စာပေဖတ်ရှုခြင်း၏ အကျိုးကို ရေးဖွဲ့ခဲ့လေသည်။

စာပေသည်   လူတို့၏အတိတ်သမိုင်း များ စုဝေးရာဖြစ်သကဲ့သို့ လူတို့၏အတွေး အခေါ်၊ ဉဏ်ပညာတို့ဆုံစည်းရာ အစိုင် အခဲလည်းဖြစ်သည်။   ထိုစာပေများကို ဖတ်ရှုခြင်းအားဖြင့် စာရေးဆရာတို့ နာရီ ပေါင်းများစွာရေးသားခဲ့သော   သိကောင်း စရာအဖြာဖြာတို့ကို  မိနစ်ပိုင်းအတွင်း၊ နာရီပိုင်းအတွင်း သိရှိခြင်းဆိုသည့် တန်ဖိုး မဖြတ်နိုင်သော အကျိုး ကျေးဇူးကိုရရှိစေသည်။ စာဖတ်ခြင်းကြောင့် ဗဟုသုတများ တိုးပွားလာကာ ဦးနှောက်ကိုလည်း ဖွံ့ဖြိုး စေသည်။

စာဖတ်ခြင်းသည်  ဘ၀ကို ဆင်ခြင်တုံ တရားနှင့်  မျှမျှတတ သုံးသပ်ပြင်ဆင်နိုင် စွမ်းကိုပေးသည်။ စိတ်အနေ အထားကို အရောင်ဆိုးပေးသည်။ ဦးနှောက်ထဲသို့ ၀င်သွားသော အသိတရားမှန်ကန်ရေးသည် စာဖတ်ခြင်း၏    တန်ဖိုးအရှိဆုံးရလဒ် တစ်ခုပင်ဖြစ်သည်။ စာဖတ်ရာတွင်လည်း ကောင်းကျိုးဖြစ်ထွန်းစေသော စာကောင်း ပေမွန်တို့ကို ရွေးချယ်ဖတ်ရှုရမည်ဖြစ်သည်။ အတွေးအခေါ်၊ အသိတရား မှားယွင်းစေသော၊ အဆိပ်အတောက် ဖြစ်စေ သောစာပေများကို  ဝေးဝေးကရှောင်ကြဉ် ရမည်ဖြစ်သည်။  ထိုကဲ့သို့သော စာဆိုး စာညံ့တို့မှာ  စာအုပ်စာပေ  လူ့မိတ်ဆွေ ဟူသောဆောင်ပုဒ်နှင့် မည်သို့မျှမကိုက် ညီပေ။

နေ့စဉ်ထုတ်သတင်းစာများကိုဖတ်ခြင်း ဖြင့်လည်း  အကြားအမြင်ဗဟုသုတများ ပြည့်ဝလာစေသည်။ စက်္ကန့်မဆိုင်း ပြောင်းလဲ နေသော  ကမာကြီး၏ အကြောင်းအရာ တို့ကို စုံလင်စွာသိရှိရသည်။ ကောင်းမွန်သော ၀တ္ထုတို၊ ၀တ္ထုရှည်၊ ပြဇာတ် စသည် တို့ကလည်း ဘ၀သင်ခန်းစာကိုပေး၍  နှစ်သိမ့်မှုကိုဖြစ်စေသည်။ ကဗျာသည်လည်း  သံသာချိုသော ဥသြတေးပမာ ရသမျိုးစုံကို ပေးစွမ်းနိုင်သည်။   မဂ်္ဂဇင်း၊    ဂျာနယ်၊ စာစောင်တို့ကလည်း   နား၊ မျက်စိတို့ကို ဖွင့်ပေး သည်။ သိပ္ပံ ပညာနှင့်ဆိုင်သော စာပေ များ၊ ကိုယ်ရေး အတ္ထုတိ်္တများ၊ ရာဇ၀င်များ စသည်တို့ကလည်း ဆန်းသစ် သော အတွေး၊  တည်ကြည်သောအမြင်၊     ကြွယ်ဝသော ဗဟုသုတတို့ကိုပေးသည်။

လွတ်လပ်ရေးဖခင်ကြီး ဗိုလ်ချုပ် အောင်ဆန်းသည် ကျောင်းသားဘ၀မှစ၍ စာပေများကိုလေ့လာဖတ်ရှုခဲ့သောကြောင့် နိုင်ငံရေးအမြင်ကြွယ်ဝလာပြီး မိမိနိုင်ငံကို ကျွန်ဘ၀မှလွတ်မြောက်အောင် ကယ်တင်နိုင် ခဲ့လေသည်။ ကျေးတော သားလေး စာတို ငညိုကလည်း အချိန်ရှိသရွေ့ စာပေလေ့လာ ဖတ်ရှုခဲ့သောကြောင့်   ၀န်ဇင်းမင်းရာဇာ ဟူသော     အမတ်ကြီး ဖြစ်လာခဲ့သည်။ စာအုပ်များစွာဖတ်ကာ လက်တွေ့စမ်းသပ် မှုများပြုလုပ်ခဲ့သောကြောင့် လျှပ်စစ်မီးသီး ကို တီထွင် နိုင်ခဲ့သော  အက်ဒီဆင်သည် ထင်ရှားသော သိပ်္ပံပညာရှင်ကြီးဖြစ်ခဲ့သည်။ သစ်လုံးအိမ်လေး၌နေ၍   မီးသွေးဖြင့် စာရေးကျင့်လျက် စာအုပ်ကိုသာ အဖော် လုပ်ခဲ့သော အေဗရာဟင်လင်ကွန်းသည် သာမန်ဆင်းရဲသား ဘ၀မှ    အမေရိကန် သမတကြီးဖြစ်လာခဲ့သည်။  စာဖတ်ခြင်းကြောင့်ရရှိလာသော  အကျိုးကျေးဇူးများ ပင်ဖြစ်ပေ သည်။

တရားဓမနှင့်ဆိုင်သော ဘာသာရေး စာပေများ ဖတ်ခြင်းဖြင့်လည်း မြတ်ဗုဒ်္ဓ၏ အဆုံးအမများကို သိနားလည် စေသည်။ ၀ိပဿနာတရားထူးများကိုလည်း သိခွင့်ရ စေသည်။ ရည်ရွယ်ချက်ကောင်းမွန်သော ရသစာပေ ကောင်းတို့ကို   ဖတ်ရှုခြင်းဖြင့် ဘ၀ကိုအရှုံးမပေး၊ ကြံ့ကြံ့ခံနိုင်သော  စိတ်ဓာတ်ကိုဖြစ်ထွန်းစေသည်။    လူလူချင်း သနား ညှာတာစိတ်၊   ကူညီရိုင်းပင်းစိတ်၊  မျိုးချစ်စိတ်  စသည်တို့ကိန်းအောင်းလာစေ၍  မတရားမှုကိုရွံမုန်းကာ  မှန်ကန် သောအသိ မွေးမြူရမည်ကို သိရှိလာစေ သည်။  သုတစာပေများကိုဖတ်ရှုခြင်းဖြင့် လည်း  အတွေးအမြင် ရင့်ကျက်ကာ   ဘ၀ ရင့်သန်မှုကိုဖြစ်စေသည်။

ခရီးသွားမှတ်တမ်းစာပေများကို ဖတ် ရှုခြင်းဖြင့်   မိမိမရောက်ဖူးသောဒေသ၏ တောတောင်သဘာဝအကြောင်း တို့ကို သိခွင့် ရသည်။ ယဉ်ကျေးမှုကိုအခြေပြု ရေးဖွဲ့ထားသော   စာပေကိုဖတ်ရှုခြင်းဖြင့် ကိုယ်၊  နှုတ်၊  နှလုံး သုံးပါးစလုံးကို

စောင့်ထိန်း နေထိုင်နိုင်သည်။ ကျန်းမာရေး စာပေများက   ကျန်းမာရေးဗဟုသုတကိုပေးသကဲ့သို့ လောကုတရာစာ ပေများက ကုသိုလ်၊ အကုသိုလ်ကို  ခွဲခြားသိစေနိုင်သည်။

စာဖတ်ခြင်းကြောင့်   အတွေးအခေါ် ရင့်သန်လာသဖြင့်  လုပ်သင့်သည်၊ မလုပ် သင့်သည်တို့ကို ဆင်ခြင်သုံးသပ် လာနိုင်သည်။  ဘ၀ပေးအတွေ့အကြုံ၊  ဘ၀ပေး အသိများကိုပါ  သိရှိရသဖြင့်  စာဖတ်သူ သည်     အရင်းအနှီး စိုက်ထုတ်ရန် မလိုဘဲ အောင်မြင်မှုများ ရရှိနိုင်ပေသည်။ စာတစ်လုံး ဘုရားတစ်ဆူဟုပင် ဆိုရိုးရှိသည်ကို သတိမူရ ပေမည်။

ဆရာကြီးပီမိုးနင်းကလည်း စာဖတ်ခြင်းသည်   စာအတွက်မဟုတ်၊   လောကကြီးအကြောင်းနှင့် ပတ်သက်၍   အမှန် သိလို  သောစိတ်နှင့် ဖတ်ခြင်းမျှဖြစ်၏ဟု  ဆိုခဲ့ သည်။  ထိုကဲ့သို့   လောကအကြောင်းနှင့် ပတ်သက်၍ အမှန်တရားကို သိရခြင်းသည်ပင် စိတ်အာဟာရဟုဆိုချင်သည်။

အချုပ်အားဖြင့်ဆိုရသော် စိတ်အာဟာရ ဖြစ်စေသော   စာဖတ်ခြင်းသည်  တန်ဖိုး မဖြတ်နိုင်သည့် အမှန်တရားများကို သိရှိ စေနိုင်သည့်အတွက် လူငယ်များအနေဖြင့် ရသမျှအချိန်ကို စာဖတ်ခြင်းဖြင့် ကုန်လွန် ပါစေကြောင်း တိုက်တွန်း ရေးသားလိုက်ရ ပါသည်။   

ရီရီဆွေ (ရေနီ)

Read 36 times
Rate this item
(0 votes)
Last modified on Monday, 16 March 2020 09:57