SJ WorldNews - шаблон joomla Авто

ဆင်ခြေထောက်ရောဂါ ကင်းဝေးရေး ဆေးတိုက်ကျွေးခြင်း လုပ်ငန်း မြို့နယ်အဆင့် အသိပေး ဆွေးနွေး

Friday, 19 January 2018 12:31 font size decrease font size decrease font size increase font size increase font size

တိုက်ကြီး  ဇန်နဝါရီ  ၁၈

ဆင်ခြေထောက်ရောဂါ ကင်းဝေးရေး လူသားအားလုံး ဆေးတိုက်ကျွေးခြင်း လုပ်ငန်း မြို့နယ်အဆင့် အသိပေး ဆွေးနွေးပွဲကို ရန်ကုန်တိုင်းဒေသကြီး တိုက်ကြီးမြို့နယ် ပြည်သူ့ဆေးရုံ အစည်းအဝေး ခန်းမ၌    ယမန်နေ့ မွန်းလွဲ  ၁ နာရီက ကျင်းပသည်။

အခမ်းအနားတွင်    တိုက်ကြီးမြို့နယ် အထွေထွေအုပ်ချုပ်ရေး ဦးစီးဌာန အုပ်ချုပ်ရေးမှူး ဦးအောင်ကျော်စိုးက အဖွင့်အမှာစကား ပြောကြားပြီး မြို့နယ်ကျန်းမာရေး ဦးစီးဌာန ဌာနမှူး ဒေါက်တာသန်းမြင့် က ဆင်ခြေထောက်ရောဂါ ကင်းဝေးရေး ဆေးတိုက်ကျွေးခြင်း လုပ်ငန်းစဉ်များ အကြောင်းကို ရှင်းလင်းဆွေးနွေးသည်။

ထို့နောက်     မြို့နယ်ကျန်းမာရေးမှူး ဦးမျိုးဝင်းက ဆင်ခြေထောက်ရောဂါ ကင်းဝေးရေး ဆေးတိုက်ကျွေးမည့် အစီအစဉ်များကို ရှင်းလင်းပြီး တက်ရောက်လာသူများက သိလိုသည်များ မေးမြန်းကြရာ တာဝန်ရှိသူများက ပြန်လည်ဖြေကြားသည်။

ဆင်ခြေထောက်ရောဂါသည် လတ်တလော သေစေနိုင်သည့် ရောဂါ မဟုတ်သော်လည်း ခြေလက်အင်္ဂါပုံသဏ္ဌာန် ပျက်ယွင်းခြင်းကြောင့် နစ်နာဆုံးရှုံးမှုများရှိသော ရောဂါတစ်ခု ဖြစ်ကြောင်း၊ ဆင်ခြေထောက် ရောဂါဆေးကို ကိုယ်ဝန်ဆောင်၊ နှစ်နှစ်အောက် ကလေးများ၊ အတက်ရောဂါရှိသူများ မသောက်သုံးသင့်ကြောင်း၊ တိုက်ကြီးမြို့နယ်အတွင်း ဆင်ခြေထောက် ရောဂါ  ဆေးတိုက်ကျွေးခြင်းသည် ယခုနှစ်ဆိုလျှင် ငါးကြိမ်မြောက် တိုက်ကျွေးခြင်း ဖြစ်ကြောင်း သိရသည်။

Read 328 times Last modified on Friday, 19 January 2018 12:32