SJ WorldNews - шаблон joomla Авто

၁၆ ခုတင်ဆံ့ ဆီးဘူးတိုက်နယ် ဆေးရုံ ဖွင့်လှစ်

Monday, 16 March 2020 09:39 font size decrease font size decrease font size increase font size increase font size

ရှမ်းပြည်နယ်(တောင်ပိုင်း)  ဖယ်ခုံမြို့နယ် အလယ်ကယန်း ကျေးရွာအုပ်စု၌ ၁၆ ခုတင်ဆံ့  ဆီးဘူးတိုက်နယ်ဆေးရုံ အဆောက်အအုံသစ် ဖွင့်ပွဲနှင့်  ကျန်းမာရေး နှင့် အားကစားဝန်ကြီး ဌာနသို့  လွှဲပြောင်း ပေးအပ်ပွဲ အခမ်းအနားကို မတ် ၁၄ ရက် နံနက် ၉ နာရီခွဲက အဆိုပါဆေးရုံသစ်၌ ကျင်းပသည်။

ရှေးဦးစွာ ၁၆ ခုတင်ဆံ့ ဆီးဘူးတိုက်နယ်ဆေးရုံ အဆောက်အအုံကို ရှမ်းပြည်နယ် အစိုးရအဖွဲ့ဝင်  သစ်တောနှင့် သယံဇာတဝန်ကြီး၊  ကယန်းတိုင်းရင်းသား လူမျိုးရေးရာဝန်ကြီး၊ ပြည်နယ်ကုသရေးနှင့်  ပြည်သူ့ကျန်းမာရေး ဦးစီးဌာနမှူး၊  မြို့နယ်အုပ်ချုပ်ရေးမှူးနှင့်   တာဝန်ရှိသူများက  ဖဲကြိုးဖြတ် ဖွင့်လှစ်ပေးကြသည်။

ထို့နောက် တက်ရောက်လာသူများက အမှတ်တရသစ်ပင်များ စိုက်ပျိုးကြပြီး ရှမ်းပြည်နယ်အစိုးရ အဖွဲ့ဝင် သစ်တောနှင့် သယံဇာတဝန်ကြီး၊  ကယန်း တိုင်းရင်းသား လူမျိုးရေးရာ ဝန်ကြီးနှင့် တာဝန်ရှိသူများက အမှာစကား ပြောကြားသည်။

 ဆက်လက်၍   ဆေးရုံအဆောက်အအုံသစ်ကို ဆောက်လုပ်ခဲ့သော အိမ်မွန်ဆောက်လုပ်ရေး ကုမ္ပဏီက တိုက်နယ်ဆေးရုံ အဆောက်အအုံနှင့် ပတ်သက်သည့် စာရွက်စာတမ်းများကို   ကျန်းမာရေးနှင့် အားကစားဝန်ကြီးဌာနသို့  လွှဲပြောင်းပေးအပ်သည်။

ထို့နောက် တာဝန်ရှိသူတို့က   ဖွင့်ပွဲအထိမ်းအမှတ် အလံများနှင့်  အလှူရှင်ဂုဏ်ပြု မှတ်တမ်းလွှာများ   ပေးအပ်ပြီး ကျေးရွာအုပ်စုအုပ်ချုပ်ရေးမှူး ဦးလှမျိုးက ကျေးဇူးတင်စကား ပြောကြားသည်။

 ''ဒီ ၁၆ ခုတင်ဆံ့ ဆေးရုံအဆောက်အအုံနဲ့အတူ လေးခန်းတွဲ ဝန်ထမ်းအိမ်ရာ သုံးလုံး၊ ဆရာဝန်နေအိမ် နှစ်ခန်းတွဲတစ်လုံးနဲ့ ရင်ခွဲရုံ၊  ခြံစည်းရိုး၊  ကွန်ကရစ်လမ်း အပါအဝင်   ရေရရှိရေး လုပ်ငန်းတွေပါ ဆောင်ရွက်ပေးခဲ့တာဖြစ်ပါတယ်။ ဆီးဘူးကျေးရွာနဲ့ ပတ်ဝန်းကျင်ရှိ ကျေးရွာတွေက လူဦးရေ  ၂ဝဝဝဝ  နီးပါးလောက်ရဲ့ ကျန်းမာရေးအတွက် မှီခိုအားထားနိုင်မှာဖြစ်ပါတယ်'' ဟု  မြို့နယ်ကျန်းမာရေး ဦးစီးဌာနမှူး က ပြောကြားသည်။

အဆိုပါ    ဆီးဘူးတိုက်နယ်ဆေးရုံ    အဆောက်အအုံသစ်ကို   ပြည်ထောင်စု အစိုးရ၏ ခွင့်ပြုရန်ပုံငွေကျပ် သိန်း ၅၅ဝဝ ဖြင့် တင်ဒါအောင်မြင်သော   အိမ်မွန်ဆောက်လုပ်ရေး ကုမ္ပဏီက ၂ဝ၁၈  ခုနှစ်  ဇန်နဝါရီလမှ စတင် ဆောက်လုပ်ခဲ့ခြင်းဖြစ်ပြီး  ၂ဝ၁၉  ခုနှစ် သြဂုတ်လကုန်တွင်   ရာနှုန်းပြည့် ပြီးစီးခဲ့ခြင်း ဖြစ်ကြောင်း  သိရသည်။

Read 88 times Last modified on Monday, 16 March 2020 09:40