SJ WorldNews - шаблон joomla Авто

အကြောအဆစ် ရောဂါနှင့် ကိုယ်အင်္ဂါပြန်လည် သန်စွမ်းရေး ကုသမှုစင်တာ ဖွင့်လှစ်

Monday, 23 October 2017 08:53 font size decrease font size decrease font size increase font size increase font size

ရန်ကုန် အောက်တိုဘာ ၂၂

ရန်ကုန်တိုင်းဒေသကြီး ကမာရွတ်မြို့နယ်ရှိ Grand Hantha International Hospital ၌ အကြောအဆစ်ရောဂါနှင့် ကိုယ်အင်္ဂါ ပြန်လည် သန်စွမ်းရေး  ကုသမှုစင်တာကို ယမန်နေ့က ဖွင့်လှစ်ခဲ့ရာ လေဖြတ်လူနာများနှင့် တခြားနောက်ဆက်တွဲ မသန်စွမ်းလူနာများကို ဆေးဝါးကုသမှုအကူအညီမပါ ဆွစ်ဇာလန်နိုင်ငံ၏ အဆင့်မြင့်ကုသရေး စက်ကြီးများဖြင့် ကုသပေးနိုင်မည်ဖြစ်ကြောင်း သိရသည်။

''ပြန်လည်သန်စွမ်းရေးအတွက် ကုသပေးတဲ့အခါမှာ ဝန်ဆောင်မှုပေးနိုင်မှုက ဖြစ်တဲ့ရောဂါနဲ့ အသက်အရွယ်ပေါ်မှာလည်း မူတည်ပါတယ်။  လူနာအနေနဲ့  အခုလို ခေတ်မီပြန်လည် သန်စွမ်းရေးကိရိယာတွေနဲ့  အရိုးအဆစ်ကြွက်သားတွေရဲ့ လေ့ကျင့်ခန်းတွေကို ဘယ်လောက်လုပ်နိုင်သလဲ ဆိုတဲ့အပေါ်မှာ မူတည်ပြီး  ကုသရတဲ့ပညာဖြစ်လို့  စက်ကိရိယာတွေရဲ့ပံ့ပိုးမှု၊ လူနာရဲ့လေ့ကျင့်နိုင်မှု၊ လူနာပြုစုတဲ့ မိသားစုဝင်တွေရဲ့ ဂရုစိုက် မှုတွေကလည်း အရေးကြီးတယ်။ တက်ညီလက်ညီ ကြိုးပမ်းမှုအားကောင်းရင် အမြန် ဆုံးပြန်လည်ကျန်းမာသန်စွမ်းလာမယ်လို့ ပြောရမှာပါ'' ဟု အကြောအဆစ် ပြန်လည် သန်စွမ်းရေး ကုသမှုစင်တာ၏   ပါမောက္ခ ဒေါက်တာသန်းသန်းဌေးကပြောသည်။

အဆိုပါ    အကြောအဆစ်ရောဂါနှင့် ကိုယ်အင်္ဂါပြန်လည် သန်စွမ်းရေး  ကုသမှု စင်တာသည်   Grand Hantha Internatio-nal Hospital ၌ အရိုး၊ အကြော၊ အဆစ်နှင့် တခြားအာရုံကြောများ ချို့ယွင်းကာ လေဖြတ်ခြင်းနှင့် ဒူး၊လက်၊ခါးနှင့် တခြားထိခိုက် ဒဏ်ရာအမျိုးမျိုးဖြင့်   ဆေးကုသမှုများ ပြုလုပ်ပြီး  သတ်မှတ်ရက်တွင်  ကိုယ်အင်္ဂါ ပြန်လည်သန်စွမ်းရေးအတွက် ကာယလေ့ကျင့်ခန်း ကုသမှု ခံယူရကြောင်း သိရသည်။ လက် ရှိတွင် ယင်းဆေးရုံကြီး၌ ဆွစ်ဇာလန်နိုင်ငံ HOCOMA ကုမ္ပဏီမှ  မှာယူတင်သွင်းသော  Lokomat (Robot Assisted Therapy)? Andago စက်များဖြင့် လမ်းပြန် လျှောက်နိုင်ရန် လေ့ကျင့်ကုသစက်၊ Erigo (Tilt - Table) စက်ဖြင့် ခြေထောက်အောက်ပိုင်းရှိ ကြွက်သားများ ပြန်လည်လှုပ်ရှားပေးသော လေ့ကျင့်ကုသစက်အပြင် လက်မှကြွက်သားများ မူလအတိုင်း ပြန်လည်လှုပ်ရှားနိုင်စေကာ အဆစ်တစ်ဆစ်ချင်းစီ လှုပ်ရှားမှုများကို   ပြုလုပ်လေ့ကျင့် ကုသပေးသော စက်များရောက်ရှိနေပြီး ပြန်လည်သန်စွမ်းရေး ကုသစင်တာ ဖွင့်လှစ်ထားပြီဖြစ်သည်။ အဆိုပါ ဆေးရုံတက်လူနာများနှင့် တခြားပြင်ပမှ လာရောက်ပြသသော လူနာများအား ဆရာဝန်ကြီးများက  သင့်လျော်သောစက်များဖြင့် လေ့ကျင့် ကုသပေးလျက် ရှိကြောင်း သိရသည်။ 

Read 436 times Last modified on Monday, 23 October 2017 08:54