SJ WorldNews - шаблон joomla Авто

ဆောင်းရာသီ ရေချိုးမကြောက်သင့်

Tuesday, 19 February 2019 10:23 Written by  font size decrease font size decrease font size increase font size increase font size

ဆောင်းရာသီ အအေးဓာတ်ကြောင့် ခန္ဓာကိုယ်ပြင်ပမှ အသားအရေက အေးနေသော်လည်း ခန္ဓာကိုယ်တွင်း အပူကတော့ ရာသီဥတုမရွေး ကိုယ်တွင်းအပူဓာတ် ရှိမြဲလျက်သာဖြစ်ပါတယ်။ ဆောင်းရာသီတွင် အအေးဒဏ်ကြောင့် ရေချိုးကြောက်သူများဟာ နေ့စဉ်ပုံမှန် ရေချိုးသူများထက် လေးလံထိုင်းမှိုင်းနေတတ်ပြီး ကျန်းမာရေးကို ထိခိုက်စေနိုင်ပါတယ်။ရေချိုးခြင်းက ခန္ဓာကိုယ်အတွင်းရှိ အပူအခိုးများကို ဖယ်ရှားလိုက်ပြီး စိတ်ကိုကြည်လင် လန်းဆန်းစေ ပါတယ်။

ချမ်းမှာကြောက်၍ ရေမချိုးသူများဟာ ခန္ဓာကိုယ်တွင်း အခိုးငုတ်ခြင်း၊ မသန့်ရှင်းခြင်း၊ လေချုပ်ခြင်း၊ သွားနာခြင်း၊ မျက်စိဝေခြင်း၊ ဆံပင်ကျွတ်ခြင်း၊ ခေါင်းမူး ခေါင်းကိုက်ခြင်း တွေ ဖြစ်စေနိုင်ပါတယ်။ ဒါ့အပြင် ဖျတ်လတ်သွက်လက်ခြင်း မရှိတော့ဘဲ ထိုင်းမှိုင်းမှုကို ဖြစ်စေနိုင်ပါတယ်။

ဒါကြောင့် ဆောင်းရာသီတွင် အသက်အရွယ်မရွေး ရေချိုးသင့်ပြီး ပုံမှန်ရေချိုးခြင်းကြောင့် အဆစ်အမျက် ကိုက်ခဲခြင်းနှင့် ဇက်ကြောတက်ခြင်း ဝေဒနာများမှလည်း  ကာကွယ်ရာရောက်ပါတယ်။ အကယ်၍ အလွန်ချမ်းအေးသော ဒေသတွင်  နေထိုင်သူဖြစ်ပါက  မိမိနေထိုင်ရာ ပတ်ဝန်းကျင်၊ ရာသီဥတု အအေးဓာတ်ပိုသော နေ့ရက်ပေါ်

မူတည်၍ တစ်ရက်ခြား တစ်ကြိမ်လောက် ရေနွေးစပ်၍ ရေချိုးသင့်သလို ရေနွေးဖြင့် ရေချိုးခြင်းကလည်း အကြောအခြင်များကိုပြေစေကာ ညောင်းညာကိုက်ခဲမှု ဝေဒနာများကို အမှန်တကယ်ပင်သက်သာပြေလျော့စေမှာ ဖြစ်ပါတယ်။

အထူးသတိပြုရန်မှာ ရေချိုးပြီးသောအခါ မော်တော်ကား ပြတင်းပေါက်တံခါးကို ပိတ်၍စီးပါ။ အစားအစာကို ပူနွေးနွေးစားပါ။

ဆောင်းတွင်းရောဂါပြဿနာ

ဆောင်းရာသီရောက်တဲ့အခါ     အအေးမိသဖြင့် ချောင်းဆိုး၊ အဆုတ်ပွ၊ ပန်းနာရင်ကျပ်၊ တုပ်ကွေးဖျားနာနှင့် အပူကန်လည်ချောင်းနာများကို ခံစားရတတ်ပါတယ်။

အအေးမိ၊ နှာစေး၊ ချောင်းဆိုးခြင်း

ကျား၊ မအရွယ် သုံးပါးမရွေး  အအေးမိ၊ နှာစေး၊ ချောင်းဆိုးခြင်း ဝေဒနာတွေကို   ကြုံရတတ်ပါတယ်။

သို့သော် ကိုယ်ခံအားကောင်းနေပါက ထိုဝေဒနာတွေကိုမကြုံတွေ့နိုင်ပေ။ ဒါကြောင့်  ကိုယ်ခံအားတောင့်တင်း ကြံ့ခိုင်စေဖို့အတွက် ဗီတာမင်စီမြင့်မားစွာ ပါရှိတဲ့ မချိုသော လိမ္မော်သီး၊ သံပရာ၊ ရှောက်၊ ဂရိတ်ဖရု စသည့် အသီးများကို စားပေးပါ။မုန်လာဥနီ၊  မုန်လာဥဖြူ၊ ရွှေဖရုံသီး၊ ကန်စွန်းဥ၊  ရွက်စားမုန်လာ၊ စိမ်းစားဥ၊ အာဒါလွတ်ဥ၊ ကြက်သွန်နီ စသည့်မြေအောက်မြစ်လျှောက် ဟင်းသီးဟင်းရွက်များစားပါ။ ငါး၊ အမဲသား၊ ရွှေဖရုံညွန့်၊ မုန်လာရွက်၊  ဆန်လုံးညို၊  ရေနွေးကြမ်းလက်ဖက်ခြောက်၊ တလည်းသီး၊ မျှစ်၊ ချဉ်ပေါင်ရွက်၊ အစိမ်းရောင်ပန်းငရုတ်ချိုပွ၊ ကျောက်ဖရုံသီး၊ ကြက်ဟင်းခါးသီး၊ ခရမ်းချဉ်သီး၊ စောင်းလျားသီး၊  ချဉ်စော်ကားသီး၊ ပြည်ပန်းညိုရွက်၊ ဒန့်သလွန်ရွက်နှင့် မဲဇလီဖူး၊ မဲဇလီရွက်တို့ဟာလည်း ဆောင်းတွင်းဓာတ်စာများဖြစ်ကြပါတယ်။ အပူငြိမ်း ဝမ်းမှန်စေဖို့အတွက် သင်္ဘောသီးမှည့်၊ ဖီးကြမ်းငှက်ပျောသီးမှည့်စားပါ။မန်ကျည်းမှည့်ဖျော်ရည်ထဲကို  ဆားထည့်၍ သောက်ပါ။ ဗီတာမင်စီကြွယ်ဝပြီး  အမျှင်ဓာတ်များသော ဂေါ်ဖီထုပ်ကို ဆောင်းရာသီဓာတ်စာ ဟင်းခါးပူပူလေးအဖြစ် မကြာခဏ ချက်သောက်ပေးပါ။

အဆုတ်ပွခြင်း

ရေများများသောက်ပါ။ ငှက်ပျောဖူးဟာ ချွဲသလိပ်ပျော်ကျစေပြီး အသက်ရှူလမ်းကြောင်း ပွင့်စေပါတယ်။

ပူပူစပ်စပ်စားပါ။ ငရုတ်သီး၊ ငရုတ်ကောင်းတို့၏ သဘာဝအပူဓာတ်က သွေးလည်ပတ် စီးဆင်းမှုကို အားကောင်းစေပြီး ရောဂါပိုးများ ဝင်ရောက်ခြင်းကို တိုက်ထုတ်ပေးပါတယ်။ တရုတ်နံနံပင်၊  ဟင်းနုနယ်ရွက်၊ မုန်လာဥနီ၊ ရွှေဖရုံသီး၊ ပန်းငရုတ်ပွသီး(ခေါ်) ငရုတ်ချို၊ ဘယ်ရီသီးအမျိုးမျိုး၊ လိမ္မော်၊ နာနတ်၊ ဂရိတ်ဖရုသီး၊ အစိမ်းရောင် ပဲသီးအမျိုးမျိုး၊ ပဲစေ့များ၊ အခွံမာသီး၊ ဂေါ်ဖီထုပ်၊ ပန်းဂေါ်ဖီအဖြူ၊  ပန်းဂေါ်ဖီစိမ်း (ခေါ်) ဘရိုကိုလီ၊ ကိုက်လန်၊ ကြက်သွန်ဖြူ၊ ကြက်သွန်နီများက အဆုတ်ကိုအားကောင်းစေပါတယ်။

ပန်းနာရင်ကျပ်ခြင်း

ပန်းနာရင်ကျပ်ဖြစ်ပါက မုန်ညင်းဆီကို ပရုတ်ဆီနှင့် ရော၍    ကျောနှင့်ရင်ဘတ် အနှံ့စိမ့်ဝင်သွားအောင် ပွတ်နယ်လိမ်းပေးပါ။ ပျားရည်က ချွဲများကို ပျော်ကျစေပြီး အသက်ရှူလမ်းကြောင်းကို ပွင့်စေနိုင်သဖြင့် ပျားရည်ရနံ့ကို ရှူရှိုက်ပေးပါ။ ရေနွေးပူပူ တစ်ခွက်ထဲတွင်   ပျားရည်လက်ဖက်ရည်ဇွန်း တစ်ဇွန်းရောဖျော်၍ တစ်နေ့သုံးကြိမ် သောက်ပါ။ ကြက်သွန်ဖြူ ၁ဝ မြွှာကို နွားနို့ ၃ဝ မီလီလီတာဖြင့် ပြုတ်၍ တစ်နေ့တစ်ကြိမ်သောက်ပါ သို့မဟုတ် ရေနွေးဆူဆူတွင် ကြက်သွန်ဖြူ  လေးမြွှာခတ်၍  အချိန်ငါးမိနစ်ခန့်အအေးခံပါ။ နံနက်တစ်ကြိမ်၊ ညနေတစ်ကြိမ်သောက်ပေးခြင်းဖြင့် ပန်းနာရင်ကျပ်ရောဂါ သိသိသာသာ လျော့ကျစေပါတယ်။

ရာသီတုပ်ကွေးဖျားနာခြင်း

ကြက်သားနှင့် ကြက်ရိုးစွပ်ပြုတ်ရည်က ကိုယ်ခံအား ကောင်းစေရုံသာမက တုပ်ကွေးကြောင့်  အအေးမိ၊ နှာစေးချောင်းဆိုးနှင့် ဖျားနာခြင်း အမျိုးမျိုးတို့အတွက် အကောင်းဆုံး အိမ်တွင်း သမားတော်ဖြစ်ပါတယ်။ ကြက်သွန်ဖြူထဲတွင် antiviral (ခေါ်)  အအေးမိခြင်းကိုဖြစ်စေသော ဗိုင်းရပ်ပိုးများကို တားဆီးကာကွယ်နိုင်သည့်  ဂုဏ်သတ္တိနှင့် antibacterial (ခေါ်)  ဗက်တီးရီးယား ပိုးမွှားများ အန္တရာယ်မှ   ကာကွယ်နိုင်သော သဘာဝစွမ်းအင်တွေ  ပါရှိနေကြပါတယ်။ ဒါကြောင့် ထမင်းစားတိုင်း ကြက်သွန်ဖြူကို အနည်းဆုံးတစ်မြွှာ ထည့်စားပေးသင့်ပါတယ်။ ဒိန်ချဉ်ထဲရှိ probiotics (ခေါ်) ခန္ဓာကိုယ် အကျိုးပြု  ဗက်တီးရီးယားများက ကိုယ်ခံစွမ်းအားကို တိုးတက်မြင့်မားလာစေပါတယ်။ ကိုယ်ခံစွမ်းအားကို မြှင့်တင်ပေးနိုင်သော ဟင်းနုနယ်ရွက်၊ ပန်းဂေါ်ဖီစိမ်း(ဘရိုကိုလီ)၊ ဖရဲသီး၊ ဂရိတ်ဖရုသီးစားပါ။  ကမာကောင်(မုတ်ကောင်) ကလည်း တုပ်ကွေးရောဂါကို ကောင်းကျိုးပြုပါတယ်။

အပူကန်လည်ချောင်းနာခြင်း

ချင်းပါးပါး ခုနစ်လွှာကို သဘာဝထန်းလျက်ခဲ အညို သုံးလုံးထည့်ကာ  ရေသုံးခွက်တစ်ခွက်တင် ကျို၍သောက်ပါ။ ဟင်းလျာများတွင် ကြက်သွန်ဖြူ များများထည့်ချက်ပါ သို့မဟုတ် ကြက်သွန်ဖြူများများ ထည့်၍ ဆန်ပြုတ်ကျိုသောက်ပါ။  ကင်ပွန်းချဉ်ရွက်ကို ဟင်းချို၊ အချဉ်ဟင်းချက်၍ စားပါ။ ကြက်ဟင်းခါးသီး အခြောက်ကို ကျောက်ပျဉ်ပေါ်သွေး၍ နာကျင်နေသော  လည်ချောင်းတစ်ပြင်လုံးကို လိမ်းကျံပေးပါ။ ကြက်ဟင်းခါးသီး ပြုတ်ရည်သောက်ပါ။

ပျဉ်းတော်သိမ်ရွက် လက်တစ်ဆုပ်စာခန့်ကို ရေစင်စင်ဆေးပြီး အိုးသန့်သန့်မှာ သုံးခွက် တစ်ခွက်တင် ပြုတ်ပါ။

၎င်းရေခပ်နွေးနွေးဖြင့် ပလုတ်ကျင်းပါ။ ချက်ချင်းထွေးမပစ်ဘဲ ငုံနိုင်သမျှငုံထားပါ။ သို့သော်  မျိုချရန်မလို၊၎င်းပျဉ်းတော်သိမ်ရွက် ပြုတ်ရည်က အာသီးရောင်ခြင်း အတွက်ကိုလည်း ကောင်းကျိုးပြုပေးပါတယ်။ရေနွေးကို ပွက်ပွက် ဆူအောင်ကျိုပြီး ပင်စိမ်းရွက်ခတ်ကာ သောက်ပေးပါ သို့မဟုတ် ပလုတ်ကျင်းပေးပါ။ သံပရာသီးတစ်လုံးကို အစေ့ဖယ်  အရည်မညှစ်ဘဲ ခပ်ပါးပါး အချပ်လေးတွေလှီးထားပါ။

ချင်း လက်နှစ်ဆစ်ခန့်ကို  အခွံနွှာပြီးနောက်  ခပ်ပါးပါး အချောင်းမျှင်မျှင်လေးတွေ ရအောင်လှီးဖြတ်ပါ။ စောစောက လှီးဖြတ်ထားသော  သံပရာသီး အလွှာချပ်လေးများနှင့်  ချင်းအချောင်းလေးတွေကို  ခြောက်သွေ့သန့်ရှင်းသည့်  ဖန်ပုလင်းလွတ်တစ်လုံးထဲ ထည့်ပြီး ၎င်းတို့မြုပ်ရုံ ပျားရည်စစ်စစ်ကို အပေါ်က လောင်းချပေးပါ။ ပြီးနောက် ဖန်ပုလင်းလေလုံအောင် အဖုံးကိုကျပ်ကျပ်ပိတ်၍ ထိုအရောအနှောသုံးမျိုး ဂျယ်လီပုံစံ ပြောင်းသွားသည်အထိ ရေခဲသေတ္တာထဲမှာ  သိမ်းထားရပါမယ်။ ဂျယ်လီဖြစ်လာသောအခါ ၎င်းကိုဇွန်းနဲ့ခပ်ကာ မတ်ခွက်တစ်ခွက်ထဲ ပြောင်းထည့်ပြီး ရေနွေးဆူဆူ လောင်းချ၍ ခပ်နွေးနွေး အနေအထားမှာ စားလို့ရပါပြီ။ ပျားရည်ဖြင့် ဓာတ်ပြုထားတာကြောင့် သံပရာခွံကို ဝါးစား၍ ရပါတယ်။ ၎င်းအချိုးအစားအတိုင်း  တစ်နေ့တစ်ကြိမ်  သောက်ပေးခြင်းဖြင့် သုံးရက်မျှကြာသည့်အခါ အပူကန်လည်ချောင်းနာများ  ပျောက်ကင်း သွားပါလိမ့်မယ်။ (ပုလင်းဖုံးလုံလုံပိတ်ပြီး   ရေခဲသေတ္တာထဲမှာ နှစ်လ၊ သုံးလကြာတဲ့အထိ သိမ်းထားလည်း ဆေးဓာတ်မပြယ်နိုင်ပါဘူး) မန်ကျည်းသီးမှည့်ကိုဆား၊ အညိုရောင် ထန်းလျက်တို့ဖြင့် ဖျော်ရည်လုပ်သောက်ပြီး ၎င်းမန်ကျည်းသီး အဖတ်တွေကို ဝါးစားပါ။

(ရေခဲမထည့်ရ) သံပရာရည်ကို အပူပေး၍ ပျားရည်ဖြင့် ရော၍လျက်ပေးပါ။ ဒန့်သလွန်ပင်မြစ်ကို ထုထောင်းကြိတ်ခြေ၍ အရည်ကိုညှစ်ယူကာ စားပွဲတင်ဇွန်း တစ်ဇွန်းခန့် နေ့စဉ်သောက်ပါ။ လည်ချောင်းနာသာမက အသံဝင်၊ အသံပျက်ခြင်းကိုလည်း ပျောက်ကင်းစေနိုင်ပါတယ်။

ဆီးဖြူရွက်ကိုရေဖြင့်   သုံးခွက်တစ်ခွက်တင်ကျို၍ ပလုတ်ကျင်းပေးပါ။   ဧကရာဇ်ပင်၏ အမြစ်ကို သွေး၍ ဆန်ဆေးရည်နှင့်သောက်ပါ။  စိမ်းစားဥ၊ ဖရဲသီးစားပါ။

စွန်ပလွံသီးမှည့် သို့မဟုတ် စွန်ပလွံသီးယိုစားပါ။ ခရမ်းကစော့သီး စားပါ  သို့မဟုတ်  ခရမ်းကစော့သီးပင်၏ အရွက်ပြုတ်ရည်သောက်ပါ။   ခံတက်ရွက် သုပ်စားပါ သို့မဟုတ် ခံတက်ရွက်ပြုတ်ရည် သောက်ပါ။ ကြောင်ပန်းရွက်သုပ် စားပါ  သို့မဟုတ် ကြောင်ပန်းရွက်ပြုတ်ရည် သောက်ပါ။ ကန်စွန်းရိုးနီကို အညိုရောင် ထန်းလျက်ဖြင့် ပြုတ်သောက်ပါ။ ရေခပ်နွေးနွေး တစ်ခွက်ထဲကို  ဆားလက်ဖက်ရည်ဇွန်းဖြင့် လေးပုံတစ်ပုံခန့် ထည့်ပါ။ ထိုအရောအနှောထဲကို ပိုးသေစေနိုင်သော အာနိသင်ဖြစ်အောင် လစ်စထရင်း ပလုတ်ကျင်းဆေးရည် လက်ဖက်ရည်ဇွန်း တစ်ဇွန်းထည့်၍ ပလုတ်ကျင်းပါ။ (မျိုမချပါနှင့်)

ဆောင်းတွင်း ရှောင်ရှားအစားအစာများ

အေးမြသောရာသီမှာ အစာကြေညက်ခဲစေသော ဆီနှင့် အဆီအအိမ့်တွေ လျှော့စားပါ။ အာလူးကြော်၊ ကြက်ကြော်၊ ဒိုးနတ် စတဲ့ဆီကြော်မုန့်များ၊ မြေပဲ၊ ဗာဒံစေ့၊ သီဟိုဠ်စေ့ စတဲ့အဆန်များ၊ ကြက်၊ ဝက်အူချောင်းများကို ရှောင်နိုင်ရင် ကောင်းပါတယ်။ အဆီအနှစ်နှင့်   ငရုတ်သီးများတဲ့ ဟင်းလျာအစပ်တွေက ရင်ပူစေပါတယ်။  ဆောင်းရာသီမှာ  ခရမ်းသီးက  လူကိုကောင်းကျိုးမပြုပေ။  ကော်ဖီနှင့် ချောကလက် ဖျော်ရည်များကလည်း  ရင်ပူစေပါတယ်။ 

ခန္ဓာကိုယ်တွင်း ရေဓာတ်ခန်းခြောက်မှု မဖြစ်ရအောင် ကဖိန်းဓာတ်ပမာဏကို နည်းနိုင်သမျှ လျှော့သောက်ပါ။

ဆောင်းရာသီမှာ   အကြော်အလှော် ဟင်းလျာများက ရင်ပူစေနိုင်၍   အသားငါးတွေကို ဆီဖြင့်ကြော်စားခြင်းထက်  ချက်ပြုတ်၍သာ စားခြင်းက  ပိုသင့်လျော်ပါတယ်။

အဆီများသော နို့နှင့်နို့ထွက် ပစ္စည်းများဖြစ်ကြသည့် ချိစ်၊ မလိုင်၊ ခရင်များ၊  ၎င်းခရင်ဓာတ်ကဲထားသော   ကွတ်ကီးမုန့်များက နှာခေါင်း၊ လည်ချောင်း၊ ရင်ခေါင်းတို့ကို ပိတ်ဆို့စေသည့်အပြင်  အစာမကြေခြင်းကိုပါ ဖြစ်စေနိုင်ပါတယ်။ ဂျုံဖြင့်လုပ်ထားသော အစားအစာတွေကလည်း ဆောင်းရာသီမှာ  အစာမကြေခြင်းကို ဖြစ်စေပါတယ်။ ဓာတုဆေးဝါးသုံး၍ ဖြူဆွတ်အောင် ပြုပြင်ထားသော သကြားများက သွေးဆဲလ်များကို ထိခိုက်စေနိုင်ပြီး ကိုယ်ခံစွမ်းအား ယုတ်လျော့စေသဖြင့် အအေးမိ ဖျားနာ ချောင်းဆိုးကူးစက်ပိုးတွေကို  ခံနိုင်ရည် မရှိတော့ပေ။

ဒါကြောင့်  အဖြူရောင် သကြားများနှင့် ၎င်းဖြင့် ပြုလုပ်ထားသော အချိုရည်တွေကို ဝေးဝေးက ရှောင်ရှားပါ။  

ပေါက်ပေါက်

Read 166 times
Rate this item
(0 votes)
Last modified on Tuesday, 19 February 2019 10:25