SJ WorldNews - шаблон joomla Авто

ကင်ဆာရောဂါနဲ့ ထိရောက်တဲ့ ကုသမှု

Monday, 04 March 2019 10:34 Written by  font size decrease font size decrease font size increase font size increase font size

ကမ္ဘာတစ်လွှား ကင်ဆာရောဂါဖြစ်ပွားမှုနှုန်းဟာ တစ်နေ့တခြား ပိုများနေပါတယ်။  မြန်မာနိုင်ငံက ကင်ဆာရောဂါ အဖြစ်များဆုံး ၁ဝနိုင်ငံမှာ ပါဝင်နေပါတယ်။  ကမ္ဘာပေါ်မှာ ကင်ဆာရောဂါဖြစ်ပွားမှုနှုန်းဟာ၂ဝ၁၈ ခုနှစ်မှာ ၆ သန်းကျော်ရှိရာမှ ၂ဝ၃ဝ ပြည့်နှစ်မှာ ၁ဝ၆ သန်းအထိ မြင့်မားလာနိုင်တယ်လို့ ခန့်မှန်းကြတယ်။ မြန်မာနိုင်ငံမှာ  ၂ဝ၁၂ ခုနှစ်က  ကင်ဆာရောဂါ လူနာအသစ် ၆၄ဝဝဝ ဦးရှိပြီး အဖြစ်အများဆုံး ကင်ဆာရောဂါတွေက အဆုတ်

ကင်ဆာ၊ သားအိမ်ခေါင်းကင်ဆာ၊ ရင်သားကင်ဆာ၊ အစာအိမ်အူလမ်းကြောင်းကင်ဆာ၊ ဦးခေါင်းနဲ့လည်ပင်းကင်ဆာတို့ဖြစ်တယ်။ ကင်ဆာရောဂါ အမျိုးမျိုးဖြစ်ပွားမှုနှုန်း ပိုမိုများပြား လာတာဟာ ငယ်ရွယ်သူတွေမှာ ယခင်ကထက် ပိုမိုတွေ့ရှိလာပါတယ်။

ကင်ဆာရောဂါဟာ  အသက်အရွယ်မရွေး၊ ကျားမမရွေး တစ်နေ့တခြား တိုးပွားလာသည်ကို တွေ့ရပါတယ်။   တိုးတက်လာတဲ့ ဆေးပညာနဲ့ သုတေသနတွေကြောင့်  ကင်ဆာအမျိုးအစား အသစ်များကို ရှာဖွေတွေ့ရှိရုံမက ခေတ်မီဆေးပညာရပ်များ၊ ခွဲစိတ်မှုနည်းစနစ်များ၊ အဆင့်မြင့်ရောဂါ ရှာဖွေစစ်ဆေးတဲ့ နည်းပညာများ၊ ဆန်းသစ်တဲ့ ကင်ဆာကုထုံးများ၊   ဆေးဝါးများနဲ့ ကင်ဆာဆဲလ်တွေကို သက်ဆိုင်ရာ ကင်ဆာရောဂါ အမျိုးအစားအလိုက် တိုက်ရိုက်ကုသနိုင်တဲ့ ဆေးဝါးများ၊ ပစ်မှတ်ကုထုံး၊ လူပုဂ္ဂိုလ်အလိုက် ကုထုံးစသည်ဖြင့်  ပေါ်ပေါက်လာပြီဖြစ်ပါတယ်။

မြန်မာနိုင်ငံက  ကင်ဆာရောဂါ ပုံရိပ်ဖော်စစ်ဆေးရာမှာ နည်းပညာမြင့်မားတဲ့ ဓာတ်မှန်စက်ကြီး၊ ကွန်ပျူတာ ဓာတ်မှန်၊ သံလိုက်လှိုင်းနဲ့  အဏုမြူရောင်ခြည် ပုံရိပ်ဖော်ကာ ရောဂါရှာဖွေခြင်းတွေ ယခင်ကထက် ပိုမိုတိကျစွာ ရှာဖွေလာနိုင်ခဲ့ပါတယ်။ ရောဂါဗေဒပညာရပ်ပိုင်းမှာ ကင်ဆာဆိုင်ရာ သွေးစစ်ဆေးခြင်း၊ အသားစ စစ်ဆေးခြင်းတို့ အသေးစိတ်ပြုလုပ်လာနိုင်တယ်။ အသားစပေါ်မှာ မော်လီကျူး ရောဂါဗေဒစတဲ့ ခေတ်မီနည်းပညာ အသုံးပြုကာ အတွေ့အကြုံရှိတဲ့၊ ကျွမ်းကျင်တဲ့ရောဂါဗေဒဆရာဝန်က ကင်ဆာရောဂါတစ်မျိုးနဲ့ အသေးစိတ်ခွဲခြမ်းစိတ်ဖြာကာ အုပ်စုငယ်နဲ့ အမျိုးအစားကို တိကျစွာရောဂါ ရှာဖွေပေးနိုင်ခဲ့ပြီးပဲဖြစ်ပါတယ်။ သက်ဆိုင်ရာ ကင်ဆာအမျိုးအစား အလိုက် ကုသနိုင်တယ်ဆိုတာမျိုး နည်းပညာများ၊ မျိုးရိုးဗီဇစစ်ဆေးခြင်းများ(Gne Mutation Analysis)နဲ့ ရှာဖွေစစ်ဆေး ပေးနိုင်လာတယ်။

ရှာဖွေစစ်ဆေးပေးနိုင်ခြင်းကြောင့် လူနာများအတွက် တိုက်ရိုက်တိကျတဲ့ ကုထုံးတွေကို သက်ဆိုင်ရာ လူနာအသီးသီးရဲ့ မျိုးဗီဇအပေါ် အခြေခံကာ  ကုသပေးနိုင်ခြင်းကြောင့် ရောဂါတွေကို ပိုမိုထိရောက်စွာ ကုသလာနိုင်ရုံမက မလိုအပ်တဲ့ ဘေးထွက်ဆိုးကျိုးကိုပါ လျော့ပါးစေတယ်။

ကင်ဆာကုသရာမှာ ရောဂါစတင်ပြီး အချိန်မှစကာ ယင်းရောဂါကို   တိကျစွာသိရှိရဖို့  သက်ဆိုင်ရာ သမားတော်က စမ်းသပ်ခြင်း၊ ဓာတ်မှန်ဆရာဝန်ကြီးက ပုံရိပ်ဖော်ကာ ရောဂါရှာဖွေခြင်း၊ ခွဲစိတ်ဆရာဝန်ကြီးက ခွဲစိတ်ကုသခြင်း၊ ရောဂါဗေဒဆရာဝန်က အသေးစိတ်စစ်ဆေးကာ ရောဂါအမျိုးအစား သတ်မှတ်ခြင်းနဲ့ သင့်လျော်တဲ့ ကုထုံးကို ရှာဖွေစစ်ဆေးခြင်း၊ ကင်ဆာရောဂါဆရာဝန်ကြီးက ကုသပေးခြင်းစတဲ့ အဆင့်ဆင့်ကုသကြရပါတယ်။ ကင်ဆာအပြင် အခြားနာတာရှည်ရောဂါ၊ ဆက်စပ်ရောဂါတွေရှိရင် သက်ဆိုင်ရာ အထူးကုဆရာဝန်ကြီးတွေနဲ့ ပြသကာ ကုသဖုိ့ လိုအပ်မှာဖြစ်ပါတယ်။

အထူးကုဆရာဝန် တစ်ဦးချင်းစီမှာ  မိမိတို့ ဘာသာရပ်အလိုက် အထူးကျွမ်းကျင် နှံ့စပ်ပေမယ့် အခြားအထူးပြု ပညာရပ်အားလုံးမှာသက်ဆိုင်ရာ ပညာရှင်တွေလို ကျွမ်းကျင်နှံ့စပ်ခြင်း မရှိနိုင်ပါ။ အထူးကု တစ်ဦးတည်းကုသခြင်းထက် ပညာရပ်ဆိုင်ရာ အထူးကုဆရာဝန်ကြီးတွေ ပူးပေါင်းတိုင်ပင် ဆွေးနွေးကုသခြင်းသည်  ပိုပြီးအကျိုးရှိပါတယ်။

လူနာတစ်ဦးချင်းစီရဲ့  လိုအပ်ချက်၊ ရောဂါအခြေအနေပေါ် မူတည်ကာ ပူးပေါင်းတိုင်ပင် ဆွေးနွေးကုသခြင်းဟာ အရေးကြီးလာပါတယ်။ ပညာရပ်ဆိုင်ရာ အထူးကု ဆရာဝန်ကြီးများ ပူးပေါင်းတိုင်ပင် ဆွေးနွေးကုသခြင်းကို ပေါင်းစပ်ကုသခြင်း Multi Disciplinary Team Care Coordination-MDT) လို့ခေါ်တယ်။   ပေါင်းစပ်ကုသခြင်းဟာ  လူနာကို မှန်ကန်တိကျတဲ့ ရောဂါ သင့်လျော်တဲ့ ကုထုံးတွေ အချိန်မီ ရရှိနိုင်မှာဖြစ်ပါတယ်။

ယနေ့ခေတ်မှာ ပေါင်းစပ်ကုထုံးနဲ့ ကုသခြင်းသည် အကောင်းဆုံးစံပြု ကုထုံးအဖြစ် ကမ္ဘာက သတ်မှတ်ထားကြတယ်။ ကင်ဆာသာမက ဆီးချို၊ လေဖြတ်၊ အကြောသေရောဂါ၊ နာတာရှည်အဆုတ်ရောဂါ ကုသရာမှာ အသုံးပြုလာကြတယ်။ ပေါင်းစပ်ကုထုံးမှာ ကုသပေးရမယ့် လူနာရဲ့ ရောဂါအမျိုးအစားပေါ်မူတည်ကာ ကျွမ်းကျင်တဲ့ပညာရပ်ဆိုင်ရာ အထူးကုဆရာဝန်ကြီးများ၊ သူနာပြုများနဲ့ အခြားကျန်းမာရေး ပညာရှင်တို့ ပါဝင်ကြပါတယ်။

ကုသမှုမပြုမီ ကုသပေးရမယ့် လူနာနဲ့ပတ်သက်တဲ့ အသေးစိတ်အချက်အလက်တွေကို အချင်းချင်းသေချာစွာ တိုင်ပင်ဆွေးနွေးကာ အကောင်းဆုံး၊ အသင့်လျော်ဆုံးဖြစ်တဲ့ ကုသမှုနည်းလမ်း အဆင့်ဆင့်ကို လုပ်ဆောင်ကြရ ပါတယ်။

ပေါင်းစပ်ကုထုံးမှာ လူနာရဲ့ရောဂါလက္ခဏာ စတင်ပြသတဲ့ အချိန်ကစပြီး အဆင့်ဆင့်ရောဂါ ရှာဖွေခြင်း၊ ရောဂါကို တိကျစွာသိရှိနိုင်ဖို့ သက်ဆိုင်ရာ သမားတော်အထူးကု ဆရာဝန်တစ်ဦးချင်းစီမှာ မိမိတို့ဘာသာရပ် အထူးကျွမ်းကျင် နှံ့စပ်ပေမယ့်  အခြားအထူးပြုပညာရပ် အားလုံးမှာ သက်ဆိုင်ရာ ပညာရှင်တွေလို ကျွမ်းကျင်နှံ့စပ်ခြင်း မရှိနိုင်ပါဘူး။ ပေါင်းစပ်ကုထုံးမှာ လူနာရဲ့ရောဂါလက္ခဏာ စတင်ပြရာမှ ရောဂါရှာဖွေခြင်း၊ ကုသခြင်း၊ သေဆုံးခြင်း အထိ ကုသခြင်းတို့ ပါဝင်တယ်။ လူနာတစ်ဦးဟာ ကင်ဆာရောဂါဖြစ်နေတယ်လို့ သံသယရှိရင် ရောဂါကို တိကျစွာ သိရှိနိုင်ဖို့ သက်ဆိုင်ရာသမားတော်က လူနာကို ဓာတ်မှန်ဌာန  လူနာရဲ့ ဓာတ်ခွဲနမူနာနဲ့ အသားစနမူနာတို့ကို ဓာတ်ခွဲခန်းသို့ပေးပို့ စစ်ဆေးသင့်ပါတယ်။ စစ်ဆေးရာမှာ လူနာရဲ့ရောဂါဆိုင်ရာ  အသေးစိတ် အချက်အလက်တွေ ရေးသားပေးပို့ရမယ်။ သက်ဆိုင်ရာ ဓာတ်မှန်ဆရာဝန်၊ ရောဂါဗေဒဆရာဝန်တို့က လူနာကိုတိကျ သေချာစွာ ကင်ဆာအဆင့်အလိုက် ရောဂါရှာဖွေပေးဖို့ အတွက် လူနာရဲ့  ရောဂါဆိုင်ရာ အသေးစိတ် အချက်အလက်တွေက အရေးကြီးလှပါတယ်။ ရောဂါအမည် သတ်မှတ်ရာမှာ ပိုမိုတိကျသေချာကြဖို့   လိုအပ်ပါက   သက်ဆိုင်ရာ ပါရဂူ သို့မဟုတ်လူနာကို ရောဂါရာဇဝင်နဲ့ ပတ်သက်လို့ ပြန်လည်မေးမြန်းကာ လူနာရဲ့ပူးပေါင်းဆောင်ရွက်မှုက ပေါင်းစပ်ကုထုံးအတွက် အလွန်အရေးကြီးပါတယ်။

ကင်ဆာရောဂါကုသမှုအတွက် ခွဲစိတ်ကုသခြင်း၊ ကင်ဆာဆေးသွင်းခြင်း၊ ရောဂါဗေဒပညာရှင်၊ ဓာတ်မှန်ဆရာဝန်၊ ကင်ဆာအထူးကု၊ အထူးသူနာပြု၊ အခြားပညာရှင်တို့ ပါဝင်ပါတယ်။ ကင်ဆာအမျိုးအစားပေါ် မူတည်လို့ ပါဝင်တဲ့ ပညာရှင်များ မတူညီနိုင်ပါ။ ပေါင်းစပ်ကုထုံးနဲ့ ကုသရာမှာ တစ်ကြိမ်တည်းတိုင်ပင်ဆွေးနွေးခြင်းမျိုး မဟုတ်ဘဲ အပတ်စဉ် သို့မဟုတ် နှစ်ပတ်တစ်ခါ ပုံမှန်တွေ့ဆုံပြီး လူနာရဲ့အခြေအနေ တိုးတက်မှုရှိ၊ မရှိ၊ ဆေးတုံ့ပြန်မှု အခြေအနေ၊ ဆက်စပ်ရောဂါများ၏ အခြေအနေကို စဉ်ဆက်မပြတ် တိုင်ပင်ဆွေးနွေးကာ လူနာအတွက် အကောင်းဆုံး ကျန်းမာရေး စောင့်ရှောက်မှုရရှိစေဖို့ ဆောင်ရွက်ကြတယ်။

လူနာကို အစမှအဆုံးတိုင် အလုံးစုံကုသပေးကာ အချက်အလက်များ စုဆောင်းခြင်း၊ စနစ်တကျ မှတ်တမ်းတင်ခြင်း၊ ဘေးထွက်ဆိုးကျိုး ကုသပေးခြင်း၊ လုပ်ထုံး လုပ်နည်းတွေ စစ်ဆေးခြင်းတို့နဲ့ အကောင်းဆုံး ကျန်းမာရေး စောင့်ရှောက်မှု ရရှိစေဖို့ ပေါင်းစပ်ကုထုံးကို တွင်တွင်ကျယ်ကျယ် လုပ်ဆောင်လာပါတယ်။ စာတမ်းပြုစုရုံ မထိတထိကုသခြင်းမျိုး မဟုတ်ဖို့တော့ လိုအပ်မှာဖြစ်တယ်။ လူသားရဲ့ ပါဝင်မှုအပေါ် အလေးအနက် ဂရုပြုထားသင့်ပါတယ်။ ကင်ဆာရောဂါဟာ ခေတ်နဲ့အညီ ရောဂါရှာဖွေခြင်း၊ သွေးအဖြေများ၊ ဒစ်ဂျစ်တယ် ပုံရိပ်ဖော်စက်များ၊ 3D ပုံရိပ်ဖော်စက်တွေက ကင်ဆာရောဂါဖြစ်ဖြစ်ချင်း သတိပြုနိုင်မှာဖြစ်လို့ ရောဂါစစချင်း ကုသထားရင် အခြားတစ်နေရာသို့ ကင်ဆာပျံ့နှံ့ခြင်း မရှိဘဲ လုံးဝပျောက်ကင်းအောင် ကုသနိုင်ပြီပဲဖြစ်ပါတယ်။ ခွဲစိတ်ကုသခြင်း၊ ကင်ဆာဆေးသွင်း ကုသခြင်း၊ ဟော်မုန်းပေး၍ ကုသခြင်း၊ ဓာတ်ရောင်ခြည်ပေး ကုသခြင်း၊ တစ်ခုထက်ပိုတဲ့ ကုသခြင်းတွေက ဘေးထွက်ဆိုးကျိုးနည်းရုံမက ရောဂါလည်း ပျောက်ကင်းနိုင်ကြောင်း တွေ့ရှိရပါတယ်။ယနေ့တွင် ကင်ဆာရောဂါသည် ကုသနိုင်တဲ့ရောဂါ၊ ပျောက်ကင်းနိုင်တဲ့ရောဂါ ဖြစ်လာပါပြီ။         

ဒေါက်တာလွင်သန့်

Read 141 times
Rate this item
(0 votes)
Last modified on Monday, 04 March 2019 10:35