SJ WorldNews - шаблон joomla Авто

သွေးအားနည်း ရောဂါအတွက် မရှိမဖြစ် သံဓာတ်

Friday, 08 March 2019 11:02 Written by  font size decrease font size decrease font size increase font size increase font size

သွေးအားနည်းရောဂါနှင့် မြန်မာနို်င်ငံ မြန်မာနိုင်ငံအတွင်း အသက်ငါးနှစ်မှကိုးနှစ်အရွယ် ကလေးငယ်များတွင် သွေးအားနည်းရောဂါ အများဆုံးဖြစ်ပွားမှုတွေ့ ရှိရပြီး ပျမ်းမျှလူနှစ်ဦးလျှင်တစ်ဦးနှုန်း ၎င်းရောဂါကို ခံစားနေရသည်။ ထိုလေ့လာမှုက်ို ၂ဝ၁၅ ခုနှစ်က စတင်ပြင်ဆင် စစ်တမ်းကောက်ယူခဲ့ခြင်းဖြစ်ပြီး အဆိုပါစစ်တမ်းတွင် ဦးတည်အုပ်စုများအဖြစ် ငါးနှစ်အောက်အရွယ် ကလေးငယ်များ၊ ငါးနှစ်မှ ကိုးနှစ်အရွယ်ကလေးငယ်များ၊ ၁ဝ နှစ်မှ ၁၄ နှစ်အရွယ် အပျိုဖော်ဝင်စ အမျိုးသမီးများ၊ ကိုယ်ဝန်ဆောင်မိခင်နှင့် နို့တိုက်မိခင်များ၊ ၁၅ နှစ်မှ၄၉ နှစ်အရွယ် ကိုယ်ဝန်မဆောင်သော အမျိုးသမီးများ နှင့် ၁၅ နှစ်မှ ၄၉ နှစ်အရွယ် အမျိုးသားဟူ၍ အုပ်စုခုနစ်စုဖြင့် ကောက်ယူခဲ့ခြင်းဖြစ်သည်။

¤င်းစစ်တမ်းကို တိုင်းဒေသကြီး ပြည်နယ်တစ်ခုလျှင် ကောက်ကွက် ၃ဝ ဖြင့် စုစုပေါင်းကောက်ကွက် ၄၅ဝ ခန့်ရှိပြီး ကောက်ကွက်တစ်ခုလျှင် အိမ်ထောင်စု ၆ဝ ကို ကျပန်းရွေးချယ်ခဲ့ခြင်းဖြစ်သည်။ ကျပန်းရွေးချယ်သော ယင်းအိမ်ထောင်စု ၆ဝ အတွင်း ၅ နှစ်အောက် ကလေး ၂ဝ ဦး၊ ငါးနှစ်မှ ကိုးနှစ်အရွယ် ၂ဝ ဦး၊ အပျိုဖော်ဝင် အမျိုးသမီးငယ်နှစ်ဦး၊ ကိုယ်ဝန်ဆောင် အမျိုးသမီးနှစ်ဦး၊ နို့တိုက်မိခင်နှစ်ဦးနှင့် အသက် ၁၅ နှစ်မှ ၄၉ နှစ်အရွယ် အမျိုးသား၊ အမျိုးသမီး  ၂ဝ  ဦးတို့ကို  ရွေးချယ်ကောက်ယူခဲ့ခြင်းဖြစ်သည်။

သွေးအားနည်းရောဂါ

ခန္ဓာကိုယ်ထဲတွင် ဖောလစ်အက်စစ်၊B12နှင့် သံဓာတ်ချို့တဲ့ခြင်းကြောင့် သွေးအားနည်းရောဂါ (Anemia) ဖြစ်ပေါ်ခံစားလာရသည်။ မွေးရာပါသွေးအားနည်းခြင်း၊   မျိုးရိုးလိုက်ခြင်းတွေကြောင့် သွေးအားနည်းရောဂါ ခံစားရပြီး ကျောက်ကပ်မကောင်းခြင်း၊ လစဉ်ဓမ္မတာရာသီ အဆင်းလွန်၍ သံဓာတ်အားနည်းခြင်း၊ စားသောက်မှုစနစ်မကျခြင်း၊ သွေးကင်ဆာရောဂါ၊ ဒူလာအဆစ်အမျက်ရောဂါနှင့် ရိုးတွင်းခြင်ဆီရောဂါများကြောင့် သွေးအားနည်းရော ဂါဖြစ်ကြရသည်။ မတော်တဆ  ပြင်းပြင်းထန်ထန် ထိခိုက်မှုဖြစ်၍ သွေးထွက်လွန်ခြင်းကြောင့်လည်း  သွေးအားနည်းရောဂါကို ခံစားရနိုင်သည်။

သွေးအားနည်းရောဂါအတွက် မရှိမဖြစ် သံဓာတ်ကမ္ဘာပေါ်ရှိ သံဓာတ်ချို့တဲ့မှုနှုန်း မြင့်မားသောနိုင်ငံများ စာရင်းတွင် မြန်မာနိုင်ငံ ပါဝင်နေသဖြင့် ယင်းသို့သံဓာတ်ချို့တဲ့မှုမှ ကာကွယ်ရန် မိသားစုအတွင်း စားသောက်မှုပုံစံ စနစ်တကျ စီစဉ်ဆောင်ရွက်သင့်သည်။ သံဓာတ်ချို့တဲ့မှုကြောင့် သွေးအားနည်းရောဂါကို အသက်အရွယ်မရွေး ခံစားရနိုင်ပြီး ကလေးငယ်များတွင် သံဓာတ်ချို့တဲ့ပါက  သင်ယူနိုင်မှုစွမ်းရည်ကို သိသိသာသာ ထိခိုက်လာတတ်သဖြင့် ကလေးငယ်များအား အစားအသောက် သတိထားကျွေးမွေးရန် လိုအပ်သည်။ ပြည်တွင်းရှိ ကိုယ်ဝန်ဆောင်အမျိုးသမီး ဦးရေ၏ ၄ဝ ရာခိုင်နှုန်းကျော်သည် သံဓာတ်ချို့တဲ့မှု ခံစားနေရသဖြင့် သန္ဓေသားဘဝမှသည် ၎င်းကလေးဘဝ နောင်ရေးအတွက် ကျန်းမာရေး အခြေအနေမှာ စိုးထိတ်ဖွယ်ဖြစ်သည်။

သံဓာတ်လိုအပ်ချက်

အသက် ၁၉နှစ်မှ ၅ဝနှစ်အရွယ် အမျိုးသားများအတွက် နေ့စဉ်သံဓာတ် ၈ မီလီဂရမ်လိုအပ်ပြီး အမျိုးသမီးများအတွက် ၁၈ မီလီဂရမ် လိုအပ်ကာကိုယ်လက် လှုပ်ရှားမှုများသော အမျိုးသမီးများအတွက် ၎င်းပမာဏထက် ပို၍လိုအပ်နေသည့်အပြင် ကိုယ်ဝန်ဆောင်များ အတွက် ၂၇ မီလီဂရမ် လိုအပ်ကြောင်း အမျိုးသား ကျန်းမာရေးအဖွဲ့(NIH)၏  ဖော်ပြချက်အရသိရသည်။

သံဓာတ်ချို့တဲ့မှုရောဂါ

သံဓာတ်ချို့တဲ့မှုကြောင့်   ခန္ဓာကိုယ်ရှိ တစ်သျှူးများဆီသို့ အဆုတ်မှ အောက်ဆီဂျင် သယ်ဆောင်ပေးသော ပရိုတိန်းဓာတ်ဖြစ်သည့် ဟေမိုဂလိုဘင် ထုတ်လုပ်မှုပမာဏ မလုံလောက်ဖြစ်လာသည်။ ထို့အတွက်ကြောင့် ဦးနှောက် သင်ယူနိုင်မှုစွမ်းရည် လျော့နည်းခြင်း၊  အာရုံစူးစိုက်၍မရခြင်း၊ စိတ်ဝင်စားမှုမရှိခြင်း၊ ကြွက်သားများ နာကျင်ခြင်း၊ ခြေသည်း၊ လက်သည်းများ ကွဲထွက်ခြင်း၊ မကြာခဏဖျားနာခြင်း၊ ပန်းရောင် သို့မဟုတ် အနီရောင် ဆီးသွားခြင်း၊ မောပန်း၍ အားအင်ကုန်ခန်းခြင်း၊ အလွန်အမင်းမောပန်း နွမ်းနယ်ခြင်း၊ကိုယ်ခံစွမ်းအား မရှိခြင်း၊ အသက်ရှူရခက်ခဲခြင်း၊ ရင်ဘတ်နာကျင်ခြင်း၊ နှလုံးခုန်နှုန်းမူမမှန်ခြင်းနှင့် အသားအရေ ဖျော့တော့ခြင်းတို့ ကြုံတွေ့ ရနိုင်သည်။

သွေးအားနည်းရောဂါမှာ သွေးတိုးရောဂါကဲ့သို့ခေါင်းမူး၊ ခေါင်းကိုက်၊ မျက်ရိုးကိုက်ဝေဒနာတွေ ခံစားရတတ်သည်။ ရင်ခေါင်းအောင့်ခြင်း၊ မူးနောက်နောက်ဖြစ်ခြင်း၊ အီလည်လည်ဖြစ်၍ ပျို့အန်ခြင်း၊ အရေပြားအရောင် မွဲခြောက်ခြောက်ဖြစ်ခြင်း၊ အရွယ်မတိုင်မီ အရေပြားတွင် အရေးအကြောင်းများပေါ်ခြင်း၊ မျက်ရည်အလိုလိုထွက်နေခြင်း၊ အမြင်အာရုံဝေဝါးခြင်း၊ ရေငတ်ခြင်း၊ နှလုံးခုန်နှုန်းမမှန်ခြင်း၊ နှလုံးလျင်မြန်စွာခုန်လာခြင်း၊ အသက်ပြင်းပြင်း မရှူနိုင်ခြင်း၊ ရုတ်တရက်မွန်းကျပ်ခြင်း၊ အသံပျက်အသံဝင်ခြင်း၊ လည်ချောင်းနာခြင်း၊ နားအူခြင်း၊ ရင်တဆတ်ဆတ်တုန်ခြင်း၊ ဆံပင်ကျွတ်ခြင်း၊ သတိမေ့မြောခြင်းတို့အပြင် နှုတ်ခမ်း၊ လက်ဖဝါး၊ မျက်တွင်းသား၊ ခြေဖဝါးနှင့်အရေပြား အရောင်ဖျော့တော့ခြင်းစသည်တို့ဟာလည်း သွေးအားနည်းရောဂါ လက္ခဏာများဖြစ်သည်။

သံဓာတ်ကြွယ်ဝသော အစားအစာများ

အမဲအသည်း၊ အမဲသား(မိုးခိုသား)၊ ကြက်(ရင်ပုံသား)၊ ဆဲလ်မွန်ငါး၊ ရွှေဖရုံသီးအစေ့၊ အမည်းရောင်ချောကလက်၊ စမုန်ဖြူ(အခြောက်)၊ ဖာလာစေ့၊ တင်လဲရည်(သကာရည်)၊ ဗစမငခသအျ ခေါ် ဆီးသီးခြောက်၊ ပဲနီလေး၊ အာလူး၊ ဟင်းနုနယ်၊ ပဲကတ္တီပါ၊ တို့ဟူး၊ ပဲထောပတ်၊ ဘရိုကိုလီ ခေါ် ပန်းဂေါ်ဖီစိမ်း၊ သြဇာသီး၊ စားတော်ပဲ၊ ငှက်ပျောဖူး၊ မြန်မာနံနံပင်၊ တရုတ်နံနံ၊ နှမ်းနက်စေ့၊ စွန်ပလွံသီး၊ စပျစ်သီးခြောက်၊ ပန်းသီးတို့သည် သံဓာတ်ကြွယ်ဝသော အစားအစာများဖြစ်သည်။

အထက်ဖော်ပြပါ အစားအသောက်များက သွေးထဲရှိ ဟေမိုဂလိုဘင် ပမာဏကို မြှင့်တင်ပေးနိုင်သလို အောက်ဖော်ပြပါ နည်းလမ်းသုံးသွယ်တို့ ကလည်း သွေးအားနည်းရောဂါမဖြစ်အောင် သဘာဝနည်းဖြင့် ကြိုတင် ကာကွယ်ပေးထားနိုင်သည်။

-အစားအစာများကို အပူပေးချက်ပြုတ်သည့်အခါ သံအိုး၊သံခွက်၊ သံဇွန်းများကို သုံးစွဲ ပေးခြင်းဖြင့်  ခန္ဓာကိုယ်တွင်း သံဓာတ်တွေ   အားကောင်းလာစေသည်။

-နေပူဆာလှုံခြင်းကလည်း ခန္ဓာကိုယ်ထဲရှိ သွေးနီဥဆဲလ်တွေကို      တိုးပွားလာစေနိုင်သည်။

-ရေအေးအေးဖြင့် တစ်နေ့နှစ်ကြိမ် ရေချိုးခြင်းကလည်းသွေးလည်ပတ်မှုကောင်းစေကာ   သွေးနီဥပမာဏကို တိုးပွားလာစေသည်။   

ပေါက်ပေါက်

Read 132 times
Rate this item
(0 votes)
Last modified on Friday, 08 March 2019 11:03