SJ WorldNews - шаблон joomla Авто

လက်တွေ့အသုံးချဆေးနည်းတို(ဆေးမြီးတို)များ(၈၈)

Friday, 19 July 2019 11:17 Written by  font size decrease font size decrease font size increase font size increase font size

မေး။   ။ ဆရာကြီးခင်ဗျာ  နွေရာသီမှာ ကျောက်၊ ဝက်သက်ရောဂါကာကွယ်ဖို့အတွက် အုန်းရည်သောက်

ရတယ်ဆိုတာမှန်ပါသလား။ အုန်းစိမ်းရည်သောက်ရမယ် လို့ ပြောပါတယ်။ အုန်းသီးအရင့်ကအရည်က ဈေးမှာ

ဝယ်ရလွယ်ကူပါတယ်။ အသားတည်ခါစအုန်းသီးအနု ရဲ့အရည်ကိုပဲသောက်ရမှာလားခင်ဗျာ။ ရှင်းပြပေးစေ

လိုပါတယ်။

ဖြေ။  ။ ရှေးလူကြီးများသည် နွေရာသီရောက်သောအခါ  ကျောက်၊ ဝက်သက် စသောအပူကန်၊ အပူငုပ်ရောဂါများ ကာကွယ်နိုင်ရန်  အသားမရင့်သေးသောအုန်းစိမ်းရည် ကိုတိုက်လေ့ရှိသည်။ အသားတည်ခါစဇွန်းခြစ်ဟုခေါ်ဆိုသောအုန်းစိမ်းရည်သည်  အုန်းခြောက်ရည်နှင့်မတူ။ ဆန့်ကျင်ဘက်ဖြစ်သည်။ အကျိုးသွားမှာလည်းမတူ။  အုန်းစိမ်းရည်သည် အာပေါဓာတ်ကြွယ်ဝပြီးအပူငြိမ်းစေ သည်။ ဆီးရွှင်စေသည်။ အားအင်ဖြစ်စေသည်။ အုန်း ခြောက်ရည်သောက်လျှင် အပူကန်ခြင်း၊ ခေါင်းကိုက်ခြင်း၊ ယားနာထခြင်း၊ ခြေဖဝါးကွဲခြင်း စသောဆိုးကျိုးများခံစား ရလေ့ရှိသည်။  အုန်းစိမ်းရည်နှင့်  အုန်းခြောက်ရည် မတူညီသောခြားနားချက်မှာ အုန်းရည်ပေါ်တွင် အဆီ များဝေ့နေလျှင် အုန်းခြောက်ရည်ဖြစ်နိုင်သည်။ အရသာ

မှာအချိုဘက်များသည်။ လေသလပ်ထားလျှင် ခဏအတွင်း အချဉ်ပေါက် သွားလေ့ရှိသည်။ အုန်းစိမ်းရည်မှာ အချိုနှင့် အငန် ရောစပ်သော အရသာရှိသည်။ ရေကဲ့သို့ပင်ဖြစ်ပြီး အဆီမရှိ။ အချဉ်မပေါက်လွယ်ပေ။  ရှေးကဆရာကြီး များက ကျောက်၊ ဝက်သက်ရောဂါများ ကုသရာတွင်  အုန်းစိမ်းရည်နှင့် ဆေးကို တိုက်လေ့ရှိသည်။ အုန်းစိမ်း ရည်ချက်ချင်းမရနိုင်ပါက နတ်အုန်းသီးကဲ့သို့ အုန်းခြောက် ရည်ကိုယူပြီး မီးဖြင့် ဆူပွက်အောင်ကျိုကာ ဆေးနှင့် ရောတိုက်လေ့ရှိသည်။ မြို့ကြီးများတွင် သစ်ပင်နည်း ပြီး  အပူရှိန်မြင့်တက်လာသဖြင့် Heat Stroke ခေါ် အပူလျှပ်၍ လေဖြတ်ခြင်း၊  ဦးနှောက် သွေးကြောပေါက် ခြင်းတို့ အဖြစ်များသော ရာသီဖြစ်သည်။ နွေရာသီတွင်  ဆီးပူ၊ ဆီးအောင့်ရောဂါလည်း အဖြစ်များသည်။  အမျိုးသမီးများတွင် မီးယပ်ဖြူ ဆင်းရောဂါ၊ သွေးဆင်းလွန်သောရောဂါ  ထိုကဲ့သို့   အပူကန်၊ အပူငုပ်သော ရောဂါများအတွက် အုန်းစိမ်း ရည်သောက်ပေးခြင်းဖြင့်    သက်သာစေ နိုင်သည်။   အမျိုးသားလူကြီးများတွင်  ဖြစ်လေ့ရှိသော ဆီးကျိတ် ရောင်ရောဂါကိုလည်း     သက်သာစေနိုင်သည်။ ကျောက်ကပ် ကျောက်တည်သူ တစ်ဦးက အုန်းသီးအစိမ်း အနုကိုထိပ်ဖွင့် အပေါက်ငယ်မှ ကျောက်ချဉ်ခဲသေးသေး မန်ကျည်းစေ့ခန့်ကိုထည့်ပြီး တစ်နာရီခန့်အကြာပိတ်ထား ပြီးနောက် အုန်းစိမ်းရည်ကိုပိုက်ဖြင့်စုပ်ယူသောက်ပေး ခြင်းဖြင့် တစ်ပတ်ခန့်ကြာသော အခါ  ကျောက်သေးသေး လေးများကျလာသည်ကို ဖေ့ဘွတ်တွင်ပုံနှင့်တကွ တင်ပြ ထားသည်ကိုဖတ်ရှုရဖူးသည်။   အုန်းစိမ်းရည်သည်  အာဟာရဓာတ်ကြွယ်ဝပြီး အပူငြိမ်း ရုံသာမကအရိုး အဆစ်၊ အရွတ်၊ ကြွက်သားများပါ ကောင်းစေနိုင်သော  အာနိသင်ထူးရှိသည်။

မေး။  ။ အိပ်နေရင်းဟောက်တာသက်သာအောင် ဆေးနည်းဖြစ်ဖြစ် နည်းလမ်းဖြစ်ဖြစ်  ဖြေကြားပေးစေလိုပါ တယ် ဆရာ။  အစဉ်လေးစားကျေးဇူးတင်လျက်ပါ ဆရာ။

ဖြေ။  ။ အိပ်ခါနီး ဆားနှင့်သွားတိုက် ပလုတ်ကျင်းပါ။ တဘက်ကိုလိပ်ပြီး ဇက်အောက်မှာခုအိပ်လျှင် အဟောက်  သက်သာသည်။ အုန်းစိမ်းရည် ပုံမှန်သောက်ပေးလျှင် လည်း ဟောက်တာသက်သာသည်ဟု ဆိုပါသည်။

မေး။  ။ ဆရာ ကျွန်တော့်အဖေအာခေါင်မှာ အပူလောင်သလိုဖြစ်ပြီး အစပ်စားမရဘူး ဆရာ။ ပြန်ကောင်းနိုင်မယ့် ဆေးနည်းလေးကူညီပေးပါဦး ဆရာ။ မွန်ပြည်နယ်ကပါဆရာ။

ဖြေ။   ။ ဆေးအိုးပုတ်ပင် ရှာပါ။ တစ်ပင်လုံးပြုတ်ငုံပေးပါ။ သောက်လည်းသောက်ပါ။  အနာကျက်အောင် ပုဏ္ဍရိက်ပန်းပင်အရိုးအရွက် ပြုတ်ငုံပေးပါ။  မာလကာရွက်ပြုတ်ရည် ငုံပေးရင်လည်းရပါတယ်။ အုန်းစိမ်းရည် သောက်ပေးရင်လည်း   အာခေါင်ပူတာသက်သာပါတယ်။

မေး။  ။ ဆရာကြီးရှင့်။ သမီးအစာအိမ်က  အက်စစ်အထွက်များပြီး ပါးစပ်မှာအပူဖုတွေ  ခဏခဏပေါက်ပါ တယ်ဆရာ။ လည်ပင်းကြောတွေလည်း ရောင်ပါတယ်။ ဖြစ်နေတာကြာပါပြီ။    ဖြစ်လိုက်ပျောက်လိုက်ပါပဲ။ အသားတွေက အမြဲတမ်းပူနေပါတယ်။ အခုသမီးအစာ H.pilori စစ်တာပိုးရှိနေပါတယ်ရှင့်။ ဆေးနည်း လေးညွှန်ကြားပေးပါရှင့်။

ဖြေ။  ။ ဖီးကြမ်းငှက်ပျောသီးမှည့် အခွံမှာကပ်နေတဲ့ အမျှင်အသားများကိုခြစ်ယူ၊ ပျားရည်တစ်ဇွန်းရောစား ပါ။ နံနက်စောစောထမင်းရည်ပူပူသောက်ပေးပါ။ အသား လျှော့စားပါ။ ငါးများများစားပါ။ ပူစပ်သောအစာများ မစားပါနှင့်။ အစာအိမ်ပိုးရှိရင်  လောက်သေရွက်ကို အခြောက်လှန်းလက်ဖက်ခြောက်လုပ်  ရေနွေးမှာခတ် သောက်ပေးပါ။ စွဲသောက်ပါ။ ဆရာဝန်များပေးတဲ့ ဆေးကိုလည်း ပုံမှန်သောက်ပါ။

မေး။  ။ ဆရာကြီးရှင့် နားနဲ့မနာဖဝါးနဲ့နာပေးပါ။ မမေး သင့်မှန်းသိပေမယ့် ဆရာကြီးအကြံပေးတာလိုချင်လို့ပါ။  စအိုဝမှာ အသားပိုသေးသေးလေးဖြစ်နေတာ ခုနစ် နှစ်လောက်ရှိပါပြီ။ နာလည်းမနာပါဘူး။ အခုနည်း နည်းလေးရှည်လာတယ်ထင်မိပါတယ်။  လိပ်ခေါင်း ဖြစ်တာလားသိချင်လို့ပါ။   အသားပိုပျောက်အောင် ဘယ်လိုလုပ်ရပါမလဲ။ ကင်ဆာဖြစ်မှာကြောက်လို့ပါ။ ဆရာဝန်ပြသင့်ပြီလား ဖြေပေးပါလားဆရာကြီးရှင့်။ အစဉ်လေးစားအားထားလျက်ပါ။

ဖြေ။   ။ လိပ်ခေါင်းမဟုတ်ပါ။ အသားပိုထွက်တာပါ။ မဖဲ့ပါနဲ့။ ကင်ဆာမဖြစ်ပါ။ လာပြဖူးတဲ့သူရှိတယ်။ ၁၅ နှစ်ကျော်ပြီ ဘာမှမဖြစ်ပါ။ အသားပိုကနေရာတိုင်းမှာ ဖြစ်နိုင်ပါတယ်။ရှားစောင်းလက်ပပ်အနှစ်ကိုကပ်ပေးရင် အသားပိုသက်သာပါတယ်။ ဝမ်းမချုပ်အောင် မန်ကျည်း မှည့်ဖျော်ရည် သောက်ပေးပါ။

မေး။   ။ ကျွန်တော့်သမီးက နှစ်နှစ်နဲ့နှစ်လရှိ်ပါပြီ။ သမီးလေးက သွားရည်ကျတာဘယ်လိုလုပ်ရမလဲဆရာ ကြီးခင်ဗျာ။ ဆေးနည်းလေးကိုပြောပြပေးပါခင်ဗျာ။

ဖြေ။   ။ ထမင်းရည်ငှဲ့ချက် ထမင်းရည်ပူပူလေးဆား ခတ်တိုက်ပါ။ သွားရည်ကျသက်သာပါတယ်။ ကလေး ခြေဖဝါးဆားပွတ်ပေးရင်လည်း  သက်သာပါတယ်။တိုင်းရင်းဆေးအမှတ်(၄၇) သူငယ်နာ (၇) ပါးဆေးဝါ လေး လျှာမှာတို့ပေးရင်လည်း သက်သာပါတယ်။

မေး။   ။ ဆရာဘယ်နည်းနဲ့ ခွဲစိတ်ထားတဲ့အမာရွတ် ဟောင်းပျောက်နိုင်မလဲဗျာ။ ကျွန်တော် ၁ဝ နှစ်သား လောက်က ပါးမှာအနာပေါက်လို့ ခွဲစိတ်ပြီးကျန်ခဲ့တဲ့ လက်တစ်ဆစ်လောက်ရှိတဲ့  အမာရွတ်ကျန်ခဲ့ပါတယ်။ အညိုရောင်သန်းနေပါတယ်။ အခုဆိုရင် ရှစ်နှစ်လောက် ကြာခဲ့ပါပြီ။ ကျွန်တော်နေ့ခင်းဘက်ဆိုရင် မလွှဲသာ မှသာအပြင်ထွက်တာပါ။ ကျွန်တော်က ရှက်တတ်တော့ သူငယ်ချင်းတွေနဲ့တွေ့ရင်တောင် မျက်နှာလွှဲထားရ တယ်ဗျာ။ ဆရာကူညီပါဦးဗျာ။

ဖြေ။   ။ ကွမ်းသီးခြမ်းသွေးလိမ်းပါ။ ညအိပ်ရာဝင်လိမ်း အိပ်ပါ။ စိတ်ရှည်ရှည်လိမ်းပါ။ ဆန်ဆေးရည်နဲ့ သွေးရင် ပိုဖြူပါတယ်။ (ကွမ်းသီးကအခြောက်ပါ။) ရှားစောင်း လက်ပပ်အနှစ်ကပ်ပေးရင်လည်း   သက်သာနိုင်ပါ တယ်။

မေး။   ။ ဆရာခင်ဗျာ   တစ်ခုလောက်မေးပါရစေ။  ကျွန်တော့်ရဲ့နားထဲမှာ ပိုးကောင်အော်သံမျိုးအဆက် မပြတ်ကြားနေရပါတယ်။ နားနှာခေါင်းသွားပြတော့ စစ်ဆေးပြီးနောက် နားကြားကိရိယာတပ်ခိုင်းပါတယ်။ နားကတော့ ပုံမှန်အတိုင်းပဲကြားနေရတာပါ။  ဒါနဲ့ ဆေးခန်းသွားထပ်ပြတော့ ပိုးသတ်ဆေးနဲ့ နားထဲထည့် ဖို့ ဆေးပေးလာပါတယ်။ အသံကတော့ နည်းနည်းကြားနေရ တုံးပါ။ ဒါပေမဲ့ ညာဘက်နားအတွင်းဘက်မှာ ဖြူဖွေးနေ ပါတယ်။ ဘယ်ဘက်ကတော့ ပုံမှန်ပါပဲ။ ဖြူဖွေးနေ တာကြွေပြားအဖြူလိုပါပဲ။ အဲဒါဘာဖြစ်တာလဲဆိုတာ သိချင်လို့ပါ။ ကျေးဇူးပြု၍ ဖြေပေးပါခင်ဗျာ။

ဖြေ။   ။ နားထဲမှာ မှိုတက်ရင်အမည်း၊ လေပိတ်ရင်အဖြူ လို့အဆိုရှိပါတယ်။ လေပိတ်ရင်အော်ပါတယ်။ သံပရာ

သီးလတ်လတ်ဆတ်ဆတ်အရည် နားထဲညှစ်ထည့်ပါ။ အစေ့မပါပါစေနဲ့။ ပြီးရင် ရေနွေးကြမ်းအဖန်ရည်ထဲမှာ ဆားခါး အနည်းငယ်ထည့်ဖျော်ပြီး နားထဲလောင်းဘေးစောင်းပြန်သွန်ထုတ် သုံးလေးကြိမ်ပြုလုပ်ပါ။

မေး။   ။ ဆရာကြီးခင်ဗျာ ကျွန်တော်တို့ အိမ်ထောင်ကျ တာ နှစ်နှစ်ကျော်လာပါပြီ။ ကလေးလိုချင်တာမရဘူးဖြစ်

နေလို့ပါ။ ဆေးနည်းလေးများ ရှိရင် ပေးပါဦး ဆရာ။

ဖြေ။   ။ အမျိုးသမီးသားအိမ်မှာ အပူဓာတ်များရင် ကလေးမရပါ။ မီးကွင်းဂမုန်းရွက် သုပ်စားပါ။ ဆန် ဆေးရည် သောက်ပါ။ အမျိုးသားသုက်အားကောင်းစေ ရန် ခွေးလှေးယားသီးစေ့ နွားနို့နဲ့ပြုတ်ကျွေးပါ။ တစ် နေ့ ကိုးစေ့စားနိုင်ပါတယ်။

မေး။   ။ မင်္ဂလာပါဆရာ။ အမျိုးသားကိုသွေးစစ်တော့ သွေးတွင်း ကိုလက်စထရောများနေတယ်။  အသည်း အဆီဖုံးတယ် ပြောပါတယ်ဆရာ။ သောက်ဆေးနှစ်မျိုး ပေးပြီး တစ်ပတ်နေရင်ပြန်စစ်ရမယ်တဲ့။   ဆေးလိပ်၊ အရက်၊ ဘီယာ၊ ကွမ်းမပြတ်အောင်သုံးစွဲသူပါ။  ဆေး သောက်နေတဲ့အတောအတွင်း   အနီရောင်အသား၊ နွားနို့၊ ကလီစာ၊ ပဲပင်ပေါက်၊ မှို၊ မျှစ်၊ ဆေးလိပ်၊ အရက်၊ ကွမ်းယာအားလုံးရှောင်ခိုင်းထားပါတယ်။   အသည်း အဆီဖုံးတာ ပျောက်နိုင်ပါသလား။ ဓာတ်စာဘာတွေ ကျွေးရမလဲသိချင်ပါတယ်ဆရာ။

ဖြေ။   ။ နီသောအသား၊ ခြေလေးချောင်းသားရှောင်ပါ။ နံနက်ခင်း နှစ်မိုင်လမ်းလျှောက်ပါ။ ဒန့်သလွန်ရွက်များများ စားပါ။ သံပရာသီး တစ်လုံးအရည်ညှစ် ပျားရည်ဟင်းစား ဇွန်း တစ်ဇွန်းစပ် ညအိပ်ရာဝင်သောက်ပါ။  ကြခတ် ဝါးရွက်ကို ထောင်း အရည်ညှစ် ဟင်းစားဇွန်းနှစ်ဇွန်း နေ့စဉ်သောက်ပါ။ အသည်း အဆီဖုံးသူတွေ သက်သာပါ တယ်။

မေး။   ။ မင်္ဂလာပါဆရာ။ ကျွန်မအဖေလက်ဖဝါးခြေဖဝါးတွေ ခြောက်ပြီးကွဲလာတာကြာပါပြီ။ လွန်ခဲ့တဲ့ နှစ် နှစ်နီးပါးကစတာပါ။ မြေသြဇာလိုမျိုး ဓာတုပစ္စည်းတွေ မကိုင်ရတာကြာပါပြီ။  အရေပြားဆေးခန်းသွားပြရင် လည်းခဏပဲသက်သာပြီးပြန်ဖြစ်တာပါပဲ။  ဆရာဝန် တွေကပြောတယ် ဒါကအမြစ်မပြတ်ဘူး။ ပြန်ပြန်ဖြစ် မှာပဲတဲ့။ ဘာတွေရှောင်ပြီး  ဘာတွေစားသောက်ရမလဲဆရာ။ အသားအရေစိုပြည်ပြီး  လက်ဖဝါးကွဲတာတွေ သက်သာအောင်လို့ပါ။

ဖြေ။   ။တမာရွက်ပြုတ်ရည်စိမ်ပါ။  တမာရွက်ပြာချ အုန်းဆီနဲ့လိမ်းပါ။ အစားအသောက်မှာ အညှီအဟောက်၊  ငါးပိ၊ ငါးခြောက်၊ ပုစွန်၊ အကြေးမပါတဲ့ ငါး၊  ဝမ်းတွင်း ကလီစာ၊ ပဲငါးပိ၊ မြေအောင်းသားများရှောင်ပါ။ ကုန်း ကန်စွန်းရိုးနီ ပြုတ်ပြီးသုပ်စားပါ။  ခြေဖဝါးကွဲသက်သာ ပါတယ်။

မေး။   ။ ဆရာ ညာဘက်ခြေဖနောင့်ထောက်လို့မရအောင် နာနေပါတယ်။ ဆေးနည်းလေးသိပါရစေဆရာ။ ကျေးဇူးတင်ပါတယ်ဆရာ။

ဖြေ။   ။ သက်ရင်းကြီးရွက်ဆားနဲ့ရောထောင်း ဖနောင့် မှာ အုံစည်းထားပေးပါ။ တစ်နည်း- ဆားကိုပုံပြီးနင်းပါ။ ဒူးအထက်မှရေလောင်းပါ။ နင်းလိုက်  လောင်းလိုက်  လေးငါးကြိမ်ပြုလုပ်ပေးပါ။ ရဲယိုရွက်မီးကင် ဖနောင့်မှာ ကပ် ပတ်တီးစည်းထားပါ။  

ကြည်လွင်မြင့်(မုဒြာ)

Read 503 times
Rate this item
(0 votes)