SJ WorldNews - шаблон joomla Авто

မိုးဥတုမှာ ကျန်းမာရေးအတွက် သတိပြုစရာများ

Monday, 19 August 2019 10:04 Written by  font size decrease font size decrease font size increase font size increase font size

ပူအိုက်နေရာမှ ရုတ်တရက် မိုးရွာချသဖြင့် အိပ်ကောင်းကောင်းနှင့် နံနက်စောစော ထချိန်တွင် မထဘဲ ဆက်အိပ်သည်။ စနေနေ့ ရုံးပိတ်ရက် ကလေးများလည်း ကျောင်းမသွားရသဖြင့် နေမြင့်သည်အထိ ဆက်အိပ်လိုက်သည်။ ထိုသူသည် နံနက်အိပ်ရာထသည့် အချိန်မှစ၍ ခေါင်းအုံနေခဲ့သည်။ နံနက်စာစားပြီး ရင်ပြည့်သောအခါ ခေါင်းပို၍ကိုက်လာသည်။ နေ့လယ်စာကို ကောင်းစွာမစားနိုင်၍ တစ်နေကုန် နေမကောင်းဖြစ်ရသည်။

ပူသောအခါ ကျယ်ပြန့်နေသောကြွက်သားနှင့် သွေးကြောများသည် အေးလာသောအခါ ကျုံ့ပြီး သွေးလေးလာတတ်သည်။ ထိုအခါ  ပို၍ အိပ်ကောင်းသည်။ အိပ်ရာမှ  မထချင်ဖြစ်လေ့ရှိသည်။ အချိန်ပို၍ အိပ်သောအခါ လှုပ်ရှားသောအခါ  နှလုံးသွေး လှည့်ပတ်မှုမမှန်ကန်၊ ဦးနှောက်သို့ သွေးအရောက်နည်းပြီး ဉာဏ်မရွှင် ထိုင်းမှိုင်းသွားခြင်းဖြစ်သည်။ ထိုင်းမှိုင်းနေသည်ကို အလုပ်ရှိ၍ အတင်း စဉ်းစားသောအခါ ခေါင်းကိုက်လာခြင်းဖြစ်သည်။

မိုးရွာနေချိန်တွင် စောင်ထူထူနှင့် ကွေးအိပ်သူ တစ်ဦးမှာ ဖိအိပ်မိသော ဘက်က လက်မောင်းတစ်ဖက် ကပ်သွားသည်ကို တွေ့ရဖူးသည်။ ဖိအိပ်သည့် နာရီကြာသဖြင့် လက်မောင်းသို့သွားသော သွေးကြောပိတ်ပြီး ဖြစ်ရခြင်းဖြစ်သည်။ နှစ်နာရီကျော်ကြာအောင် တစ်ဖက်သတ်အိပ်ခြင်းသည် မကောင်းပေ။ တစ်ဖက်စီ လှည့်စောင်းအိပ်ခြင်းကို သတိထား ပြုမူသင့်သည်။

မိုးရွာနေချိန် နံနက်စာစားပြီး အပြင်ထွက်မည့်သူများ သတိထားရန်မှာ အစာကြေခဲသော အစာများ စားမသွားရန်ဖြစ်သည်။ နံနက်စာအစာခံအဖြစ် ကောက်ညှင်းပေါင်း၊ အကြော်စုံနှင့် လက်ဖက်ရည်သောက်သွားသူ တစ်ဦးမှာ မိုးရွာထဲတွင် ခြေထောက်ရေစိုပြီးနောက် မကြာမီ အစာအိမ်ရင်ညွန့်မှ အောင့်လာသည်ကို တွေ့ရဖူးသည်။ ခြေအေးဝမ်းရောင်ဟု ရှေးလူကြီးများ ပြောလေ့ရှိသည့် စကားအတိုင်းဖြစ်သည်။ ကြာရှည်ခြေထောက် ရေစိုခြင်းကြောင့် အစာမကြေ ရောဂါဖြစ်နိုင်သည်။ မိုးရာသီတွင်စီးသည့် ဖိနပ်များကိုလည်း သတိထားရန်လိုသည်။ ကတ္တီပါဖိနပ်ကဲ့သို့ ရေစိုလျှင် လွယ်လွယ်နှင့် မခြောက်သည့်ဖိနပ်များကို ရှောင်သင့်သည်။

ခြေထောက်ရေစိုလျှင် သတိထားပါ ခြေထောက်ရေစိုခြင်း၏ အခြားနောက်ဆက်တွဲ ပြဿနာတစ်ခုမှာ နှာစေး၊ နှာပိတ်ခြင်းဖြစ်သည်။ အပူများအထက်သို့ တက်ရာမှ ရှူသွင်းသော လေအေးနှင့်ထိတွေ့သောအခါ အပူအအေး ဆန့်ကျင်ဘက်ဖြစ်ပြီး နှာပိတ်ခြင်း၊ နှာစေးခြင်းဖြစ်ရသည်။ နှာစေးခြင်းသည် ရက်ရှည်လာလျှင် ထိပ်ကပ်နာထိ ဖြစ်နိုင်သည်။ ထိပ်ကပ်နာဆိုသည်မှာ နှာခေါင်းအတွင်းမှ အပုပ်နံ့ရပြီး နှပ်ပုပ်ထွက်သည့် ရောဂါဆိုးဖြစ်သည်။

ကလေးဘဝငယ်စဉ်က 'နေပူမိုးရွာ သူခိုးလာ၊ လာတဲ့သူခိုး လှံနဲ့ထိုး' ဟုဆိုကြသည်။ မြန်မာဗိန္ဒောဆရာကြီး တစ်ဦးက သူခိုးဆိုသည် ပုန်း၍ ငုပ်လျှိုးလာသောဓာတ်၊ အာကာသဓာတ်ရစေသော ရှောက်ရွက်၊ ရှောက်သီး၊ ဆူးပန်းရွက်၊ ကင်ပွန်းချဉ်ရွက် စသည်များကို (ဆူးပါသောအပင်များ ဖြစ်သဖြင့် လှံနှင့်တူသော အပင်များဟု ဆိုသည်။) ဟင်းရည်သောက် ချဉ်ရည်ဟင်းချက်စားခြင်းဖြင့် မိုးဥတုတွင် အာကာသဓာတ်ရအောင် ဆောင်ရွက်ရမည်ဟု ဆိုလိုရင်းဖြစ်သည်ဟု ဆိုသည်။

နေပူသောအခါ ချွေးစိုနေသည်။ မိုးရွာသောအခါ ထိုချွေးငုပ်သွားတတ်သည်။ ခြေ လက်များရေစို၍ အေးစက်သောအခါ ဝမ်းတွင်း၌ အခိုးငုပ်ပြီး ပူနေတတ်သည်။ အချိန်ကြာမြင့်စွာ ခြေ လက်များ အေးစက်နေလျှင် ဗိုက်နာ လာတတ်သည်။ အစာအိမ်တွင် လေပူငုပ်၍ အထက်မတက် အောက်မသက်ဖြစ်သောအခါ ဗိုက်အောင့်လာခြင်းဖြစ်သည်။

ခြေအေး၍ အစာမကြေခြင်းကြောင့် ဝမ်းလည်းချုပ်တတ်သည်။ မကြေကျက်သော အစာများ အူမကြီးအဆုံးသို့ ရောက်သောအခါ စမြင်းခံ၍ ဝမ်းချုပ်ခြင်းဖြစ်သည်။ ဝမ်းချုပ်ခြင်း၏ နောက်ဆက်တွဲမှာ ညောင်းကိုက်ခြင်းနှင့် ဇက်ကြောတက်ခြင်းတို့ဖြစ်သည်။ ထို့ကြောင့် ခြေထောက်ရေစိုလျှင် ဇက်ကြောတက် ရောဂါဖြစ်တတ်သည်ဟု ဆိုကြခြင်းဖြစ်သည်။ မိုးဥတုမှာ ဇက်ကြောတက်တတ်သူများ သတိထားစရာဖြစ်သည်။

မိုးဥတုနှင့် အဆုတ်ပွရောဂါ

အဆုတ်ပွရောဂါသည် မိုးဥတုတွင် အဖြစ်များသော ရောဂါဖြစ်သည်။ အဆုတ်လေပြွန်များ အတွင်း ရေငွေ့များဝင်ရာမှ ပြန်မထွက်နိုင်သောအခါ အအေးပတ်ပြီး အဆုတ်အအေးပတ် ရောဂါဖြစ်သည်။ ထို့နောက် အဆုတ်ပွရောဂါ၊ အဆုတ်ရောင်ရောဂါများ ဆက်၍ဖြစ်လာနိုင်သည်။

မိုးရေထဲသွားနေသူများသည် ရှူသွင်းသော လေတွင် ရေငွေ့များပါသဖြင့် ကြာလာသောအခါ အဆုတ်အတွင်းတွင် ပြန်မထွက်နိုင်သော ရေငွေ့အမှုန်လေများ စုမိလာသည်။ နှာချေခြင်းသည် ဖုန်နှင့် အမှုန်များဝင်မှ မဟုတ် ရေငွေ့များ ပြန်ထွက်စေရန်အတွက် အဆုတ်အတွင်းမှ အမျှင်များက ခါထုတ်သဖြင့်လည်း ဖြစ်နိုင်သည်။ အဆက်မပြတ် နှာချေနေခြင်းသည် အဆုတ်အတွင်း ရေငွေ့များရှိနေခြင်း လက္ခဏာဖြစ်သည်။

မိုးရွာထဲမှပြန်လာသောအခါ ပရုတ်ဆီ အနည်းငယ်ကို ရေနွေးမတ်ခွက်တွင် ထည့်ဖျော်၍ အုပ်ထားပြီး  ဖွင့်လိုက်သောအခါ ထွက်လာသည့် ပရုတ်ငွေ့ကို ရှူပေးခြင်းဖြင့် အဆုတ်အအေးပတ်ခြင်းကို ကာကွယ်နိုင်သည်။ သို့မဟုတ် ချင်းတက်တစ်တက်ကို ထုထောင်းပြီး ရေနွေးမတ်ခွက်တစ်လုံးစာ ကျိုသောက်ခြင်းဖြင့်လည်း အဆုတ်အအေးပတ်ခြင်းမှ ကာကွယ်နိုင်သည်။

အဆုတ်ရေဝိုင်းသည့်ရောဂါ၊  အဆုတ်ရေဝပ်သည့် ရောဂါကြောင့် အဆုတ်အတွင်းတွင် ပိုးများပေါက်ပွားပြီး အဆုတ်ရောင်ရောဂါ နာတာရှည် ဖြစ်လာနိုင်သည်။ တငွေ့ငွေ့ကိုယ်ပူ၍ ဖျားသောရောဂါသည် အဆုတ်ရောင်ခြင်းကြောင့် ဖြစ်နိုင်သည်။ ပိုးကြောင့်ဖြစ်သော အဆုတ်ရောဂါ တော်တော်များများသည် အဆုတ်တွင် ရေဝပ်ရာမှ စတင်ဖြစ်လေ့ရှိသည်ကို တွေ့ရသည်။

အဆုတ်အတွင်း ရေငွေ့များနေသဖြင့် နှာချေခြင်း၊ ချောင်းဆိုးခြင်း အကြိမ်ရေများ လာသောအခါ၊ ရက်ရှည်လာသောအခါ အဆုတ်နှင့် လေပြွန်အတွင်းမှ သွေးကြောငယ်လေးများ ပေါက်ပြီး သွေးပါလာသည်။ ချောင်းဆိုးသွေးပါ ရောဂါဟုခေါ်သည်။ အခန်းအောင်းနေသူများ၊ နေရောင်ခြည် မရသည့်အခန်းတွင် အလုပ်ကိုထိုင်ပြီး ကြာရှည်လုပ်ရသူများတွင် ဤရောဂါဖြစ်လေ့ရှိသည်။

နေရောင်ခြည်၏တန်ဖိုး

နေရောင်ခြည်၏ တန်ဖိုးကို မိုးဥတုတွင် သိရသည်။ ရက်ရှည်မိုးရွာ၍ စိုထိုင်းနေသော အဝတ်များသည် နေရောင်ခြည်ဖြင့် ထိတွေ့သောအခါ အခြောက်မြန်သည်။ အိမ်တွင်းအရိပ်တွင် အခြောက်ခံသော အဝတ်များ၊ ပန်ကာလေဖြင့် အခြောက်ခံသော အဝတ်များကဲ့သို့ အနံ့အသက်မကောင်းပေ။ နေရောင်ခြည်မှ ပေးသော ဥဏှတေဇောအပူဓာတ်သည် ရောဂါပိုး တော်တော်များများကို သေစေနိုင်သော သတ္တိရှိသည်။  ဖြစ်နိုင်လျှင် ခြောက်သွေ့ပြီး အဝတ်ပင်ဖြစ်စေ နေရောင်ခြည် ထွက်လာသောအခါ ခေတ္တနေရောင် ပြပေးသင့်သည်။

အဝတ်အထည်များတွင် မှိုကပ်သောကြောင့်၊ မှိုစွဲခြင်းကြောင့် လူ၏ အရေပြားတွင်လည်း ယားယံခြင်း၊ ညှင်းပေါက်ခြင်း၊ သနပွေးခေါ် ပွေးကွက်ငယ်များ ပေါက်ခြင်း ဖြစ်လေ့ရှိသည်။ ရေချိုးသောအခါ ဆပ်ပြာရည်ကို ကုန်စင်အောင်မချိုးဘဲ အဝတ်အစားများတွင်လည်း ရေငွေ့များ ရှိနေခြင်းကြောင့် တစ်ကိုယ်လုံး အဖုအပိမ့်များ ထွက်ပြီး ယားယံလာသည်။ ကုတ်ဖဲ့ရာမှ ဝဲနှင်းခူအနာများဖြစ်သည်ကို တွေ့ရဖူးသည်။

မိုးများသောအရပ်တွင် နေရောင်ခြည်ထွက်သောအခါ အဝတ်အထည်များသာမက စောင်၊ အိပ်ရာခင်းများကိုပါ နေရောင်ခြည် ပြပေးသင့်သည်။ အိမ်ခန်းအတွင်းသို့ နေရောင်ခြည်ဝင်အောင် ပြတင်းပေါက်များ ဖွင့်ပေးခြင်းဖြင့် ရေငွေ့ဖြင့်ပေါက်ပွားမည့် ရောဂါများ အန္တရာယ်မှလည်း ကာကွယ်နိုင်ပေသည်။ နေရောင်ခြည်မဝင်သော အခန်းများ ၊အဲကွန်းအလုံခန်းများတွင် နေထိုင်သူများသည် မိုးဥတုတွင် အဆုတ်ပွရောဂါဖြစ်နိုင်သဖြင့် သတိပြုကြစေချင်သည်။

မိုးဥတုမှာ စားသုံးသင့်သော ဓာတ်စာများ

မိုးဥတုတွင် ကျန်းမာရေး မကောင်းသဖြင့် အခန်းတွင်း အောင်းနေရသည့် လူကြီးများ၊ သက်ကြီးရွယ်အိုများကို မိုးတိတ်ပြီး လေကောင်း လေသန့်ရသည့် နေရာ၌ တစ်နာရီခန့် နေပူဆာလှုံပေးသင့်သည်။ လမ်းမလျှောက်နိုင်သူကို တွဲ၍သော်လည်းကောင်း၊ ဝှီးချဲဖြင့်သော် လည်းကောင်း နေရောင်ခြည်ပြပေးသင့်သည်။

လူကြီးများ အသက်အရွယ်ကြောင့် အဆုတ်ပွလွယ်သည်။ ရေငွေ့များ အောင်းပြီး နေရောင်ခြည်မဝင်သည့်အခန်းတွင် အနေကြာလျှင် အဆုတ်ပွ၊ အဆုတ်ရောင်၊ ချောင်းဆိုး၊ ရင်ကျပ်၊ တငွေ့ငွေ့ကိုယ်ပူသော အဖျားရောဂါများ ဝင်လာနိုင်သည်။ နေရောင်မဝင်သော အခန်းတွင် ရောဂါပိုးမွှား ပေါက်ပွားလွယ်သည်ဟု ဆိုသည်။

အဆုတ်ရေငွေ့ဝင်၍ နှာချေခြင်း၊ ချောင်းဆိုးခြင်း၊ အဆုတ်အအေး ပတ်ခြင်းမှ ကာကွယ်နိုင်သော မီးဖိုချောင်သုံး အစားအစာမှာ ကြက်သွန်ဖြူဖြစ်သည်။ ကြက်သွန်ဖြူဥ တစ်လုံးကို မီးဖုတ်၍ဖြစ်စေ၊ ဥအမြွှာများကို သီတံဖြင့် တံစို့ထိုးမီးကင်၍ဖြစ်စေ နေ့စဉ် တစ်ဥ သို့မဟုတ် ခုနစ်မြွှာခန့် စားပေးလျှင် အဆုတ်အအေးပတ်ခြင်းမှ ကာကွယ်နိုင်သည်။ ငွေကုန်ကြေးကျမများ၊ ပိုးသတ်ဆေးများလည်း မသောက်ရသည့် သဘာဝကိုယ်ခံအား ဓာတ်စာဖြစ်သည်။

အဆုတ်ပွ၍ဖျားလျှင် တငွေ့ငွေ့နှင့် ရက်ရှည်ပြီး အစားအသောက်မစားချင် ခံတွင်းပျက်သည့် ရောဂါပါ ဝင်လာတတ်သည်။ အဆုတ်သည် နှလုံးမှ ပေးပို့သော သွေးညစ်များကို ပြင်ပမှရှူသွင်းသည့် လေနှင့် ထိတွေ့ပေးပြီး သွေးသစ်ဖြစ်အောင် သန့်စင်ပေးရာ ဌာနဖြစ်သဖြင့် ကျန်းမာရေးအတွက် အလွန်ပင်အရေးကြီးသည်။ အဆုတ်မကောင်းလျှင် သွေးလည်း မသန့်စင်နိုင်ပေ။ အလွန်အရေးကြီးသည့် ကိုယ်တွင်း အင်္ဂါဖြစ်သည်။

ကြက်သွန်နီသည်လည်း အအေးပတ်ခြင်းမှ ကာကွယ်ပေးသည့် အာနိသင်ရှိသည်။ ဟင်းချက်ရာတွင် ကြက်သွန်နီ ပါသော်လည်း အပူပေးသဖြင့် ဥမှထွက်သော အခိုးအငွေ့ အာနိသင်ပျက်သွားသည်။ အစိမ်းစားခြင်းဖြင့် စူးရှသော အခိုးအငွေ့ကိုရနိုင်သည်။

ကြက်သွန်နီတစ်ဥကို ပါးပါးလှီးပြီး ရှောက်ရည် သို့မဟုတ် သံပရာရည် ဆမ်းပြီး ထမင်းစားသည့်အခါတိုင်း စားသုံးပေးခြင်းဖြင့် ရောဂါပိုးများစွာကို ကာကွယ်နိုင်သည်။ ကြက်သွန်နီဥကိုလှီးပြီးလျှင် ရေအကြိမ်ကြိမ် မဆေးဘဲ တစ်ကြိမ်ခန့်သာဆေးပြီး မွှန်သည့်အနံ့ကို ထိန်းထားသင့်သည်။

ကြက်သွန်နီသည် ဆီးကောင်းစေသဖြင့် မိုးရာသီတွင် ခြေထောက်ရေစို၍ ခြေအေးခြင်း၊ အပူငုပ်၍ဆီးပူခြင်း၊ ဆီးအောင့်ခြင်းများ အတွက်ပါ ကာကွယ်ပေးနိုင်သည်။ ဆီးလမ်းကြောင်းနှင့် ကျောက်ကပ်အတွက်ပါ ကောင်းသော မီးဖိုချောင်မှ ဆေးစွမ်းကောင်းဖြစ်သည်။

မိုးရာသီတွင် အဓိကစားသင့်သည့် အရသာမှာ အခါးဟု ရှေးဓာတ်စာ ဆရာကြီးများကဆိုသည်။ အပြင်တွင် အေးပြီး အအေးပတ်သဖြင့် ကိုယ်တွင်းငုပ်နေသော အပူဓာတ်(ဥဏှတေဇော)နှင့် တွဲလျက်ဖြစ်ပေါ်လာသော (ဥဏှာဝါယော) လေပူအထက်သို့ ကန်ခြင်း၊ ချောင်းဆိုးခြင်း၊ လည်ချောင်းပူခြင်း၊ အဆုတ် အပူအောင်းခြင်းတို့ကို အခါးအရသာ စားပေးခြင်းဖြင့် သက်သာစေနိုင်သည်ဟုဆိုသည်။ ခွေးတောက်ရွက်၊ ကြောင်လျှာသီး၊ ကြက်ဟင်းခါးသီး တို့ကို သင့်တင့်ရုံ စားပေးခြင်းဖြင့် ကျန်းမာရေးအတွက် ကောင်းမွန်စေနိုင်ကြောင်း မိုးရာသီ ဓာတ်စာအဖြစ် တင်ပြလိုက်ရပေသည်။ 

ကြည်လွင်မြင့် (မုဒြာ)

Read 40 times
Rate this item
(0 votes)
Last modified on Monday, 19 August 2019 10:05