SJ WorldNews - шаблон joomla Авто

ကိုယ်လက်လှုပ်ရှား အားကစား

Friday, 25 October 2019 10:01 Written by  font size decrease font size decrease font size increase font size increase font size

အားကစားကို အားမှကစားမယ်လို့ အပြောင်အပြက် ပြောခဲ့ကြားခဲ့ပါတယ်။အားမှ ကစားလို့ အရေးကြုံရင် သက်လုံမကောင်းတာမျိုး ဖြစ်ရပါတယ်။ခေတ်မီသူတိုင်း တုပ်ကွေး ဖျားကြသည်ဆိုတော့လည်း ကိုယ်ပါတယ်။ ဝမ်းပျက်ဝမ်းကိုက်ကြရင်လည်း ကိုယ်ပါတယ်၊ ဒစ်စကိုမျက်စိဆိုရင်လည်း ကိုယ်နဲ့မလွတ်။ ချူချာတယ်ပေါ့လေ။ ဖြစ်လိုက်ရင်လည်း  ဆေးရုံဆေးခန်းမှာပဲ အပြီးနေလိုက်ရမလို  ရက်ရှည်ဖြစ်ရတတ်တယ်။ တကယ်ဆိုရင် အသက်ငယ်တဲ့ ကလေးတွေနဲ့ သက်ကြီးရွယ်အိုတွေသာ အဖျားအနာများရမယ် မဟုတ်လား။ အမျိုးသမီးနဲ့ အမျိုးသားဆိုရင်လည်း အမျိုးသမီးတွေက အာဂန္တု အဖျားလေးတွေ ပိုဖြစ်တတ်ပါတယ်။ ခုတော့ကျားမမခွဲခြားဘဲ  တန်းတူအခွင့်အရေး ရနေတတ်ပါတယ်။

ခေတ်မီလာတော့၊  မြို့ဆန်လာတော့၊ ကျွန်တော်တို့တစ်တွေဟာ အထိုင်များလာကြတယ်။ လမ်းမလျှောက်ဖြစ်ဘူး။ ဟိုနားဒီနား သွားလာတာကို ဆိုင်ကယ်ကလေးနဲ့ သွားလာတတ်ကြတယ်။ တောင်သူလယ်သမားတွေတောင် ထွန်စီး၊ ပျိုးနုတ် မလုပ်ချင်ကြတော့ဘူး။ လူသက်သာအောင် စက်ကိရိယာတွေ အစားထိုး သုံးစွဲလာတော့ မလည်ပတ်ရတဲ့ ခန္ဓာစက်ကြီးဟာ ဆီချိုး၊ ရေချိုး၊ လေချိုးတွေ အထပ်ထပ်ကပ်ပြီး သုံးစားမရဖြစ်လာပါတယ်။ ဒါတွေဟာ မကူးစက်နိုင်တဲ့ ရောဂါတွေ၊ ကူးစက်နိုင်တဲ့ရောဂါတွေရဲ့ အစ၊ အကြောင်းတရား ဖြစ်လာရပါတယ်။

ကျွန်တော်တို့ အားကစားလုပ်မှဖြစ်မယ်။ ပြိုင်ပွဲဝင် အားကစားသမားတွေလို ကျန်းမာခြင်းကို ယှဉ်ပြိုင်အနိုင်ယူရမယ် မဟုတ်လား။ ကျန်းမာရေး ဆုတံဆိပ်တွေ ရရှိနိုင်အောင် နေ့စဉ်နေ့တိုင်း ကိုယ်လက်လှုပ်ရှားမှု လုပ်ရုံပါပဲ။ မနိုင်တဲ့ ဝိတ်တုံးကြီးတွေကို မရမှာမဟုတ်ပါဘူး။  အောင်လအန်ဆန်ကို စိန်ခေါ်ရမှာ မဟုတ်ပါဘူး။ ပေါ့ပေါ့ပါးပါးလေးနဲ့ စတင်လိုက်ဖို့ပါပဲ။ ဒီလိုကိုယ်လက်လှုပ်ရှား လိုက်တာနဲ့ ရလာမယ့် အကျိုးကျေးဇူးတွေက ကျန်းမာခြင်း သုခမုချခံစားရခြင်း၊ မိသားစုအားလုံး ကျန်းမာပျော်ရွှင်ခြင်း၊ လူငယ်မောင်မယ်များ ကာယ၊ ဉာဏ၊စာရိတ္တ၊ မိတ္တ၊ ဘောဂဆိုတဲ့ ဗလငါးတန်နဲ့ ပြည့်စုံခြင်း၊ ဆေးဝါးကုသရခြင်းမှ ကင်းဝေးခြင်း၊ ကုန်ထုတ်စွမ်းအား တိုးတက်စေခြင်း စတာတွေပဲဖြစ်ပါတယ်။ အားကစားလုပ်ချိန်လေး သတ်မှတ်လိုက်တာဟာ လူကို အချိန်ဖြုန်းတီးခြင်းကနေ ကင်းဝေးစေပါတယ်။ ''စည်းစိမ်ဥစ္စာ၊ ကျန်းခန့်သာ၍၊ ပညာတန်ခိုး၊ တစ်မျိုးမျိုးမှ၊ အကျိုးမထွက်၊ ထိုနေ့အတွက်၊ သက်သက်ဝမ်းနည်းဖွယ်''လို့ အဆိုရှိတယ် မဟုတ်လား။

အားကစားလုပ်၊ ကိုယ်လက်လှုပ်ရှားမှုလုပ် ဆိုပေမယ့် သူ့အရွယ်နဲ့သူ  အတိုင်းအဆတော့ ရှိပါတယ်။ ကလေးသူငယ်နဲ့ ဆယ်ကျော်သက်ဆိုရင် ဘယ်လို၊ အရွယ်ရောက်ပြီးသား ကိုကိုမမတွေ အတွက်ဆိုရင်  ဘယ်လို ဆိုပြီးတော့ပေါ့။ အခုဆက်လက်ပြီး အသက်အရွယ် အလိုက်၊ ခန္ဓာကိုယ် အနေအထားအလိုက် ကာယလှုပ်ရှားမှု ဆိုင်ရာတွေကို ဆွေးနွေး တင်ပြမှာဖြစ်ပါတယ်။

ကလေးတွေဆိုပေမယ့် နေ့တိုင်းမိနစ် ၆ဝထက်မနည်းတဲ့  ကာယနဲ့ အားကစားဆိုင်ရာ လှုပ်ရှားမှုတွေ ရှိသင့်ပါတယ်။ အိမ်ထဲမှာပဲကုပ်ပြီး ဖုန်းတွေ၊  ဂိမ်းတွေဆော့မနေဘဲ အိမ်ပြင်ထွက်ပြီး သွေးထဲအောက်ဆီဂျင် ပိုရောက်စေတဲ့ ကိုယ်လက်လှုပ်ရှားမှုတွေကို အတန်အသင့်ဖြစ်စေ၊ အားနဲ့မာန်နဲ့ဖြစ်စေ၊ ထိထိရောက်ရောက်ဖြစ်စေ  လှုပ်ရှားစေဖို့ မိဘတွေက ခွင့်ပြုအားပေးသင့်ပါတယ်။ ဘောလုံးပုတ်ခြင်း၊ စက်ဘီးစီးခြင်း၊ ကစားကွင်းထဲ ကစားစေခြင်း၊ လမ်းသွက်သွက် လျှောက်ခြင်း စသဖြင့် ကလေးသူငယ်တွေကို လှုပ်ရှားစေရပါမယ်။ ဆယ်ကျော်သက် အရွယ်ဆိုရင် ထုပ်ဆီးတိုး၊ ဖန်ခုန်၊ အေရိုးဗစ်၊ တံမြက်စည်းလှည်း စတာတွေ လုပ်ဆောင်နိုင်ပါတယ်။

ကြိုးခုန်၊ ပြေးတမ်းလိုက်တမ်း၊ စက်ဘီးစီး၊ ကရာတေး တိုက်ကွမ်ဒို ကစားခြင်းတို့လို အားနဲ့မာန်နဲ့၊ ထိရောက်တဲ့ကာယ၊ အားကစားလှုပ်ရှားမှုမျိုးဟာ အနည်းဆုံး တစ်ပတ်မှာ သုံးရက်တော့ လှုပ်ရှားသင့်ပါတယ်။ ဒါမှ ကြွက်သားတွေ  ကြံ့ခိုင်သန်မာ လာပါမယ်။

အရိုးအဆစ်တွေ သန်မာလာပါမယ်။ ကလေးငယ်လေးတွေ အတွက်ဆိုရင် ခေါင်း၊ ခါး၊ ခြေ၊ လက်လှုပ်ရှားမှုတွေ ပါဝင်တဲ့ လေ့ကျင့်ခန်းမျိုးစုံကို   ကဗျာလေးတွေနဲ့ ရွတ်ဆိုသင်ကြား ပေးသင့်ပါတယ်။ ''ဒီအခန်းထဲမှာ ပျော်ချင်ရင် လက်ခုပ်တီး...ဒီအခန်းထဲမှာ ပျော်ချင်ရင်ခြေကိုဆောင့်...ဒီအခန်းထဲမှာ ပျော်ချင်ရင်နှာကိုချေ...''

အရွယ်ရောက်ပြီးသူတွေ အနေနဲ့တော့ ဘယ်လိုအားကစားမျိုးကိုမဆို ပါဝင် လုပ်ဆောင်နိုင်ပါတယ်။ ကျန်းမာရေး အင်မတန် ကောင်းချင်ရင်တော့ အတန်အသင့် ပြင်းထန်တဲ့ လေ့ကျင့်ခန်းမျိုးကို တစ်နေ့အနည်းဆုံး ၄၅မိနစ်နဲ့ တစ်ပတ်အနည်းဆုံး သုံးရက်လုပ်ဆောင်ပေးဖို့ လိုပါတယ်။ ဥပမာ- စက်ဘီးစီးခြင်း၊ လမ်းသွက်သွက်လျှောက်ခြင်း၊ တင်းနစ်ရိုက်ခြင်း၊ ကြက်တောင်ရိုက်ခြင်း။ ပိုမိုပြင်းထန်တဲ့ လေ့ကျင့်ခန်းမျိုးကိုလည်း တစ်နေ့အနည်းဆုံး ၄၅ မိနစ်နဲ့ တစ်ပတ်အနည်းဆုံး သုံးရက်လုပ်ဆောင်ပေးရပါမယ်။

ဥပမာ- ပြေးခြင်း၊ ဂျင်(Gym)ကစားခြင်း၊ အလေးမခြင်း၊ စည်းချက်ညီ အေရိုးဗစ် ကခုန်ခြင်း။ ဒီလိုမှမဟုတ်ရင် အတန်အသင့် ပြင်းထန်တဲ့ လေ့ကျင့်ခန်းနဲ့ ပိုမိုပြင်းထန်တဲ့ လေ့ကျင့်ခန်း အချိုးညီပေါင်းစပ်ပြီး တစ်နေ့အနည်းဆုံး ၄၅ မိနစ်နဲ့ တစ်ပတ်အနည်းဆုံး သုံးရက် ဆောင်ရွက်ပေးနိုင်ပါတယ်။သွေးထဲ အောက်ဆီဂျင်ပိုရောက်စေတဲ့ ကစားနည်းတွေ အတွဲတွေကို အနည်းဆုံးတစ်ကြိမ် ၁ဝ မိနစ်ခန့်စီ အလှည့်ကျလုပ်ဆောင်မယ်၊ တစ်ပတ်လုံး   အညီအမျှ လုပ်ဆောင်ပေးမယ်ဆိုရင် ပိုသင့်လျော်ပါတယ်။ အရွယ်ရောက်ပြီးသူတွေ အနေနဲ့ ကြွက်သားကြံ့ခိုင် သန်မာမှုဆိုင်ရာ လှုပ်ရှားမှုတွေကို အဓိကကြွက်သားကြီးတွေအတွက်  အလေးမတာ၊ ဂျင်ကစားတာမျိုးကို တစ်ပတ်နှစ်ရက်နဲ့အထက် ထည့်သွင်းပြီး သာမန်ပြင်းထန်မှု သို့မဟုတ် ပိုမိုပြင်းထန်မှုရှိအောင် ဆောင်ရွက်ရင် ပိုမိုကောင်းမွန်တဲ့ ကျန်းမာရေးကို  ရယူနိုင်ပါတယ်။

အဘိုး၊ အဘွားတွေ အနေနဲ့ ခန္ဓာကိုယ်ဟန်ချက် ထိန်းညှိမှု တိုးတက်စေရန် ပြုပြင်ပေးတဲ့ လေ့ကျင့်ခန်းမျိုးကိုသာ အဓိကထား ဆောင်ရွက်သင့်ပါတယ်။ ဥပမာ- တံမြက်စည်းလှည်းခြင်း၊   ပုံမှန်လမ်းလျှောက်ခြင်း၊ အေရိုးဗစ်ကစားခြင်း၊   စက်ဘီးစီးခြင်း၊ ယောဂလေ့ကျင့်ခြင်း၊ ဂေါက်ရိုက်ခြင်း။

မိမိခန္ဓာကိုယ်ကြံ့ခိုင်မှု အနေအထားနဲ့ ဆက်စပ်ပြီး လေ့ကျင့်ခန်းပြုလုပ်တဲ့အခါ အားစိုက်နိုင်တဲ့ပမာဏကို ဆင်ခြင်လေ့ကျင့် သင့်ပါတယ်။နာတာရှည်ရောဂါ ဝေဒနာတွေ ခံစားနေရရင်တော့ ပုံမှန်ကာယနဲ့ အားကစား လှုပ်ရှားမှုတွေကို အန္တရာယ်ကင်းစွာ  လေ့ကျင့်နိုင်ဖို့မိမိခံနိုင်ရည်နဲ့   အခြေအနေပေါ် မူတည်ရပါမယ်။

ကိုယ်ဝန်ဆောင်မိခင်တွေ အနေနဲ့တော့ ကိုယ်ဝန်မဆောင်ခင်က ထိရောက်တဲ့ ကာယလှုပ်ရှားမှုနဲ့ အားကစား လေ့ကျင့်မှု ပုံမှန်မလုပ်ခဲ့ဘူးဆိုရင် ကိုယ်ဝန်ဆောင် ကာလအတွင်းမှာ    သာမန်ကာယ လေ့ကျင့်ခန်းတွေကို တစ်ပတ် မိနစ် ၁၅ဝ နှုန်း ဆောင်ရွက်သင့်ပါတယ်။ ရက်သတ္တပတ်တစ်ခုလုံး ညီညီမျှမျှ လေ့ကျင့်ရမှာပါ။   ခြံလုပ်ငန်း၊ သန့်ရှင်းရေးလုပ်ငန်း၊ အေရိုးဗစ်၊ လမ်းလျှောက်စသဖြင့် လုပ်ဆောင်နိုင်ပါတယ်။

တကယ်လို့ ကိုယ်ဝန်မဆောင်ခင်ကတည်းက လေ့ကျင့်ခန်း ပုံမှန်လုပ်နေကျ ဆိုရင်တော့ လုပ်မြဲအတိုင်း ဆက်လုပ်နေဖို့ လိုပါတယ်။ ဒါပေမဲ့ ကိုယ်ဝန်အခြေအနေပေါ် မူတည်ပြီး ကျန်းမာရေးဆိုင်ရာ ကျွမ်းကျင်သူတွေရဲ့ လမ်းညွှန်ချက်အတိုင်း ဆက်လက်ဆောင်ရွက် သင့်ပါတယ်။

အရွယ်ရောက်ပြီး   မသန်စွမ်းသူများ အနေနဲ့ အတန်အသင့် ပြင်းထန်တဲ့ လေ့ကျင့်ခန်းတွေကို တစ်ပတ်အနည်းဆုံး မိနစ် ၁၅ဝ ဆောင်ရွက်ပေးသင့်ပါတယ်။ ပိုမိုပြင်းထန်တဲ့ လေ့ကျင့်ခန်းတွေကိုတော့ အနည်းဆုံး ၇၅ မိနစ် ဆောင်ရွက်ပေးရပါမယ်။ ဒါမှမဟုတ် အတန်အသင့်ပြင်းထန်တဲ့ လေ့ကျင့်ခန်းနဲ့ ပိုမိုပြင်းထန်တဲ့ လေ့ကျင့်ခန်း အချိုးညီပေါင်းစပ်မှုကို တစ်ပတ်အနည်းဆုံး မိနစ် ၁၂ဝ ဆောင်ရွက်နိုင်ပါတယ်။ဥပမာ- အေရိုးဗစ် ၁၅ မိနစ်၊  ရွရွပြေးခြင်း ၁၅ မိနစ်နဲ့ တစ်ပတ်လေးရက် လုပ်ဆောင်သလိုမျိုးပေါ့။  သွေးထဲ အောက်ဆီဂျင် ပိုရောက်စေတဲ့ ကာယလှုပ်ရှားမှုတွေကို တစ်ပတ်လုံး အညီအမျှနဲ့ တစ်မျိုးအနည်းဆုံး ၁ဝမိနစ်ခန့်စီ ဆောင်ရွက်ပေးရပါမယ်။

ကြွက်သားကြံ့ခိုင် သန်မာစေတဲ့ကာယနဲ့ အားကစားလှုပ်ရှားမှုတွေကို အဓိကကြွက်သား အုပ်စုကြီးတွေအတွက် တစ်ပတ် နှစ်ရက်နဲ့အထက်  ထည့်သွင်းကစားရင် ပိုကောင်းပါတယ်။ မိမိစွမ်းဆောင်ရည်နဲ့ လျော်ညီတဲ့   ကာယလှုပ်ရှားမှု ပမာဏနဲ့ အမျိုးအစားကိုတော့   ကျွမ်းကျင်သူနဲ့ တိုင်ပင်ရွေးချယ်သင့်ပါတယ်။

နာတာရှည်ရောဂါရှိသူ အနေနဲ့  မိမိရဲ့ စွမ်းဆောင်ရည်ပေါ်မူတည်ပြီး ကာယ လေ့ကျင့်ခန်းတွေကို ဦးစားပေး ဆောင်ရွက်ခြင်းဟာ အကောင်းဆုံးပဲဖြစ်ပါတယ်။ မိမိနဲ့သင့်လျော်တဲ့ အားကစား လေ့ကျင့်မှုကို ကျွမ်းကျင်သူတွေနဲ့ တိုင်ပင်ရွေးချယ်သင့်ပါတယ်။ စတင်လေ့ကျင့်တဲ့ အခါအချိန်ယူ၊ စိတ်ရှည်ရပါမယ်။ နောက်တဖြည်းဖြည်းချင်း မြှင့်တင်ရပါမယ်။ လိုအပ်တဲ့ အကာအကွယ်များ   (ဥပမာ- ဒူးစွပ်၊ တံတောင်စွပ်၊ ဦးထုပ်)၊ အားကစားပစ္စည်းတွေကို အသုံးပြုသင့်ပါတယ်။

အားကစားလုပ်လို့ ခြေကျိုးလက်ကျိုးဖြစ်ရတယ်၊ အားကစားလုပ်ရတာ   အကျိုးရှိတယ်လို့လည်း ဟာသ လုပ်တတ်ကြပါတယ်။ ဒီလိုမျိုးတွေ မဖြစ်စေဖို့ ဘေးအန္တရာယ်ကင်းရှင်းစွာ၊ ထိခိုက်ဒဏ်ရာ ကင်းရှင်းစွာ၊ ဆိုးကျိုးတွေ မသက်ရောက်အောင် ဆောင်ရွက်ဖို့ လိုပါတယ်။ ယာဉ်အန္တရာယ် ကင်းရှင်းတဲ့နေရာမှာ လမ်းလျှောက်တာမျိုးပေါ့။မိမိလက်ရှိကြံ့ခိုင်မှု အဆင့်နဲ့အညီ ကျန်းမာရေး ရည်မှန်းချက်ထားပြီး သင့်လျော်တဲ့ ကာယလှုပ်ရှားမှုကို ရွေးချယ်နိုင် ရပါမယ်။ တစ်ခါတည်း  ပြင်းပြင်းထန်ထန် လုပ်လို့မရပါဘူး။တဖြည်းဖြည်းချင်း  မြှင့်တင်လာရပါမယ်။

လိုအပ်တဲ့ အကာအကွယ်တွေ  အားကစား အသုံးအဆောင်ပစ္စည်းတွေကို အသုံးပြု သင့်ပါတယ်။ ဘေးအန္တရာယ် ကင်းရှင်းပြီး လုံခြုံစိတ်ချရတဲ့ ပတ်ဝန်းကျင်မျိုးကို ရွေးချယ် လေ့ကျင့်သင့်ပါတယ်။ လေ့ကျင့်မှုဆိုင်ရာ ဥပဒေနဲ့ စည်းမျဉ်းစည်းကမ်းတွေကို လိုက်နာ ရပါမယ်။ ဘယ်အချိန်၊ ဘယ်နေရာ၊ ဘယ်လိုလေ့ကျင့်မယ် ဆိုတာကို   မှန်မှန်ကန်ကန် ရွေးချယ် ဆောင်ရွက်ခြင်းဟာ မိမိကိုယ်ကို ကာကွယ်ရာ ရောက်ပါတယ်။ ကျန်းမာရေး မကောင်းသူ၊ နာတာရှည်ရောဂါသည်တွေဟာ မိမိနဲ့သင့်လျော်တဲ့ ကာယ လေ့ကျင့်မှုတွေကို ကျွမ်းကျင်သူတွေရဲ့ လမ်းညွှန်ချက်နဲ့အညီ ရွေးချယ်လေ့ကျင့် သင့်ပါတယ်။ ပုံမှန်လေ့ကျင့်ခန်းတွေ ဆောင်ရွက်ပြီး ကျန်းမာပျော်ရွှင်တဲ့ ဘဝတွေကို တည်ဆောက် နိုင်ကြပါစေ။  

ဇော်သစ်ကြည်

Read 52 times
Rate this item
(0 votes)
Last modified on Friday, 25 October 2019 10:07