SJ WorldNews - шаблон joomla Авто

ခါးနာခြင်းနှင့် ဓာတ်စာ

Tuesday, 05 November 2019 09:57 Written by  font size decrease font size decrease font size increase font size increase font size

ခါးနာတာဟာ  ကြာကြာထိုင်ပြီး အလုပ်လုပ်သူတွေမှာ ဖြစ်တတ်ပါတယ်။ အချို့လည်း လိမ်းဆေး၊ စားဆေးနဲ့ သက်သာတာရှိတယ်။ တစ်ချိန်လုံး အလေးအပင်တစ်ခုခု သယ်ပိုးနေရသူ၊  လမ်းများများ လျှောက်ရသူ၊ လှေကားအဆင်း၊  အတက်များသူတွေမှာ ခါးနာပိုဆိုးတတ်တယ်။

ပက်လက်ကုလားထိုင်နဲ့မထိုင်ရပါဘူး။ခါးနာသူဟာ အိပ်ရင်ကြမ်းခင်းမာမာမှာ ကိုယ်ကိုဆန့်ဆန့်ထားပြီး အိပ်သင့်တယ်။ ကျောခင်းပြီး ကြာကြာအိပ်နိုင်အောင် ကြိုးစားသင့်တယ်။

ထမင်းစားချိန် အပေါ့အလေးစွန့်ချိန်မှလွဲရင် အိပ်နေသင့်တယ်။ မွေ့ရာနဲ့ မအိပ်ဘဲ မွေ့ရာပေါ်မှာ သုံးထပ်သားမာမာ ထပ်ခင်းပြီး အပေါ်ကသင်ဖြူးဖျာခင်းပြီး အိပ်သင့်တယ်။

ခါးနာတာဟာ အမျိုးမျိုးဖြစ်နိုင်တယ်။ အချို့ခန္ဓာကိုယ် ပိန်ပိန်သွယ်သွယ်နဲ့ ညနေဘက်ကိုယ်ပူတဲ့ အလေ့အကျင့်ရှိရင် အရိုးတီဘီ ဖြစ်နိုင်ခြေရှိတယ်။ ငယ်စဉ်က ခါးနဲ့ပတ်သက်ပြီး ဒဏ်ရာ ရဖူးထားသလား စဉ်းစားသင့်တယ်။ ခါးနာရင်တော့ အိပ်ရာထဲ လဲလျောင်းကာ အာဟာရပြည့်ပြည့်ဝဝ စားပေးသင့်တယ်။

သောက်ဆေးအနေနဲ့ ပါရာစီတမောနဲ့ ဒိုင်ကလိုဖင့်နစ်အတွဲကို သောက်သင့်တယ်။ အစာအိမ်ရောဂါရှိရင် အစာအိမ်ဆေးပါပေးပြီး သောက်သင့်ပါတယ်။ ပိုးသတ်ဆေးမလိုရင် မသောက်သင့်ဘူး။ အရိုးတီဘီဖြစ်ရင် ရိုးရိုးဓာတ်မှန်၊ စီတီစကင်ကြည့်ပြီး ရောဂါရှိရင် တီဘီကုသမှုနဲ့ သွားသင့်တယ်။ တီဘီဆေးရော၊ ခါးနာဆေးပါသောက်သင့်ပါတယ်။

အချို့ခါးဆစ်ရိုးတစ်ခုနဲ့တစ်ခုကြားက ချိုင့်ဝင်ပြားမှာ နေရာရွေ့ကာ ဘေးက အာရုံကြောတွေအပေါ် ဖိနေတဲ့ အနေအထားဖြစ်နိုင်တယ်။ ''ခဲ'' ဆွဲတဲ့နည်းနဲ့ ကျွံဝင်သွားတဲ့ အရိုးကိုဆွဲဆန့်ကာ အဆိုပါနည်းနဲ့ ကုသမှုခံယူရမယ်။ ခံနိုင်ရည်ရှိတဲ့ ဝန်လောက်ကစပြီး ဆွဲပေးသင့်တယ်။

ဆီးနဲ့ပတ်သက်ပြီး ဂရုစိုက်သင့်ပါတယ်။ ဆီးမသွားနိုင်ရင်  ခါးလည်းနာတတ်လို့  တစ်နေ့ ရေရှစ်ခွက်လောက် ရအောင် သောက်ရမယ်။

ကျောက်ကပ် ဒုက္ခပေးနိုင်တဲ့ တညင်းသီး၊ ဆူးပုပ်ရွက်၊ ငရုတ်သီးတို့ ဆင်ခြင်စားရမယ်။ ဆေးလိပ်၊ ကွမ်း၊ အရက်တို့ဖြတ်သင့်ပါတယ်။

ချောင်းဆိုးတဲ့အခါ   သို့မဟုတ်  နှာချေတဲ့အခါ ခါးနာတာပိုပြီး ဆိုးတတ်သလို၊ ခါးပိုင်းမှာ ရှိတဲ့ကြွက်သားတွေ နာကျင်မှုရှိတဲ့ ကြွက်တက်ခြင်း၊  ကျုံ့ဝင်ခြင်းဖြစ်နိုင်တယ်။ နာကျင်မှု သိပ်ဆိုးရင် ဆီးသွားခက်ခြင်း၊ အိပ်စက်အနားယူဖို့ ခက်ခဲခြင်း၊ စိတ်ဓာတ်ကျခြင်းတုိ့ ဖြစ်နိုင်တယ်။  ခါးနာတဲ့ အကြောင်းများစွာရှိတယ်။ နာကျင်မှုက နေ့စဉ်ရက်ဆက် ဖြစ်လာတယ်။

ကားမောင်းစဉ် ကိုယ်အနေအထား မှားယွင်းခြင်း၊ ကုလားထိုင်ပေါ် ထိုင်စဉ်  ကိုယ်အနေအထား မှားယွင်းခြင်း  သို့မဟုတ် အောက်ခံရောဂါ တချို့ရဲ့ ရလဒ်(ဥပမာ-အရိုးတီဘီ)ရောဂါကြောင့်ဖြစ်နိုင်တယ်။ ခါးနာခြင်းဖြစ်စဉ် အများစုဟာ သာမန်ခန္ဓာကိုယ် လှုပ်ရှားမှုတို့အနက် အခန့်မသင့်လို့ ဖြစ်ကြတာပါ။ ၅ ရာခိုင်နှုန်းက အာရုံကြော အရင်နာကျင်မှုကြောင့် ဖြစ်နိုင်တယ်။ ၂ ရာခိုင်နှုန်းအထက်က  ပြင်းထန်တဲ့ ခါးရိုးဆစ်ပြဿနာကြောင့်ဖြစ်တယ်။

ဆရာဝန်နဲ့ပြသသင့်တဲ့ လက္ခဏာက ခါးနေရာတစ်ဝိုက်ပူခြင်း၊ နီခြင်း၊ ရောင်ရမ်းခြင်း၊ နာကျင်မှုက ခြေသလုံးနဲ့ ဒူးနောက်ပိုင်းထိ ဆင်းသွားခြင်း၊ ဆီးမထိန်းနိုင်ခြင်း၊ ဝမ်းမထိန်းနိုင်ခြင်း၊ အိပ်မရအောင် ခါးနာခြင်းတို့ဖြစ်တယ်။ ဆရာဝန်က လူနာစတင်ဖြစ်ပွားတာကနေ ပြသချိန်နာကျင်တဲ့အထိ ခံစားချက်တွေ မေးမြန်းမယ်။ ရောဂါရှာဖွေခြင်း အနေနဲ့ ခါးရိုး ဓာတ်မှန်ရိုက်ပြီး ကြည့်နိုင်တယ်။

ဂေါက်ရောဂါ အစမှာ ခါးနာနိုင်တယ်။ ဂေါက်ရောဂါဟာ သွေးထဲမှာ ယူရစ်အက်စစ် လွန်ကဲလုိ့ဖြစ်ရတာပါ။ ယူရစ်အက်စစ်ဟာ ပရိုတိန်း ချေဖျက်ရာက  ထွက်ပေါ်လာတဲ့ ပစ္စည်းဖြစ်ပြီး  ဆီးကနေအပြင်ကို စွန့်ထုတ်ရတယ်။ သွေးထဲမှာ ယူရစ်အက်စစ်များနေရင် ပုံဆောင်ခဲတွေ အနေနဲ့ အရိုးအဆစ်တွေထဲမှာ စုပုံလာတတ်တယ်။ ရိုးဆက်ရောင်ရမ်းနာဟာ အသက်လတ်ပိုင်း အမျိုးသားတွေမှာ အတွေ့ရများပြီး အမျိုးသမီးတွေ အဖြစ်နည်းတယ်။ လူငယ်ပိုင်းမှာ သွေးစီးဆင်းမှုပုံမှန်ဖြစ်ကာ ညွှန်းပြနေတယ်။ အဦးပိုင်းလက္ခဏာ အရိုးအဆစ်တွေ အလွန်အမင်း နာကျင်လာတယ်။ ခြေထောက်တွေနာလာပြီး ဒူးခေါင်း၊  တံတောင်ဆစ်နဲ့  ပခုံးတွေမှာ ဖြစ်တတ်တယ်။ အရိုးအဆစ် ဖောင်းမို့ရောင်ကိုင်းပြီး  နည်းနည်းလှုပ်ရှားရင် နာတယ်။ ခါးနာလာတယ်။

အရိုးအဆစ်ရောင်ရောဂါရှိသူတို့  အစားအသောက်ဆောင်ရန်၊ ရှောင်ရန်လိုတယ်။ ယူရစ်အက်စစ်များလို့ဖြစ်တဲ့ ရောဂါ၊ အဝလွန်လို့ဖြစ်တဲ့ အရိုးကျီးပေါင်းတက်ရောဂါတို့ဟာ အစားအသောက် ဆင်ခြင်သင့်တယ်။

နွားနို့ပူပူတစ်ခွက် နေ့စဉ်သောက်သင့်တယ်။ ရေများများ သောက်သင့်တယ်။

ယူရစ်အက်စစ်မြင့်စေတဲ့ ကိုယ်တွင်းကလီစာ ငါးဥ၊ မျှစ်၊ ပဲမြစ်၊ အစေ့အဆန်များတဲ့ အသီးများ၊ ဘီယာ၊ ဝိုင်နဲ့  စည်သွတ်ဘူးများ ရှောင်ကြဉ်သင့်တယ်။ အမဲသား၊ ပင်လယ်စာ၊ ခရု၊  ပြည်ကြီးငါးရှောင်ရမယ်။

ခရမ်းသီး၊ ခရမ်းချဉ်သီး၊  အာလူးတို့ဟာ ယူရစ်အက်စစ်မြင့်စေလို့ ရှောင်ရမယ်။

ရိုးဆက်ရောင်ရမ်းနာရှိသူတွေဟာ  ဟင်းနုနယ်၊ ဂေါ်ဖီထုပ်နဲ့ အစိမ်းရောင်ရှိတဲ့  ဟင်းသီးဟင်းရွက်တွေစားသင့်တယ်။  ဖျော်ရည်ပြုလုပ် သောက်သုံးနိုင်သလို  စွပ်ပြုတ် အနေနဲ့လည်း သောက်သုံးနိုင်တယ်။

ဟင်းသီးဟင်းရွက်တွေမှာ ဗီတာမင်စီနဲ့ ဖောလစ်အက်စစ် ပါဝင်တယ်။

ဖောလစ်အက်စစ်ဟာ သွေးထဲက ယူရစ်အက်စစ်ပမာဏကို ထိန်းချုပ်ပေးနိုင်တယ်။ ဗီတာမင်စီက အရေးပါတယ်။ သွေးကြောထဲက ယူရစ်အက်စစ်ကို ဆီးထဲရောက်ရှိစေပြီး အပြင်ကို စွန့်ထုတ်အောင် အားပေးတယ်။

လတ်ဆတ်တဲ့အသီးအနှံနဲ့ ဟင်းသီးဟင်းရွက်တွေ ဥပမာ-ရေကန်စွန်း၊ တရုတ်နံနံ၊ ဂရိတ်ဖရု၊  မုန်လာဥနီ၊  နာနတ်သီးနဲ့ ချယ်ရီသီးတွေက ဂေါက်ရောဂါအတွက် အကျိုးရှိတယ်။ ပဲနီလေးလိုပဲမျိုး စားပေးသင့်တယ်။

စပျစ်သီးဖျော်ရည်လို အရမ်းချိုတဲ့အသီးတွေ အသင့်အတင့်သာ စားသင့်တယ်။ သင့်လျော်တဲ့ အစားအစာတွေ   စားသောက်ဖို့ အရေးကြီးတယ်။

ရှောင်သင့်တဲ့ အစားအစာတွေ အနေနဲ့ တိရစ္ဆာန်တွေရဲ့ကလီစာ အသည်း၊ ကျောက်ကပ်စားသုံးတာ ရှောင်သင့်တယ်။ အနီရောင်ရှိတဲ့အသား၊ ငါး၊ အခွံမာသီးနဲ့ အစေ့အဆန်တွေ၊ ကွေကာ၊ တဆေးဖောက်ထားတဲ့အစာ၊ မှို၊ အရက်ရှောင်ရမယ်။  ကစီဓာတ်ပါတဲ့ အစားအစာ၊ သကြား၊ ဆီကြော်မုန့်၊ ကော်ဖီတို့ မစားသုံးသင့်ဘူး။ ကိုယ်အလေးချိန်များခြင်းဟာ ရောဂါအခြေအနေ ပိုမိုဆိုးရွားစေလို့ ကိုယ်အလေးချိန် လျှော့ချသင့်တယ်။ ရောဂါအခြေအနေကို ပိုမိုဆိုးရွားစေတဲ့ အစားအစာကို ရှောင်ဖို့လိုတယ်။

ရိုးဆက်ရောင်ရမ်းနာ ရှိသူတွေ ရေများများ သောက်သင့်တယ်။ ကော်ဖီမသောက်သင့်ဘူး။ ပူအိုက်တဲ့ရာသီ သို့မဟုတ် လေ့ကျင့်ခန်း ပြင်းပြင်းထန်ထန် ပြုလုပ်နေချိန်မှာ ရေဓာတ်ပြည့်ဝနေဖို့ အရေးကြီးတယ်။ ရေဓာတ် ခန်းခြောက်ခြင်းဟာ ရိုးဆက်ရောင်ရမ်းနာကို ပိုမိုဆိုးရွားစေတယ်။

ရေဓာတ်ခန်းခြောက်ခြင်းဟာ အရက်၊ ဘီယာသောက်တာများလို့လည်း ဖြစ်တယ်။ အရက်၊  ဘီယာ၊ အချိုရည်တို့ဟာ လူ့ခန္ဓာကိုယ်က ရေဓာတ်ကို အချိန်တိုအတွင်း ညစ်နွမ်းစေလို့  အရက်၊  ဘီယာသောက်ရင် ရေများများ သောက်သင့်ပါတယ်။ သစ်သီးနဲ့ ဟင်းသီးဟင်းရွက် ဖျော်ရည်တွေ သောက်သုံးနိုင်တယ်။  ခါးနာတဲ့နေရာမှာ  ရေနွေးအိတ် တင်ပေးနိုင်တယ်။

ဆီးချိုသွေးချိုရှိရင် အချိုများတဲ့ သစ်သီးတွေ ရှောင်ကြဉ်သင့်တယ်။

သက်သတ်လွတ်စားသုံးသူတွေရိုးဆက်နာဖြစ်ပွားစေမယ့် အန္တရာယ် နည်းပါးပါတယ်။ ရောဂါလက္ခဏာတွေ ပိုမိုပြင်းထန်လာရင် အသားနဲ့ ငါးမပါတဲ့ စားသောက်မှုပုံစံ ပြောင်းသင့်တယ်။ ပေါ့ပါးတဲ့ နေ့စဉ်နာရီဝက် အပြေး၊ လမ်းလျှောက်၊ ရွရွပြေး၊ ရေကူး လုပ်ပေးသင့်တယ်။ စက်ဘီး၊ ဆိုင်ကယ်စီးတာ ရှောင်ကြဉ်သင့်ပါတယ်။   

ဒေါက်တာလွင်သန့်

Read 38 times
Rate this item
(0 votes)
Last modified on Tuesday, 05 November 2019 09:58

Latest from ကေတု