SJ WorldNews - шаблон joomla Авто

ဆီးချိုသမားများ သတိပြုစရာ

Wednesday, 04 December 2019 09:25 Written by  font size decrease font size decrease font size increase font size increase font size

ယနေ့ခေတ်တွင် ဆီးချိုသည် တစ်ကမ္ဘာလုံးကို ခြိမ်းခြောက်နေသောရောဂါတစ်ခုဖြစ်နေသည်။ ဆီးချိုရောဂါသည်များသည်လည်း နေ့စဉ်နှင့်အမျှ  တိုးပွားလျက်ရှိသည်။  ခေတ်ရေစီးကြောင်းအပေါ် လိုက်၍ စားသောက်နေထိုင်မှုပုံစံ ပြောင်းလဲခြင်းကြောင့် ဆီးချိုဖြစ်ပွားနှုန်း တိုးပွားလျက်ရှိနေခြင်းဖြစ်သည်။ ဆီးချိုဖြစ်သူအများစုက သူတို့ဘာစားရမလဲမေးသည့်မေးခွန်းများသည် ကျွန်မတို့၏နားဝတွင် အမြဲလိုလို ပြည့်လျှံလျက်ရှိသည်။

အစာလည်းဆေး၊ ဆေးလည်းအစာ ဆိုသည့်အတိုင်း ဆီးချိုသမားများသည် စားသောက်သော အစားအစာများ၊ ဆေးဝါးများ၊ နေထိုင်မှုပုံစံများကို မှန်ကန်မှုရှိရှိနှင့် ပြုမူနေထိုင်ကာ ရွေးချယ်စားသောက်တတ်လျှင် အာနိသင် ထက်မြက်မည်ဖြစ်သည်။ သို့တည်းမဟုတ် တတ်ကျွမ်းသော ဆေးပညာရှင်များ၏ လမ်းညွှန်မှုကိုမခံယူဘဲ ကြားဖူးနားဝဆေးမြီးတိုများဖြင့် ဆီးချိုကျစေရန် ဆေးဝါးများ၊ အစားအစာများ စားနေမည်ဆိုပါက ဆီးချို၏ အခြားတစ်ဖက်မှ သွေးချိုကျခြင်းကြောင့် အသက်အန္တရာယ် ရှိနိုင်သည်ကို သတိပြုစေလိုသည်။

သွေးချိုကျခြင်းဆိုသည်မှာ သွေးတွင်းအချိုဓာတ် ၇၀ မီလီဂရမ်အောက် ကျသွားခြင်းဖြစ်သည်။ အကယ်၍ သွေးတွင်းအချိုဓာတ် ၄၀ မီလီဂရမ်အောက်ကိုသာ ကျသွားပြီဆိုလျှင် ဦးနှောက်ကို ထိခိုက်နိုင်ပြီး သတိလစ်ခြင်း၊ ကယောင်ချောက်ချားဖြစ်ခြင်းတို့ ဖြစ်ပေါ်နိုင်သည်။ ယင်းအခြေအနေကို ချက်ချင်းမကုသနိုင်လျှင် အသက်ပါ အန္တရာယ်ရှိနိုင်သည်။

သွေးချိုကျနိုင်ခြေရှိသူများ

အသက်အရွယ်ကြီးလွန်းသူများ၊ နာမကျန်းဖြစ်နေသူများ၊ ခံတွင်းပျက်ရာမှ အစားမမှန်သူများ၊ ၀မ်းလျှောနေသူများ၊ ကျောက်ကပ်ပျက်စီးနေသူများ၊ ဆီးချိုကျဆေးမှန်မှန် မသောက်သူများ၊ ပုံမှန်လုပ်နေကျမဟုတ်သော လေ့ကျင့်ခန်းလုပ်သူများ၊ အင်ဆူလင်မပြတ် ထိုးနေရသူများ၊  သွေးချိုကျခြင်းကြောင့် ဆေးရုံတက်ရဖူးသူများတို့ ဖြစ်သည်။

သွေးချိုကျသော လက္ခဏာများမှာ

ရင်တုန်ခြင်း၊ ချွေးစေးများပြန်ခြင်း၊ ခြေလက်များတုန်ခြင်း၊ ကတုန်ကယင်ဖြစ်ခြင်း၊  ခေါင်းကိုက်ခြင်း၊သွေးတိုးခြင်း၊   ခေါင်းမူးပြီး အာရုံစူးစိုက်မှု လျော့နည်းလာခြင်း၊   စိတ်တိုဒေါသထွက်လွယ်ခြင်း၊   နားအူခြင်း၊   ဗိုက်ဆာလာခြင်း၊   အားမရှိနုံးချည့်နေခြင်းတို့ဖြစ်သည်။

အထက်ဖော်ပြပါ သွေးချိုကျသော လက္ခဏာများ ဖြစ်ပေါ်လာလျှင် ကစီဓာတ်ပါသော  အစားတစ်ခုခုစားလိုက်ခြင်း  သို့မဟုတ်  သကြားပါသော အချိုရည်တစ်မျိုးမျိုး သောက်လိုက်ခြင်းတို့ဖြင့် ချက်ချင်းဆိုသလို ကုသနိုင်သည်။ ယင်းအခြေအနေတွင် သွေးချိုကို ဖောက်ကြည့်လိုက်လျှင်  အများအားဖြင့် ၇၀ မီလီဂရမ်အောက်တွင် ရှိသည်ကို  တွေ့ရသည်။

အကယ်၍ သတိပေးအဆင့်ဖြစ်သည့် သွေးချိုကျခြင်း အခြေအနေကို ကျော်သွားလျှင် ဦးနှောက်တွင် အချိုငတ်ပြတ်သော လက္ခဏာများ ဖြစ်ပေါ်လာနိုင်သည်။   ဦးနှောက်တွင်   အချိုငတ်ပြတ်သော လက္ခဏာများမှာ ကယောင်ချောက်ချားဖြစ်ခြင်း၊  စကားပြောမမှန်ခြင်း၊  တက်သွားခြင်း၊ အအိပ်များခြင်းနှင့် နောက်ဆုံးတွင် သတိလစ်သွားနိုင်သည်။ ထိုအခြေအနေသည် စက်္ကန့်ပိုင်း၊ မိနစ်ပိုင်းအတွင်း အရေးကြီးသော အခြေအနေဖြစ်သည်။

အချိန်ဆွဲမိရာမှ နှောင့်နှေးသွားလျှင် ဦးနှောက်ပျက်စီးမှုကို ဖြစ်ပွားနိုင်ပြီး အသက်ပါသေဆုံးသွားနိုင်သည်။   သို့တည်းမဟုတ်   အချိန်နှောင်းမှ ဂလူးကို့ထိုးပြီး သွေးတွင်း အချိုဓာတ်ကိုပြန်လည်ပြုပြင်နိုင်ပါက အသက်မသေဆုံးဘဲ   သတိပြန်လည်ခြင်း မရှိသောဘ၀သို့  ရောက်ရှိသွားကာ လေဖြတ်ခြင်းနှင့် ဆင်တူပြီး ကုသမှုလွဲမှားသော အခြေအနေသို့ ရောက်ရှိသွားတတ်သည်။

သို့ဖြစ်ပါသောကြောင့် ဆီးချိုရှိသောသူများ အနေဖြင့် သွေးချိုကျခြင်းမှ အချိန်မီကုသနိုင်စေရန်အတွက် အထူးအားဖြင့် အင်ဆူလင် ထိုးရသော လူနာများအနေဖြင့် လည်ပင်းတွင် ဆီးချိုရှိမှန်း အသိပေးသော ဆွဲကြိုးသို့မဟုတ် ဆီးချိုရှိကြောင်း အသိပေးသော ကတ်ပြားကို ပိုက်ဆံအိတ်ထဲတွင် အမြဲလိုလို ထည့်ထားသင့်သည်။ သွားလေရာ နေရာများတွင်လည်း အချိုသကြားလုံး   သို့မဟုတ်   သကြားခဲများကို ဆောင်ထားသင့်သည်။

သွေးချိုကျခြင်း၏ လက္ခဏာများနှင့် အရေးပေါ် ကုသနည်းများကို နီးစပ်ရာ ပတ်ဝန်းကျင်ထံ အသိပေး ပြောကြားထားသင့်သည်။

တတ်ကျွမ်းသော ဆေးပညာရှင်များ၏ ခွင့်ပြုချက်မပါဘဲ   ဆေးများသောက်သုံးခြင်းကိုလည်း အထူးရှောင်ကြဉ်စေလိုသည်။ အင်ဆူလင် ထိုးနေရသူများအနေဖြင့် အစာကို အချိန်မှန်မှန်စားရန် လိုအပ်သကဲ့သို့ တစ်ရက်နှင့်တစ်ရက် အစားအစာပမာဏ တူညီအောင် စားသုံးပေးသင့်သည်။ ဆီးချိုအနိမ့်အမြင့်ကို လွယ်ကူစွာ တိုင်းတာနိုင်သည့် ဆီးချိုတိုင်းစက်ကိုလည်း ထားရှိသင့်သည်။

ဆီးချိုသမားများအနေဖြင့် သွေးချိုကျခြင်းမှ ကာကွယ်နိုင်စေရန် ပြင်းထန်သော ကိုယ်လက်လှုပ်ရှား လေ့ကျင့်ခန်းများ လုပ်ခြင်းမှလည်း ရှောင်ကြဉ်ရမည်။ ဆီးချိုစစ်ထားသော မှတ်တမ်းများကို သေချာစနစ်တကျ မှတ်သား ထားသင့်သည်။ အရက်သောက်တတ်သူများ အနေဖြင့်လည်း   အရက်သောက်ခြင်းမှ ရှောင်ကြဉ်ရမည်။

သွေးချိုကျသူဝေဒနာရှင်များအနေဖြင့် သွေးချိုကို ၁၅ မိနစ်မှ မိနစ် ၂၀ အကြာတွင် ပြန်တိုင်းကြည့်သင့်သည်။ ဆီးချိုသမားများအနေဖြင့် သွေးချိုကျခြင်းမှ ကာကွယ်နိုင်စေရန် မကြာခဏဆီးချို အနိမ့်အမြင့်ကို စစ်ဆေးမှု ခံယူထားသင့်သည်။ ဆီးချိုကျဆေးများ သောက်သုံးရာတွင်လည်း တတ်ကျွမ်းသော ဆေးပညာရှင်များ၏ လမ်းညွှန်ချက်ဖြင့်သာ သောက်သုံးရင်း သွေးချိုကျခြင်းမှ ကာကွယ်နိုင်ပါကြောင်း တင်ပြလိုက်ရပါသည်။  

မုဒိတာ(တောင်သာ)

Read 16 times
Rate this item
(0 votes)
Last modified on Wednesday, 04 December 2019 09:26