Print this page

ဆင်ခြင်ဖွယ် ပျိုမေတို့အသည်းလေး

Saturday, 08 February 2020 12:34 Written by  font size decrease font size decrease font size increase font size increase font size

ပျိုမေတို့ရဲ့  အသည်းလေးဆိုတော့ ဘာများပါလိမ့်။ ပျိုမေလို့သာရေးလိုက်ရတာ  တကယ်တော့ အပျိုပေါက်၊ အပျိုလေး၊  အပျိုကြီးအရွယ်အားလုံးနဲ့ဆိုင်ပါတယ်။  အသည်းလေးဆိုတော့ သူနဲ့လည်း အမြဲပဲ  အတူတူရှိမယ်ပေါ့နော်။ သွားလေရာ တိုင်းမှာလည်း အမြဲပါမှာပါ။ ဘာလေး ပါလိမ့်။ အဲဒါတော့ ပျိုမေတို့ရဲ့အိတ်ဆောင် အလှပြင်ပစ်္စည်းအိတ်လေးပါ။ သူ့မှာ အဓိက ပါတာကမိတ်ကပ်ဘူး၊ နှုတ်ခမ်းနီနဲ့ရေမွှေးလေ။  

ဒီထက်ပိုပြီး   ပြည့်ပြည့်စုံစုံထည့်မယ် ဆိုရင်     မျက်နှာတစ်ခုလုံးအတွက်   မိတ်ကပ်နဲ့တို့ဖတ်ပ၀ါ၊ ပါးနီဘူးနဲ့သူ့အတွက်  အမွှေးပွဘရက်ရှ်၊    မျက်ခုံးမွေးဆွဲတံ၊  မျက်လုံးအတွက် ကာချယ်ဘူးနဲ့ သူ့အတွက် ဘရက်ရှ်၊ မျက်လုံးအိမ်ပေါ်လွင်အောင်ဆွဲ တဲ့ခဲတံ၊ မျက်တောင်ကော့တဲ့ပစ္စည်း၊ မျက် တောင်နက်ပြီးစိုနေအောင် လုပ်တဲ့ပစ်္စည်း၊ နှုတ်ခမ်းနီ နှုတ်ခမ်းပေါ်အောင်လုပ်တဲ့ခဲတံ၊  နှုတ်ခမ်းနီဆိုးတဲ့   စုတ်တံစသည်ဖြင့် အမျိုးမျိုးပေါ့။  

ဒီပစ္စည်းတွေအားလုံးကို  နိုင်ငံအမျိုးမျိုး က ထုတ်ပြီး   ကုမ္ပဏီတွေအများကြီးက  ကျွန်မတို့တိုင်းပြည်မှာ ရောင်းတာလေ။  တရားဝင်တင်ပို့ရောင်းချတာလည်းရှိ၊ မှောင် ခိုလမ်းက၀င်တာလည်း ရှိပေါ့။ ဘယ်လိုပဲ ဖြစ်ဖြစ်  ကျွန်မတို့ကတော့   လိုချင်တဲ့ အမျိုးအစားရရင် သုံးလိုက်တာပါပဲ။

ဒီအသုံးအဆောင်တွေနဲ့ပတ်သက်ပြီး  အင်္ဂလန်နိုင်ငံမှာ လုပ်ကြည့်တဲ့ သုတေသန တစ်ခုရဲ့အဖြေဟာ ပျိုမေတို့အားလုံးအတွက်  စိတ်ပူစရာပါပဲ။   ဒါကြောင့်လည်း ဒီဆောင်း ပါးကို ရေးလိုက်တာပါ။ သူတို့ဟာ ပျိုမေတို့ရဲ့ အသည်းလေးဖြစ်တဲ့ မိတ်ကပ်အိတ်ထဲမှာ ပါတဲ့ ပစ်္စည်းတွေကို ဗက်တီးရီးယားပိုးကောင် တွေရှိမလားဆိုပြီးဓာတ်ခွဲခန်းမှာ ပိုးမွေး ကြည့်ပါတယ်။ တို့ဖတ်ပ၀ါတို့၊နှုတ်ခမ်းနီ တို့၊ ပါးနီဆိုးတဲ့ဘရက်ရ်ှတို့၊ ကာချယ်ဆိုးတဲ့ ပစ္စည်းတို့ဆီကပေါ့။ လူတွေအများကြီးဆီက ပစ်္စည်းအမျိုးမျိုးကိုစစ်ဆေးကြည့်တာပေါ့။

သူတို့ရဲ့အဖြေကပစ်္စည်း ၁၀ မျိုးကို ပိုးမွေးရင်  ကိုးမျိုးမှာ ဗက်တီးရီးယားပိုးကောင်တွေ  တွေ့တယ်လို့ ဆိုပါတယ်။ ၉၀ ရာခိုင်နှုန်း သော အလှပြင်ပစ်္စည်းတွေမှာ ပိုးကောင်တွေ တွယ်ကပ်နေတယ်ပေါ့။ ဒီလိုပစ်္စည်းတွေမှာ  ပိုးကောင်တွေတွယ်ကပ်နေတာဘာကြောင့် များပါလိမ့်ဆိုပြီး စုံစမ်းစစ်ဆေးကြပါတယ်။

အကြောင်းရင်းကတော့ အမျိုးမျိုးပါပဲ။  အချို့ကတော့ တို့ဖတ်ပ၀ါကို သုံးနေတာ  နှစ်ပေါက်နေပြီ တစ်ခါမှ မလျှော်ဘူး။   တချို့တော့ တို့ဖတ်ပ၀ါဟာ တစ်ခါတလေ ကြမ်းပေါ်ကို  ပြုတ်ကျဖူးတော့ ကြမ်းခင်း ပေါ်က  ပိုးတွေကပ်ကုန်တာပေါ့။ နှုတ်ခမ်းနီ တို့၊ ကာချယ်တောင့်တို့၊ ပါးနီဘရက်ရှ် တို့လည်းဒီလိုပါပဲတဲ့။ အချို့ကလည်း ဒီပစ္စည်း  တွေက ရက်လွန်နေတာတွေတဲ့။

အဲဒီလိုတွေ့တဲ့ပိုးတွေက   ဘယ်လိုအမျိုးအစားတွေပါလိမ့်။ ခေါင်းမာတဲ့ပိုး၊ တစ်နည်းအားဖြင့်     ပဋိဇီဝဆေးမတိုးတဲ့ ပိုးလား။ ခေါင်းမမာဘူး။ တစ်နည်းအားဖြင့် လက်ရှိသုံးနေတဲ့ ပိုးသတ်ဆေးနဲ့အလွယ် တကူနှိမ်နင်းလို့ရတဲ့ပိုးလားဆိုတဲ့အဖြေကို  ကြည့်လိုက်တဲ့အခါ လမ်းမတော်ဖိုးတုတ် လိုမျိုး နာမည်ကြီးလူဆိုးအမျိုးအစားဝင် ဗက်တီးရီးယားပိုးတွေဖြစ်နေတာတွေ့ရပါ တယ်။ ပိုးသတ်ဆေးနဲ့လည်း သတ်ရတာ ခက်တယ်။ ကျွန်မတို့ခန္ဓာကိုယ်ထဲဝင်သွား ပြီးရင်လည်း အရမ်းသောင်းကျန်းပြီး  အသက်ဆုံးပါးသွားလောက်အောင်ကို ဒုက်္ခပေးနိုင်တဲ့ဆိုးရွားတဲ့ပိုးတွေဖြစ်ကြောင်း  တွေ့ရပါတယ်။ သူတို့နာမည်က အီကိုလီ၊  စတက်ဖလိုကော့ကပ်တို့ ဖြစ်ပါတယ်။ အဲဒီမှာ စောဒကတက်စရာရှိပါတယ်။

ကျွန်မ ဒီပစ္စည်းကို သုံးတာ တစ်နှစ်ရှိပြီ၊  နှစ်နှစ်ရှိပြီ။ ဘာမှမဖြစ်ဘူးလေဆိုပြီးတော့ ပါ။ ပိုးကသူ့ဘာသာသူ အိုင်းရှဲဒိုးလိမ်းတဲ့ ဘရက်ရ်ှမှာကပ်နေတာ ဘယ်လိုပါလိမ့်။  ဥပမာ- ပိုးပါတဲ့ အိုင်းရှဲဒိုးနဲ့အရေပြား သို့မဟုတ်  မျက်ကြည်သားထိတဲ့အခါ အရေပြားယောင်ယမ်းခြင်း သို့မဟုတ်  မျက်ကြည်သား ယောင်ယမ်းခြင်းတို့ ဖြစ်နိုင်ပါတယ်။ ဒါတင်မကသေးပါဘူး။  ဒီပိုးတွေကသွေးထဲရောက်သွားရင် ကျွန်မ တို့ခန်္ဓာကိုယ်တစ်ခုလုံးကို ပျံ့နှံ့သွားနိုင် ပါတယ်။ သွေးဆိပ်တက်တာပေါ့။ သွေးဆိပ် တက်ရုံတင်မကဘူး ခြေဖျားလက်ဖျားကစပြီး သွေးပေါင်ကျတာ၊ ရှော့ဖြစ်တာ၊ သွေး လန့်တာလည်းဖြစ်နိုင်ပါတယ်။ အသက် အန်္တရာယ်ဆုံးရှုံးနိုင်ပါတယ်။ ဆီးချိုရောဂါ ရှင်လိုမျိုး၊ ကျောက်ကပ်အစားထိုးထားတဲ့ လူနာလိုမျိုး ကိုယ်ခံအားနည်းသူတွေမှာ ဆိုရင် အသက်အန်္တရာယ်ပိုရှိပါတယ်။ ကိုယ့်အရေပြားမှာ ပွန်းပဲ့တာလေးရှိရင်  ဒီပိုးတွေကို ပိုပြီး အားပေးတာဖြစ်မှာ ပေါ့။ ဒီတော့ ကျွန်မတို့ မိတ်ကပ်အိတ်ထဲမှာ ပါတဲ့  ပစ္စည်းတွေကို ဘယ်လိုလုပ်သင့်ပါ သလဲ။ ပထမဆုံးကတော့   ဒီပစ္စည်းတွေ  ထုတ်တဲ့ ကုမ္ပဏီတွေနဲ့ဆိုင်ပါတယ်။ သူတို့ဟာ  မိတ်ကပ်ဘူးထဲမှာပါဝင်တဲ့  ပစ္စည်းအမျိုး အစား၊ ထုတ်လုပ်တဲ့ခုနှစ်၊ သက်တမ်းကုန် မယ့်ရက်စွဲတွေပဲ ရေးထားတာ။ မိတ်ကပ် ဘူးထဲမှာပါတဲ့ တို့ဖတ်ကိုဘယ်လိုသန့်ရှင်း ရေးလုပ်ရမလဲ။ ဘယ်လောက်တစ်ခါလုပ်ရ မလဲဆိုတာ မပြောထားဘူးလေ။ ပါးနီဆွဲတဲ့ ဘရက်ရ်ှတို့၊ ကာချယ်ဆိုးတဲ့ ပစ္စည်းတွေလည်း အတူတူပဲလေ။ ဘယ်လိုနည်းနဲ့ သန့်ရှင်းရေးလုပ်ရမလဲ၊ ဘယ်လိုအရောင် ပြောင်းသွားရင် မသုံးသင့်တော့ဘူးစသည်ဖြင့် အကြံ ဉဏ်ပေးထားသင့်ပါတယ်။  ပျိုမေတွေသုံးနေတဲ့ တို့ဖတ်ပ၀ါလို ဟာကတော့ အသစ်လဲလိုက်တာပဲ ကောင်း မလား၊ ဆပ်ပြာနဲ့လျှော်ပြီး နေပူလှန်းရ မလား။ မီးပူတိုက်ရမလား။  ပါးနီဆွဲတဲ့ ဘရက်ရ်ှတို့၊ ကာချယ်လိမ်းတဲ့ပစ္စည်းတို့ရော  ဘယ်လိုလုပ်ရမလဲ။ မပြောတတ်ပါ။ အသစ်လဲ လိုက်တာလွယ်ပေမယ့် ဘယ်လောက်တစ်ခါလဲ ရမလဲဆိုတာ ပြောရခက်ပါတယ်။ ဘယ်လိုပဲ ပြောပြော  ကျွန်မတို့ အမြတ်တနိုးထားတဲ့ အသည်းလေးတွေကို တယုတယမြတ်မြတ် နိုးနိုး    ကျွန်မတို့ရဲ့မျက်နှာပြင်ပေါ်မှာ  လိမ်းခြယ်နေပေမယ့် သူတို့မှာ ပိုးတွေ တွယ်ကပ်နေနိုင်တယ်။ အန္တရာယ်ပေးနိုင် တယ်ဆိုတာသတိရှိပါ။ ဒီဆောင်းပါးဖတ်ပြီးရင် ပျိုမေတို့ ကိုယ့်ရဲ့ အသည်းလေးဖြစ်တဲ့ ပျိုမေတို့ရဲ့အိတ်ဆောင် အလှပြင်ပစ္စည်းလေးတွေရဲ့သန့်ရှင်းရေးကို  သတိရကြပါစေ။   မိတ်ကပ်အိတ်ထဲမှ ပိုးကောင်ကင်းတဲ့ နှုတ်ခမ်းနီ၊ မိတ်ကပ်ဘူး၊  အိုင်းလိုင်နာတို့ဖြင့် အလှတိုးပြီး ကျန်းမာ ကြပါစေဟု ဆန္ဒပြုပါသည်။ 

Read 144 times
Rate this item
(0 votes)
Last modified on Saturday, 08 February 2020 13:01
ကေတု

Latest from ကေတု