Print this page

ကိုယ်ဝန်ဆောင်ခြင်းနှင့်ရင်သားကင်ဆာ(၂)

Sunday, 09 February 2020 14:12 Written by  font size decrease font size decrease font size increase font size increase font size

ရင်သားကင်ဆာကုသပြီးမှ ကိုယ်ဝန်ဆောင်ခြင်း ကိုယ်ဝန်ဆောင်ချိန် ရင်သားကင်ဆာ ဖြစ်ပွားခြင်းအကြောင်း ပြီးတော့ ရင်သားကင်ဆာကုသပြီးမှ   ကိုယ်ဝန်ဆောင်ခြင်းအခန်း ကဏ္ဍကို ဆွေးနွေးကြမည်။ အပျိုဘ၀မှာဖြစ်ဖြစ်၊ အိမ်ထောင်ကျပြီး ကလေးမရခင် ကာလမှာဖြစ်ဖြစ်  ရင်သား ကင်ဆာဖြစ်ခဲ့ကြ သူများ အတွက် ကိုယ်ဝန်ဆောင်နိုင်ခြင်း ရှိ၊ မရှိနှင့် ဆောင်ရန်၊  ရှောင်ရန်အချက်များလေ့လာဖို့ရှိပါသည်။

ရင်သားကင်ဆာကုသရာမှာသုံးသည့် ကင်ဆာဆေးများ နှင့် Tamoxifen ခေါ်သည့် ဟော်မုန်း သောက်ဆေးများသည် သားသမီးရနိုင်ဖို့ အဟန့်အတား ဖြစ်စေတတ်ပါသည်။ ရင်သား ကင်ဆာလူနာများ ဆေးကုသမှုခံယူနေချိန်နှင့် ဟော်မုန်းဆေးများ သောက်နေချိန်မှာ ရာသီသွေးမပေါ်သည်ကို ကြုံဖူးကြမည်။

ရာသီမပေါ်ဟုဆိုကတည်းက ကလေးရဖို့ အလားအလာနည်း သွားသည်။ သည်ထက်ဆိုးသည်က တချို့သော အသက် ၄၀ ပိုင်း ရင်သား ကင်ဆာလူနာများသည် ဆေးကုသမှုခံယူပြီး စောစီးစွာ သွေးဆုံးသွား တတ်ကြခြင်းဖြစ်ပါသည်။

အထူးသဖြင့်  တစ်ရက်လျှင်တစ်ကြိမ်ဖြင့် သောက်သုံးရသည့် Tamoxifen  ဆေးသည် တစ်ချိန်က သားဆက်ခြားဆေး အဖြစ်သုံးခဲ့ကြခြင်းဖြစ်သည်။Tamoxifen ကိုသောက်သုံး နေစဉ်မှာလည်း သားသမီးရသွားလို့မဖြစ်ပါ။ အကြောင်းကမူ   Tamoxifen  သည် ရင်သွေးငယ်များကိုမွေးရာပါရောဂါများ ဖြစ်စေတတ်သောကြောင့်ဖြစ်သည်။ အရင်က Tamoxifen  ကို  ငါးနှစ်သောက်ခိုင်းခဲ့ကြသည်။

ယခုအချိန်မှာ ၁၀ နှစ်အထိသောက်ခိုင်းကြသည်လည်း ရှိသည်။ သည်တော့ နောင် ၁၀ နှစ်တိတိ ကလေးမယူရဟု ကန့်သတ်လိုက်သလိုဖြစ်သွားသည်။ ထို့အတွက်ကြောင့် ကလေး မရှိသေးသည့် အသက် ၃၀ ကျော်အမျိုးသမီးများ ရင်သား ကင်ဆာကုသပြီး Tamoxifen သောက်ဖို့လိုအပ်လာသည့် အချိန်၊  တစ်ဖက်ကလည်း  သားသမီးလိုချင်သည့်အခါ  Tamoxifen  ဆေးသောက်အချိန်ကာလကို ချင့်ချိန်ညှိနှိုင်းပြီး ကုသပေးဖို့ဖြစ်ပါသည်။

အထက်ပါဆွေးနွေးချက်များအရ ကိုယ်ဝန်ဆောင်အသက် အပိုင်းအခြား အမျိုးသမီးများ ရင်သား ကင်ဆာဖြစ်သည့်အခါ  ကုသမှုဆုံးဖြတ်ချက်တိုင်းမှာ  လူနာကိုယ်တိုင်ပါဝင်ပတ်သက် ပြီး အဖြေညှိဖို့ လိုအပ်ကြောင်းထင်ရှားသည်။ ရင်သားကင်ဆာကုသအောင်မြင်ပြီး   ကိုယ်ဝန်ဆောင်ရန် သင့်လျော်သည့်အချိန် ယခုမေးခွန်းမှာ သားသမီးယူရန် စိတ်ကူးရှိနေသေးသည့်  ရင်သား ကင်ဆာ လူနာ အမျိုးသမီးငယ်များ မေးလေ့ မေးထရှိ သည့်မေးခွန်းဖြစ်သည်။ တစ်နည်းအားဖြင့် ရင်သားကင်ဆာကို ကုသပြီး မည်သည့်အချိန်မှာ စိတ်ချလက်ချ သားသမီး ယူနိုင်မလဲ ဟုမေးသည့် မေးခွန်းဖြစ်ပါသည်။ ယခုမေးခွန်းအတွက် တိကျ သေချာသည့်အဖြေတော့မရှိပါ။ လူနာတစ်ဦးချင်းစီပေါ်မှာပဲ  ချင့်ချိန်တွက်ဆပြီး ဖြေရမည့်အခြေအနေဖြစ်သည်။

အဓိက စိန်ခေါ်မှုက ရင်သားကင်ဆာပြန်ဖြစ်မည့်အချိန်ကို  ဘယ်သူကမှ တပ်အပ်မပြောနိုင်၊ မခန့်မှန်းနိုင်သည့် ပြဿနာ ဖြစ်သည်။ လူနာတစ်ဦးချင်းစီ၏  ကင်ဆာအသားစအဖြေ၊  ကင်ဆာအဆင့်၊ ကုသမှုများစသည်တို့ပေါ် မူတည်လျက် ရင်သား ကင်ဆာပြန်ဖြစ်နိုင်သည့် အခြေအနေကို တွက်ဆကြရခြင်း သာဖြစ်သည်။  ထို့အတွက်ကြောင့်လည်းကင်ဆာကုသပြီး နောက် ဘယ်အချိန်ကာလမှာ ကိုယ်ဝန်ဆောင်နိုင်မည်လဲဆို သည့်မေးခွန်းကို မေးနေကြရတာပါ။

ရင်သားကင်ဆာဖြစ်ပွားပြီးနောက် နို့ချိုတိုက်ကျွေးခြင်း ရင်သားကင်ဆာဖြစ်ပြီဆိုသည်နှင့်    ကင်ဆာဖြစ်သည့် ရင်သားတစ်ဖက်ကတော့  ဖြတ်ထုတ်ခံရမှာသေချာသည်။

ထို့အတွက်  ထိုရင်သားတစ်ဖက်မှ နို့ချိုတိုက်ကျွေးလို့ရတော့ မှာမဟုတ်။ တချို့လူနာတွေမှာ ရင်သား တစ်ခုလုံးကို ဖြတ် ထုတ်ခြင်းမဟုတ်ဘဲ ရင်သားအကျိတ်ကိုသာထုတ်ပစ်ပြီး ဓာတ် ရောင်ခြည်ဖြင့် ကုသထားတာမျိုးရှိတတ်သည်။ ထိုအခါမျိုးမှာ ရင်သားတော့ကျန်နေသေးပေမယ့် နို့ထွက်ချင်မှထွက်တော့ မည်ကို သတိပြုရမည်။ ကင်ဆာဖြစ်ထားသည့် သားမြတ်အဖို့ ခွဲစိတ်ခြင်း၊ ဓာတ်ကင်ခြင်းများကြောင့် ဒဏ်ရာတွေများလှပြီ။

နို့ပြွန်တွေကို ထိခိုက်မှုရှိထားနိုင်သည်။ ကျန်နေသည့် ကောင်း သောရင်သားတစ်ဖက်ဖြင့်တော့ နို့ချိုတိုက်ကျွေးခြင်းအမှုကို  ဆက်လက်ပြုလုပ်နိုင်ပါသည်။

မမျိုးဥထိန်းသိမ်းခြင်း သားသမီးမရှိသေးသည့် အိမ်ထောင်သည်အမျိုးသမီးများ နှင့် အပျိုများမှာ ရင်သားကင်ဆာဖြစ်သည့်အခါ ကုသမှုကြောင့်  နောင်တစ်ချိန် သားသမီးမရတော့မှာစိုးရိမ်ရသည်။ ထို့အတွက်  မမျိုးဥထိန်းသိမ်းခြင်းကို ကြိုတင်ပြုလုပ်ထားသင့်သည်။ ဖွံ့ဖြိုးပြီး နိုင်ငံများမှာတော့ ကင်ဆာဖြစ်မှန်းသိသည်နှင့် ကုသမှုအစီအစဉ် ရှင်းပြခြင်းနှင့်အတူ မမျိုးဥထိန်းသိမ်းခြင်းအစီအစဉ်ကိုပါ တစ်ခါ တည်းရှင်းပြတတ်ကြသည်။ ဆေးစမကုခင်ကြိုပြီးစဉ်းစားဆုံးဖြတ် ထားလို့ရအောင်ပါ။

မမျိုးဥထိန်းသိမ်းခြင်းဆိုသည့်နေရာမှာ  မမျိုးဥကြွေလာ အောင် ဟော်မုန်းဆေးများနှင့်နှိုးဆွခြင်းအပိုင်း၊ မမျိုးဥပေါ်လာ သည့်အခါ ထုတ်ယူလျက် အေးခဲထားခြင်း စသည့်အဆင့်များ ပါဝင်သည်။ တစ်ခါတလေ အိမ်ထောင်သည် အမျိုးသမီး လူနာများမှာ ခင်ပွန်းသည်၏ သုက်ပိုးနှင့်ပေါင်းစပ်လျက် သန္ဓေအောင် ထားစေပြီး ၎င်း သန္ဓေသားလောင်းကို အေးခဲထားတာမျိုးပင် ရှိသည်။

မမျိုးဥထိန်းသိမ်းခြင်းကို ရင်သားကင်ဆာခွဲစိတ်မှုပြုလုပ်ပြီး  ကင်ဆာဆေးများမသွင်းခင်မှာ ပြုလုပ်လေ့ရှိကြပါသည်။

၎င်းလုပ်ငန်းစဉ်များပြုလုပ်ဖို့အတွက် Fertility Specialist ဟုခေါ်ကြသည့် မျိုးပွား ပညာရပ် အထူးကု ပညာရှင်များနှင့် တိုင်ပင်ဆောင်ရွက်ကြရပါသည်။ မမျိုးဥ ကြွေဆင်း လာဖို့အတွက် အမျိုးသမီး ဟော်မုန်း များကို အသုံးပြုရသည်။ တချို့သော ရင်သားကင်ဆာများက  ၎င်းအမျိုးသမီးဟော်မုန်းများနှင့်   တိုက်ရိုက်သက်ဆိုင်မှုရှိနေ တတ်သည်။ ထိုအခါမျိုးမှာ မမျိုးဥ ကြွေဆင်းလာဖို့ဆောင်ရွက် ခြင်းကြောင့် ရင်သား ကင်ဆာ အခြေအနေ ပိုဆိုးမလာစေဖို့ သတိပြုကြရန်လိုအပ်ပါသည်။

Goserelin ဆေးအစွမ်း

Goserelin ဆေးကို Zoladex ဟုလည်း အများက သိကြသည်။ ထိုဆေး၏အစွမ်းက ကင်ဆာဆေးများကြောင့်  သားဥအိမ်ထိခိုက်ခြင်းကိုကာကွယ်ပေးနိုင်ခြင်းဖြစ်သည်။ သားဥ အိမ်ကို မထိခိုက်မပျက်စီးစေဘဲ ခေတ္တမျှအိပ်ပျော်သွားအောင် လုပ်ပေးသည့်ဆေးဖြစ်ပါသည်။ သားဥအိမ် ငြိမ်သက်အိပ်ပျော်နေသည့်အတွက် ကင်ဆာဆေးများ၏ဒဏ်ကိုလည်း  အနည်းအကျဉ်းသာခံရသည်။

ကင်ဆာ ဆေးများကြောင့် သားဥအိမ်ပျက်စီးမှု ၂၂ ရာခိုင်နှုန်း ထိပြီဆုိုရင် Goserelin ကြောင့် ၈ ရာခိုင်နှုန်းခန့်သာ ထိခိုက် နိုင်သည်။

အနှစ်ချုပ်     

ကိုယ်ဝန်ဆောင်ချိန်ရင်သားကင်ဆာဖြစ်ပွားခြင်းသည် ကုသလို့ရသည့် အခြေအနေတစ်ခုဖြစ်သည်။ အထူးကုအဖွဲ့သား ပြည့်ပြည့်စုံစုံရှိသည့် ဆေးရုံကြီးများမှာ ကုသသင့်သည့်ရောဂါဖြစ်သည်။ ကုသမှု အစီအစဉ်များသည် ကိုယ်ဝန်အရင့်အနု၊ ပထမ၊ ဒုတိယ၊ တတိယလေးလပတ် အချိန်ကာလများ ပေါ်မူတည်လျက် ဆုံးဖြတ်ကြရခြင်းဖြစ်သည်။ မိခင်ရော၊ ဗိုက်ထဲက ကလေးငယ်၏ ကျန်းမာရေးအတွက်ပါ ထည့်သွင်းစဉ်းစားဖို့လိုသည်။

ရင်သားကင်ဆာဖြစ်ပြီးမှ ကိုယ်ဝန်ဆောင်ခြင်းသည်လည်း  ဖြစ်နိုင်ခြေရှိသည့်လုပ်ငန်းစဉ်တစ်ခုဖြစ်သည်။ လူနာတစ်ဦး ချင်းစီ၏ လိုလားချက်နှင့် ကင်ဆာအနေအထားတို့ပေါ်မူတည် လျက် ဆုံးဖြတ်ကုသပေးရသည့် အခြေအနေ တစ်ခုဖြစ်သည်။  

ဒေါက်တာလွှမ်းမိုးဟန်

Read 141 times
Rate this item
(0 votes)
ကေတု

Latest from ကေတု