SJ WorldNews - шаблон joomla Авто
ဆောင်းပါး

ဆောင်းပါး (132)

လောကတွင် ''စာအုပ်''နှင့်ကင်းသူဟူ၍ ရှားလှမည်ထင်သည်။ စာမတတ်သူအချို့ လောက်သာ စာအုပ်နှင့် ဝေးကောင်းဝေးပေမည်။

တပ်မတော်ဟူသည်   အင်အားအကြီးအမားရှိခြင်း၊ ပြည်သူတို့၏ အားထားရာဖြစ်ခြင်းဟူ၍ အတုလဆရာတော် ခင်ကြီးဖျော်က အဓိပ္ပာယ် ဖွဲ့ဆိုထားသည်။ မြန်မာအဘိဓာန်က တပ်မတော်ကို အဓိပ္ပာယ်ပြဆိုရာ၌ ကြည်းတပ်၊ ရေတပ်၊ လေတပ်ပါဝင်သော နိုင်ငံတော် ကာကွယ်ရေးတပ်ပေါင်းစုဟူ၍ ဖွင့်ဆိုထားသည်။ တပ်မတော်ဆိုသည်မှာ မိမိတို့နိုင်ငံ၊ မိမိတို့ပြည်သူများကို ကာကွယ်စောင့်ရှောက်ရသော မျိုးချစ်အင်အားစုကြီးပင် ဖြစ်သည်။

ပုစွန်အခွံ၊ ကဏန်းအခွံတို့မှ ထုတ်ယူရရှိပြီး လူ၏ ခန္ဓာကိုယ်အတွင်းရှိ အဆီဓာတ်များ လျော့နည်းသွားအောင် ပြုလုပ်ပေးသော ခိုက်တိုစန် (Chitosan)ကို မြန်မာနိုင်ငံတွင် အောင်မြင်စွာ ထုတ်လုပ်နိုင်ပြီး နိုင်ငံခြားသို့ပင် တင်ပို့ရောင်းချနေပြီ ဖြစ်သည့်အတွက် ကျယ်ကျယ်ပြန့်ပြန့် သိရှိစေရန် ဒေါက်တာ ခင်မောင်လွင် (FAME) နဲ့ တွေ့ဆုံမေးမြန်း ခဲ့သည်များကို ဖော်ပြလိုက်ပါသည်-

မေး                 အခုတလော နိုင်ငံတကာကျန်းမာရေး သတင်းတွေထဲမှာ ခိုက်တိုစန်ဆိုတာ အတော်လေး ရေပန်းစားလာတာ တွေ့ရပါတယ်။ အဲဒါ ဘယ်လိုမျိုးပစ္စည်းလဲဆိုတာ နဲ့ ဘယ်လိုရောဂါမျိုးကို ကုသရာမှာ အသုံးပြု သလဲဆိုတာ အရင်ဆုံးသိပါရစေ။

ဖြေ                  ခိုက်တိုစန် (Chitosan)  ဆိုတာ ကတော့ ပုစွန်အခွံ၊ ကဏန်းအခွံတို့က နေထုတ်ယူရရှိတဲ့ သဘာဝ ဆေးဖက်ဝင် ပစ္စည်းတစ်ခုဖြစ်ပြီး အဓိကအားဖြင့် ခန္ဓာကိုယ်ထဲမှာ ရှိတဲ့ အဆီဓာတ်တွေ လျော့နည်းသွားအောင် ပြုလုပ်ပေးတဲ့အတွက် လူသိများလာခြင်း ဖြစ်ပါတယ်။ သဘာဝ အပင်တွေမှာ အကာအရံအဖြစ်    ဆဲလ်လူးလို့နဲ့ ကာရံထားသလို သတ္တဝါတွေ အတော်များများရဲ့ အကြေးခွံတွေမှာလည်း ခိုက်တင်လို့ခေါ်တဲ့ polysaccharide  တစ်မျိုးနဲ့ ကာကွယ်ပေး ထားပါတယ်။ အထူးသဖြင့် ခုနကပြောခဲ့တဲ့ ပုစွန်အခွံ၊ ကဏန်းအခွံအပြင် အကြေးခွံပါတဲ့ငါး၊ အကြေးခွံပါတဲ့ အင်းဆက် (ဥပမာ-ပုရစ်) ကစလို့ သတ္တဝါတွေ အားလုံးမှာ တွေ့နိုင်ပါတယ်။ ဒါပေမဲ့ စီးပွားဖြစ်ထုတ်ယူဖို့ ဆိုရင်တော့ ပုစွန်နဲ့ကဏန်းရဲ့ အခွံကိုသာ အသုံးပြုလေ့ ရှိပါတယ်။ ခိုက်တင်ဆိုတဲ့ ဝေါဟာရကတော့ ဂရိဘာသာ စကားကနေ ဆင်းသက်လာတာ ဖြစ်ပြီး အခွံအိတ်လို့ အဓိပ္ပာယ်ရပါတယ်။

မေး                 ဆရာ ခုနကပြောသွားတဲ့ အထဲ မှာ  ခိုက်တိုစန်ရယ်၊  ခိုက်တင်ရယ်ဆိုပြီး ပါသွားပါတယ်။ အဲဒီနှစ်ခု ဘယ်လိုဆက်စပ်တယ် ဆိုတာလည်း သိပါရစေ။

ဖြေ                  သဘာဝအလျောက်ကတော့  ခိုက်တင်အနေနဲ့ပဲရှိပါတယ်။ ဥပမာ-ပုစွန်အခွံမှာပါတဲ့ ခိုက်တင်ဟာ ကာဗွန်၊ ဟိုက်ဒရိုဂျင်၊  နိုက်ထရိုဂျင်နဲ့ အောက်ဆီဂျင် လေးမျိုးပေါင်းစပ်  ဖွဲ့စည်းထားတာဖြစ်ပါတယ်။   (C8H13NO5)n  လို့ဖော်မြူလာနဲ့ ရေးပါတယ်။ ဒီခိုက်တင်တွေ ဟာ ထုံးဓာတ်နဲ့ ပေါင်းစပ်ပြီးတော့ မာကျောတဲ့ အကြေးခွံဖြစ်လာပြီး အကာအကွယ်ပေးတဲ့ အလုပ်ကို လုပ်တယ်။ သူတို့ဟာ အဖြူရောင်ရှိပြီး ရေမှာ ပျော်ဝင်ခြင်း မရှိလို့ အကြေးခွံတွေဟာ ရေထဲမှာ မပျက်စီးဘဲ တည်ရှိနိုင်ခြင်း ဖြစ်တယ်။ အဲဒီ သဘာဝ ခိုက်တင်ကနေ ခိုက်တိုစန်နဲ့ ဂလူကို စမင်းလို့ခေါ်တဲ့ အဖိုးတန်တဲ့ ဆေးဖက်ဝင် သဘာဝပစ္စည်း နှစ်ခုထုတ်လုပ်ပေး နိုင်ပါတယ်။

မေး                 ဒါဆိုရင် ခိုက်တိုစန်အကြောင်းလည်း ဆက်ပါဦးဆရာ။ ခိုက်တင်ကနေ ခိုက်တိုစန် အဖြစ် ဘယ်လိုများပြောင်းယူရပါသလဲ။

ဖြေ                  ခိုက်တင်ကနေ ခိုက်တိုစန်ပြောင်းရာ မှာ အဓိကအဆင့် (၄) ဆင့် ရှိပါတယ်။

၁။ ပထမဆုံး ပုစွန်အခွံကို ရေဆေးသန့်စင်ပြီးရင် ပါဝင်တဲ့  ထုံးဓာတ်တွေကို ဖယ်ထုတ်ရပါတယ်။ ဒါကို ecalcification  လုပ်တယ်လို့ ခေါ်တယ်။ ဘာဖြစ်လို့လဲ ဆိုတော့ ခိုက်တင်တွေဟာ   အမြဲတမ်း ထုံးဓာတ်တွေနဲ့ တွဲနေလို့ဖြစ်ပါတယ်။

၂။ ထုံးဓာတ်တွေဖယ်ထုတ်ပြီးရင် ပါဝင်တဲ့ပရိုတင်းတွေကို  ဖယ်ထုတ်ရပြန်ပါတယ်။ ဒါကိုတော့    deproteinization  လို့ခေါ်တယ်။

၃။     ရရှိလာတဲ့ ဓာတ်ပစ္စည်းတွေဟာ ဝါကြန့်ကြန့် ဖြစ်နေတာကြောင့် ဆေးဝါးအနေနဲ့ အသုံးပြုဖို့၊ ပိုမိုလှပစေဖို့ အတွက် အရောင်ချွတ်ရပါတယ်။ ecolori- zation လို့ခေါ်တယ်။

၎။ အောက်ဆုံး အဆင့်အနေနဲ့ ခိုက်တင်မှာ ပါဝင်ဖွဲ့စည်းထားတဲ့   acetyl group ကိုဖယ်ထုတ်ခြင်းပဲ ဖြစ်တယ်။ deacetylation လို့ခေါ်တယ်။ အဲဒီလို အဆင့်လေးဆင့် ဖြတ်ကျော်ပြီးရင်တော့ ခိုက်တိုစန်ကို ရရှိပါတယ်။ အဖြူရောင် အပြားချပ်လေးတွေ ဖြစ်ပြီး ရေမှာပျော်ဝင်ခြင်း မရှိပါ။ ခိုက်တိုစန်ရဲ့ မော်လီကျူး ဖွဲ့စည်းပုံကတော့ (C6H11NO4)n ဖြစ်တယ်။  β-1, 4-poly-D-glucosamineလို့ လည်း ခေါ်တယ်။

မေး                 ဒီခိုက်တင်နဲ့    ခိုက်တိုစန်ကို ဘယ်သူတွေကများ စတင်တွေ့ရှိ ခဲ့တာပါလဲ ဆရာ။

ဖြေ                  ခိုက်တင်ကို  စတင်တွေ့ရှိခဲ့သူကတော့ ပြင်သစ်လူမျိုး သဘာဝ သိပ္ပံပညာရှင် Braconnot ဆိုသူဖြစ်တယ်။ ၁၈၁၁ ခုနှစ်မှာ မှိုတွေနဲ့ ပတ်သက်လို့ လေ့လာရင်း ခိုက်တင်ဆိုတဲ့ မော်လီကျူး အသစ်ကို  စတင်တွေ့ရှိ ခဲ့တာဖြစ်ပါတယ်။  နောက်ပိုင်းမှာ Rouget ဆိုတဲ့ပညာရှင်ဟာ ခိုက်တင်ကနေ ခိုက်တိုစန် ပြောင်းတာကို စတင်ဖော်ထုတ်ခဲ့ပြီး ၁၈၇၂ ခုနှစ်မှာ Ledderhose  က  ခိုက်တင်မှာပါတဲ့ glucosamine နဲ့ acetic acid ကို ဆက်လက်ဖော်ထုတ် ခဲ့တယ်။ နောက်ဆုံး ခိုက်တိုစန်ကို အဆုံးသတ် ပြည့်ပြည့်စုံစုံ ဖော်ထုတ်ပြီး အမည်ပေးခဲ့သူ ကတော့ ဂျာမန်သိပ္ပံပညာရှင်  op-peseyler ဆိုသူ ဖြစ်တယ်။ ဒါကတော့ ၁၈၉၄ ခုနှစ်မှာ ဖြစ်တော့ နှစ်ပေါင်း ၁၂၄ နှစ်ရှိပြီလို့ ပြောနိုင်ပါတယ်။

မေး                 ပေါ်ခဲ့တာ နှစ်ပေါင်း ၁ဝဝ ကျော် ခဲ့ပေမယ့် အခုနောက်ပိုင်းမှာမှ ဘာကြောင့် ခေတ်စားလာရသလဲဆိုတာ သိပါရစေဆရာ။

ဖြေ                  အဓိက ဆေးဖက်ဝင်တဲ့ အာနိသင်က အဆီကျဖို့ အတွက် ဖြစ်ပါတယ်။ ဟိုးလွန်ခဲ့တဲ့ နှစ်ပေါင်း ၁ဝဝ ကျော်ကိုကြည့်ရင် အဆီကျဖို့ ကိစ္စဟာ အရေးပါတဲ့ ကိစ္စမဟုတ် ခဲ့ပါဘူး။ ထိခိုက်ဒဏ်ရာ ကုသဖို့၊ ကူးစက်ရောဂါတွေ နှိမ်နင်းဖို့လောက်ကိုပဲ လုံးပန်းနေရတဲ့ အချိန်ဖြစ်တယ်။ အခုနောက်ပိုင်းကျတော့ လူနေမှု စနစ်တွေပြောင်းလာတဲ့အတွက်  အဆီတွေစုလာပြီး   အဝလွန်ရောဂါတွေ၊  သွေးထဲမှာ အဆီများလာပြီး နှလုံးသွေးကြောကျဉ်း ရောဂါတို့၊ သွေးတိုးရောဂါတို့ ဆိုတာ ဖြစ်လာတာပါ။ ဒီရောဂါတွေကို ကုသဖို့      ဆေးတွေလည်း အထူးလိုအပ်လာတဲ့အတွက် အခုမှ ခေတ်စားလာရခြင်း ဖြစ်တယ်။   

မေး ။ ။ ခိုက်တိုစန်စားရင်    ဘာကြောင့် အဆီကျ ရသလဲဆိုတာ    ရှင်းပြပေးပါဆရာ။

ဖြေ                  ခိုက်တိုစန် မော်လီကျူး    တည် ဆောက်ပုံအရ သူ့ရဲ့ ပတ်ပတ်လည်မှာ လျှပ်စစ်အဖိုဓာတ် တွေ ရှိနေတယ်။ သဘာဝမှာ တွေ့ရတဲ့ လူတွေစားလို့ရတဲ့ အမျှင်ဓာတ်တွေထဲမှာ ခိုက်တိုစန်ဟာ တစ်ခုတည်းသော လျှပ်စစ်အဖိုဓာတ် ရရှိတဲ့ ပစ္စည်းဖြစ်တယ်။   အဆီမော်လီကျူးရဲ့ ပတ်ပတ်လည်မှာ လျှပ်စစ်အမဓာတ်တွေ ရှိပါတယ်။ ဒါကြောင့် ခိုက်တိုစန်နဲ့ အဆီဓာတ်ကို အတူတူစားလိုက်ရင် အူထဲမှာ အဖိုဓာတ်နဲ့ အမဓာတ်ဟာ သံလိုက်ဆွဲငင်အားကြောင့် ပေါင်းကပ်သွားပါတယ်။   ပြီးတော့ပိုပြီးကြီးတဲ့   ခိုက်တိုစန်နဲ့အဆီ   ပူးပေါင်းမော်လီကျူးကြီး ဖြစ်လာပါတယ်။ ခိုက်တိုစန် မော်လီကျူးတစ်လုံးဟာ သူ့ရဲ့အလေးချိန်ရဲ့ ၁၂ ဆရှိတဲ့ အဆီကို ပေါင်းစပ်နိုင်တဲ့ အာနိသင်ရှိပါတယ်။ ဒါကြောင့် အဏုကြည့် မှန်ဘီလူးနဲ့ ကြည့်ရင် အဆီတွေ အများကြီး စုကပ်နေတာတွေ့ နိုင်ပါတယ်။ အဲဒီလို မော်လီကျူး အကြီးကြီးကို အူနံရံက နေစုပ်ယူနိုင်ခြင်း မရှိလို့ နောက်ဆုံး အစာဟောင်းနဲ့အတူ ပြင်ပကို စွန့်ထုတ်ပစ်ပါတယ်။ ဒါကြောင့် အစာထဲ ပါသမျှအဆီတွေဟာ  ခန္ဓာကိုယ်ထဲကို မရောက်တော့ပါဘူး။ ခန္ဓာကိုယ်ထဲမှာ ရှိတဲ့   အဆီတွေဟာလည်း နေ့စဉ်အနည်းငယ်စီ အသုံးပြုနေရတာဖြစ်လို့ သွေးထဲမှာရှိတဲ့ အဆီတွေနဲ့     အရေပြားအောက်မှာရှိတဲ့ အဆီတွေပါ   တဖြည်းဖြည်းလျော့နည်းလာမှာ ဖြစ်ပါတယ်။

မေး                 ဒါဆို အစာနဲ့အတူတူစားမှ အကျိုး ရှိမှာပေါ့ဆရာ။

ဖြေ                  အစာမစားခင် နာရီဝက်လောက် ကြိုပြီးသောက်နိုင်ရင်တော့   ပိုကောင်းပါ တယ်။ ဘာဖြစ်လို့လဲဆိုတော့ ခိုက်တိုစန်တွေဟာ အစာအိမ် အချဉ်ရေနဲ့ ထိတွေ့ရင်  ပိုမိုအစွမ်းအာနိသင်ရှိတဲ့  အဖိုဓာတ် အဖြစ်ကို ပြောင်းသွားလို့ ဖြစ်တယ်။ အစာဝင် လာရင်ဆေးက အသင့်စောင့်ပြီး ချေဖျက်မယ့် သဘောပါ။ တကယ်လို့ သောက်ဖို့ မေ့သွားရင်တော့ အစာနဲ့ အတူတူပဲဖြစ်ဖြစ်၊   အစာစားပြီးမှ ပဲဖြစ်ဖြစ် သောက်ရင်ရပါတယ်။ သူ့အတိုင်းအတာနဲ့ သူတော့ ထိရောက်မှု ရှိတာပါပဲ။

မေး                 ဒါဆိုရင် ခိုက်တိုစန်ကို ဘယ်လိုအခြေအနေတွေမှာ  အသုံးပြုသင့်ပါ သလဲ ဆရာ။

ဖြေ                  အဓိကအနေနဲ့ကတော့-

 ၁။ အဝလွန်သူတွေ ကိုယ်အလေးချိန် ကျစေဖို့၊

၂။ သွေးထဲမှာ ကိုလက်စထရောဓာတ်များ နေသူတွေ အဆီကျစေဖို့၊

၃။     သွေးတိုးရောဂါသမားတွေ၊ သွေးတိုးရောဂါဆိုတာ သွေးထဲမှာရှိတဲ့ ကိုလက်စထရောများလို့ ဖြစ်တာဆိုတော့ ကိုလက်စထရော ချပေးနိုင်ရင် သွေးတိုးပါ သက်သာလာလို့ ဖြစ်ပါတယ်။

၎။     နှလုံးသွေးကြောကျဉ်းတဲ့ ရောဂါရှိသူတွေ၊  သူလည်း ခုနက သွေးတိုးရောဂါလို ပါပဲ။ ကိုလက်စထရောကျရင်   သက်သာလာမှာဖြစ်တယ်။

၅။     ဝမ်းချုပ်သူတွေ ဝမ်းထဲမှာအဆီတွေပါလာ တော့ စမြင်းတုံးခံတာမျိုး မဖြစ်တော့ဘဲ ချောဆီထည့်ပေးသလို ဖြစ်သွားတော့ ဝမ်းသွားလို့ ပိုကောင်းလာပါတယ်။

၆။     ဆီးချိုရောဂါရှိသူတွေ၊ ဆီးချိုသမားတွေ ဟာ   နောက်ဆက်တွဲပြဿနာအနေနဲ့ သွေးထဲမှာ အဆီဓာတ်တွေများလာပြီး သွေးကြောကျဉ်းတာ၊ သွေးကြောပွတာ၊ သွေးကြောပိတ်တာတွေ ဖြစ်တတ်တော့ ဒီလိုမဖြစ်အောင်   ကာကွယ်တဲ့အနေနဲ့ သုံးသင့်ပါတယ်။

မေး                 အသုံးမပြုသင့်တဲ့အခြေအနေတွေ လည်း သိပါရစေဆရာ။

ဖြေ                  ခိုက်တိုစန်ကို   အသုံးမပြုသင့်တဲ့အခြေအနေတွေကတော့-      

၁။     ဝမ်းပျက်ဝမ်းလျှောဖြစ်နေတဲ့သူတွေမှာ ခိုက်တိုစန်ကိုရပ်ထားရပါမယ်။ ခိုက်တိုစန်ကိုယ်၌က ဝမ်းပျော့ပျော့ သွားစေလို့ ဖြစ်ပါတယ်။

၂။     အာဟာရချို့တဲ့သူတွေ၊ အဆီမှာပျော်ဝင် တဲ့ဗီတာမင်ချို့တဲ့သူတွေဟာ ခိုက်တိုစန် မစားသင့်ပါ။

၃။     အချို့ပုစွန်အခွံ၊ ကဏန်းအခွံနဲ့ မတည့် သူများ ခိုက်တိုစန် မစားသင့်ပါ။

၎။     ကိုယ်ဝန်ဆောင်စဉ်နဲ့ နို့တိုက်မိခင်များ မစားသင့်ပါ။ ကလေးအတွက် လိုအပ်သော အာဟာရများ  မရမှာစိုး၍ ဖြစ်ပါ တယ်။

 မေး                ဆရာ့အနေနဲ့ ဘာများဖြည့်စွက် ပြောချင်ပါသေးလဲဆရာ။

ဖြေ                  အဝလွန်သူတွေနဲ့ ကိုလက်စထရောများသူတွေအနေနဲ့ အဆီကျအောင် လုပ်မယ် ဆိုရင် သဘာဝနည်းလမ်းတွေဖြစ်တဲ့ လမ်းလျှောက်တာတို့၊ လေ့ကျင့်ခန်းလုပ်တာတို့၊ အဆီအအိမ့်လျှော့စားတာတို့၊ အသီးအရွက် များများစားတာတို့ကို ဦးစားပေးပြီးဆောင် ရွက်ကျင့်ကြံနေထိုင်ရမှာ ဖြစ်တယ်။   ဒီလိုမှ မရခဲ့ရင်   ဒုတိယအနေနဲ့   အဆီကျဆေး တစ်မျိုးမျိုးကို ရွေးချယ်သုံးစွဲရမှာ ဖြစ်ပါတယ်။ ဓာတုဗေဒနည်းနဲ့ ပြုလုပ်ထားတဲ့ ဆေးဝါးတွေ ဟာ ဘေးထွက်ဆိုးကျိုးလွန်စွာ များပြားလှတော့ ဆရာဝန်ရဲ့ ညွှန်ကြားချက်နဲ့သာ သုံးစွဲ သင့်ပါတယ်။ ကြက်သွန်ဖြူတို့လို၊ ခိုက်တိုစန်တို့လို အဆီကျဆေးတွေကတော့ သဘာဝပစ္စည်းဖြစ်တာရယ်၊    အရင်ကတည်းက လူတွေစားသုံးလို့ အန္တရာယ်မရှိဘူးလို့ ခိုင်ခိုင် လုံလုံ သိရှိထားပြီးဖြစ်လို့ရယ်၊  အာနိသင် ထက်မြက်မှုကြောင့်ရယ်၊ ဘေးထွက်ဆိုးကျိုး မရှိသလောက်နည်းလို့ရယ် စတာတွေကြောင့် မှီဝဲ စားသုံးသင့်ပါကြောင်း   ပြောကြားလိုပါ တယ်။   

ဒေါက်တာ ခင်မောင်လွင် (FAME)

Page 1 of 10