SJ WorldNews - шаблон joomla Авто

သစ္စာချည်တိုင် ဇာတ်လမ်းတွဲ ကန်တော့ပွဲနှင့် စာနယ်ဇင်း မိတ်ဆက်ပွဲ ကျင်းပ

Wednesday, 08 August 2018 08:25 font size decrease font size decrease font size increase font size increase font size

ရန်ကုန်  သြဂုတ် 

လူငယ်အကြိုက် ဇာတ်လမ်းတွဲဖြစ်သော La La Kyi Application နှင့် Media 7 တို့  ပူးပေါင်းရိုက်ကူးမည့်  သစ္စာချည်တိုင် ဇာတ်လမ်းတွဲ  ကန်တော့ပွဲနှင့်  စာနယ်ဇင်း မိတ်ဆက်ပွဲကို ယနေ့တွင်  ရန်ကုန်မြို့ရှိ ရွှေတိဂုံဘုရား အောင်မြေနှင့် M3  Food Center  ၌ ကျင်းပသည်။

သစ္စာချည်တိုင် ဇာတ်လမ်းတွဲကို ဇာတ်လမ်း၊ ဇာတ်ညွှန်း လွင်မင်းအံ့ ရေးသားပြီး ဒါရိုက်တာသြရသက  ရိုက်ကူးကာ  သရုပ်ဆောင်များ အနေဖြင့် အလင်းရောင်၊ စံရတီ မိုးမြင့်၊ နန်းဆုဦး၊ ငြိမ်းချမ်းကျော်၊ သားညီ၊ သိန်းလင်းစိုး၊ မေသဉ္ဇာဦး၊ ခိုင်ဇင်သက်နှင့် အနုပညာရှင်ပေါင်းများစွာ   ပါဝင်သရုပ်ဆောင်မည်ဖြစ်သည်။ ယင်းဇာတ်လမ်းတွဲကို ယခုလ ၁၅ ရက်မှစ၍ ရိုက်ကူးမည်ဖြစ်ပြီး ၄၅ ရက်ခန့် ကြာမြင့်မည်ဖြစ်ကြောင်း သိရသည်။

''ဇာတ်လမ်းပုံစံက လူငယ်အချစ်ဇာတ်လမ်းဖြစ်ပြီး ပြည်သူတွေကြားက အကြောင်းအရာတွေကို  အခြေခံရိုက်ကူးမှာပါ။ ဇာတ်လမ်းပိုင်းအနေနဲ့ ၄ဝ ကျော်လောက်  ပါဝင်မှာပါ။  ပါဝင်သရုပ်ဆောင်တဲ့ အနုပညာရှင်တွေကလည်း   ဝါရင့်သရုပ်ဆောင်တွေနဲ့    လူငယ်သရုပ်ဆောင်တွေ  ပူးပေါင်းပါဝင် သရုပ်ဆောင်ထားတဲ့အတွက်  ဇာတ်လမ်းတွဲကို   ထုတ်လွှင့်တဲ့အခါမှာလည်း   ပရိသတ်တွေ  လက်ခံ သဘောကျမှာပါ'' ဟု ဒါရိုက်တာသြရသ ကပြောသည်။

ယင်းဇာတ်လမ်းတွဲကို La  La  Kyi Application တွင်  ထုတ်လွှင့်ပြသမည် ဖြစ်ပြီး  မည်သည့်အချိန်တွင်   စတင်ထုတ်လွှင့်မည်ကို    မသိရှိရသေးကြောင်း  သိရသည်။

Read 93 times Last modified on Wednesday, 08 August 2018 08:26