SJ WorldNews - шаблон joomla Авто

လုပ်ကွက်ရမှ သရုပ်ဆောင် အလုပ်ကို လက်ခံခြင်း မဟုတ်ဟု ဖွင့်ဟလာသည့် အကယ်ဒမီ တက္ကသိုလ်ဂွမ်းပုံ

Sunday, 02 December 2018 19:17 font size decrease font size decrease font size increase font size increase font size

အနုပညာလောကတွင်   ဝါရင့်ဟာသ သရုပ်ဆောင်အဖြစ်   နှစ်ပေါင်းများစွာ ရပ်တည်နေသည့် အကယ်ဒမီ တက္ကသိုလ် ဂွမ်းပုံက လုပ်ကွက်ရမှ သရုပ်ဆောင် အလုပ်ကို  လက်ခံခြင်း မဟုတ်ကြောင်း  ဖွင့်ဟခဲ့သည်။

''စိန်ဂေါ်လီမ ယောက်ျားဆိုတဲ့ ဇာတ်ကားမှာ ဂွမ်းရဲ့အခန်းတွေက ၅၁ ခန်းတောင် ပါတယ်။ မခိုင်လေးရယ်၊ ဂွမ်းရယ်က ၅၁ ခန်းပါတော့  ဘယ်လိုမှကို  လှုပ်လို့မရတာပါ။ ဇာတ်ညွှန်းစရေးလိုက်ပြီ ဆိုကတည်းက ထုတ်လုပ်သူတွေနဲ့   ဒါရိုက်တာတွေ တိုင်ပင်ပြီး  ဒီနေရာမှာ  ဒီဇာတ်ကွက်တွေက တက္ကသိုလ် ဂွမ်းပုံကို သုံးမှဖြစ်မယ်ဆိုပြီး ရွေးချယ်ခဲ့တာပါ။ တစ်ခါတလေကျရင် နေ့တွက်အနေနဲ့ ရိုက်ရတာတွေ ရှိတယ်။ နေ့စားပေါ့။ ဂွမ်းတို့ကို တစ်ခန်းပဲဖြစ်ဖြစ် ခေါ်ရိုက်တယ်။  ဒါပေမဲ့  အဲဒီတစ်ခန်းတည်းက  အရမ်း အရေးကြီးနေတော့ မဂွမ်းကူညီပေးပါ ဆိုပြီး ပြောလို့  ကူညီပေးဖူးတယ်။ဒါမှမဟုတ်ရင် ဘူဇွာဟိုတယ် ဇာတ်ကားထဲကလို  အခန်းတွေက များတယ်ပေါ့။  အခုဇာတ်ကားမှာ ဆိုရင်  ၅၁ ခန်းပါတယ်ဆိုတော့ မခိုင်လေးနဲ့ တွဲဖက်ပြီး အများကြီးပါရတယ်။ ဂွမ်းတို့က လုပ်ကွက်ရှိမှ ရွေးချယ်တာမျိုး မဟုတ်ပါဘူး။

ကိုယ့်ကို  ဒါရိုက်တာက  ချမှတ်ပေးလိုက်တဲ့  ဇာတ်ကောင်စရိုက်ကို  ပေါ်လွင်ထိမိအောင်လို့  ဂွမ်းပုံဆိုတာကိုမေ့ထားပြီး  အဲဒီကားထဲက ဇာတ်ကောင်အဖြစ်နဲ့  စိတ်ခံစားချက် ထည့်ပြီးရိုက်ရတာပါ။  အမှန်အတိုင်း ပြောရရင် သရုပ်ဆောင်ကောင်း တစ်ယောက် ဖြစ်ချင်တာပါ'' ဟု အကယ်ဒမီတက္ကသိုလ် ဂွမ်းပုံကပြောသည်။

တက္ကသိုလ်ဂွမ်းပုံအနေဖြင့်  ဒါရိုက်တာ ကိုဇော် (အရုဏ်ဦး) ရိုက်ကူးနေသော စိန်ဂေါ်လီမယောက်ျား ရုပ်ရှင်ဇာတ်ကားတွင် နာမည်ကြီး မင်းသား၊ မင်းသမီးများနှင့်အတူ ပါဝင်သရုပ်ဆောင်နေပြီး လက်ရှိရုံတင်ပြသလျက် ရှိသည့် ဘူဇွာဟိုတယ် ရုပ်ရှင်ဇာတ်ကား၌လည်း  အပျိုကြီးမမအဖြစ် ပါဝင်သရုပ်ဆောင် ထားကြောင်း သိရသည်။         

Read 255 times Last modified on Sunday, 02 December 2018 19:18