SJ WorldNews - шаблон joomla Авто

သရုပ်ဆောင် အားသစ်နဲ့ တွဲဖက် သရုပ်ဆောင်ထားတဲ့ အိချောပို

Thursday, 14 February 2019 12:22 font size decrease font size decrease font size increase font size increase font size

ဇာတ်လမ်း၊ ဇာတ်ညွှန်းနှင့် ဒါရိုက်တာ အောင်ဗပါဝါ ရိုက်ကူးသည့်  ဝမ်းဝမ်းလေး ရုပ်ရှင်ဇာတ်ကားတွင်  ကလေးသရုပ်ဆောင်မှ တက်လာသည့် သရုပ်ဆောင် အားသစ်နှင့် တွဲဖက်သရုပ်ဆောင်ရန် ဝိတ်ချခဲ့ရကြောင်း သရုပ်ဆောင် အိချောပိုက ပြောသည်။

  ''ဒီဇာတ်ကားကို ရိုက်ထားတာ တစ်နှစ်ကျော်လောက်ရှိပြီ။ အားသစ်နဲ့က ဗီဒီယိုဇာတ်ကားတွေ ရိုက်ဖူးပါတယ်။ အားသစ် အဖေကလည်း ဒီဇာတ်ကားရိုက်ဖို့ရှိတယ်။ မိသားစု ဇာတ်ကားလေး ရိုက်ချင်တယ်လို့ ပြောတာကြောင့် ပါဝင်ဖြစ်တာပါ။ အဓိကက အချစ်ဇာတ်လမ်းပါ။  အားသစ်နဲ့   မိသားစုတွေလိုနေကြတာပါ။  ဗီဒီယို ဇာတ်ကားတွေမှာလည်း ဆုံဖူးတယ်။ အားသစ်က ဝမ်းဝမ်းလေး ရုပ်ရှင်ဇာတ်ကားရိုက်တုန်းက ငယ်သေးတယ်။ အိချောက သူ့ထက်ပိုထွားတာပေါ့။ အဲဒီဇာတ်ကားရိုက်တုန်းက အိချော ဝိတ်ချခဲ့ရတယ်။ အဲဒါတော့ ဘဝမှာ မှတ်မှတ်ရရပါပဲ။ သူကလည်း ကလေး သရုပ်ဆောင်ကနေ တက်လာတာဆိုတော့ သရုပ်ဆောင်လည်း ကောင်းပါတယ်။ ဒီဇာတ်ကား ရိုက်တုန်းက ရယ်လည်းရယ်ရတယ်။ ဦးအောင်ဗပါဝါရဲ့  ဒိုင်ယာလော့ခ်တွေက ဆန်းပါတယ်။

မှတ်မှတ်ရရ အိချောတို့ အခန်းတစ်ခန်း ရိုက်ရတော့မယ် ဆိုရင် ဒိုင်ယာလော့ခ်တွေ ကျက်နေရတာ။ ကာရန်နဘေတွေနဲ့ ဆိုတော့ တော်တော်လေးကိုခက်တယ်။ ဒီကားကို ပျော်ပျော်ပါးပါးနဲ့ ရိုက်ခဲ့ပါတယ်''ဟု အိချောပိုက ပြောသည်။

ဝမ်းဝမ်းလေး ရုပ်ရှင်ဇာတ်ကားကို ဖေဖော်ဝါရီ  ၁၅ ရက်တွင် ရုံတင်ပြသမည်ဖြစ်ကြောင်း သိရသည်။

Read 283 times Last modified on Thursday, 14 February 2019 12:23