SJ WorldNews - шаблон joomla Авто

မြန်မာကင်းထောက် ရာပြည့် အခမ်းအနား အောင်မြင်မှု အထိမ်းအမှတ် ကျင်းပရန် စီစဉ်

Wednesday, 08 November 2017 10:22 font size decrease font size decrease font size increase font size increase font size

ရန်ကုန်  နိုဝင်ဘာ 

မြန်မာကင်းထောက် ရာပြည့်အခမ်းအနား အောင်မြင်မှု အထိမ်းအမှတ်အဖြစ်  မြန်မာ ကင်းထောက်ဂီတ ပွဲတော်ကို   ရန်ကုန်မြို့ရှိ  အမျိုးသား အားကစားပြိုင်ပွဲရုံ (၁) သုဝဏ္ဏ အားကစားကွင်း၌ နိုဝင်ဘာ ၁၂ ရက်တွင် ကျင်းပမည်ဖြစ်ကြောင်း ယမန်နေ့နေ့လယ်ပိုင်းတွင် ရန်ကုန်မြို့  ပြည်လမ်းရှိ  တော်ဝင်ဂါးဒင်း ဟိုတယ်၌ကျင်းပသည့် အကြိုစာနယ်ဇင်း ရှင်းလင်းပွဲမှ သိရသည်။

အဆိုပါဂီတ ပွဲတော်တွင်   ဟန်ထွန်း၊ အာဇာနည်၊ ဂျီလတ်၊ သအို စသည့် တေးသံရှင်များ၊ အခြေခံပညာကျောင်းများမှ ကင်းထောက်များနှင့်  တက္ကသိုလ်ကျောင်းများမှ ကင်းထောက်များ ပါဝင်သီဆိုဖျော်ဖြေ ကြမည်ဖြစ်သည်။

''ဒီပွဲမှာ ကင်းထောက်တွေရဲ့လှုပ်ရှားမှုကို သရုပ်ဖော်နိုင်မယ့် အတိုင်းအတာထိ မြန်မာ ကင်းထောက်အဖွဲ့က   စီစဉ်ထားပါတယ်။ အဓိက သီချင်းတွေဖြစ်ကြတဲ့   အလင်္ကာကျော်စွာ ကင်းထောက်ကြီး ဟင်္သာတမြင့်ငွေ ရေးစပ်ထားတဲ့ ကင်းထောက်ဂုဏ်ရည်၊ နောက် World  Song တွေပါမယ်။  နောက်ကင်းထောက်တွေ အားလုံး အခုထိသီဆိုနေကြတဲ့   ပြည်သူ့အတွက်  အဆင်သင့်ဆိုတဲ့  သီချင်းပါမယ်'' ဟု မြန်မာနိုင်ငံ ကင်းထောက် အဖွဲ့ချုပ်ဥက္ကဋ္ဌ   ဒေါက်တာတင်ညိုကပြောသည်။

မြန်မာကင်းထောက် ဂီတပွဲတော်၏ ရုံဝင်လက်မှတ်များကို  ငွေကျပ်ငါးထောင်မှ  ငါးသောင်းအထိ သတ်မှတ်ထားကြောင်း သိရသည်။                        

Read 10 times Last modified on Wednesday, 08 November 2017 10:24