SJ WorldNews - шаблон joomla Авто

ရုရှားနိုင်ငံက သရက်သီးခြောက် ၁ဝ တန်ဝယ်ယူရန် ကမ်းလှမ်းထားသော်လည်း လိုအပ်ချက် အတိုင်း တင်ပို့နိုင်ခြင်း မရှိ

Friday, 09 February 2018 08:57 font size decrease font size decrease font size increase font size increase font size

ရန်ကုန်   ဖေဖော်ဝါရီ 

ယခုနှစ်အတွင်း ရုရှားနိုင်ငံက  သရက်သီးခြောက်  ၁ဝ  တန်ဝယ်ယူရန် ကမ်းလှမ်း ထားသော်လည်း  ပြည်တွင်း၌  ထုတ်လုပ်နိုင် သည့် စက်ရုံ၊  အလုပ်ရုံ အခက်အခဲများကြောင့်   တင်ပို့နိုင်ခြင်း မရှိကြောင်း  မြန်မာ့ သရက်ဈေးကွက်နှင့်    နည်းပညာ ဖွံ့ဖြိုးတိုးတက်ရေး အသင်းဥက္ကဋ္ဌ  ဦးကိုကိုထံမှ သိရသည်။

နေပြည်တော်ရှိ   ပြည်တွင်းကုမ္ပဏီတစ်ခု ဖြစ်သည့်  မြန်မာ့ရွှေသစ်သီးဝလံ ကုမ္ပဏီမှ သရက်သီးခြောက်နှင့် အနှစ်များကို ထုတ်လုပ်၍ ရုရှားနိုင်ငံသို့ ယမန်နှစ်ကစတင် တင်ပို့ခဲ့ကြောင်း သိရသည်။

''သရက်သီးခြောက်လည်း  အများကြီး လိုချင်ကြတယ်။ ဒါပေမဲ့ စက်ရုံ၊ အလုပ်ရုံ မရှိသေးပါဘူး။ ရုရှားက ဒီနှစ် အနည်းဆုံး သရက်သီးခြောက် ၁ဝ တန်မှာတယ်'' ဟု ဦးကိုကို ကပြောသည်။

သရက်သီးခြောက် ပြုလုပ်မည်ဆိုပါက အခွံခွာ၊ အစေ့ထုတ်ပြီး အသားကို အခြောက်ခံရမည်ဖြစ်ရာ   အနည်းဆုံး  သရက်သီး တစ်ကီလိုတွင် သရက်သီးအခြောက်  ၁၅ဝ  ဂရမ်သာ ရရှိကြောင်း၊ သရက်သီးတန် ၈ဝ ခန့် သရက်သီးအခြောက်ခံလျှင်  အနည်းဆုံး  ၁ဝ   တန်ခန့် ရရှိမည်ဖြစ်ကြောင်း   သိရသည်။

 ''သရက်သီးအခြောက်လုပ်ဖို့ အခြောက်ခံစက် လိုနေတာပါ။ လုပ်ငန်းရှင်တစ်ယောက်က နေပြည်တော်မှာ စက်ရုံတည်ပြီး စတင်နေပါပြီ။ ဒါပေမဲ့ သရက်သီးခြောက်စက်ရုံ တစ်ရုံတည်းနဲ့   မလုံလောက်နိုင်တဲ့အတွက် နောက်ထပ် စက်ရုံငါးရုံလောက် လိုပါတယ်'' ဟု ဦးကိုကို ကပြောသည်။

Read 12 times Last modified on Friday, 09 February 2018 08:58