SJ WorldNews - шаблон joomla Авто

စင်ကာပူနိုင်ငံရှိ သူနာပြုဒီပလိုမာ သင်တန်းသို့ အခမဲ့ တက်ရောက်နိုင်

Monday, 11 June 2018 09:18 font size decrease font size decrease font size increase font size increase font size

ရန်ကုန်  ဇွန်  ၁ဝ

တက္ကသိုလ်ဝင်တန်း  အောင်မြင်သည့် ကျောင်းသား၊ ကျောင်းသူများအနေဖြင့် သုခစုစံကုမ္ပဏီ၏ အစီအစဉ်ဖြင့် စင်ကာပူနိုင်ငံရှိ   သူနာပြုဒီပလိုမာ (Full ScholarShip ) သုံးနှစ်သင်တန်းသို့ အခမဲ့တက်ရောက်နိုင်ရန် ဇွန် ၉ ရက်မှစ၍  ပညာသင်ဆု လျှောက်ထားနိုင်ကြောင်း သိရသည်။

''ကျွန်တော်တို့   ဝန်ဆောင်မှုစရိတ်ကို ကာမိရုံလောက်ပဲ ယူထားပါတယ်။ တကယ်လို့ ပညာသင်ဆု လျှောက်တာရလို့ ကျောင်းတက်ပြီဆိုတာနဲ့ ပထမနှစ်မှာ စင်ကာပူဒေါ်လာ ၈၅ဝ စရမယ်။ ကျောင်းတက်ရင်း ဆေးရုံတွေမှာ လက်တွေ့လေ့လာခွင့်လည်းရမှာပါ။   အလုပ်ခွင်ဝင်ရင်  အနည်းဆုံး စင်ကာပူဒေါ်လာ ၂၅ဝဝ ရမှာဖြစ်ပါတယ်''ဟု  သုခစုစံကုမ္ပဏီဥက္ကဋ္ဌ  ဦးချမ်းသာက ပြောသည်။

တက္ကသိုလ်ဝင်တန်း အောင်မြင်ထားသူများ တက်ရောက်နိုင်ပြီး အမှတ်စာရင်းများ ကန့်သတ်ထားကာ မိဘကိုယ်တိုင် လာရောက် လျှောက်ထားနိုင်ကြောင်း၊  အသေးစိတ် သိရှိလိုပါက ဖုန်း-ဝ၉-၅၁၃၆၁၆၃ သို့ ဆက်သွယ် စုံစမ်းနိုင်ကြောင်း သိရသည်။

''အင်တာဗျူးကို စက်တင်ဘာလမှာ စမှာပါ။ အဓိကကတော့ ပညာသင်ဆု လျှောက်တဲ့ ကလေးတွေက အင်္ဂလိပ်စာ ကျွမ်းကျင်ဖို့လိုပါတယ်။ 4 Skills ကျွမ်းကျင်မှရမယ်။ စာစီစာကုံးက အနည်းဆုံး ၁ဝ မျက်နှာကနေ ၁၅ မျက်နှာအထိ ရေးရမှာ'' ဟု သုခစုစံကုမ္ပဏီ မန်နေးဂျင်းဒါရိုက်တာ ဒေါ်ဥမ္မာမြင့်က ပြောသည်။

သုခစုစံကုမ္ပဏီအနေဖြင့် စင်ကာပူနိုင်ငံရှိ သူနာပြုတက္ကသိုလ်သို့  ၂ဝဝ၅  ခုနှစ်မှစ၍၂ဝ၁၇ ခုနှစ်အထိ ပညာတော်သင် ၆၁၅ ဦး စေလွှတ်နိုင်ခဲ့ပြီး လက်ရှိတွင် စင်ကာပူနိုင်ငံရှိ ဆေးရုံများတွင် လုပ်ငန်း ဝင်ရောက်နေသူ၄၈၂ ဦးရှိကြောင်း သိရသည်။    

Read 110 times Last modified on Monday, 11 June 2018 09:19