SJ WorldNews - шаблон joomla Авто

ကျောက်ကပ်၌ ကျောက်တည်ခြင်း မဖြစ်စေရန်

Saturday, 04 August 2018 10:54 font size decrease font size decrease font size increase font size increase font size

ကျောက်ကပ်ဆိုတာ

ခန္ဓာကိုယ်ကြီး ကောင်းစွာအသက်ဆက်နိုင်ဖို့အတွက် ကျောက်ကပ်ရဲ့ အခန်းကဏ္ဍဟာ လွန်စွာအရေးပါလှပါတယ်။ ဒါကြောင့်လည်း အခြားကလီစာများနှင့် မတူ လူတစ်ယောက်မှာ ကျောက်ကပ်နှစ်ခု(တစ်စုံ) မွေးလာကတည်းက အတူပါလာရခြင်းဖြစ်ပါတယ်။

ကျောက်ကပ်တစ်ခုစီ၏ အလေးချိန်မှာ ၄ အောင်စမှ ၆ အောင်စ ဝန်းကျင်ရှိပါတယ်။

ဦးနှောက်၊ အသည်း၊ နှလုံးတို့ထက်ကျောက်ကပ်ထဲ သွေးစီးဆင်းနှုန်းကပိုမြင့်မားပါတယ်။

ကျောက်ကပ်တစ်ခု၏ အရွယ်အစားဟာပျမ်းမျှ ၄ လက်မခွဲသာရှိပါတယ်။

ကျောက်ကပ်တစ်စုံဟာ ခန္ဓာကိုယ်ထဲရှိသွေး၏ ၉၉ ရာခိုင်နှုန်းကို ပြန်လည်စုပ်ယူကာ သန့်စင်သုံးစွဲပြီး ၁ ရာခိုင်နှုန်းကိုသာ ကျင်ငယ်ရည်အဖြစ် စွန့်ထုတ်လေ့ရှိပါတယ်။

ဘယ်သူတွေမှာ ကျောက်ကပ်၌ ကျောက်တည်နိုင်ပါသလဲ

ပျမ်းမျှ အသက် ၆၀ ကျော် အမျိုးသားကြီးတွေမှာ ကျောက်တည်လေ့ရှိပါတယ်။

အထူးသဖြင့် အသက် ၄၀ ကျော် အဝလွန်သူအမျိုးသမီးများ နံနက်စာမစားပါက ကျောက်ကပ် ကျောက်တည်ရောဂါဖြစ်နှုန်းဟာ ရိုးရိုးသာမန်လူထက် ငါးဆမျှပို၍မြင့်မားနိုင်ပါတယ်။

တစ်နေ့တွင် ဆီးသွားနှုန်း ၁၅၀ဝ မီလီလီတာ(၁ လီတာ)ဝန်းကျင်ရှိပါက ကျောက်ကပ် ပုံမှန်လည်ပတ်နေပြီး ၎င်းပမာဏထက် ဆီးသွားနှုန်းလျော့နည်းသွားပါက ကျောက်ကပ်ကို အထူးဂရုစိုက်ရန်လိုအပ်ပါတယ်။

ရှောင်ကြဉ်သင့်သောအစားအစာများ

ဗီတာမင်စီဆေးပြားတွေကို လိုအပ်တဲ့ ပမာထက် ပို၍စားသုံးမိတဲ့အခါ ကျောက်ကပ်မှာ ကျောက်တည်စေနိုင်ပါတယ်။

အကိုက်အခဲပျောက်ဆေးများကိုလည်း လွန်ကဲစွာစားမိပါက ကျောက်ကပ် ပျက်စီးစေနိုင်ပါတယ်။

Antacid အစာအိမ် အချဉ်ပေါက် ပျောက်ဆေးများကို အလွန်အကျွံ သောက်သုံးခြင်းကလည်း ကျောက်ကပ် ကျောက်တည်စေပါတယ်။

နို့၊ ဒိန်ချဉ်၊ နို့ခဲစတဲ့ တိရစ္ဆာန်မှ ရရှိသော အဆီမထုတ်ထားတဲ့ နို့ထွက်ပစ္စည်းများကို လွန်ကဲစွာ စားသောက်တဲ့အခါမှာ ကျောက်ကပ်ထဲကို ကယ်လ်စီယမ်ဓာတ်များ အနည်ကျကာ ဆီးကျောက်တည်ခြင်း ဖြစ်စေပါတယ်။

ဆိုဒီယမ်(အငန်)ဓာတ်က ခန္ဓာကိုယ်ထဲရှိ အရည်တွေကို မျှတအောင်ထိန်းပေးနိုင်တာကြောင့် ဆားဟာမရှိမဖြစ်တဲ့အရာပါ။ သို့သော် ဆားနဲ့ အငန်ဓာတ်တွေကို လိုအပ်တာထက် ပိုမိုစားသုံးမိတဲ့အခါ ကိုယ်ထဲမှာ ကယ်လ်စီယမ်ဓာတ်ကို စွန့်ထုတ်မှုပိုများစေပြီး အရိုးသန်မာမှုကို ယုတ်လျော့စေတဲ့အပြင် ကျောက်ကပ်မှာကျောက်တည်နိုင်ခြင်း အလားအလာကို လည်းပိုများလာစေပါတယ်။ ဒါကြောင့် ဆားကိုလျှော့နိုင်သမျှ လျှော့စားပါ။

Oxalates ဓာတ်ကြွယ်ဝတဲ့ ဗိုလ်စားပဲသီး၊ ပိန်းဥ၊ ပိန်းရိုး၊ ဟင်းနုနယ်ရွက်တို့က ဆီးကျောက် တည်စေနိုင်တာကြောင့် သင့်တင့်ရုံသာစားပေးပါ။

ကာဗွန်ဒိုင်အောက်ဆိုက်ဂက်စ်တွေ ထည့်ထားတဲ့ အဖျော်ယမကာများကလည်း ကျောက်ကပ်ထဲရှိ သွေးကြောများပျက်စီးခြင်း၊ ကျောက်တည်ခြင်းစတဲ့ ဆိုးကျိုးတွေ ဖြစ်စေနိုင်ပါတယ်။

ကျောက်ကပ်တွင် ဖြစ်ပေါ်သောကျောက်ဟာ ထုံးဓာတ်ပါဝင်မှုများပြားသော ရေကြောင့်ဖြစ်ပြီး ကယ်လ်ဆီယမ်နှင့် ပေါင်းစပ်မှုကြောင့် ဆီးလမ်းကြောင်း ပိတ်ဆို့စေပါတယ်။

သကြား(အချို)ဓာတ်များသော အစားအစာများကလည်း ကျောက်ကပ်ထဲမှာ ကျောက်တုံးကို ဖြစ်ပေါ်စေနိုင်ပါတယ်။

သကြားဓာတ်က အင်ဆူလင်ထုတ်လုပ်ရန် ဂလင်းအရည်တစ်မျိုးကို ထုတ်ပေးပါတယ်။ ၎င်းက ကယ်လ်စီယမ်ဓာတ် ပိုမိုဖြစ်ထွန်းစေပြီး ကျောက်ကပ်ကို ကျောက်တည်စေပါတယ်။

စားသုံးသင့်သောအစားအစာများ

ကျောက်ကပ်မှ ကျောက်များကြေစေရန်အတွက် အကောင်းဆုံး သဘာဝကုသနည်းမှာ မမေ့မလျော့ ရေသောက်ခြင်းပဲ ဖြစ်ပါတယ်။

ဆေးသုတေသန ပြုချက်များအရ ခရမ်းချဉ်သီးကို အစေ့ဖယ်၍ စားခြင်းက ကျောက်ကပ်နှင့် ဆီးအိမ်ကျောက်တည်ခြင်း အလားအလာကို လျှော့ချပေးနိုင်ကြောင်း၊ တစ်ပတ်အတွင်း ခရမ်းချဉ်သီး ခုနစ်ကြိမ် စားသုံးသူသည် ဆီးကျိတ်ကင်ဆာ ဖြစ်နှုန်းကို ၅၀ ရာခိုင်နှုန်းထိ လျှော့ချပေးနိုင်ကြောင်း၊ တစ်ပတ်လျှင် ဆယ်ကြိမ်အထက် စားသုံးသူသည် ဆီးကျိတ်ကင်ဆာမှ လုံးဝလွတ်ကင်းနိုင်ကြောင်း ဆေးသုတေသီများက အကြံပြုထားပါတယ်။

စပျစ်သီးက ခန္ဓာကိုယ်ထဲရှိ မလိုလားအပ်သော ယူရစ်အက်စစ်များကို ဆီးအဖြစ် ထွက်ရှိလာအောင် တွန်းအားပေးတာကြောင့် ဆီးရွှင်စေကာ ကျောက်ကပ် ကျန်းမာစေတဲ့အပြင် ခန္ဓာကိုယ်တွင်း အဆိပ်များကို အရှိန်အဟုန်မြှင့် သုတ်သင် ရှင်းလင်းနိုင်သည့် ဇီဝဖြစ်စဉ်ကိုတိုးမြှင့်ပေးနိုင်၍ ကျောက်ကပ်နှင့် သည်းခြေကို သန့်စင်စေပါတယ်။

မည်သည့်ငှက်ပျောပင်မဆို အူတိုင်ကို ကျောက်ဖရုံသီးဖြင့် ဖျော်ရည်လုပ်သောက်ပါက ကျောက်ကပ်၊ ဆီးအိမ်၊ အမျိုးသားများ ဆီးကျိတ်ဝေဒနာနှင့် ဆီးကျောက်တည်ခြင်းမှ ကာကွယ်ပေးပါတယ်။

ရွှေဖရုံသီးနှင့် ရွှေဖရုံစေ့ထဲရှိ အဆီတို့ဟာ ကျောက်ကပ်၏ စွမ်းဆောင်ရည်ကို တိုးတက်မြင့်မားလာစေပြီး ခန္ဓာကိုယ်ထဲရှိ မလိုလားအပ်သော အညစ်အကြေးတို့ကို ဆီးအဖြစ် စွန့်ထုတ်ပေးနိုင်၍ ဆီးကျောက်တည်ခြင်း မဖြစ်စေပါဘူး။ အထူးသဖြင့် အမျိုးသားများတွင် ဖြစ်တတ်သော ဆီးကျိတ်ကြီးထွားလာခြင်းကိုသက်သာစေရုံမျှမက ဆီးကျိတ်ကင်ဆာ ရောဂါကိုလည်း ထိထိရောက်ရောက် တားဆီးကာကွယ်ပေးနိုင်ပါတယ်။

အာလူးထဲမှာ မဂ္ဂနီစီယမ်ဓာတ်မြင့်မားစွာ ပါရှိပြီး ထိုဓာတ်က ကျောက်ကပ်နှင့် တစ်သျှူးများထဲတွင် ကျောက်ကပ်ကျောက်တည်ခြင်းကို ချေဖျက်ပေးနိုင်စွမ်းရှိပါတယ်။

မြင်းခွာရွက်ကို နေ့စဉ်မှန်မှန်စားပေးခြင်းဖြင့် ကျောက်ကပ်နဲ့ ပတ်သက်သော ဆီးဝေဒနာ အမျိုးမျိုးမှ ကြိုတင်ကာကွယ်ရာ ရောက်ပါတယ်။

ကျောက်ဖရုံသီးကို မကြာခဏဟင်းခါးချက်သောက်ပေးပါ။

သံမနိုင်ကျောက်မနိုင် အပင်တစ်ပင်လုံး အမြစ်ပါမကျန် (ပဉ္စငါးပါး)တို့ကို အရည်ညှစ်ပြီး ကျိုချက်၍လည်းကောင်း၊ အခြောက်ကို လက်ဖက်ရည်ကဲ့သို့ ပြုလုပ်၍လည်းကောင်း သောက်လျှင် ဆီးချုပ်၊ ဆီးပူ၊ ကျောက်တည်ရောဂါများ ပျောက်ကင်းစေပါတယ်။

ဖရဲသီးများများစားပါ။

အုန်းသီးနုနုတစ်လုံး၏ ထိပ်ဖက်အပိုင်းလေးကိုဖြတ်ပြီး လှော်ထားသော ငရုတ်ကောင်း ၅ စေ့ခန့်ကို အမှုန့်ကြိတ်၍ ထည့်စိမ်ထားလိုက်ပါ။ တစ်နာရီခန့် စိမ်ထားပြီးလျှင် ၎င်းအုန်းစိမ်းရည်ကို သောက်ပေးနိုင်ပါတယ်။ နံနက်အိပ်ရာထခါစမှာ သောက်ရေမတ်ခွက် အပြည့်ဖြင့် တစ်ခွက်သောက်ပေးပါ။ ဆီးများများ သွားလိုက်လျှင် ကျောက်များကြေ၍ ကျသွားပါလိမ့်မယ်။

သံမနိုင်ကျောက်မနိုင်ပဉ္စငါးပါး၊ ကုန်းထိကရုံးပဉ္စငါးပါး၊ တောင်ဆီးဖြူပဉ္စငါးပါး ၎င်းသုံးမျိုးတို့ကိုဆတူရောပြီး ကျိုချက်ပါ။ သုံးခွက်တစ်ခွက်တင် ကျိုပြီးနောက် တစ်နေ့သုံးခွက်သောက်ပါ။

ပေါက်ပေါက်

 

Read 115 times Last modified on Saturday, 04 August 2018 10:56