SJ WorldNews - шаблон joomla Авто

BPI ဆေးဝါးများ အားလုံး၏ ထုတ်ပိုးမှု ပုံစံကို ယခုလမှစ၍ ပြောင်းလဲမည်

Thursday, 04 October 2018 09:04 font size decrease font size decrease font size increase font size increase font size

ရန်ကုန် အောက်တိုဘာ                

BPI   ဆေးဝါးများအားလုံး၏  ထုပ်ပိုးမှုပုံစံများကို  ယခုနှစ်  အောက်တိုဘာလမှစ၍ ပြုပြင်ပြောင်းလဲ ဆောင်ရွက်မည်ဖြစ်ကြောင်း  BPI ဆေးဝါးစက်ရုံ(အင်းစိန်) စက်ရုံမှူး ဒေါက်တာအောင်ဇော်ထံမှ သိရသည်။

'' BPI ဆေးဝါးတွေကို ခေတ်မီပြောင်းလဲဖို့  လုပ်နေပါတယ်။  အရင်တုန်းက  BPI ဆေးဝါးတွေက  အရည်အသွေး ကောင်းပေမယ့်   ထုပ်ပိုးမှု ပုံစံမကောင်းလို့  ဈေးကွက် ရသင့်သလောက် မရခဲ့ပါဘူး။ဒါကြောင့်  ဒီနှစ် အောက်တိုဘာ လကစပြီး ထုပ်ပိုးမှုပုံစံကို တဖြည်းဖြည်း အဆင့်မြှင့်တင် ပြောင်းလဲဖို့ လုပ်ခဲ့ပါတယ်။ အခုဆိုရင်  BPI ထိုးဆေးကို  အရင်ကစက္ကူဘူးနဲ့   ထုတ်လုပ်နေရာက  ပလတ်စတစ်နဲ့ အပြင်ဆေးဝါးပုံစံ ထုတ်လုပ် လာနိုင် ပါတယ်။ BPI ဆေးဝါးထုပ်ပိုးမှု ပုံစံအားလုံးကို ဒီနှစ် အောက်တိုဘာလကစပြီးပြုပြင်ပြောင်းလဲနိုင်ဖို့ ဆောင်ရွက်နေပါတယ်'' ဟု ဒေါက်တာအောင်ဇော် ကပြောသည်။

နောက်ပိုင်းတွင် BPI ဆေးပြား၊  ဆေးတောင့်များကို  ထုပ်ပိုးမှုပုံစံသစ် အနေဖြင့် တွေ့ရမည်ဖြစ်ကာ  အဖုံးတွင် BPI အမှတ်တံဆိပ် ပါရှိမည်ဖြစ်ပြီး တံဆိပ်မှစ၍ ဆွဲဆောင်မှုရှိသည့်ပုံစံများဖြင့် ပြုပြင်ပြောင်းလဲမည် ဖြစ်သည်။

BPI ဆေးဝါများကို ထုတ်လုပ်လာသည်မှာ နှစ်ပေါင်း ၆ဝ ခန့်ရှိလာပြီဖြစ်ပြီး  ယခုအခါ  လိုအပ်သော ဆေးဝါးများကို နှစ်စဉ်တိုးမြှင့် ထုတ်လုပ်လျက်ရှိသည့်အပြင် ထုပ်ပိုးမှုပုံစံသစ်ဖြင့်လည်း  ပြောင်းလဲထုတ်လုပ်လျက်ရှိရာ  မကြာမီ  နိုင်ငံတကာ အဆင့်မီဆေးဘူးခွံများ၊ ပိုမိုခေတ်မီ ဆန်းသစ်ထားသော ဆေးဝါးတံဆိပ်များဖြင့်  ဈေးကွက်ကို ထပ်မံထိုးဖောက်မည်ဖြစ်သည်။

BPI ဆေးဝါးများကို လက်ရှိတွင် အမျိုးပေါင်း ၂ဝဝ ကျော်အထိ ထုတ်လုပ်ထားနိုင်ပြီး  အဆိုပါဆေးဝါးများကို  အရောင်းကိုယ်စားလှယ်များ၊   ပုဂ္ဂလိက ဆေးဆိုင်များအပြင် City Mart များ၌ပါ ရောင်းချပေးလျက် ရှိကြောင်း သိရသည်။

Read 97 times Last modified on Thursday, 04 October 2018 09:05