SJ WorldNews - шаблон joomla Авто

နှလုံးအတုစက်များအကြောင်း သိကောင်းစရာ

Sunday, 09 December 2018 09:58 font size decrease font size decrease font size increase font size increase font size

လူ့ကိုယ်အင်္ဂါ အစိတ်အပိုင်းများက အကြောင်းအမျိုးမျိုးကြောင့် ပျက်စီးတတ်ကြသည်။ တချို့ကိုယ်အင်္ဂါများကအစား ထိုးလို့ရနိုင်သည်။ ဘယ်၊ ညာ နှစ်ဖက်စီမှာ ကိုယ်အင်္ဂါတစ်စုံစီပါရှိသည့် ကျောက်ကပ်လို အင်္ဂါအစိတ်အပိုင်းမျိုးဆိုလျှင် တစ်လုံးဖြုတ်ပြီးလှူဒါန်းလို့ရနိုင်သည်။ အသည်း လိုတစ်စိတ်တစ်ပိုင်းဖြတ်ထုတ်ပြီး ပြန်လည်ကြီးထွားလာတတ်သည့် အင်္ဂါမျိုးဆိုလျှင်လည်း ဖြတ်ပြီးလှူလို့ရသည်။ အဆုတ်လို၊ နှလုံးလိုအင်္ဂါအစိတ်အပိုင်းမျိုးကျတော့ ဖြုတ်ပြီး လှူလို့မရ။ ကွယ်လွန်သွားသည့် အလှူရှင်သာလျှင် ထုတ်ယူရရှိနိုင်မည့် အနေအထားမျိုးဖြစ်သည်။ ထိုအခါမျိုးမှာ နှလုံးအတုစက်၊ အဆုတ်အတုစက်ဆိုတာ မျိုးတွေ ပေါ်ပေါက်လာခဲ့သည်။ လူ့နှလုံးနှင့် တစ်ခုလုံးနီးပါးလုပ်ငန်းဆောင်တာတူညီသည့် နှလုံးအတုများကို ၁၉၆ဝ ပြည့်လွန်နှစ်များကတည်းက တီထွင်လာခဲ့ကြသည်။ ၁၉၆၉ ခုနှစ်ကစတင်အသုံးပြုခဲ့သည့် Liotta Cooley အမည်ရ နှလုံးအတုစက်၊ ၁၉၈၁ ခုနှစ်မှာ ပေါ်ပေါက်လာသည့် Akutsu III နှလုံးအတုစက်များမှာနာမည်ကြီးခဲ့သည်။ သို့သော်ထိုစက်များ၏ အားနည်းချက်က ယာယီပဲထိန်းထားလို့ရသည်။ နှလုံးလုံးဝ ပျက်စီးနေသည့် လူနာအတွက် ထိုနှလုံးအတုစက်များကိုခဏတပ်ထားပြီး လူ့နှလုံးအစစ်ကို လှူမည့်အလှူရှင်ကို စောင့်နေကြရသည်။ လှူဒါန်းမည့် နှလုံးဆိုတာကလည်း ထိုအလှူရှင်ကွယ်လွန်မှရတာမျိုးဆိုတော့ အလှူခံမည့် နှလုံးရောဂါသည် လူနာများမှာ ထိုနှလုံးစက် အတုများကိုတပ်ပြီး မောမောနှင့်စောင့်နေကြရသည်။ တချို့ကလည်းရောဂါ သည်းပြီးကွယ်လွန်သွားကြသည်။ ၁၉၈၁ ခုနှစ် စက်တင်ဘာလထုတ် LIFE မဂ္ဂဇင်းမှာ Jarvik-7 အမည်ရ နှလုံးအတုစက်အကြောင်းမျက်နှာဖုံးဆောင်းပါး ပါဝင်လာခဲ့သည်။ ထိုစက်၏ အားသာချက်မှာလူ့နှလုံးအစစ်၏ လုပ်ငန်းဆောင်တာများနှင့်အပြည့်အဝတူညီသွားပြီး နောက်ထပ်နှလုံး အလှူရှင်ကို စောင့်ဆိုင်းစရာမလိုတော့ဘဲ ထိုနှလုံးအတုစက်ဖြင့် လူကောင်းကဲ့သို့နေသွား နိုင်မည်ဖြစ်ကြောင်းကြေညာခဲ့သည်။ ဆီယက်တယ်မြို့မှ အငြိမ်းစားသွား ဆရာဝန် ဘာနေကလက်မှာ Jarvik-7 နှလုံးအတုစက်၏ ပထမဆုံးလူနာဖြစ်လာခဲ့သည်။ ၁၉၈၂ ခုနှစ် ဒီဇင်ဘာလတွင် နှလုံးလုံးဝ ပျက်စီးနေပြီဖြစ်သည့် ဘာနေကလက်မှာ Jarvik-7  နှလုံးစက်ထည့်သွင်းတပ်ဆင်သည့် ကုသမှုကို Utah တက္ကသိုလ်ဆေးရုံတွင် ခံယူခဲ့သည်။ ခွဲစိတ်မှုအောင်မြင်ပြီး ဘာနေအသက်ရှင်ခဲ့သည်။ နှလုံးစက်ထည့်သွင်းပြီး နာရီပိုင်းအကြာမှာ ဘာနေတစ်ယောက် ခြေ၊ လက်တွေ စတင်လှုပ်ရှားလာနိုင်ခဲ့သည်။ သတိကောင်းကောင်းရပြီး မိသားစုများနှင့်လည်း စကားပြောနိုင်သည်။ နှလုံးအတုစက်က ကောင်းကောင်းအလုပ် လုပ်ခဲ့ပေမယ့် ဘာနေတစ်ယောက် ဆေးရုံက ပြန်မဆင်းခဲ့ရပါ။ နောက်ဆက်တွဲပြဿနာ များအဖြစ် နှလုံးအတုစက်၏ အဆို့ရှင်တစ်ခုကျိုးသည်၊ ကျောက်ကပ်နှင့် အဆုတ်တို့ရောင်သည်၊ နှာခေါင်းသွေးလျှံတာတွေ အကြိမ်ကြိမ်ဖြစ်သည်။ ဘယ်ဘက်ရင်အုံ ကိုခွဲပြီး နှလုံးအတုစက်ကို ထည့်ထားသည်ဆိုပေမယ့် ထိုစက်ကိုအားဖြည့်ပေးသည့် မီးလိုင်း၊ ရေလိုင်းများကို အပြင်ကစက်များနှင့် ချိတ်ဆက် ထားရသေးသည်။ ဘာနေ၏ ရင်ဘတ်က ပိုက်လိုင်းတွေထွက်ပြီးပြင်ပ စက်များနှင့်ဆက်ထားရတာပါ။ ဘာနေက နှလုံးအတုစက်နှင့် ၁၁၂ ရက်အသက်ရှင်နေထိုင်သွားသည်။ နောက်ဆုံးသွေးဆိပ်တက်ပြီး ကွယ်လွန်သွားခဲ့သည်။ Jarvik-7 နှလုံးအတုစက်တွေကို နောက်ပိုင်းမှာဆက်လက်တပ်ဆင်ခဲ့ကြသည်။ ၁၉၈၄ နှင့် ၁၉၈၅ ခုနှစ်များမှာ Jarvik-7 နှလုံးအတုစက်များကိုခွဲစိတ်တပ် ဆင်ခဲ့ကြသည်။ ၁၉၈ဝ ပြည့်လွန်နှစ်များ အတွင်း Jarvik-7 နှလုံးအတုစက်တပ်ဆင်မှု စုစုပေါင်းငါးခုရှိခဲ့ရာမှာ သုံးခုကို လူဝီစီးယားနားမြို့ ဟူမန်နာနှလုံးအထူးကုဌာနမှာ ပြုလုပ်ခဲ့သည်။ ထိုလူနာငါးဦးထဲမှာ ဝီလီယံ အမည်ရ လူနာမှာ နှလုံးစက်တပ်ဆင်ပြီး ရက်ပေါင်း ၆၂ဝ အထိအချိန်အကြာမြင့် ဆုံးနေသွားခဲ့သည်။ အသက်ရှင် နေထိုင်ခွင့်ရခဲ့ပေမယ့် လူကောင်းတစ်ယောက်လိုတော့ မဟုတ်ခဲ့ပါ။ နမိုးနီးယားအဆုတ်ရောင်၊ သွေးဆိပ်တက် ခြင်းနှင့် လေဖြတ်ခြင်းတွေ အကြိမ်ကြိမ်ခံစား ခဲ့ပြီးမှ ကွယ်လွန်သွားခဲ့ခြင်းဖြစ်သည်။ ဝီလီယံက ဆေးရုံဘေးနားက နှလုံးအစားထိုးလူနာ များအတွက် သီးသန့်စီစဉ်ပေးထားသည့် အခန်းလေးမှာနေထိုင်သွားခဲ့တာပါ။ ကျန်နှလုံးအတုစက်တပ်လူနာများမှာ လည်း နောက်ဆက်တွဲ ဆိုးကျိုးများမျိုးစုံခံစား ပြီးမှ ကွယ်လွန်ခဲ့ကြခြင်းဖြစ်သည်။ ဆေးပညာ ရှင်များကမူ နှလုံးအတုစက်အောင်မြင်စွာ ခွဲစိတ်တပ်ဆင်လိုက်နိုင်ခြင်း၊ လူနာများ အတွက် နောက်ဆက်တွဲပြဿနာများသော်လည်း အချိန်အတိုင်းအတာတစ်ခုအထိ အသက်ရှင်နေထိုင်ခွင့်ရခဲ့ခြင်းတို့သည် နှလုံးအတုစက်၏ အကျိုးရလဒ်များအဖြစ် ရှုမြင်ကြသည်။ ၁၉၈၅ ခုနှစ်မှ ၁၉၉၁ ခုနှစ်များအတွင်း နှလုံးခွဲစိတ်ဆရာဝန် အနည်းငယ်မှ နှလုံးအတုစက်တပ်ဆင်ခြင်းများ ဆက်လက်လုပ်ဆောင်ခဲ့ကြသည်။ Jarvik-7 နှလုံးအတုစက်ကိုစတင်အသုံးပြုခဲ့စဉ်က အမြဲတမ်းနှလုံး အစားထိုး ကိရိယာတစ်ခုသဖွယ် ရည်ရွယ်ခဲ့ကြသော်လည်း နောက်ဆက်တွဲ ဆိုးကျိုးများကြောင့် နောက်ပိုင်းခွဲစိတ်မှုများမှာ နှလုံးအလှူရှင် မပေါ်ပေါက်ခင် ယာယီနှလုံးတစ်ခုအဖြစ်သာ ရည်ရွယ်ထည့်သွင်းခဲ့ကြသည်။ နှလုံးအစားထိုး ခွဲစိတ်မှတ်တမ်းများအရ ၁၉၈ဝ ပြည့်နှစ်မှ ၁၉၉၁ ခုနှစ်အထိ ကမ္ဘာအရပ်ရပ် နှလုံးခွဲစိတ်ဌာနကြီး ၃၉ ခုမှာ နှလုံးအတုစက် ယာယီတပ်ဆင်ခွဲစိတ်မှု ၂ဝဝ ကျော် ပြုလုပ်ခဲ့ကြောင်းတွေ့ရှိရသည်။ အများဆုံး အနေနှင့် ၁၉၈၈ ခုနှစ် တစ်နှစ်တည်း နှလုံးအတုစက် တပ်ဆင်မှု ၇၅ ခု ပြုလုပ်ခဲ့ကြောင်း တွေ့ရသည်။ ထိုနှလုံးအတုစက်များ၏ ၈ဝ ရာခိုင်နှုန်းမှာ Jarvik-7 နှလုံးအတုစက်များဖြစ်ကြသည်။ ထိုနှလုံးအတုစက် တပ်ဆင်ခွင့်ရခဲ့သူ လူနာ ၂ဝဝ ကျော်၏ ၆၅ ရာခိုင်နှုန်းမှာ နှလုံးအလှူရှင်များ ပေါ်ပေါက်လာခဲ့ပြီး လူသားနှလုံးအစစ်ကို လက်ခံရရှိခဲ့ကြကြောင်းနှင့် ထိုနှလုံးအစစ် ရရှိခဲ့သူများ၏ ထက်ဝက်ခန့်မှာတစ်နှစ်ခန့် ဆက်လက်အသက်ရှင်ခွင့် ရရှိခဲ့ကြကြောင်း သိရသည်။ Jarvik-7 နှလုံး အတုစက်များမှာ မျှော်မှန်းထားခဲ့သလို ပြီးပြည့်စုံမှု မရှိကြောင်း၊ လိုအပ်ချက်များရှိနေခဲ့ကြောင်း ၁၉၈ဝ ပြည့်လွန် နှလုံးစက် အတုအစားထိုး ခံလူနာများ၏ အခြေအနေကို ကြည့်၍သိခဲ့ကြရပြီ။ Jarvik-7 တပ်ဆင်ခဲ့သည့် လူနာများမှာလေဖြတ်ခြင်း၊ ကျောက်ကပ်၊အဆုတ်နှင့် အသည်းပြဿနာ များပေါ်ခြင်း၊ သွေးဆိပ်တက်ခြင်း စသည့် ပြဿနာများနှင့် ကြုံတွေ့ခဲ့ကြရသည်။ မျှော်မှန်းသလို ဖြစ်မလာခဲ့သော်ငြား နှလုံးအတုစက်များ တပ်ဆင်ဖို့ဆိုသည်မှာ ဖြစ်လာနိုင်သည့် ပြီးပြည့်စုံသော အိပ်မက်တစ်ခု ဖြစ်ကြောင်း သက်သေပြနိုင်ခဲ့သည်။ တစ်ဖက်ကလည်း နှလုံးဝေဒနာရှင်များ၏ သက်တမ်းကို အတိုင်းအတာတစ်ခုထိရှည် လာစေသော်ငြား ဆေးရုံပေါ်မှာသာ တောက်လျှောက်နေထိုင်သွားရခြင်း၊ လွတ်လပ်သည့် ခန္ဓာကိုယ်ကိုမရနိုင်တော့ဘဲ စက်ကိရိယာ များနှင့်သာ အသက်ဆက်နေရခြင်းစသည့် အားနည်းချက်များလည်းရှိကြောင်းသိခဲ့ကြ ရသည်။ ၁၉၉ဝ ပြည့်လွန်နှစ်များမှာတော့ Jarvik-7 နှလုံးအတုစက်များထုတ်လုပ်မှုကို အမေရိကန် FDA မှ လိုင်စင်ပိတ်သိမ်းလိုက်သည်။ ထိုနောက်ပိုင်းမှာ Jarvik-7 နှလုံးအတုစက်များဆက်လက်တပ်ဆင်ခြင်းမရှိကြတော့ပါ။ ၂ဝ၁၈ ခုနှစ်မှာတော့ အမေရိကန် FDA၊ ကနေဒါအာဏာပိုင်များနှင့် ဥရောပသမဂ္ဂများမှာ အသိအမှတ်ပြုထားသည့် Syn Cardia TAH-t အမည်ရ နှလုံးအတုစက်တစ်ခု ဈေးကွက်ထဲ ဝင်ရောက်လာပြန်သည်။ နှလုံးတစ်ခုလုံး အစားထိုးခြင်းအတွက် မရည်ရွယ်ဘဲ လူ့နှလုံးအလှူရှင်ကို စောင့်ဆိုင်းနေစဉ်မှာ ယာယီတပ်ဆင်ထားဖို့ ရည်ရွယ်ထုတ်လုပ်ခြင်းဖြစ်သည်။ လူ့ခန္ဓာကိုယ်မှ ကိုယ်အင်္ဂါအစိတ်အပိုင်းများ ပျက်စီးသည့်အခါ ကိုယ်အင်္ဂါအစားထိုး ကုသခြင်းသာမက စက်ပစ္စည်းကိရိယာအကူအညီများဖြင့် အသက်ဆက်ကြသည့် နည်း ပညာများစွာရှိပါသည်။ အဆုတ်အတွက် သံအဆုတ်(Iron Lung) ခေါ်သည့် အဆုတ် အတုစက်၊ ကျောက်ကပ်အစားထိုး မကုသနိုင်ခင်အသက်ဆက်ပေးနိုင်သည့် ကျောက်ကပ်ဆေးစက်စသဖြင့် စက်ကိရိယာများအကူအညီ ယူရသလို နှလုံးပျက်စီးခြင်း ရောဂါများမှာလည်း နှလုံးအတုစက်များအကူအညီကိုရယူကြသည့် သဘောဖြစ်သည်။ နှလုံး၏တာဝန်ဝတ္တရား

များကို ယာယီထမ်းဆောင်နိုင်မှာဖြစ်သော်လည်း နှလုံးတစ်ခုလုံး၏ တာဝန်ကိုအစားထိုး ယူနိုင်မည့် နှလုံးအတုစက်များ ပေါ်ပေါက်လာရန်မှာမူ ဝေးကွာနေသေးသည့် အိပ်မက်တစ်ခုသာဖြစ်ကြောင်း တင်ပြလိုက်ရပါသည်။

ဒေါက်တာလွှမ်းမိုးဟန်

Read 328 times Last modified on Sunday, 09 December 2018 09:58