SJ WorldNews - шаблон joomla Авто

ရန်ကုန်ပြည်သူ့ ဆေးရုံကြီး ကင်ဆာကုသဆောင်သစ် ဖွင့်ပွဲ ကျင်းပ

Monday, 14 January 2019 09:02 font size decrease font size decrease font size increase font size increase font size

ရန်ကုန်   ဇန်နဝါရီ   ၁၃

ရန်ကုန်ပြည်သူ့ဆေးရုံကြီး ကင်ဆာကုသဆောင်သစ် ငါးထပ်အဆောက်အအုံ (Oncology Ward) ဖွင့်ပွဲအခမ်းအနားကို ယနေ့နံနက်ပိုင်းတွင် ရန်ကုန်ပြည်သူ့ဆေးရုံကြီး၌ ကျင်းပရာ ကျန်းမာရေးနှင့် အားကစားဝန်ကြီး ဌာန ပြည်ထောင်စုဝန်ကြီး ဒေါက်တာမြင့်ထွေး၊ ရန်ကုန်ပြည်သူ့ဆေးရုံကြီး အထောက်အကူပြု ကော်မတီနာယက ပြည်ထောင်စုငြိမ်းချမ်းရေး ကော်မရှင်ဥက္ကဋ္ဌ ဒေါက်တာတင်မျိုးဝင်း၊ ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း၊ ဒုတိယဝန်ကြီး   ဒေါက်တာမြလေးစိန်နှင့် တာဝန်ရှိသူများ တက်ရောက်ကြသည်။

ရှေးဦးစွာ ကျန်းမာရေးနှင့် အားကစားဝန်ကြီး ဌာန ဒုတိယဝန်ကြီး  ဒေါက်တာမြလေးစိန်၊ အမြဲတမ်းအတွင်းဝန် ပါမောက္ခဒေါက်တာ သက်ခိုင်ဝင်း၊ ပါမောက္ခချုပ်/ ရန်ကုန်ပြည်သူ့ဆေးရုံအုပ်ကြီး ဒေါက်တာရီရီမြင့်နှင့် ဒေါက်တာမြင့်မြင့်အေး တို့က ကင်ဆာကုသဆောင်သစ် ငါးထပ်အဆောက်အအုံကို ဖဲကြိုးဖြတ် ဖွင့်လှစ်ပေးကြသည်။

ဆက်လက်၍ ပြည်ထောင်စုဝန်ကြီး ဒေါက်တာမြင့်ထွေးနှင့် တာဝန်ရှိသူများက ကင်ဆာကုသဆောင်သစ် ငါးထပ်အဆောက်အအုံ ဆိုင်းဘုတ်ကို စက်ခလုတ်နှိပ် ဖွင့်လှစ်ပေးကြသည်။

ယင်းနောက်   ပြည်ထောင်စုဝန်ကြီး ဒေါက်တာမြင့်ထွေးက အမှာစကား ပြောကြားပြီး ကင်ဆာဓာတ်ရောင်ခြည်ဌာနမှ ပါမောက္ခဒေါက်တာခင်ချိုဝင်းက ကျေးဇူးတင်စကား ပြောကြားသည်။

ထို့နောက် ကင်ဆာကုသဆောင်သစ်ကြီးကို ဆောက်လုပ်ခဲ့သည့်  ကုမ္ပဏီမှ တာဝန်ရှိသူတစ်ဦးက အမြဲတမ်းအတွင်းဝန် ပါမောက္ခ ဒေါက်တာသက်ခိုင်ဝင်းထံသို့ ကင်ဆာကုသဆောင်သစ်ကြီးနှင့် ပတ်သက်သော စာရွက်စာတမ်းများ လွှဲပြောင်း ပေးအပ်သည်။

ထို့နောက် ပြည်ထောင်စုဝန်ကြီးသည် ကင်ဆာ လူနာဆောင်သစ်ကြီးကို လှည့်လည်ကြည့်ရှု၍ လိုအပ်သည်များ မှာကြားကြောင်း သိရသည်။                     

   (၅ဝဝ)

Read 165 times Last modified on Monday, 14 January 2019 09:03