SJ WorldNews - шаблон joomla Авто

ပန်းရေစုပ် နွယ်ပင်သည် အလေ့ကျ ပေါက်ပင်ဖြစ်သော်လည်း ကျန်းမာရေးအတွက် အထောက်အကူပြုနိုင်

Thursday, 21 February 2019 10:11 font size decrease font size decrease font size increase font size increase font size

ရန်ကုန်  ဖေဖော်ဝါရီ  ၂ဝ

တိုင်းဒေသကြီးနှင့်   ပြည်နယ်တချို့၌ အလေ့ကျပေါက်လေ့ရှိသော   ပန်းရေစုပ် နွယ်ပင်မှာ ကျန်းမာရေးအတွက် အထောက်အကူပြုနိုင်သဖြင့် လက်ဖက်ရည်ကြမ်းတွင် ခတ်သည့် လက်ဖက်ခြောက်သဖွယ် သောက်သုံးနိုင်ကြောင်း ရန်ကုန် တက္ကသိုလ် ရုက္ခဗေဒဌာန ကထိကဒေါက်တာ ဒေါ်ဆွေဆွေအေး ထံမှ သိရသည်။

အဆိုပါ ပန်းရေစုပ်နွယ်ပင်၏ အရွက်တွင် Antioxidant Properties  ရှိသော Apigenin ၊ Polyphenols ၊  Flavonoids and Chlorophyll  Derivatives အစရှိသည့် ဒြပ်ပေါင်းများ ပါဝင်ပြီး ပဲခူးတိုင်းဒေသကြီး၊ တနင်္သာရီ တိုင်းဒေသကြီးနှင့်  မွန်ပြည်နယ် အတွင်းရှိ မြို့နယ်တို့၌ အလေ့ကျပင်အဖြစ် ပေါက်ရောက်နေသည်ကို တွေ့ရှိရကြောင်း၊ အပင်၏အရွက်တွင် အာဟာရဓာတ် ပါဝင်မှုကို သုတေသန ပြုလုပ်ရာ၌ ပရိုတိန်းဓာတ် ၁၄ ဒသမ ၅၅ ရာခိုင်နှုန်း၊ အမျှင်ဓာတ် ၁၃ ဒသမ ၁၆ ရာခိုင်နှုန်း၊ အဆီဓာတ် ၂ ဒသမ ၅၇ ရာခိုင်နှုန်း၊ ကာဘိုဟိုက်ဒရိတ်ဓာတ် ၄၇ ဒသမ ၁၃ ရာခိုင်နှုန်း  ပါဝင်နေသည်ကို တွေ့ရှိရကြောင်း သိရသည်။

''အဲဒီအပင်နဲ့ပတ်သက်လို့    ဌာနက ပါရဂူဘွဲ့ရ ကျောင်းသား၊ ကျောင်းသူတွေနဲ့ ဆရာ၊ ဆရာမတွေက  ဒါကို  လေ့လာ လုပ်ဆောင်ခဲ့ကြတာဖြစ်ပါတယ်။ သူ့ရဲ့ အပင်နဲ့အရွက်တွေထဲမှာ ပါရှိတဲ့  ဓာတ်သဘာဝတွေ၊ ဂုဏ်သတ္တိတွေကို လေ့လာပြီးတော့ အခုလို မှတ်တမ်းတင် ဖော်ထုတ်ခဲ့ကြတာပါ'' ဟု ဒေါက်တာ ဒေါ်ဆွေဆွေအေး ကပြောသည်။

ထိုပန်းရေစုပ်နွယ်ပင်၏  အရွက်တွင် ပါဝင်သော  ဒြပ်ပေါင်းများမှာ   အဆိပ်အတောက် ကင်းစင်စေသည့်အပြင် ဆီးချိုကျစေသည့် ဂုဏ်သတ္တိများ ရှိကြောင်း၊ မလေးရှားနှင့်  ထိုင်းနိုင်ငံတို့ရှိ  ဆီးချို၊ သွေးချိုရောဂါ ဝေဒနာရှင်များသည်  ထိုပန်းရေစုပ်နွယ်ပင်၏ အရွက်ကို  Aqueous  Extract  အဖြစ်လုပ်ဆောင်ပြီး သောက်သုံးကြကြောင်း သိရသည်။ 

Read 286 times Last modified on Thursday, 21 February 2019 10:12