SJ WorldNews - шаблон joomla Авто

Mobile Team ဖြင့် အသည်းရောင် အသားဝါ(ဘီ) ကာကွယ်ဆေး လိုက်လံထိုးနှံပေးလျက်ရှိ

Wednesday, 27 March 2019 09:06 font size decrease font size decrease font size increase font size increase font size

ပြည်တွင်းရှိ ဌာနဆိုင်ရာများနှင့် ပုဂ္ဂလိက အဖွဲ့အစည်းများအတွက် အသည်းရောင် အသားဝါ(ဘီ)   ကာကွယ်ဆေးထိုး နှံမှုကို Mobile Team ဖြင့် လိုက်လံလုပ်ဆောင် ပေးလျက်ရှိကြောင်း  အဆိုပါအဖွဲ့  တာဝန် ရှိသူတစ်ဦး၏ ပြောပြချက် အရ သိရသည်။

''အသည်းရောင်အသားဝါ(ဘီ)ရောဂါက ဘယ်လိုကူးစက်တတ်တယ်၊ ကူးစက်ခံရရင် ဘယ်လောက်အထိ ဆိုးကျိုး တွေဖြစ် လာစေ တယ်၊ အခုလိုကာကွယ်ဆေးထိုးတာတွေက ဘယ်လောက်အထိ   ထိရောက်မှုရှိတယ်၊  ဘယ်လောက် ကာကွယ် နိုင်တယ်ဆိုတဲ့ အသိ ပညာပေးတာတွေကိုလည်း လုပ်ဆောင်နေပါတယ်။ Data  တွေကို ကွန်ပျူတာ စနစ်နဲ့ လုပ်ဆောင်နေတာကြောင့် နောက်ထပ် ကာကွယ်ဆေးထိုးရမယ့် ရက်တွေကိုလည်း အကြောင်းကြားဖို့ လုပ်ဆောင်နေပါ တယ်''ဟု ၎င်းကပြောသည်။

အဆိုပါအဖွဲ့ကို စက်မှုဝန်ကြီးဌာန မြန်မာ့ဆေးဝါး လုပ်ငန်း  ဆေးဝါးစက်ရုံခွဲ(ရွာသာကြီး)၌ ဖွဲ့စည်းထားပြီး ကာကွယ် ဆေး ထိုးနှံမှုအပြင်  အသည်းရောင်အသားဝါ(ဘီ) ရောဂါရှိ၊ မရှိကိုလည်း စစ်ဆေးပေးလျက်ရှိသည်။ ကာကွယ်ဆေး ထိုးနှံသည့် အစီအစဉ်ကို ကမ္ဘာ့ကျန်းမာရေးအဖွဲ့က သတ်မှတ်ထားသည့် နည်းစနစ်များအတိုင်း 'ဝ'ရက်၊ တစ်လ၊ နှစ်လ စနစ် သို့မဟုတ် 'ဝ'ရက်၊ တစ်လ၊  ခြောက်လ စနစ် စသည့်စနစ်မျိုးဖြင့်ထိုးနှံနေပြီး ပထမအကြိမ် ထိုးနှံ ပေးပြီးနောက် နောက်တစ်ကြိမ် ထိုးနှံရမည့်ရက် ကိုလည်း ကြိုတင်အကြောင်းကြားပေးသည်။

'' Mobile  Team ကို ၂ဝ၁၇ ခုနှစ်က ဖွဲ့စည်းခဲ့တာပါ။ အခုထိ ပြည်တွင်းက ဝန်ကြီး ဌာနတွေ၊ ရုံးဌာနတွေ၊ ပြင်ပ ပုဂ္ဂလိကအဖွဲ့ အစည်းတွေမှာရှိတဲ့ ဝန်ထမ်းတွေနဲ့ မိသားစု တွေဆီကို  အသည်းရောင်အသားဝါ(ဘီ)ပိုး ရှိ၊  မရှိ စစ်ဆေး ပေးတာနဲ့  အသည်းရောင် အသားဝါ(ဘီ)  ကာကွယ်ဆေးထိုးနှံတာကို ရုံးဌာနတွေအရောက်၊ စက်ရုံအလုပ်ရုံ လုပ် ငန်းခွင်တွေ အရောက် လုပ်ဆောင်ခဲ့တာဖြစ်ပါတယ်။ အခုလိုမျိုး   လုပ်ဆောင်ပေးတာ ကြောင့်လည်း  အချိန်ကုန်ခံ၊ အလုပ်ပျက်ခံ ပြီးတော့ တကူးတကလာထိုးစရာမလိုတော့ဘူး။ ပိုမိုမြန်ဆန်လွယ်ကူတာဖြစ်လို့ သူတို့ရဲ့လုပ်ငန်း လည်ပတ်မှု ကိုလည်း နှောင့်နှေး ထိခိုက်တာမျိုးမရှိတော့ဘူး။ အဓိက ရည်ရွယ်တာကတော့   မြန်မာနိုင်ငံတစ်ဝန်းလုံးက ပြည်သူတွေ  အသည်းရောင်အသားဝါ(ဘီ) ရောဂါ ကင်းစင် စေဖို့ဖြစ်ပါတယ်'' ဟု ၄င်းကပြောသည်။

အသည်းရောင် အသားဝါ (ဘီ) ပိုး ရှိ၊ မရှိ စစ်ဆေးရာတွင် ရောဂါရှိကြောင်း တွေ့ရှိပါက ဆက်လက်၍  ဆေးဝါးကုသမှုခံ ယူ နိုင်ရန်  လမ်းညွှန်မှုများ လုပ်ဆောင်ပေးပြီး  အသေးစိတ် သိရှိလိုပါက  Mobile  Team အဖွဲ့   ဖုန်း ဝ၉ -၂ဝ၄၅၃ဝဝ နှင့် ဝ၉- ၅၁၅၆၁၉၅ တို့သို့ ဆက်သွယ်နိုင်ကြောင်း သိရသည်။

ထက်ခိုင်(စမ်းချောင်း)

............

Read 153 times Last modified on Wednesday, 27 March 2019 09:19