SJ WorldNews - шаблон joomla Авто

နှောင်းတမြေ့မြေ့

Friday, 24 May 2019 17:24 Written by  font size decrease font size decrease font size increase font size increase font size

ယမန်နေ့မှအဆက်      

ခင်ခင်လေးမှာ ပုလင်းကလေးကိုကိုင်ပြီး တွေးနေမိရသည်။  ကိုကိုသက်မွန်တွင် အိပ်မပျော်သော ရောဂါရှိသည်ဆိုတာကို သူမကြားခဲ့ဖူးရ။ အရင်လာတုန်းကလည်း ကိုကိုသက်မွန်၏ အိပ်ရာကို သူပဲပြင်၊ သူပဲသိမ်းပေးခဲ့သည်။ ဤအိပ်ဆေးပုလင်းကို မတွေ့ခဲ့။ အခုမှ ဘာကြောင့်သောက်ပါလိမ့်။ တွေးရင်းက အဖြေကို တဖြည်းဖြည်းသူမြင်လာသည်။

ကိုကိုသက်မွန်တစ်ယောက်  မနေ့ညက လူမှန်းသူမှန်းမသိအောင် အိပ်ပျော် သွားချင်၍ဖြစ်မည်။ ဖြစ်မှဖြစ်ရလေ... ကိုကိုသက်မွန်ရယ်။

ခင်ခင်လေးမှာနွမ်းလျလျဖြင့်သာ   မချိပြုံးကလေး ပြုံးလိုက်ရပါသည်။

ထိုနေ့က  ဗိုလ်သက်မွန်သည်  တစ်နေ့လုံးလိုလို ဒေါ်တင်မကြီး အခန်းမှာပင်နေပြီး ပြုစုသည်။ ဂလူးကို့စ်အချိန် ဂလူးကို့စ်၊ နွားနို့အချိန် နွားနို့၊ ဆေးတိုက်ချိန်ဆေး၊ ကိုယ်တိုင်ဖျော် ကိုယ်တိုင်တိုက်ကျွေးသည်။  ဒေါက်တာ ဦးတင်ဝင်း လာတော့လည်း ကူညီပြီး ဆေးထိုးပေးသည်။

ရောဂါအကြောင်းကို ဒေါက်တာနှင့် တိုင်ပင်သည်။

ဒါတွေကိုမြင်ရတော့ ခင်လေးမှာ ကိုကိုသက်မွန်ကို ကျေးဇူးတင်လို့မဆုံး ဖြစ်ရပါသည်။

ဒေါ်တင်မကြီးမှာလည်း သမက်အလိမ္မာကလေးကို အကျေနပ်ကြီး ကျေနပ်နေပါသည်။

''မောင်သက်မွန်  ညက သုံးနာရီလောက်အထိ ထိုင်စောင့်ပေးတယ်ဆို''

''ကျွန်တော်လည်းမအိပ်ချင်လို့ပါ... မေမေ''

''မေမေ'' လို့ခေါ်လိုက်သဖြင့် ဒေါ်တင်မကြီး၏ နားမှာပျားသကာလို ချိုသွားသည်။ ထောပတ်ဆီဥလိုဆိမ့်သွားရသည်။

''မေမေလည်း နေကောင်းလာပါပြီကွယ်။ ဒီညတော့ စောစောအိပ်ကြ။ မသန်းစိန်လည်း ရှိသားပဲ''

''ကိစ္စမရှိပါဘူး၊ ကျွန်တော်က လူနာပြုစုနေကျမို့ ရိုးနေပါပြီ''

''ဒါနဲ့... သားမနက်ဖြန်ညနေပြန်ရမယ်ဆို''

''ဟုတ်ပါတယ်၊ ခွင့်ကသုံးရက်ပဲ ရခဲ့တယ်''

''မြန်လိုက်တာကွယ်၊ အေးလေ...အဆင်သင့်လို့ရတာပဲ မေမေ ဝမ်းသာလှပါပြီ''

''အနီးသားပဲ...မေမေရဲ့၊ နောက်လည်း အခုလိုပဲ ခွင့်ယူပြီးလာမှာပေါ့''

ဒေါ်တင်မကြီး စဉ်းစားနေသည်။  မနေ့ညနေက သူတို့လူကြီးတွေ ဆုံးဖြတ်ခဲ့ကြသည်။ ခင်ခင်လေးကို ယခုတစ်ခေါက် ဗိုလ်သက်မွန်နှင့် မထည့်လိုက်သေးဘဲ ဒေါ်တင်မကြီး ကောင်းကောင်း နေကောင်းလာပြီး ထူထူထောင်ထောင်ရှိမှ ဗိုလ်သက်မွန်က လာခေါ်ဖို့ဖြစ်သည်။

ယခုတော့ ဒေါ်တင်မကြီးမှာ လူငယ်နှစ်ဦးကို သနားနေမိပြန်သည်။ သူ့ခမျာများ ချစ်စ ခင်စ ကြင်နာစ ဘယ်မှာခွဲပြီးနေချင်ကြပါ့မလဲ။ တစ်ယောက်မျက်နှာ တစ်ယောက်ကြည့်လို့မှ မဝတဲ့အချိန်မို့ တကွဲတပြားစီ မောင်တစ်မြို့ မယ်တစ်ရွာ ဘယ်မှာနေချင်ကြပါ့မလဲ။

''မေမေ စဉ်းစားတယ်သား''

''ဟုတ်ကဲ့မေမေ''

''ခင်လေးကို တစ်ခါတည်း ခေါ်သွားကွယ်။ မေမေလည်း သက်သာပြီပဲ။ ခင်ခင်ကြီးတို့လည်း အမြဲလာကြည့်ကြမှာပဲ''

ဗိုလ်သက်မွန်ကတော့ ပြုံးပြီးခေါင်းကိုခါနေပါသည်။

''ကိစ္စမရှိပါဘူး...မေမေ။ ကျွန်တော်တို့အတွက် ဘာမှစိတ်မကောင်းဖြစ်မနေပါနဲ့။  ပြီးတော့ အခုခေါ်သွားလည်း ခင်လေးကို  ထားစရာအိမ် မရှိသေးဘူး။

ကျွန်တော်ပြန်သွားမှ နေဖို့အိမ်အတွက် လျှောက်ရဦးမယ်။ အဲဒါတွေအားလုံး အဆင်သင့်ဖြစ်မှ အေးအေးဆေးဆေး လာခေါ်ပါ့မယ်''

ဒီလိုဆိုတော့ ဒေါ်တင်မကြီးမှာ ဘာမှမပြောနိုင်တော့ပါ။

အဲဒီညက ခင်ခင်လေးကလည်း ဗိုလ်သက်မွန်ကို ထိုအကြောင်းပြောပြပါသေးသည်။  ဒီညတော့ ဒေါ်တင်မကြီး အိပ်ပျော်သွားပြီး  ဆယ်နာရီလောက်ကျတော့ သူတို့အောက်ထပ်ခန်းကို ဆင်းခဲ့ကြသည်။

အခန်းထဲရောက်တော့ တစ်ဦးကိုတစ်ဦး ကျောပေးပြီး အဝတ်လဲကြသည်။ ပြီးတော့ ဗိုလ်သက်မွန်သည် ခုတင်ပေါ် သူ့နေရာ၌ထိုင်ပြီး ဘုရားရှိခိုးသည်။ ခင်ခင်လေးကလည်း သူ့အနား နောက်ဆွယ် မကျတကျနေရာမှာ ထိုင်ပြီးရှိခိုးသည်။

ပြီးကျတော့... ခင်ခင်လေးက...

''ကိုကို ညတိုင်းဘုရားရှိခိုးလားဟင်'' ဟုမေးသည်။

ဗိုလ်သက်မွန်က ပြုံးလိုက်သည်။

''ခင်လေးကဘယ်လိုထင်လို့လဲ''

''မသိပါဘူး၊ ခင်လေးဝမ်းသာလို့ပါ''

''ခိုးတယ်၊ အချိန်မရရင် အနည်းဆုံးဝတ်ချတယ်''

ဗိုလ်သက်မွန်က  ခေါင်းအုံးတစ်လုံးကို ဖက်ကာ ကျန်တစ်လုံးကို ချိုင့်ခွက်ကလေး ဖြစ်လာအောင် ထုလိုက်ပြီး စန့်စန့်ကြီးလှဲလိုက်သည်။ ခင်ခင်လေးက ခြင်ထောင်ကို ချနေသည်။ ပြီးတော့...ခြေရင်းမှစောင်ကိုယူပြီး..

''စောင်ခြုံထားနော်၊ သန်းခေါင်ကျော်ရင် နည်းနည်းအေးတယ်'' ဗိုလ်သက်မွန်ကို စောင်ခြုံပေးသည်။

ဗိုလ်သက်မွန်သည် အတွေးနယ်ဆီသို့ ခြေလှမ်းပြင်နေပါသည်။ သာမန်ဆိုရင်တော့ ယခုကဲ့သို့ခင်ခင်လေး၏ အပြုအစုကို ခံယူနေရသည်ဖြစ်သဖြင့် လွန်စွာမှ သာယာပါလိမ့်မည်။ ယခုတော့... ဗိုလ်သက်မွန် သက်ပြင်းတစ်ချက်ကို ညင်းညင်းကလေး ချလိုက်ရပါသည်။ သူ့ခေါင်းအုံးအောက်သို့ လက်ထိုးသွင်းပြီး တစ်စုံတစ်ရာကို  စမ်းသည်။ ဒါပေမဲ့ သူလိုချင်သည်ကိုမတွေ့၊ သေသေချာချာ ထပ်မံစမ်းပြန်သည်၊ မတွေ့သေး။ အဲဒီတော့  ကိုယ်တစောင်း မှီလိုက်ပြီး   ခေါင်းအုံးကို မကြည့်သည်။

''ကိုကို ဘာရှာလဲ''   ခင်ခင်လေး၏ မျက်နှာသည် အင်မတန်မှ မှင်သေပါသည်။

''ရှာပါဘူးကွယ်'' ပါးစပ်ကသာ ပြောရသည်။ လက်ကတော့ရှာဆဲ၊ မျက်စိကလည်း ဖွေတုန်း၊ အားမရသဖြင့် ထိုင်လိုက်တော့...

ခင်ခင်လေးက ပြုံးတုံ့တုံ့ကလေးဖြင့် မေးနေပါသည်။

''အိပ်ဆေးလား... ကိုကို''

အဲဒီတော့မှ ဗိုလ်သက်မွန်မှာ မုန့်ခိုးစားနေသည်တွင် လူမိခံလိုက်ရသည့် ကလေးကြီးကဲ့သို့  ရှက်ရှက်နှင့်ပြုံးနေသည်။

''ခင်လေး ယူထားလား''

''ယူထားတာမဟုတ်ပါဘူး။ မနက်က အိပ်ရာပြင်ခင်း။တော့ တွေ့လို့''

တစ်ယောက်ကိုတစ်ယောက်  ဆိုင်းဆိုင်းကလေး ကြည့်နေကြသည်။

''ကိုကို... ဆရာဝန်ပါ၊ ခင်လေးတော့ နားမလည်ပါဘူး။ ဒါပေမဲ့ကြားဖူးတာတော့ အိပ်ဆေးသောက်တာ ဥပဒ်ဖြစ်တတ်တယ်တဲ့'' ပြောပြီး မီးခလုတ်ကို သွားပိတ်လိုက်သည်။

ဗိုလ်သက်မွန်က ဖြည်းလေးစွာ လှဲချလိုက်ပြီး ခေါင်းအုံးအပိုကိုဖက်ရင်း  တစ်ဖက်သို့ လှည့်လိုက်ပါသည်။

ခင်ခင်လေး ပြန်လာပြီး သူ့ဘေးတွင် လှဲလိုက်သည်ကို သူသိသည်။ ခုတင်သည် ငြိမ့်ငြိမ့်ကလေး လှုပ်သွားသည်။

သို့ပေမယ့် သူမလှုပ်တော့။

အမှောင်တွင်း၌ ကျန်နေသည့် မစို့မပို့ အလင်းရောင်ဖျော့ဖျော့သည် သူတို့နှစ်ဦးစလုံး၏ စိတ်ကို အနှောင့်အယှက်ပြုနေသည်။

တစ်ဦးကိုတစ်ဦး အကဲခတ်ရင်း ငြိမ်နေကြသည်။

တစ်ခဏကြာတော့ ခင်ခင်လေးက...

''ကိုကို အိပ်ပလား'' မေးသည်။

''ဟင်... မအိပ်သေးပါဘူး''

''မနက်ဖြန်ညနေ ဘယ်အချိန်ပြန်မလဲဟင်''

''ငါးနာရီလောက်ပေါ့''

''လမ်းမှာ မိုးချုပ်လို့စိတ်ချရပါ့မလား... ကိုကို''

''ကင်းတွေရှိပါတယ်''

ငြိမ်သွားကြပြန်သည်။ ပြီးမှခင်ခင်လေးက စကားဆက်ပြန်သည်။

''ကိုကို''

''ဟင်''

''မေဖုရားက ပြောတယ်၊  ခင်လေး... ကိုကိုနဲ့ လိုက်ချင်လိုက်သွားပါတဲ့''

''ဟုတ်တယ်၊ ကိုကို့လည်းပြောတယ်''

''ခင်လေး... ခင်လေး လိုက်ခဲ့ရမလားကိုကို''

''ခင်လေးက လိုက်ချင်လို့လား''

''ကိုကို့သဘောပါ''

''မဖြစ်သေးပါဘူးကွယ်''

''ဒါဖြင့် ကိုကို ဘယ်တော့လာဦးမလဲဟင်''

''လာမှာပေါ့၊ ခွင့်ရတဲ့အခါ''

''အပတ်စဉ်တော့ ရမှာမဟုတ်ဘူးပေါ့နော်''

''အပတ်စဉ်တော့ဘယ်ရမလဲ၊ တစ်လ တစ်ခါလောက်ပေါ့''

ခင်ခင်လေး သက်ပြင်းချလိုက်သည်။

''တစ်လတစ်ခါလောက်တော့လာပါ''

''အင်း... လာရမှာပေါ့''

စကားပြတ်သွားကြပြီး နှစ်ဦးစလုံး ကိုယ့်အတွေးနှင့်

ကိုယ်၊ ခဏကြာပြန်တော့ စကားဆက်ပြန်သည်။

    ဆက်လက်ဖော်ပြပါမည်။

Read 39 times
Rate this item
(0 votes)
Last modified on Friday, 24 May 2019 17:25

Latest from ကေတု