SJ WorldNews - шаблон joomla Авто
×

Warning

JUser: :_load: Unable to load user with ID: 105

နှောင်းတမြေ့မြေ့

Sunday, 26 May 2019 11:32 Written by  font size decrease font size decrease font size increase font size increase font size

သူ့အနေနှင့်ကတော့ ဆုံးဖြတ်ထားတာတစ်ခုရှိသည်။ ခင်လေးကိုပင် ဖွင့်ဟမပြောခဲ့ရသေး။  အဲဒီကပြဿနာ တစ်ခုလုံးကို ကိုစိုးနိုင်ကျောင်းဆင်းလာပါက ကိုစိုးနိုင်နှင့် ခင်ခင်လေးတို့ လက်ထဲသို့ပုံ၍ အပ်လိုက်ရန် ဖြစ်သည်။

သူတို့နှစ်ဦး လွတ်လွတ်လပ်လပ်ဆုံးဖြတ်ကြပါစေတော့။

သူ့အဖို့ကတော့ နောက်မှပေါ်သည့်ရွှေကြာပင်မို့ သူတို့၏ အဆုံးအဖြတ်ကို ကျေကျေနပ်နပ်ကြီးလက်ခံရန်မှတစ်ပါးအခြားမရှိတော့။

ခင်လေးသည်  ကိုစိုးနိုင်အပေါ်တွင်  စိုးစိမျှဖြစ်ပါစေ ငြိတွယ်နေသေးသည်ဖြစ်ပါက  ကိုစိုးနိုင်က  ခဏစောင့်ပါစေ။ သင့်တင့်သော တစ်နှစ်တန်သည်၊ နှစ်နှစ်တန်သည်အချိန်ကျတော့   သူသည်အခြားအကြောင်း တစ်ခုခုကို လုပ်ဇာတ်ခင်းပြီး ခင်ခင်လေးကို လွတ်လပ်ခွင့်ပေးလိုက်ပါမည်။  အဲဒီတော့ သူတို့လက်ထပ်ကြပေါ့။  အဲဒီလိုမှ မဟုတ်ဘဲ ကိုစိုးနိုင်က ဤအတောအတွင်းမှာ ခင်ခင်လေးကို စွန့်လွှတ်လိုက်သည်ဖြစ်စေ၊ ခင်ခင်လေးကပဲ ကိုစိုးနိုင်၏ အပေါ်မှာ တွယ်တာမှု လုံးဝမရှိတော့ဘဲ သူ၏အချစ်များကို သူ့အပေါ်တွင်သာ  လွတ်လွတ်ကင်းကင်း စုပုံလိုက်ပါပြီ ဆိုလျှင်ဖြင့်   သူ့ထက်ဝမ်းသာမည့်သူရှိတော့မည် မဟုတ်တော့ပါ။ သူ့အဖို့တော့ စောင့်ရကျိုးနပ်ပါပြီ။

ယခုလိုပူပြင်းလှသောစိတ်ဒုက္ခများကို သူခံစားခဲ့ရကျိုးနပ်ပါပြီ။

ထိုညက    ဗိုလ်သက်မွန်မအိပ်မီ    တစ်ခုကိုတော့ လေးလေးနက်နက်ဆုတောင်းမိပါသည်။    ခင်ခင်လေး တစ်ယောက်    မှန်ကန်သော ဆုံးဖြတ်ချက်ကို တွေ့ရှိပြီး စိတ်ချမ်းမြေ့မှု ရရှိနိုင်ပါစေ။

ရက်သတ္တပတ်ခန့်အကြာ ဦးဘသက်နှင့် ဒေါ်ခင်မြတ်မွန်တို့ မိတ္ထီလာသို့ ရောက်လာကြသည်။ ဗိုလ်သက်မွန်အတွက်  ခင်ခင်လေးထံမှ စာတစ်စောင်၊   ငါးပိကြော်နှစ်ပုလင်း၊  သူကြိုက်သည်ဆိုသော  ဝက်စဥကြော်က သံပုံးငယ်ဖြင့်တစ်လုံး၊    ခါတော်မီအေးမုန့်က တစ်ထုပ် အဲဒါတွေပါလာသည်။

ဒေါ်တင်မကြီး အတော်ကလေး နေကောင်းနေပြီလို့ သိရသည်။ ထို့ကြောင့်  သူတို့နှင့်အတူ  ခင်ခင်လေးကို ထည့်လိုက်ဖို့ပင် ဒေါ်တင်မကြီးက ပြောပါသေးသည်တဲ့။

သို့ပေမယ့် ကိုဘသက်ကမခေါ်ခဲ့။ လူနာက သက်သာပြီ ဆိုရသော်လည်း အရေးရယ်၊ အကြောင်းရယ် ဖြစ်ပေါ်လာပါက အနားမှာခင်ခင်လေးတစ်ယောက်သာ လုပ်တတ်ကိုင်တတ် ရှိသည်။ ဆရာဝန်မရောက်မီ မည်သို့ပြုစုရမည်၊ ဘယ်ဆေးတိုက်ရမည် ဆိုသည်ကို ခင်ခင်လေးတစ်ယောက်သာ နားလည်သည်။

''နောက်တစ်လလောက်ဆိုရင် မဖုရားလည်း စိတ်ချရပါပြီ။    အဲဒီတော့   ခင်လေးကိုခေါ်လို့ ရပါပြီကွယ်'' ဒေါ်ခင်မြတ်မွန်က   သားကိုနှစ်သိမ့်စကား ပြောသည်။

သူ့အဖို့ သားနှင့်ချွေးမတို့ လက်ထပ်ပြီး နှစ်ရက်အကြာ ယခုလိုခွဲနေရတာကို မြင်ရတော့ စိတ်မကောင်းဖြစ်နေမိသည်။

''အေးပေါ့ကွာ ...၊ လူမမာကလည်း  တစ်ဖက်နဲ့ဆိုတော့ ဒီလိုပေါ့'' ဦးဘသက်ကလေးလေးကြီ ပြောသည်။

''ပန်းကန်ခွက်ယောက်တို့၊  ကုလားထိုင်တို့  ဘာတို့လည်း သားတုိ့ ဝယ်ရဦးမယ်။ အိမ်ထောင်သစ်ဆိုတော့ အားလုံးလိုတာပေါ့။  ဒါတွေတော့  ခင်လေးနဲ့ တိုင်ပင်ဝယ်ကြ။ ငွေရောရှိရဲ့လား။ လိုရင်ပြော။ မေမေတို့ ပို့ပေးလိုက်မယ်''

''အေး... ဟုတ်သားပဲ၊ မင်းမှာ ငွေမှ အပိုအလျှံ ကလေးမှရှိရဲ့လား။  မရှိရင်  ဖေဖေတို့ကိုအားမနာနဲ့။ ပြော... ကြားလား''''အိမ်ဖော်တစ်ယောက်လည်း လိုတယ်ကွဲ့။ ဒါတော့ မဖုရားကကြည့်ပြီး စီမံပေးပါလိမ့်မယ်။ မသန်းစိန်မှာ ညီမကလေးတစ်ယောက်ရှိတယ်တဲ့။ ခင်လေးလာတော့ အဲဒီကလေးကို ထည့်ပေးလိုက်မယ်လို့ပြောတာပဲ'' ''အလုပ်နည်းနည်းပါးရင် တစ်လလောက်ခွင့်ယူပြီး ခင်လေးနဲ့ ရန်ကုန်ဆင်းခဲ့ကြဦးကွယ်'' အဲဒီလို သူ့မိဘများကဗိုလ်သက်မွန်ကို တစ်ယောက်တစ်ခွန်းပြောကြ၊ ဆိုကြ၊ အားပေးကြ။

သူတို့ ရောက်လာမည်ကိုသိရလို့ ဗိုလ်သက်မွန်သည် တပ်တွင်းမှ အိမ်လွတ်တစ်လုံးကို ပြင်ထားသည်။ သို့ရာတွင် ဦးဘသက်နှင့် ဒေါ်ခင်မြတ်မွန်တို့သည် တပ်တွင်း၌ တည်းသည်ဆိုရရုံပဲ ရှိကြသည်။ တစ်နေ့တစ်နေ့ မြို့ထဲထွက်ပြီး အသိအကျွမ်းဟောင်းများ ရှာရဖွေရ၊ တွေ့လည်းတွေ့။ တွေ့တော့လည်း ထိုအိမ်များက ဝမ်းပန်းတသာ ကြိုကြဆိုကြ၊ ကြုံတုန်းမို့ ဟိုအိမ်က ထမင်းတစ်နပ်၊ ဒီအိမ်က ထမင်းတစ်နပ် ကျွေးချင်ကြမွေးချင်ကြ။

ထို့ကြောင့် ထိုရက်များအတောအတွင်း ကတော့ဖြင့် ဗိုလ်သက်မွန်မှာလည်း မိဘများနှင့်  ညနေတိုင်းလိုလို တစ်အိမ်တက်ဆင်း လိုက်ကာစားနေခဲ့ရသည်။

ဦးဘသက်နှင့်ဒေါ်ခင်မြတ်မွန်တို့   တစ်ပတ်ခန့်သာနေသွားကြသည်။  သာစည်မှတစ်ဆင့်  မီးရထားစီးပြီး ရန်ကုန်သို့ ပြန်သွားကြသည်။

မေမေတို့ ယူလာသောစာကို ရပြီးသည့်နောက်လည်း ခင်ခင်လေးထံမှ စာတွေသည်  တစ်ပတ်တစ်ခါလောက် မှန်မှန်လာသည်။ ဗိုလ်သက်မွန်ကလည်း တစ်ပတ်တစ်ခါ စာရေးသည်။  ခင်ခင်လေးစာတွေမှာတော့  မေဖုရား တစ်နေ့တခြား   သက်သာလာပြီ ဆိုသည့်အကြောင်း၊ အိမ်ရပလားဆိုသည့်အကြောင်း၊ ကျန်းမာရေးဂရုစိုက်ဖို့နှင့် မန္တလေးသို့ ဘယ်တော့လောက်လာဦးမည်ကို သိလိုကြောင်းတို့ ပါလာတတ်သည်။

''ဖေဖေ၊ မေမေတို့နဲ့ပေးလိုက်တဲ့ ငါးပိကြော် ကုန်ခါနီးရင် ပြောပါကိုကို။ မိတ္ထီလာဆိုတော့ လူကြုံရှိတတ်ပါတယ်။  ခင်လေးပို့ပေးပါရစေ။  ကိုကို အစားအသောက် ဆင်းရဲမှာ  ခင်လေးစိုးရိမ်တယ်။  ဝက်စဥကြော်ရောစားကောင်းရဲ့လား။ ကိုကို့ဆီရောက်တော့ နည်းနည်းတော့  ပျော့နေမှာပေါ့။   အဲဒါ  ခင်လေးကိုယ်တိုင်ကြော်ပေးလိုက်တာ'' ဟူ၍လည်းကောင်း။

တစ်ခါတလေလည်း...

''ဘယ်တော့လာဦးမလဲ။  တစ်ရက်နှစ်ရက်ဖြစ်ဖြစ် အခွင့်ယူပြီးလာခဲ့ပါဦးလား...ကိုကို။  လာမယ်ဆိုရင် ကြိုတင်ပြီး   မမကြီးတို့ဆီဖုန်းဆက်ပါ''  ဟူ၍လည်းကောင်း။

တစ်ခါကတော့...

''ကိုကိုပြန်သွားတော့ ခင်လေးတို့မှာ  ပျင်းကျန်ရစ်ခဲ့ရတယ် ကိုကိုရယ်''  ဟူ၍လည်းကောင်း။  အပြန်ပြန် အလှန်လှန် ဖတ်နေမိရသည်။     စာတစ်စောင်ရတိုင်း ပဟေဠိဖော်သလို နောက်ဆွယ်က အဓိပ္ပာယ်ကို နက်နက်နဲနဲ နှိုက်နှိုက် ချွတ်ချွတ် တွေးနေမိရတတ်သည်။

ခင်ခင်လေး၏ စာတွေသည် တစ်စောင်ထက်တစ်စောင် ပို၍ပို၍နွဲ့လာသည်။  ပျောင်းလာသည်။  နုလာသည်။

နှောင်းလာသည်။ အထူးတလည်ဖွဲ့ဖွဲ့နွဲ့နွဲ့မဟုတ်သော်လည်း  သူ့အပေါ်တွင်  တယုတယနိုင်လာပါသည်။

သူ့စာလုံးကလေးများသည်   ဗိုလ်သက်မွန်၏ နေရေးစားရေးနှင့်  ကိုယ်ကျန်းမာရေး၊  စိတ်ချမ်းသာရေးတွေအတွက် စိုးရိမ်မှုကလေးများ သန်းလာကြသကဲ့သို့ သူ့စကားလုံးလေးများသည်လည်း ဗိုလ်သက်မွန်အား လွမ်းဆွတ်သည့် အရိပ်အငွေ့ကလေးများ လွှမ်းလာကြပါသည်။

သို့ပေမယ့် သူ့အသုံးအနှုန်း ကလေးများကတော့ အရိုးခံစင်းစင်း ကလေးတွေမို့ လွန်စွာမှ ဣနြေ္ဒရလှသည်။

ဗိုလ်သက်မွန်က အဲဒီလိုပဲမြင်သည်။  အဲဒီလိုပဲထင်သည်။ ခင်ခင်လေးသည် သူ့ကိုမမုန်းသည် သာမကဘဲ ချစ်စပင်ပျိုးနေပါပြီလား။

သို့ဖြင့်  ဒီဇင်ဘာလအကုန်ပိုင်းသို့  ချဉ်းကပ်လာခဲ့သည်။

ခင်ခင်လေး၏စာတိုင်းလိုလိုမှာ ''ဘယ်တော့လာဦးမလဲ ကိုကို၊ ခွင့်ရရင်လာခဲ့ပါဦး'' ဆိုသည်ကိုသာ ထပ်တလဲလဲ ပါလာသည်။ ဗိုလ်သက်မွန်အနေနှင့်လည်း ခင်ခင်လေးကို အင်မတန်မှ တွေ့ချင်လှပါသည်၊ မြင်ချင်လှပါသည်။

သို့ပေမယ့်  တွေ့လည်းမတွေ့ဝံ့၊   မြင်လည်းမမြင်ဝံ့။

မည်သို့ပင်ဖြစ်စေ တစ်ခေါက်လောက်တော့ ခင်လေးထံသို့ ပြန်သင့်ပြီဆိုသည်ကိုတော့  သူသိပါတယ်။  ထို့ကြောင့်ခွင့်ရက်ကိုယူဖို့ သူချိန်ဆနေသည်။

ထိုစဉ်မှာပင် ဗိုလ်သက်မွန်သည် ကျိုင်းတုံသို့သွားရောက် တာဝန်ထမ်းဆောင်ရန် အမိန့်ကို ရလိုက်ပါသည်။

ကျိုင်းတုံဆိုပေမယ့် ကျိုင်းတုံမြို့ပေါ်မှာတော့မဟုတ်။

ထိုဒေသတွင် မကြာမီပြုလုပ်တော့မည့် စစ်ဆင်ရေးတွင် စစ်မြေပြင်အရေးပေါ်   သူနာပြုတပ်ဖွဲ့ကို ဦးဆောင်၍ ပါဝင်ရမည်ဖြစ်သည်။ အနည်းဆုံး သုံး၊ လေးလလောက်တော့ဖြင့် ကြာမည်။

ထိုအမိန့်ကို ရလိုက်တော့  ဗိုလ်သက်မွန်မှာ  ဝမ်းသာရမလား၊ ဝမ်းနည်းရမလား။ သူကိုယ်တိုင်ပင် မဝေခွဲနိုင်တော့ပေ။ အမှန်တော့ ဤစစ်မြေပြင်သူနာပြု တပ်ရင်းသို့  ပြောင်းခဲ့ရကတည်းက  စစ်မြေပြင်သို့ ယခုကဲ့သို့ လိုက်ပါရမည် ဆိုသည်ကို  သူသိပါသည်။   သိ၍လည်း ဝမ်းမြောက်စွာ   အမြဲစောင့်မျှော်ခဲ့သည်။   အခုတော့ သူရချင်လှသည့် အတွေ့အကြုံတို့ကို     ရပါတော့မည်။

အထူးသဖြင့်  ယခုသွားမည့်  မြန်မာပြည်၏ အရှေ့ပိုင်း အကျဆုံး ဂုံနှင့်လိတို့ ပျော်စံရာဒေသ၊  ကော်နှင့် လားဟူတို့ မွေ့လျော်ရာနယ်မြေ။

ခက်ထန်

Read 65 times
Rate this item
(0 votes)
Last modified on Sunday, 26 May 2019 11:33

Latest from