SJ WorldNews - шаблон joomla Авто

သေသော်မှတည့် သြော် ကောင်း၏

Sunday, 14 July 2019 08:11 Written by  font size decrease font size decrease font size increase font size increase font size

ယမန်နေ့မှအဆက်

မြရွက်တို့က ဘာမှမပြောကြဘဲ ဆွေဆက်ကို လိုက်ပို့ကြ၏။ ဟံသာဝတီရန်ကုန်သို့ ဝင်တော့မည်ပြုမှ မြရွက်တို့ရပ်နေခဲ့ကြသည်။ ဆွေဆက်သည် မြင်းကိုရပ်လျက် ဓားလွယ်ကိုချွတ်ပေး၏။ မြရွက်က ဆွေဆက်ကိုရွှန်းရွှန်းလဲ့လဲ့ကြည့်၏။ ''သည်ဓား အစ်ကိုယူတော့''ဆွေဆက်သည် ဓားကိုပွေ့ပိုက်လျက်မြရွက်ကို တုံ့ပြန်ကြည့်သည်။ ထို့နောက် တရိုတသေလွယ်လိုက်၏။ အရှေ့ဘက်မှ နေလုံးကြီးထွက်လာလေပြီ...။ ''အစ်ကိုဆက် ကျွန်မတို့ပြန်မယ်၊    အစ်ကိုဆက် စောစောလာပါ လေ့...'' မြရွက်တို့သည် ဆွေဆက်ကြည့်နေစဉ်၌ပင် နောက်သို့လှည့်ပြန်သွားကြ၏။ နေလုံးကြီးကို နောက်ခံပြုလျက် မြင်းနှင့်စိုင်းသွားကြသော မြရွက်တို့ကိုမျက်စိတစ်ဆုံးကြည့်နေ၏။ မြရွက်တို့က အဝေးမှရပ်လျက် လက်မြှောက်ပြကြသေးသည်။ ဆွေဆက်ကလည်း မြင်းထက်မှခါးဆန့်၍ ဓားကိုချွတ်လျက်  ဝမ်းပန်းတသာဓားကိုမြှောက်ပြ၏။ ရွှေရည်လူးသော တက်သစ်စနေရောင်ခြည်အောက်၌ ကြေးဖြင့်သွန်းလောင်းပြီးစရုပ်တုကဲ့သို့ မြှောက်ထားသောဓားနှင့်လိုက်လျောလှသည့် ယောက်ျားပီသလှသောဆွေဆက်၏ရုပ်တုကို မြင်တွေ့နေရသောအခါ မြရွက်သည် နှလုံးသားထဲ၌နွေးလာအောင် ကြည်နူးနှစ်သိမ့်နေ၏။ ထို့နောက် ကျေနပ်သောအပြုံးဖြင့် ပေါ့ပါးရွှင်မြူးစွာမြင်းကို ဆက်လက်နှင်သည်။ ဆွေဆက်အိမ်သို့ ရောက်သောအခါ ရန်ကုန်မြို့ဝန်ကြီးအိပ်ရာမှ ထနှင့်လေပြီ၊ မြို့ဝန်ကြီးသည် ဆွေဆက်ကိုလှမ်းခေါ်လိုက်၏။ ထို့နောက် ......အိမ်အတွင်းသို့ ကုလားဖြူများမြင်းစီးဝင်လာကြစဉ်က ဆွေဆက်ကမောင်းထုတ်လိုက်သည်ကို ရန်ကုန်မြို့သားတို့အားလုံး သိနေကြသည်...။ ...သည့်နောက် ကုလားဖြူတို့ကျေနပ်အောင် ဆွေဆက်အား အိမ်မှတစ်ပါးတည်းအပြစ်ပေးနှင်ထုတ် လိုက်သည့် အဟန်ပြုလုပ်ရသည်ကိုလည်း ရန်ကုန်မြို့သားတို့အားလုံး သိနေကြသည်။...သို့ကြောင့် ဆွေဆက်သည် အိမ်၌ရှိနေမှန်းရန်ကုန်မြို့သားတို့သိကြလျှင် ကုလားဖြူတို့လူများလည်း ရန်ကုန်၌ရှိနေကြသောကြောင့်   ကုလားဖြူတို့ပါသိကြမည်...။ ...သည်သို့သိလျှင် ကုလားဖြူများက ဗမာတို့လိမ်လည်ကွေ့ကောက်၍ သင်းတို့ကိုဆက်ဆံသည်ဟု စွပ်စွဲမည်...။ ...သဟာ့ကြောင့် အမောင်သည် လက်ဝှေ့တော်ကြီးနှင့်အတူ အမိန့်အညွှန်းခန့်အပ်လွှာကိုပါယူလျက် အောက်ဘက်တစ်ခွင်တစ်ပြင်သို့ လူသူလက်နက်စုဆောင်း၍သွားလေ...အမောင်စုဆောင်းရသော လူသူလက်နက်အားလုံးတို့ အပေါ်၌ရသည့်   လူသူလက်နက်အလိုက်အမောင်က အအုပ်အချုပ်ဗိုလ်ပြု၍ လက်ဝှေ့တော်ကြီးကို တပ်ရေးတပ်ထောက် ပြုလုပ်ရန် တစ်ပါတည်းခန့်အပ်လိုက်မည်။ အမောင်သွားလေလော့...ဟုဆို၏။ ဆွေဆက်သည် လက်ဝှေ့တော်ကြီးနှင့်အတူ ထိုနေ့နံနက်၌ပင်   ရန်ကုန်မြို့ဝန်မင်းကြီးအိမ်မှ ထွက်ခဲ့ရ၏။ ထို့နောက် မြရွက်တို့ဆွမ်းသွတ်ကိစ္စပြီးသည်နှင့် မြရွက်နှင့်အတူ မြရွက်ဘကြီးရှိရာသို့ ရောက်ခဲ့ကြ၏။ မြရွက်၏ဘကြီးဦးမြတ်ထွန်းသည် ဒလမြို့တောင်ဘက်တွံတေးတောတန်းနှင့် ကွမ်းခြံကုန်းအစပ်တွင် လူ ၇ဝဝဝ ကို အုပ်ချုပ်၍ အသင့်ရှိနေသော အမှူးအအုပ်ဖြစ်သည်။ဦးမြတ်ထွန်းကို ကနောင်မင်းသားကြီး၏ လူယုံတော်ဟု သာမန်မျှသိရသော်လည်း ဘာကြောင့်ဤကဲ့သို့ လက်နက်လူသူနှင့်ဤနေရာတွင် တိတ်တဆိတ်လာရောက်နေထိုင်သည်ဟု ဦးမြတ်ထွန်းကထုတ်မပြော...ဦးမြတ်ထွန်းအပြင် ဦးမြတ်ထွန်း၏ ငယ်ပေါင်းရောင်း ရင်းဦးရွှေပန်းလည်းပါ၏။ ဦးရွှေပန်းသည် တွံတေးတောနက်စမ်းရေတွင်း၌ လူ ၂ဝဝဝ နှင့်အသင့်ရှိ၏။ မြရွက်ကိုအကြောင်းပြု၍ ဦးမြတ်ထွန်းနှင့်ဆွေဆက်တို့ တွေ့ကြသောအခါ ဦးမြတ်ထွန်းကဆို၏။ ''မောင် အပင်ပန်းပြု၍ လက်နက်လူသူအသစ်စုဆောင်းမနေလေနှင့်၊ ကျုပ်ဆီက လူ ၁ဝဝဝ ကိုခွဲယူ၊ မောင့် သဘောအတိုင်း သီးသန့်တပ်ဖွဲ့ပြီး တည်လေတော့၊ မောင့်၌မြို့ဝန်မင်းကြီးရဲ့ တရားဝင်အမိန့်ရှိသည်။ ကျုပ်တို့ကဲ့သို့ပုန်းလျှိုးနေရန်မလို...'' ဦးမြတ်ထွန်းသည် ပြောသည့်အတိုင်း အားကောင်းမောင်းသန်လူငယ်လူသန့် လက်နက်ကိုင်လူ ၁ဝဝဝ ကိုဆွေဆက်သို့ပေး၏။ ဆွေဆက်သည် ထိုလူ ၁ဝဝဝ နှင့်ကျောက်တန်း၌ တပ်ချရပ်တည်၏။မြရွက်သည် မိမိဘကြီးဦးမြတ်ထွန်းနှင့်အတူ ကျန်ရစ်၏။ ဆွေဆက်တပ်တည်ရာသို့ မြရွက်မပါလာတော့...။  xxxxxxxxxxxxxxxxxxxxxxxxxxxxxxx ဆွေဆက်တို့အဖို့ တပ်သစ်ထူထောင်ရသည်မှာ လွယ်သည်မဟုတ်၊ ပို၍ခက်ခဲသည်ကား...မိမိသဘောအတိုင်းစည်းရုံး၍ရသောတပ်ဆိုလျှင် တော်သေး၏။ ယခုကား မိမိသခင်မိမိရှိပြီးသောတပ်ကို ဆွဲယူလာသောကြောင့် ထိန်းသိမ်းစည်းကြပ်ရန် ခက်ခဲ၏။ တပ်တစ်ခုလုံး အမြဲရုတ်ရုတ်သဲသဲဆူညံ၏။ ထိန်း၍သိမ်း၍အော်ဟစ်၍မရ၊ ယခင် ဦးမြတ်ထွန်းလက်အောက်၌ရှိစဉ်က ယင်းတို့ဆိုင်ရာဆိုင်ရာတို့ကို ကြောက်ရွံ့ရသောကြောင့် လေးခန့်၏။ ယခု ယင်းသို့ကြောက်ရွံ့ကြရသောသူတို့လည်းပါမလာ၊ ရွယ်တူတန်းတူမျှဖြစ်သော မိမိတို့ထက်ပင် ငယ်သေးသောဆွေဆက်ကိုလည်း မကြောက်ရွံ့...။

ဆက်လက်ဖော်ပြပါမည်။

Read 12 times
Rate this item
(0 votes)
Last modified on Sunday, 14 July 2019 08:12

Latest from ကေတု