SJ WorldNews - шаблон joomla Авто

ထပ်မံစစ်ဆေး ပေါ်ပေါက်ချက်အရ ရန်ကုန်တိုင်းဒေသကြီး တွံတေးမြို့နယ် အုပ်ချုပ်ရေးမှူး ဦးမိုးခိုင်ထွန်း အပေါ် အဂတိ လိုက်စားမှု တိုက်ဖျက်ရေး ဥပဒေဖြင့် ထပ်မံအမှုဖွင့်လှစ်အရေးယူ

Friday, 12 July 2019 13:10 font size decrease font size decrease font size increase font size increase font size

နေပြည်တော်  ဇူလိုင်  ၁၁

 ရန်ကုန်တိုင်းဒေသကြီး   တွံတေးမြို့နယ်အုပ်ချုပ်ရေးမှူး ဦးမိုးခိုင်ထွန်းနှင့်အဖွဲ့သည် ရာထူးတာဝန်ကို  လွဲသုံးစားပြု၍

ဝန်ဆောင်ခနှင့် တရားမ၀င်သော အခြားအကျိုးခံစားခွင့်များရယူ  နေခြင်းအား အရေးယူပေးပါရန်  အဂတိလိုက်စားမှု တိုက်ဖျက်ရေး ကော်မရှင်သို့တိုင်ကြားခဲ့သည်။

တိုင်ကြားစာအရ အဂတိ လိုက်စားမှုတိုက်ဖျက်ရေး ကော်မရှင်က စုံစမ်းစစ်ဆေးရေးအဖွဲ့ဖွဲ့စည်းစစ်ဆေးခဲ့ရာ  ရန်ကုန် တိုင်း ဒေသကြီး တွံတေးမြို့နယ်အုပ်ချုပ်ရေးမှူး  ဦးမိုးခိုင်ထွန်းသည် D1A အရက် လိုင်စင်လျှောက်ထားရန် ကိစနှင့် စပ်လျဉ်း၍ ယစ်မျိုးလိုင်စင်ရရှိသူများ ထံမှ ငွေကျပ် ငါးသိန်း၊ ခေါင်ရည်လိုင်စင် CFL-2 ကိစကူညီရန် အတွက် ငွေကျပ်တစ်သိန်းခွဲ၊ သင်္ကြန်အတွက်ဟုအကြောင်းပြ၍ ယစ်မျိုးလိုင်စင်ရရှိသူထံမှ ငွေကျပ် နှစ်သိန်းတို့ကို လက်ခံရ ယူခဲ့ခြင်းသည် ရာထူးတာဝန်ကိုအလွဲသုံးစားပြု၍ အဂတိလိုက်စားမှုကျူးလွန်ခဲ့ခြင်း ဖြစ်ကြောင်း ထပ်မံစစ်ဆေးပေါ်ပေါက် သဖြင့် အဂတိလိုက်စားမှု တိုက်ဖျက်ရေးကော်မရှင်မှ  တရားစွဲဆိုရန်ဆောင်ရွက်လျက်ရှိသည့် ရန်ကုန်တိုင်းဒေသကြီး တွံတေးမြို့နယ်အုပ်ချုပ်ရေးမှူး ဦးမိုးခိုင်ထွန်း အပေါ် အဂတိလိုက်စားမှုတိုက်ဖျက်ရေးဥပဒေပုဒ်မ ၅၆ အရ သီးခြား အမှုဖြင့် အရေးယူရန် ရန်ကုန်တိုင်းဒေသကြီး တွံတေးမြို့မရဲစခန်းတွင် ပထမသတင်းပေးတိုင်ကြားချက်ထပ်မံဖွင့်လှစ်၍ တရားစွဲဆိုရန် ဆောင်ရွက်လျက်ရှိကြောင်း   အဂတိလိုက်စားမှုတိုက်ဖျက်ရေး ကော်မရှင်မှ သတင်းရရှိသည်။

Read 19 times Last modified on Friday, 12 July 2019 13:11