SJ WorldNews - шаблон joomla Авто

သီပေါမြို့နယ်၊ ၉ မိုင်လမ်းဆုံ၌ မူးယစ်ဆေးဝါး သုံးစွဲရာတွင် အသုံးပြုသည့် ဆက်စပ်ပစ္စည်း သယ်ဆောင်လာသူအား ဖမ်းဆီးရမိ

Thursday, 22 August 2019 09:17 font size decrease font size decrease font size increase font size increase font size

နေပြည်တော်  သြဂုတ်  ၂၁

ရှမ်းပြည်နယ်(မြောက်ပိုင်း)၊ သီပေါမြို့နယ်အတွင်း လုံခြုံရေး ဆောင်ရွက်နေသော ပူးပေါင်းအဖွဲ့သည်     ၉ မိုင်လမ်းဆုံ၌ မော်တော်ယာဉ်ဖြတ်သန်း သွားလာမှုများကို စစ်ဆေးစဉ်   သြဂုတ်  ၁၉  ရက်  ည ၇ နာရီ ၁၅ မိနစ်ခန့်တွင်  နမ့်လန် ရွာဘက်မှ မောင်းနှင်လာသည့်    ဆိုင်ကယ်နှစ်စီးအား မသင်္ကာသဖြင့် ရပ်တန့်ရန် သတိပေး ပြောဆိုခဲ့ရာ ရပ်တန့်ခြင်းမရှိဘဲ ဆက်လက်မောင်းနှင် ထွက်ပြေးသွားသဖြင့်   လုံခြုံရေး တပ်ဖွဲ့ဝင်တစ်ဦးက  လက်နက်ငယ်ဖြင့်     ခြောက်လှန့်သတိပေး ပစ်ခတ်ခဲ့သည်။

အဆိုပါ   သတိပေးပစ်ခတ်မှုကြောင့် ဆိုင်ကယ်မောင်းနှင် ထွက်ပြေးသူနှစ်ဦးအနက် ကျောက်မဲမြို့နေ မျိုးမင်းထွေးတွင် လက်နက်ငယ်ကျည် ထိမှန်ဒဏ်ရာဖြင့် ဖမ်းဆီးရမိခဲ့ပြီး ၎င်း၏ ဆိုင်ကယ်တူးဘောက်အတွင်းမှ မူးယစ်ဆေးဝါး သုံးစွဲရာတွင် အသုံးပြုသည့် ဆက်စပ်ပစ္စည်းများအား တွေ့ရှိသိမ်းဆည်း ရမိခဲ့သည်။

ဖမ်းဆီးရမိသူအား သီပေါမြို့ ပြည်သူ့ ဆေးရုံ၌ ဆေးဝါးကုသမှု ခံယူစေလျက်ရှိပြီး လိုအပ်သည့် စစ်ဆေးဆောင်ရွက်မှုများ ပြုလုပ်သွားမည်ဖြစ်ကြောင်း သတင်းရရှိသည်။

Read 19 times Last modified on Thursday, 22 August 2019 09:18