SJ WorldNews - шаблон joomla Авто

မေတ္တာသွန်းဖြိုး သာယာတိုးမည့်ငွေချိုးဖြူလေး ကူသံသာ

Wednesday, 14 February 2018 09:28 font size decrease font size decrease font size increase font size increase font size

မြန်မာနိုင်ငံလွတ်လပ်ရေး ရပြီးချိန်မှစ၍ တရားမျှတခြင်း၊ လွတ်လပ်ခြင်းနှင့် ညီမျှခြင်းတည်းဟူသော လောကပါလ တရားများ ထွန်းကားရေးကို နိုင်ငံတော်အစိုးရ အဆက်ဆက်တို့ ကြိုးပမ်းခဲ့ကြသည်။ ပြည်ထောင်စု စိတ်ဓာတ်ကို မြတ်နိုးတန်ဖိုးထား၍ တိုင်းရင်းသားပြည်သူအားလုံး တစည်းတလုံးတည်း နေထိုင်ခဲ့ကြသည့် သမိုင်းအစဉ်အလာကို ဆက်လက် ထိန်းသိမ်းကြရန် ကြိုးပမ်းခဲ့ကြသည်။ သို့သော် အကြောင်း မညီညွတ်သဖြင့် တိုင်းရင်းသားစည်းလုံးညီညွတ်မှု အားနည်းသည့် အခြေအနေတို့ကြောင့် ပြည်သူတို့၏နိုင်ငံရေး၊ စီးပွားရေး၊ လူမှုရေးအခြေအနေများ တိုးတက်သင့်သလောက် မတိုးတက်ဘဲ နှောင့်နှေးကြန့်ကြာခဲ့ရသည်။

ယခင်ကာလများက အကြောင်းအမျိုးမျိုး၊ အခက်အခဲအမျိုးမျိုး သဘောထား ကွဲလွဲမှုများကြောင့် အမြင်နီးလျက် ခရီးဝေးသယောင် ဖြစ်နေသော ပြည်တွင်းငြိမ်းချမ်းရေး တည်ဆောက်မှု လုပ်ငန်းစဉ် များကို ၁၉၈၈ ခုနှစ် နောက်ပိုင်း၌ နိုင်ငံတော်အစိုးရ၏ အဓိကဦးစားပေး ဆောင်ရွက်ခဲ့သဖြင့် အမျိုးသားပြန်လည် စည်းလုံးညီညွတ်ရေး အတိုင်းအတာတစ်ခုအထိ အောင်မြင်ခဲ့သည်။ မြန်မာနိုင်ငံ၏ ပြုပြင်ပြောင်းလဲရေး လုပ်ငန်းစဉ်များကို အရှိန်အဟုန် တိုးမြှင့်ဆောင်ရွက်သည့် ၂ဝ၁၁ ခုနှစ်နောက်ပိုင်း ဆောင်ရွက်မှုများမှာ ယခင်ရရှိထားပြီးသော အောင်မြင်မှုများကို ပိုမိုခိုင်မြဲစေရန် ဆက်လက်ကြိုးပမ်းမှုများ ဖြစ်သည်။ နိုင်ငံတော်အစိုးရ၊ လွှတ်တော်၊ နိုင်ငံရေး အင်အားစုများ၊ စီးပွားရေးနှင့် လူမှုရေး အင်အားစုများ၊ အရပ်ဘက်လူမှု အဖွဲ့အစည်းများစသည်တို့ ပါဝင်သော တိုင်းရင်း သားပြည်သူများနှင့် တပ်မတော်တို့ပူးပေါင်း၍ ကြိုးပမ်းအားထုတ်မှု အကျိုးရလဒ်အဖြစ် ၂ဝ၁၅ ခုနှစ် အောက်တိုဘာ ၁၅ ရက်တွင် တစ်နိုင်ငံလုံးပစ်ခတ် တိုက်ခိုက်မှုရပ်စဲရေး သဘောတူ စာချုပ်(NCA)ကို  တိုင်းရင်းသား လက်နက်ကိုင် အဖွဲ့ရှစ်ဖွဲ့တို့က လက်မှတ်ရေးထိုး ခဲ့ကြသည်။ NCAတွင် ပါဝင်လက်မှတ်ရေးထိုး ခဲ့ကြသော တိုင်းရင်းသား လက်နက်ကိုင်အဖွဲ့များမှ  ခေါင်းဆောင်များ၏ စိတ်ရင်းစေတနာနှင့် လက်တွဲပါဝင် ကြိုးပမ်းမှုတို့ကြောင့် ၂ဝ၁၈ ခုနှစ် ဖေဖော်ဝါရီ ၁၃ ရက်တွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန၌ မွန်ပြည်သစ်ပါတီ (NMSP) နှင့်လားဟူဒီမိုကရက်တစ် အစည်းအရုံး (LDU)တို့သည် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ်(NCA)၌ ပါဝင်လက်မှတ် ရေးထိုးကြသည်။

သမိုင်းပညာရှင်များ၏ လေ့လာမှုများအရ ကြီးကျယ် ခမ်းနားခံ့ထည်သော ယဉ်ကျေးမှု အဆောက်အအုံများ၊ ကောင်းမွန်သော အတွေးအခေါ် ယဉ်ကျေးမှု အစဉ်အလာကောင်းများ၊ အတတ်ပညာများကို အမျိုးသား အမွေအနှစ်အဖြစ် ချန်ထားနိုင်ခဲ့သော ပုဂံခေတ် တည်ဆောက်ခဲ့သူများမှာ လူမျိုးတစ်မျိုး တစ်စုတည်းမဟုတ်ချေ။ မွန်၊ ပလောင်၊ ''ဝ''စသည့် မွန်ခမာအနွယ်ဝင်များ၊ ကရင်၊ တောင်သူ၊ သက်၊ ကဒူးစသည့် သက်အုပ်စု အနွယ်ဝင်များ၊ ချင်း၊ ယော၊ ရခိုင်၊ ဗမာ၊ ရှမ်း၊ ခန္တီးစသည့် တိုင်းရှမ်းအနွယ်ဝင်များ ပါဝင်သော ပြည်သူတို့ အားလုံးပါဝင်၍ ပထမမြန်မာနိုင်ငံတော် ပုဂံခေတ်ကို တည်ဆောက်ခဲ့ကြကြောင်း မှတ်တမ်းများအရ သိရသည်။

မြန်မာနိုင်ငံ လွတ်လပ်ရေးရပြီးနောက်ပိုင်း ရှမ်းပြည်နယ် အရှေ့ပိုင်းရှိ ကျိုင်းတုံ၊ မိုင်းခတ်၊ မိုင်းယန်းဘက်သို့ ကျူးကျော်ဝင်ရောက်လာသော ကူမင်တန်များအား မြန်မာ့တပ်မတော်က စစ်ဆင်ရေးကြီးများ ဆင်နွှဲတိုက်ထုတ်ခဲ့သည့် ကာလများတွင် လားဟူတိုင်းရင်းသားတို့က ပြည်သူ့စစ်အသွင်ဖြင့် ပါဝင်၍ တပ်မတော်နှင့်အတူ လက်တွဲတိုက်ထုတ်ခဲ့ကြသည်။ ထိုကာလနောက်ပိုင်း ဗမာပြည် ကွန်မြူနစ်ပါတီက သံလွင်အရှေ့ခြမ်း သိမ်းပိုက်၍ မိုင်းပျဉ်းမှတစ်ဆင့် မန္တလေးအထိ သိမ်းပိုက်ရန်  ရည်ရွယ်လှုပ်ရှားသော အချိန်တွင်လည်း လားဟူတိုင်းရင်းသားတို့က တပ်မတော်နှင့်အတူ ပြည်သူ့စစ်အသွင်ဖြင့် ပါဝင်တိုက်ခိုက်ကြသည့် မှတ်တမ်းများရှိသည်။ ၁၉၈၈ ခုနှစ်နောက်ပိုင်း၌ တပ်မတော်က လားဟူတိုင်းရင်းသားများအား ဆက်လက်ကူညီ ပေးလျက်ရှိသည်။ ထို့ကြောင့် လားဟူဒီမိုကရက်တစ် အစည်းအရုံးဥက္ကဋ္ဌ ဦးကြာခွန်ဆာ ဦးဆောင်သော အဖွဲ့အား တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က ၂ဝ၁၈ ခုနှစ် ဇန်နဝါရီ ၂၃ ရက်တွင် နေပြည်တော်ရှိ ဘုရင့်နောင်ဧည့်ရိပ်သာ၌ လက်ခံတွေ့ဆုံစဉ် ဦးကြာခွန်ဆာက တပ်မတော်ကာကွယ်ရေး ဦးစီးချုပ် တြိဂံဒေသတိုင်း စစ်ဌာနချုပ် တိုင်းမှူးတာဝန် ထမ်းဆောင်စဉ်က လားဟူတိုင်းရင်းသားများ အပေါ် ဖေးမကူညီ စောင့်ရှောက်ခဲ့မှုများကို မမေ့ပါကြောင်း၊ မိမိတို့အနေဖြင့် တပ်မတော်အပေါ် ယုံကြည်ပါကြောင်း ပြောကြားခြင်းဖြစ်သည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် မွန်ပြည်သစ်ပါတီ ဥက္ကဋ္ဌ နိုင်ထောမွန် ဦးဆောင်သည့်အဖွဲ့အား လက်ခံတွေ့ဆုံစဉ်တွင် '' NMSP (မွန်)အဖွဲ့အနေဖြင့် အစိုးရ၊ တပ်မတော်နှင့် ပူးပေါင်း၍ ငြိမ်းချမ်းရေး လမ်းကြောင်းပေါ်တွင် လျှောက်လှမ်းမှုကြောင့် ဒေသဖွံ့ဖြိုး တိုးတက်ရေးအတွက် အခွင့်အလမ်းများ ပိုမိုရရှိမည်ဖြစ်ကြောင်း၊ တစ်ဖက်နှင့်တစ်ဖက် သံသယများကင်းရှင်းပြီး  ငြိမ်းချမ်းရေး လမ်းကြောင်းပေါ် လျှောက်လှမ်းခြင်းဖြင့် တိုင်းပြည်ပိုမို ဖွံ့ဖြိုးတိုးတက်မည်ဖြစ်ကြောင်း၊ ပြည်သူများကလည်း ဝမ်းသာအားရ ကြိုဆိုကြမည်ဖြစ်ကြောင်း၊ မိမိတို့တပ်မတော်၏ အပြင်းပြဆုံးဆန္ဒမှာ တိုင်းပြည်တည်ငြိမ် အေးချမ်းရေးနှင့် ဖွံ့ဖြိုးတိုးတက်ရေးပင် ဖြစ်ပြီး တပ်မတော်မှ ပူးပေါင်းဆောင်ရွက်ရန် အဆင်သင့်ရှိကြောင်း''ပြောကြားသည်။

ပတ်ဝန်းကျင် လောကတစ်ခွင်၌ ဖြူလွင်သော ငွေနှင်းမှုန်များဖြင့် အလှဆင်ထားသော တပို့တွဲလပြည့်ကျော် ၁၃ရက် (၁၃-၂-၂ဝ၁၈ ရက်) မွန်းလွဲပိုင်းတွင် မွန်ပြည်သစ်ပါတီနှင့် လားဟူဒီမိုကရက်တစ် ပါတီတို့က တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ်၌ ပါဝင်လက်မှတ်ရေးထိုး လိုက်ကြပြီးဖြစ်သဖြင့် ယခင်ရှစ်ဖွဲ့နှင့် ပေါင်းလျှင်  အဖွဲ့ ၁ဝ ဖွဲ့ရှိသွားပြီဖြစ်သည်။  သို့ဖြစ်၍  ငွေနှင်းဖြူကြားမှ သံလွင်ခက်ကို ကိုက်ချီပျံဝဲနေသော ငွေချိုးဖြူ၏ ငြိမ်းချမ်းရေးတေးသံကို ပြည်သူတို့နှင့်အတူ နားဆင်ရင်း မြဝတီက ဝမ်းမြောက်ဝမ်းသာ ကြိုဆို လိုက်ရပါသည်။  

Read 188 times Last modified on Wednesday, 14 February 2018 09:29