SJ WorldNews - шаблон joomla Авто

စကားအရာ အင်္ဂါလေးတန် အမှန်စောင့်ထိန်းရေး

Friday, 09 March 2018 08:53 font size decrease font size decrease font size increase font size increase font size

အတ္တလူသား၊ စိတ်ထွေပြား၊ အမှားသံသရာ ယောင်ချာချာဟူသော သံပေါက်ကဗျာကို ငယ်စဉ်ဘဝမှာပင် မှတ်သားခဲ့ရဖူးသည်။ သစ်ပင်တို့သဘာဝမှာ မျိုးစေ့မှအစို့အညှောက်၊ အစို့အညှောက်မှ ပင်စည်သေးသေး အရွက်နုနုကလေးများ ထွက်လာသည့် ပျိုးပင်ငယ်ကို ပြုစုစောင့်ရှောက်ရာမှ ကြီးထွားလာသောအခါ ဖူးချိန်တန်ဖူး၊ ပွင့်ချိန်တန်ပွင့်၊ သီးချိန်တန်သီးကြပြီး စိုက်ပျိုးသူကို ကျေးဇူးပြုကြသည်။ ပျိုးပင်ငယ်ကို ပြုစုစောင့်ရှောက်မှုမရှိလျှင် အပင်မကြီးထွားနိုင်ဘဲ အဖူးအပွင့်အသီးတို့ မရှိကြသဖြင့် စိုက်ပျိုးသူကို အကျိုးမပြုတတ်ကြပေ။

လူတို့သဘာဝမှာလည်း ထိုနည်းလည်းကောင်း တွေ့ရတတ်သဖြင့် ငယ်စဉ်တောင်ကျေး ကလေးဘဝမှစ၍ မိဘ၊ ဆရာနှင့် ဆွေမျိုးဉာတိတို့က ပြုစုစောင့်ရှောက် ထိန်းကျောင်းကြသည့်တိုင်အောင် ရာနှုန်းပြည့် အောင်မြင်ကြီးပွား တိုးတက်ပြီဟူ၍ မဆိုနိုင်ကြပေ။ ဤသို့ဖြစ်ရသည်မှာ အတ္တလူသားတို့သဘာဝ စိတ်ထွေပြားမှုများက ပိတ်ဆို့ဟန့်တား ထားကြခြင်းကြောင့်ဖြစ်သည်။ လူတစ်ဦးအတွက် အောင်မြင်ကြီးပွား တိုးတက်မှုကို ပိတ်ဆို့ဟန့်တားထားသော အကြောင်းတရားများမှာ မိမိကိုယ်ကျိုး သက်သက်သာကြည့်၍ အခြားသူများအပေါ် စာနာထောက်ထားမှုမရှိခြင်း၊ အခြားသူများကို အထင်အမြင်သေးတတ်ခြင်း၊ အခြားသူများ အောင်မြင်ကြီးပွား တိုးတက်သည်ကို မနာလိုဝန်တိုစိတ် ရှိခြင်း၊ အကြောင်းအရာတစ်ခုကို ဂဃနဏမသိဘဲ မိမိထင်ရာမြင်ရာကို ပြောဆိုငြင်းခုံတတ်ခြင်း၊ အတင်းအဖျင်း ပြောတတ်ခြင်း၊ ကတိမတည် လိမ်ညာပြောဆိုတတ်ခြင်း၊ လူမှုကျင့်ဝတ်ကို မစောင့်ထိန်းခြင်း စသည်တို့ကြောင့် လူမှုဆက်ဆံရေး နယ်ပယ်တွင် အများ၏ ယုံကြည်မှုမရနိုင်ဖြစ်ရသည်။ ဆိုခဲ့သော အကြောင်းတရားများကို မကောင်းမြင်စိတ် (Negative Thought)က ဖန်တီးသည်ဟု ပညာရှင်များက ထောက်ပြထားကြသည်။

မကောင်းမြင်စိတ် ရှိသူတစ်ဦး၏ အားနည်းချက်ကို ထောက်ပြဝေဖန်လျှင် နှစ်သက်မည် မဟုတ်သဖြင့် အကောင်းမြင်စိတ် (Negative Thought) ရှိအောင် အပြုသဘောဖြင့် အကြံပြု တိုက်တွန်းနိုင်အောင် ကြိုးစားကြရပေမည်။ အပြုသဘောအကြံပြုတိုက်တွန်းရာတွင် မိမိကိုယ်တိုင်က လူတတ်ကြီး (Positive Thought)လုပ်ပြီး ပြောဆိုခြင်းကို ရှောင်ကြဉ်၍ သူ့ထက်ပိုသိ ပိုတတ်ကြောင်းကို လက်တွေ့သက်သေပြနိုင်လျှင် အကောင်းဆုံးနည်းလမ်း ဖြစ်သည်။ အခြားသူတစ်ဦး၏ အားနည်းချက်ကို ထောက်ပြရန်နှင့် ထိုအားနည်းချက်ကို ပြုပြင်ရန် နည်းလမ်းကိုပြောပြရန် လွယ်ကူသလောက် လက်တွေ့ပြုပြင်ရန် ခက်ခဲပေလိမ့်မည်။ ထို့ကြောင့် မိမိကိုယ်တိုင်က ပိုသိပိုတတ်ကြောင်းတို့ကို လက်တွေ့ပြရန်လိုသည်ဟု ဆိုထားခြင်းဖြစ်သည်။ မိမိကိုယ်တိုင် လက်တွေ့ မပြနိုင်သော် မိမိသည် အခြားသူများအပေါ် အထင်အမြင်သေး၍ မိမိကိုယ်မိမိ အထင်ကြီးနေသူ အပြောသမားသာ ဖြစ်သည်ဟူသော အမြင်ဖြင့် တန်ပြန်အကျိုး သက်ရောက်မှုရှိမည်ဖြစ်သည်။ အကြောင်းအရာတစ်ခုနှင့် စပ်လျဉ်း၍ ဘာကြောင့် ဘယ်လိုဆိုသည်ကို အမှန်အတိုင်း သိမြင်အောင် ကြိုးစားအားထုတ်ရန် မေ့လျော့နေလျှင်သော် လည်းကောင်း၊ မသိကျိုးကျွန်ပြုနေလျှင်သော် လည်းကောင်း အဖြေမှန်ကို တွေ့နိုင်မည်မဟုတ်ပေ။ မိမိထင်ရာမြင်ရာ ဖြစ်လိုရာကိုသာ ပြောဆိုပြုမူနေခြင်းသည် အခြားသူများအပေါ် စာနာထောက်ထားမှု ကင်းမဲ့မည်သာဖြစ်သည်။ မှန်ကန်သော လုပ်ငန်း စင်ကြယ်သော အသက်မွေးမှုဖြင့် အခြားသူများ အောင်မြင်ကြီးပွား တိုးတက်နေကြသည်ကို မနာလိုဝန်တိုကင်း၍ မုဒိတာပွားနိုင်ခြင်းဖြင့် မိမိစိတ်သဘောထား မြင့်မြတ်မှုကိုပြနိုင်ရပေမည်။ မုဒိတာမပွားဘဲ အဘိဇ္ဈာ များနေခြင်းသည် လောကငရဲခံစားရမည့် အကြောင်းတရားဖြစ်သည်ကို မမေ့အပ်ပေ။ အများကောင်းကျိုး သယ်ပိုးတတ်သူတစ်ဦးချင်းစီ၏ အရည်အသွေးကို အသိ အမှတ်ပြုတတ်သည့် အကောင်းမြင်စိတ်ရှိခြင်းသည် မိမိအရည်အသွေးကိုပါ မြှင့်တင်ပေးခြင်းဖြစ်သည်။

မြန်မာတို့ အစဉ်အလာယဉ်ကျေးမှု၌ စကားအရာ အင်္ဂါလေးတန်ပြဆိုထားရာ အကျိုးစီးပွားနှင့် ယှဉ်သည့် ကောင်းမြတ်သောစကား၊ ချစ်ခင်နှစ်လိုဖွယ်ဆိုသော စကား၊ တရားတော်နှင့် ညီညွတ်သော စကား၊ ဖြောင့်မှန်သော စကားတို့ဖြစ်သည်။ စကားအရာ အင်္ဂါလေးတန်သည် ယဉ်ကျေးသော လူ့အဖွဲ့အစည်းအတွင်း ပေါင်းသင်းဆက်ဆံရေး ကောင်းမွန်တည်တံ့စေရန်  ပညာရှိသူတော်ကောင်းတို့ မှာထားခဲ့သည့် စကားဖြစ်သဖြင့် သံခင်းတမန်ခင်း ရေးရာများတွင် မြန်မာတို့ အစဉ်တစိုက် ကျင့်သုံးကြသည်။ ထေရဝါဒဗုဒ္ဓသာသနာတော် ထွန်းလင်းသော မြန်မာနိုင်ငံ၌ ပြည်သူအပေါင်းတို့သည် ဗုဒ္ဓဟောကြားတော်မူသော ကာလာမသုတ္တန် ဒေသနာကို နာယူမှတ်သားကြပြီးဖြစ်ရာ တစ်ဆင့်ပြောလာသော စကားကိုမယုံနှင့်၊ ကောလာဟလ စကားကိုလည်း မယုံနှင့်၊ ယုတ္တိရှိရှိ ဆင်ခြေပေးတိုင်းလည်း မယုံနှင့် စသည်ဖြင့် မြတ်ဗုဒ္ဓ ဟောမိန့်ထားသည်တို့ကို အမြဲမပြတ် နှလုံးသွင်းအပ်သည်။ လူ့အဖွဲ့အစည်းအပေါ် သစ္စာတရားပျက်ယွင်းသူ၊ မေတ္တာတရား ခေါင်းပါးသူတို့သည် ဖြောင့်မှန်သောစကားကို မဆို အစောင်းအထောင်၊ အလှောင်အမုန်း၊ အပြုံးအထေ့တို့ဖြင့် မွှေတတ်နှောက်တတ်ပြီး လူ့အဖွဲ့အစည်း အတွင်း ချစ်စကိုတို၍ မုန်းစကိုရှည်အောင် လိုရာဆွဲဆန့် အမြတ်ထုတ်ကြခြင်းကြောင့် လောကငရဲ၌ တဝဲလည်လည် ခံစားနေကြရသော ကမ္ဘာ့ပြည်သူ သန်းပေါင်းများစွာ ရှိနေသည်ကို အားလုံးသိကြပြီးဖြစ်သည်။

အနံ့အရသာနှင့်ပြည့်စုံသော အသီးသီးတတ်သည့် သရက်မျိုးစေ့ကို စနစ်တကျပျိုးထောင်၍ မြေကောင်း၌ စိုက်ပျိုးပြုစုပါသော်လည်း အခါးအရသာရှိသော နွယ်ပင်နှင့်နီးကပ်ခြင်းကြောင့် သရက်ပင်၏ မူလဂုဏ်သတ္တိ ယုတ်လျော့သွားကြောင်းကို ''တမာခွေးတောက်၊ မြစ်လျှောက်ရောယှက် တူနှောဖက်၍၊ သရက်ချိုမြ၊ ဗန္ဓာရလျှင်၊ ကွယ်ပအပြီး၊ အခါးသီး၏''ဟူသောစကားရှိသည်။ သား၊ သမီးအပေါ်ထားရှိသော မိဘတို့မေတ္တာကား အနှိုင်းမရှိကြောင်း သိကြပြီးဖြစ်သည်။ လူငယ်လူလတ်ပိုင်း ရောက်လာချိန်တွင်လည်း မကောင်းမြစ်တာ၊ ကောင်းရာညွှန်လတ် တာဝန်ရှိနေသေးရာ လူ့အဖွဲ့အစည်းအပေါ် သစ္စာစောင့်သိသူ ဖြစ်အောင် စကားအရာ အင်္ဂါလေးတန်ကို အမှန်အတိုင်း လိုက်နာစောင့်ထိန်းကြစေရေး အတွက် ဆက်လက်လမ်းညွှန်ကြရန် လိုကြောင်း မြဝတီက တိုက်တွန်းနှိုးဆော် လိုက်ရပါသည်။      

Read 216 times Last modified on Friday, 09 March 2018 08:55