SJ WorldNews - шаблон joomla Авто

ဘဝ အခြေကောင်းအောင် တည်ဆောက် လိုသော်

Monday, 09 April 2018 09:10 font size decrease font size decrease font size increase font size increase font size

အဘိုး၊ အဘွားတို့ ဆုံးမစကားသည် နားမှာချိုအီ ဆိုကြသည်နှင့်အညီ ရှေးခေတ်စာပေ ပညာရှင်ကြီးများ ၏ဆုံးမစကားတို့သည် မျက်မှောက်ခေတ်နှင့် လာမည့်ခေတ် လူတို့အတွက် မှတ်သား လိုက် နာအပ်သော အဖိုးတန် စကားဖြစ်သည်။

မြန်မာစာပေပညာရှင် ဆရာကြီးဇေယျ ၁၉၃၄ ခုနှစ်ကရေးသားထားသော အသိဥာဏ်နှင့် အကြားအမြင် ဟူသော အက်ဆေးတစ်ပုဒ်ကို မရိုးနိုင်အောင် အကြိမ်ကြိမ် ဖတ်ဖူးသည်မှ ကောက်နုတ် တင်ပြလိုသည်။ လောက၌ မည်သည့်အရာတွင်မဆို မိမိဥာဏ်ကို အသုံးပြုခြင်းသည် ကောင်း၏။ မိမိဥာဏ်ထက် ကောင်း သောလမ်းပြ ရှေ့ဆောင်မရှိဟု ပညာရှိတို့ ဆုံးမစကားရှိလေသည်။ ထိုသို့ ဆုံးမသည့် အတိုင်းလည်း မှန်ပါ ပေ၏ဟု လူတိုင်းဝန်ခံရပေမည်။ သူတစ်ပါးစကားကို နားထောင်ရခြင်းသည် မှားသည်လည်းရှိ၊ မှန်သည် လည်းရှိ၏။ အမှန်ထက်အမှားက ပိုကောင်း ပို တတ်ပေသည်။ သူတစ်ပါးအပြောကို မစောင့်ဘဲ မိမိအသိဥာဏ် အားလျော်စွာဟုတ်၊ မဟုတ်၊ မှန်၊ မမှန်၊ သင့်၊ မသင့်၊ တော်၊ မတော် ဝေဖန်ချင့်ချိန်၍ မိမိကိုယ်တိုင် သိမြင်အောင်ကြံဆရခြင်းသည် အမှန်ကိုရောက်ရန် အကောင်းဆုံး၊ အတိုဆုံး၊ စိတ်အချရဆုံးနည်းကောင်း လမ်းကောင်းကြီး ဖြစ်ချေသည်။

သို့သော် စူးကောင်း၊ ဆောက်ကောင်းရရှိသော လက်သမား ဗိသုကာ ဆရာသည် အိမ်ကောင်းအထည် ကောင်းဖြစ်စေရန် သစ်ကောင်းဝါးကောင်း လိုချေသည်။ လက်နက်ကောင်း ရသော်လည်း သစ်ကောင်း ဝါးကောင်းမရှိလျှင် မပြည့်စုံပေ။ စူး၊ ဆောက်လက်နက်ကောင်းနှင့် အနည်းငယ်မျှသော သစ်ဆိုးဝါးဆိုးတို့ သာရှိလျှင်မူကား အိမ်ဆိုး၊ အထည်ဆိုးသာလျှင် ရနိုင်မည်ဖြစ်သည်။ ထို့အတူ မိမိအသိဥာဏ်ကောင်းကို အသုံးချသောအခါ ထိုအသိဥာဏ်ဖြင့် ရှေ့နောက်ချင့်ချိန် ကျက်စားနိုင်စိမ့်သောငှာ ဗဟုသုတအကြားအမြင် ပြည့်စုံဖို့လိုပေသည်။ မျက်စိအမြင်ချင်း တူသော်ငြားလည်း မှန်ပြောင်းငယ်ဖြင့် ကြည့်ရသောသူသည် မှန် ပြောင်းကြီးဖြင့် ကြည့်ရသောလူလောက် ခွဲခွဲခြားခြားဝေးဝေးလံလံ မမြင်နိုင်သကဲ့သို့ အသိဥာဏ်ကို အသုံးပြု သူချင်းတူစေကာမူ အကြားအမြင် ဗဟုသုတ ပြည့်စုံသူတို့လောက် အကြားအမြင် နည်းပါးနုံ့နဲ့သူတို့မှာ အမှားအမှန်ကိုဝေဖန်ပိုင်းခြား၍ မမြင်နိုင်။ အမှန်ဟုထင်ရလျက် အမှားနှင့် ကြုံတွေ့ရတတ်ချေသည်။ ထို့ကြောင့် လောက၌ သူတစ်ပါးစကားထက် မိမိအသိဥာဏ်ကို မိမိအားကိုးရမည်။ မိမိအသိဥာဏ်သည် အမှန်ကို မြင်နိုင်အောင်လည်း ဗဟုသုတ အကြားအမြင် ပြည့်စုံစေရမည်ကို နှလုံးသွင်း အပ်ကြပေသည်ဟူ၍ ဖော်ပြထားသည်။

ဆရာကြီးဇေယျ၏ လမ်းညွှန်မှုအရ အမှားကို မြင်အမှန်ဖြစ်အောင် ပြင်နိုင်ကြစေရန် ဗဟုသုတ အကြားအမြင် ပြည့်စုံစေရမည်ဟုဆိုထားရာ လောက၌ သိစရာမြင်စရာတွေက မဆုံးနိုင်အောင် ရှိခြင်းကြောင့် ရိုးသား၍ အကြားအမြင်နည်းပါးသူတို့အပေါ် အမြတ်ထုတ်ကြသည်ကို နိုင်ငံရေး၊ စီးပွားရေး၊ လူမှုရေးကိစ္စအဝဝတို့တွင် တွေ့မြင်ကြားသိနေကြရသည်။ နိုင်ငံရေးနယ်ပယ်တွင် မိမိ တစ်ဦးတည်းအရေးကို နိုင်ငံရေးအသွင် ဖန်တီး၍ အမုန်းစကားပြောကြသည်။ စီးပွားရေးနယ်ပယ်တွင် မိမိအမြတ်အစွန်းရရှိရေး တစ်ခုတည်းကြည့်၍ ဘယ်သူသေသေ ငတေမာရင်ပြီးရော သဘောထားမွေးမြူကြသည်။ လူမှုရေးနယ်ပယ်တွင် ကိုယ့်သွေးကိုမသိ ကိုယ့် အရေးသာ ကြည့်ကြသည်။ ဤသို့သောအခြေအနေများသည် ရိုးသား၍ အကြားအမြင်နည်းပါးသူတို့အား ဒုက္ခနှင့်ေ သာက အမျိုးမျိုးဖြစ်စေရန် ဖန်တီးသော အကြောင်းတရားများဖြစ်သည်။ ထိုအကြောင်းတရားများ မှာလည်း သူ့အလိုလို ပေါ်ပေါက်လာသည်မဟုတ်ဘဲ ရှေးဖြစ်ဟောင်းကို မသိကျိုးကျွန်ပြု၍ ပစ္စုပ္ပန် အခြေအနေကို မဝေခွဲနိုင်သည့်အပြင် အနာဂတ်ကိုလည်း မမျှော်မှန်းတတ်သူတို့၏ အတ္တကြောင့် ဖြစ်ပေါ်လာရ သော အကြောင်းတရားများဖြစ်သည်။ ရိုးသား၍ အကြားအမြင် နည်းပါးသူတို့အား ဒုက္ခနှင့်သောက ဖြစ်စေသော အကြောင်းတရားများ မပေါ်ပေါက်စေရန် အရေးကြုံတိုင်း ကာကွယ်တားဆီး ပေးသူတို့၏ ကျေးဇူး တရားကိုနားလည် တန်ဖိုးထား တတ်ကြရပေမည်။

လွန်လေပြီးသော အချိန်ကို ပြန်မရနိုင်တော့သော်လည်း ယခုလက်ရှိအချိန်နှင့် နောင်လာမည့်အချိန်တို့ ကိုအကျိုးရှိအောင် အသုံးချနိုင်ရန် လွန်လေပြီးသောအချိန်က အဖြစ်အပျက်တို့ကို သိထားရန် လိုသည်။ ဘဝ ခရီးလမ်းတွင် မိမိနှင့်အတူ လျှောက်လှမ်းနေသူများကို ပြန်ကြည့်ပါက မိမိထက်နောက်ကျနေသူ၊ မိမိနှင့် တန်းတူ၊ မိမိထက်ရှေ့ရောက်နေသူတို့ကို အသီးသီးတွေ့ရမည်မှာမလွဲပါ။ မိမိ ထက်ရှေ့ရောက်နေသူသည် မည်သို့ ကြိုးစားအားထုတ်မှုကြောင့် ရောက်နေသည်ကိုသိလျှင် ထိုသူနည်းတူ ကြိုးစားအားထုတ်ရန်သာ ဖြစ်သည်။ ဒုက္ခနှင့်သောက လျော့နည်းပပျောက်စေရန် ကာ ကွယ်တားဆီး ပေးသူက ကာကွယ်တားဆီး ပေးထားသည့်တိုင်အောင် လူမတန်ကံချ ဆိုရိုးစကားအတိုင်း အများနှင့် တူတူတန်တန် မစွမ်းဆောင်နိုင်၍ မအောင်မြင်သည်ကို ကံပေါ်အပြစ်ပုံချ သကဲ့သို့ မိမိကိုယ်တိုင်ဖြစ်မြောက်အောင် မလုပ်နိုင်သည်ကို အခြားသူ များအပေါ် အပြစ်ပုံချခြင်းဖြင့် အကျိုးမရှိနိုင်ပေ။

သို့ဖြစ်၍ အိမ်ကောင်းအထည်ကောင်း ဆောက်လုပ်ရန် စူးကောင်းဆောက်ကောင်းနှင့် သစ်ကောင်းဝါး ကောင်းလိုအပ်သကဲ့သို့ ဘဝအခြေကောင်းအောင် တည်ဆောက်လိုသော် ဗဟုသုတ အကြားအမြင် ပြည့်စုံ ရန်လိုအပ်ကြောင်း ပညာရှိသူတော်ကောင်းတို့ ဆုံးမစကားကို မြဝတီက ထပ်ဆင့်၍ အမှာ ပါးလိုက်ရပါသည်။

Read 253 times Last modified on Monday, 09 April 2018 09:13