SJ WorldNews - шаблон joomla Авто

အသက်ပေါင်းများစွာ ကယ်တင်ပါ

Sunday, 13 May 2018 09:53 font size decrease font size decrease font size increase font size increase font size

လူငယ်ဘဝတွင် အရေးကြီးဆုံးမှာ အတွေးအခေါ်နှင့် စဉ်းစားဆင်ခြင်ဉာဏ်ဖြစ်သည်။ မိမိဘဝ တိုးတက်မြင့်မားရေးအတွက် မည်သို့လုပ်ဆောင်ရမည်ကို သိရှိနေရမည်။ ပညာ၊ ကုသိုလ်ဥစ္စာမရဘဲ အချိန်မကုန်သင့်ကြောင်းကို ''မပွားသုတ၊ မရကောင်းမှု၊ မစုဥစ္စာ၊ ဖြစ်ရာကိစ္စ၊ ကျိုးဟိတကို၊ စိတ်ကတရံ၊ မကြံမကူး၊ လေဘင့်မြူး၍၊ ကိုယ်ထူးမပျော်၊ ပေါင်းအဖော်နှင့်၊ မွေ့လျော်လိုသီး၊ လူချည်းနှီးလည်း၊ ရပြီးဥစ္စာ၊ ဉာဏ်ပညာလည်း၊ လျင်စွာမချွတ်၊ ကုန်ပျောက်တတ်၏''ဟူ၍ မဃဒေဝလင်္ကာတွင် ဖော်ပြထားသည်။ အပျော်အပါး လိုက်စားကာ

စီးပွားရေးလည်း မရှာဖွေ၊ ပညာရေးမှာလည်း မကြိုးစား၊ မိမိဘဝတက်လမ်းအတွက် ကောင်းကျိုးရှိရာရှိကြောင်း လုပ်ငန်းကောင်းလုပ်ကိုင်ရန်ကိုလည်း စိတ်မကူးဘဲ မူးယစ်သောက်စားကာ အပေါင်းအသင်းနှင့်သာ ပျော်နေပါက အလကားလူဖြစ်နေပေလိမ့်မည်။ အလကားလူဟူသည် ရပြီးဥစ္စာ ဉာဏ်ပညာသော်မှ လျင်မြန်စွာ ကွယ်ပျောက်တတ်ကြောင်း ညွှန်းဆိုခြင်းဖြစ်သည်။

ယနေ့လူငယ်များ မူးယစ်ဆေးဝါးသုံးစွဲခြင်း အကြောင်းအရာများကို လေ့လာကြည့်သည့်အခါ စူးစမ်းလိုခြင်း၊ စမ်းသပ်လိုခြင်း၊ မူးယစ်ဆေးစွဲသူ အပေါင်းအသင်းဆန္ဒကို မလွန်ဆန်နိုင်ခြင်း၊ ဆွဲဆောင်မှုကြောင့် သုံးစွဲခြင်း၊ အထင်ကြီးအားကျမိခြင်း၊ အသိုက်အဝန်းမှ ခွဲထုတ်ရန် ခက်ခဲခြင်း၊ မူးယစ်ဆေးဝါးအန္တရာယ် အကြောင်း ဗဟုသုတနည်းပါးခြင်း၊ စိတ်ပိုင်းဆိုင်ရာ၊ ရုပ်ပိုင်းဆိုင်ရာ ရောဂါတစ်ခုခုကြောင့် ဆေးအဖြစ်စရာမှ ဆက်လက်သုံးစွဲခြင်း၊ ပင်ကိုဗီဇညံ့ဖျင်းသည့် ကိုယ်ရည်ကိုယ်သွေးကြောင့် သုံးစွဲခြင်း၊ လူမှုရေးပြဿနာ တစ်ခုခုကြောင့် သုံးစွဲရခြင်း၊ မိသားစုအတွင်း ဆက်ဆံရေးမပြေလည်ခြင်း၊ ကျောင်းသားဘဝတွင် စိတ်လေလွင့်၍ အပေါင်းအသင်း ဆွဲဆောင်မှုကြောင့် ဆေးသုံးစွဲခြင်းတို့ဖြစ်သည်။

မူးယစ်ဆေးဝါးစွဲလမ်းခြင်းကို စနစ်တကျဆေးဝါးကုသမှု ခံယူပါက ပကတိလူကောင်းပြန်ဖြစ်နိုင်သည်။ ဆေးဝါးကုသခြင်းတွင် ဆေးဆိပ်ဖြေ ကုသပေးခြင်းနှင့် မက်သာဒုန်းဆေးရည် အစားထိုး ကုသပေးခြင်း၊ နောက်ဆက်တွဲ ကြီးကြပ်ကွပ်ကဲမှုပေးခြင်း၊ အသိုက်အဝန်းတွင် အဆင်ပြေပြေ နေထိုင်တတ်အောင် လေ့ကျင့်ပေးခြင်း၊ ကောင်းသောအပြုအမူများ ဆက်လက်ကျင့်ကြံအောင် မိသားစုနှင့်တွေ့ခွင့်ပေး၍ကုသခြင်း၊ နှစ်သိမ့် ဆွေးနွေးပညာပေးခြင်း၊ှုံ HIV ရောဂါပိုးရှိ၊ မရှိသွေးဖောက် စစ်ဆေးပေးခြင်း၊ ရောဂါပိုးရှိသူများ၏ စိတ်ပိုင်းဆိုင်ရာ တုံ့ပြန်ချက်များကို ကုသပေးခြင်း၊ ခန္ဓာကိုယ် ကျန်းမာစေရန်နှင့် စိတ်ကျန်းမာ ကြံ့ခိုင်လာစေရန် ပြုစုကုသပေးခြင်းတို့ ပါဝင်သည်။

မြန်မာနိုင်ငံသည် ၁၉၄၈ ခုနှစ် ဇန်နဝါရီ ၄ ရက်တွင် လွတ်လပ်ရေး ရပြီးနောက် နိုင်ငံတော်အတွင်း ဘိန်းစား၊ ဘိန်းရှူခြင်းများကို ငါးနှစ်အတွင်း အပြီးတိုင်ရှင်းလင်းရေး ဆောင်ရွက်ခဲ့သည်။ ထို့ပြင် ၁၉၆၁ ခုနှစ် ကုလသမဂ္ဂ မူးယစ်ဆေးဝါးဆိုင်ရာ ကွန်ဗင်းရှင်း၊ ၁၉၇၁ ခုနှစ် စိတ်ကိုပြောင်းလဲစေသော ဆေးဝါးများဆိုင်ရာ ကွန်ဗင်းရှင်းနှင့် ၁၉၈၈ ခုနှစ် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများ တရားမဝင် သယ်ဆောင်/ ရောင်းဝယ်မှု တိုက်ဖျက်ရေးဆိုင်ရာ ကွန်ဗင်းရှင်းများတွင် အဖွဲ့ဝင်အဖြစ် သဘောတူလက်မှတ် ရေးထိုးခဲ့သည်။ နိုင်ငံတကာ ကွန်ဗင်းရှင်းများနှင့် အညီ ၁၉၇၄ ခုနှစ်တွင် မူးယစ်ထုံထိုင်း ဘေးဖြစ်စေတတ်သော ဆေးဝါးများ ဥပဒေ၊ ၁၉၉၃ ခုနှစ်တွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေ၊ ၁၉၉၅ ခုနှစ်တွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ နည်းဥပဒေများ ပြဋ္ဌာန်းခဲ့သည်။

၁၉၉၈ ခုနှစ်တွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများ ချက်လုပ်ရာတွင် အသုံးပြုသော ဓာတုဗေဒပစ္စည်းများ ကြီးကြပ်ရေးကော်မတီကို ဖွဲ့စည်းခြင်း၊ ၂ဝဝ၂ ခုနှစ်တွင် တရားမဝင်သော နည်းလမ်းဖြင့် ရရှိသောငွေကြေးနှင့် ပစ္စည်းများဆိုင်ရာ ဥပဒေကိုပြဋ္ဌာန်းခြင်း၊ ၂ဝဝ၄ ခုနှစ်တွင် ထိန်းချုပ်ဓာတုပစ္စည်း ကြီးကြပ်ရေးဆိုင်ရာ နည်းဥပဒေပြဋ္ဌာန်းခြင်းတို့ကို ဆောင်ရွက်ခဲ့သည်။

မူးယစ်ဆေးဝါးပပျောက်ရေး လုပ်ငန်းများကို ထိရောက်စွာ အကောင်အထည်ဖော်ရန် ၁၉၇၆ ခုနှစ်တွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများ အန္တရာယ်တားဆီး ကာကွယ်ရေး ဗဟိုအဖွဲ့ကို ဖွဲ့စည်းဆောင်ရွက်ခဲ့သည်။ မူးယစ်ဆေးဝါး ပပျောက်ရေးအတွက် ဘက်ပေါင်းစုံမှ ဆောင်ရွက်နိုင်ရန် တားဆီးနှိမ်နင်းရေးနှင့် စီမံခန့်ခွဲရေးအဖွဲ့၊ အစားထိုးဖွံ့ဖြိုးမှု အကောင် အထည်ဖော်ရေးအဖွဲ့၊ သီးနှံများအစားထိုး စိုက်ပျိုးရေးအဖွဲ့၊ မွေးမြူရေးအဖွဲ့၊ ဆေးကုသရေးအဖွဲ့၊ ပြန်လည်ထူထောင်ရေးအဖွဲ့၊ ကျောင်းသားလူငယ်များအား အသိပညာပေးရေး အဖွဲ့၊  ပြည်သူများအား ပညာပေး လှုံ့ဆော်ရေးအဖွဲ့၊ နိုင်ငံတကာ ဆက်ဆံရေးအဖွဲ့နှင့် ထိန်းချုပ်ဓာတုပစ္စည်းများ ကြီးကြပ်ရေးအဖွဲ့တို့ကို ဖွဲ့စည်း ဆောင်ရွက်လျက်ရှိသည်။

မူးယစ်ဆေးဝါးပပျောက်ရေး မဟာဗျူဟာနှစ်ရပ်ဖြစ်သော ''မူးယစ်ဆေးဝါး ပပျောက်ရေးကို အမျိုးသားရေး တာဝန်အဖြစ်သတ်မှတ်ပြီး ဘက်ပေါင်းစုံမှ တိုက်ဖျက်ချေမှုန်းရေး''နှင့် ''နယ်စပ်ဒေသနှင့် တိုင်းရင်းသား လူမျိုးများ၏ လူမှုဘဝဖွံ့ဖြိုး တိုးတက်ရေးနှင့် ဘိန်းစိုက်ပျိုးမှု လုံးဝချုပ်ငြိမ်းပပျောက်ရေး''တို့ကို ချမှတ်ထားသည်။

ထို့ပြင် နည်းဗျူဟာသုံးရပ်အဖြစ် ထုတ်လုပ်မှု ပပျောက်ရေး၊ သုံးစွဲမှုပပျောက်ရေးနှင့် တားဆီးနှိမ်နင်းရေးအတွက် ၁၉၉၉-၂ဝဝဝ ပြည့်နှစ်မှ ၂ဝ၁၃-၂ဝ၁၄ ခုနှစ်အထိ ၁၅ နှစ်စီမံကိန်းကို ရှမ်း၊ ကချင်၊ ကယား၊ ချင်းပြည်နယ်တို့ရှိ မြို့နယ်ပေါင်း ၅၁ မြို့နယ်တွင် ဆောင်ရွက်နိုင်ခဲ့သည်။ ဘိန်းစိုက်ပျိုးမှု ပြန်လည်မြင့်တက်လာခြင်း၊ စိတ်ကြွဆေးဝါး သုံးစွဲမှုပြဿနာများစွာ   လူငယ်ထုအတွင်း ပိုမိုပျံ့နှံ့လာခြင်းနှင့် အခြားစိတ်ကြွဆေးဝါးများ အသစ် ထွက်ပေါ်လာခြင်းတို့ကြောင့် ၂ဝ၁၄-၂ဝ၁၅ ခုနှစ်မှ ၂ဝ၁၈-၂ဝ၁၉ ခုနှစ်ထိ မူးယစ်ဆေးဝါး ပပျောက်ရေး ငါးနှစ်စီမံကိန်းကို ဆက်လက် ဆောင်ရွက်လျက် ရှိသည်။

ယခုအခါ မူးယစ်ဆေးဝါး ပပျောက်ရေးလုပ်ငန်းများကို အရှိန်အဟုန်ဖြင့် ဆောင်ရွက်လျက်ရှိရာ ကျပ်သန်းပေါင်းများစွာ တန်ဖိုးရှိသော  မူးယစ်ဆေးဝါးများကို ဖမ်းဆီးရမိခြင်း၊ သိမ်းဆည်းရမိခြင်း သတင်းများသည် အမှန်တကယ်တော့ လူသားတို့၏ အသက်ပေါင်းများစွာ ကယ်တင်လိုက်ခြင်း ဖြစ်ပါကြောင်း ရေးသား တင်ပြလိုက်ရပေသည်။ 

Read 76 times Last modified on Sunday, 13 May 2018 09:54