SJ WorldNews - шаблон joomla Авто

မှတ်သားဖွယ်ရာ ဆော့ခရတ္တိ၏ ဘဝသင်ခန်းစာ

Sunday, 10 June 2018 10:28 font size decrease font size decrease font size increase font size increase font size

အေသင်မြို့ပြနိုင်ငံသား အတွေးအခေါ်ပညာရှင် ဆော့ခရတ္တိ၏ ဖခင်သည် ကျောက်တုံးအပေါ်ယံလွှာများကိုထုဆစ်၍ လှပသော ကြိုးကြာရုပ်တုများကို ပုံဖော်ခဲ့သူဖြစ်သည်။ ကျောက်ဆစ်ဆရာ၏သား ဆော့ခရတ္တိကမူ အေသင်မြို့ပြနိုင်ငံသားများ၏ နှလုံးသားထက်တွင် စွဲကပ်နေသော မသိမှုအဝိဇ္ဇာ၊ ဟန်ဆောင်လှည့်စားမှု အတုအယောင်နှင့် လွန်ကဲသော အတ္တများကို တစ်စစီပဲ့ထွက်၍ အလွှာလိုက်ကွာကျ ပျံ့လွင့်သွားအောင် ထုဆစ်ခဲ့သူဖြစ်သည်။
ဆော့ခရတ္တိ၏အသက် ၄ဝ အရွယ်အထိ ပရီကလိမင်းအုပ်စိုးသည့် အေသင်မြို့ပြနိုင်ငံ ရွှေထီးဆောင်းသော ခေတ်ကို ဖြတ်သန်းခဲ့ရသည်။ ထိုအချိန်က အေသင်မြို့ပြနိုင်ငံတွင် ခေါမဒီမိုကရေစီထွန်းကားလျက် ဗိသုကာ၊ ပန်းတမော့နှင့် စာပေပညာဖွံ့ဖြိုးမှုတို့ကြောင့် အတွေးအခေါ် ပွင့်လန်းလာသော ခေတ်ဖြစ်သဖြင့် အေသင်မြို့ပြ နိုင်ငံသားဖြစ်ရသည်ကိုပင် ဂုဏ်ယူကြသောခေတ်ဖြစ်သည်။ ဆော့ခရတ္တိသည် ဆာမိုစစ်ပွဲနှင့် ပေါတိဒိစစ်ပွဲတို့တွင် ကိုယ်တိုင်ပါဝင် ဆင်နွှဲခဲ့ဖူးပြီး အသက် ၄ဝ မှ အသက် ၆ဝ ကျော်အတွင်း၌ ခေါမအချင်းချင်း တိုက်ခိုက်ကြသော ပဲလပါနီဆစစ်ပွဲကာလနှင့် အေသင်စပါတာအုပ်စု စစ်ပွဲကာလတို့ကို ဖြတ်သန်းခဲ့ရပြန်သည်။ အေသင်စပါတာအုပ်စု စစ်ပွဲများဖြစ်ပွားနေချိန်တွင် အေသင်မြို့ပြနိုင်ငံ့ ခေါင်းဆောင်များ အကျင့်ဖောက်ပြန်ခဲ့ကြပြီး ရောဂန္တရကပ်ကြီး ကျရောက်သဖြင့် ပရီကလိမင်းနှင့်တကွ တိုင်းသူပြည်သား အများအပြား သေကျေပျက်စီးကြသည်။ နောက်ထပ် ဖန်တီးလာသော အာဏာလုပွဲများနှင့် စစ်ပွဲများကြောင့် သတ္ထန္တရကပ်ကို ကြုံတွေ့ကြရသော အခါ တစ်ချိန်က ရွှေထီးဆောင်းခဲ့ကြသော အေသင်မြို့ပြနိုင်ငံသားတို့သည် စပါတို့ထံ ဒူးထောက်လက်မြှောက် ကြသူများဘဝ ကျရောက်သွားသည်။ ဆော့ခရတ္တိ၏ဘဝ တတိယကာလမှာ မင်းသုံးဆယ်အုပ်ချုပ်ရေး အဖွဲ့နှင့် ဒီမိုကရေစီစနစ်တို့ အားပြိုင်ကြသောခေတ် ကို ဖြတ်သန်းရှင်သန်ခဲ့ရသည်။
ဆော့ခရတ္တိသည် အေသင်မြို့ပြနိုင်ငံသားတို့၏ နှလုံးသားကိုထုဆစ်ရာ၌ လူတို့မသိသော အကြောင်းအရာကို မသိပါဟု ကိုယ်တိုင်ဝန်ခံသော စိတ်ဓာတ်ကိန်းအောင်း၍ လိမ်ညာလှည့်ဖြားမှုများ ကျေပျက်သွားစေပြီး အသိပညာကို မြတ်နိုးတန်ဖိုးထားတတ်အောင်   လမ်းပြဆောင်ခဲ့သူဖြစ်သည်။   တစ်လမ်းဝင်တစ်လမ်းထွက်နှင့် လူစည်ကားသောဈေးတံခါးဝ၊ အားကစားရုံ၊ ပန်းခြံ၊ သစ်ပင်အောက်၊ မြက်ခင်းပြင်ပေါ် စသည်မကျန် အေသင်မြို့ပြနိုင်ငံ တစ်ဝန်းတွင် အဝိဇ္ဇာအမှောင်ခွင်းရန်   ဆော့ခရတ္တိကြိုးပမ်း အားထုတ်ခဲ့သည်။   ဆော့ခရတ္တိ ကြိုးပမ်းအားထုတ်မှုကြောင့် အေသင်သားတို့၏ ဆင်ခြင်စဉ်းစားဉာဏ်နှင့် နှလုံးသားတို့၏ ပင်ကိုစိတ်ခံ အရောင်များ ပွင့်လန်းလာကြသဖြင့် အလိုက်သင့်ရေစုန်မျောပါမှုတို့ဖြင့် ထုံထိုင်းနေသော အေသင်သားတို့ နိုးထလာကြသည်။
အေသင်မြို့ပြနိုင်ငံသားတို့၏ ဉာဏ်မျက်စိကိုဖွင့်ပေးလိုက်သော ဆော့ခရတ္တိအား အေသင်အာဏာပိုင်အဖွဲ့က လူငယ်လူရွယ်များကို လမ်းမှားသို့လိုက်စေသူ၊ နုပျိုသူများအား ဖျက်ဆီးသူ၊ နတ်ဒေဝတာအသစ်များကို ဖန်တီးသူဟူ၍ စွဲချက်တင်လိုက်ကြသည်။ ဆော့ခရတ္တိကို စွဲချက်တင်သူများမှာ နိုင်ငံရေးသမားများနှင့် လက်မှုပညာသည်များအား ကိုယ်စားပြုသည်ဟုဆိုသော အနိုင်စာ၊ ပြဇာတ်ဆရာနှင့် စာဆိုကဝိတို့အား ကိုယ်စားပြုသည် ဟုဆိုသော မီလိတ၊ ဝစနာလင်္ကာရ အဟောအပြော ဆိုဖီဆရာတို့အား ကိုယ်စားပြုသည်ဟု ဆိုသော လိုကုန္ဓာတို့သုံးဦးဖြစ်သည်။  ဤစွဲချက်များအတွက် ဆော့ခရတ္တိကိုယ်တိုင် အေသင်တရားရုံးတော်၌ ခုခံလျှောက်လဲချက် တင်ခဲ့ရာ အမှန်တရားတို့ဖြင့် ထုံမွမ်းထားသော လျှောက်လဲချက်ကို အေသင်အာဏာပိုင် တို့ချောက်ချားသောနားများဖြင့် ကြားနာခဲ့ရသည်။  နောက်ဆုံးတွင် ပလေတို၊ ခရိတော်၊  ခရီတော်ဗလနှင့် အပေါ်လိုဒေါရတို့က မီနေဒင်္ဂါး ၃ဝ ကို အာမခံထား၍ ငွေဒဏ်ဆောင်မည်ဟု ဆော့ခရတ္တိ၏ တပည့်များကဆိုလာကြသည်။
ဤအဆိုကြောင့် အေသင်အာဏာပိုင်အဖွဲ့တွင်ပါဝင်သော ခုံရုံးသူကြီး ၅ဝဝ တို့က ဆော့ခရတ္တိအတွက်ပြစ်ဒဏ်သည် ငွေဒဏ်လား၊ သေဒဏ်လားကို မဲခွဲကြရာ တရားလိုဘက်က မဲ ၂၈ဝ၊ တရားခံဘက်က မဲ ၂၂ဝ ရသည်။ ဆန္ဒ၊ ဒေါသ၊ ဘယာ၊ မောဟတည်းဟူသော အဂတိတရားလေးပါးတို့ဖြင့် ကပ်ငြိနေသော သဘာပတိအနေဖြင့်လည်း မည်သို့မျှမတတ်နိုင်တော့သည့် အဆုံး ဆော့ခရတ္တိအတွက် စီရင်ချက်မှာ ဟင်မလောက်အဆိပ်ခွက်ကို သောက်၍ သေစေဟူသောပြစ်ဒဏ်ဖြစ်သည်။ အဝိဇ္ဇာနှင့်အတုအယောင် လှည့်စားမှုတို့ကို တစ်သက်လုံးဖွင့်ချတိုက်ထုတ်၍ အမှန်တရားနှင့်ဓမ္မကို ဖွင့်ဟမြွက်ဆိုခဲ့သော ဆော့ခရတ္တိ၏ နှုတ်ခမ်းတို့သည် ရုံးတော်၏စီရင်ချက်ကို ရဲရဲရင့်ရင့် ကြည်ကြည်ဖြူဖြူ ခံယူခဲ့ပါသည်။ ဆော့ခရတ္တိ၏ နောက်ဆုံးစကားမှာ ''မိတ်ဆွေတို့ ဆော့ခရတ္တိဆိုတဲ့ လူတစ်ယောက်ရဲ့ရုပ်ခန္ဓာကိုယ်ကြီးကိုသာ မီးသင်္ဂြိုဟ်မြေမြှုပ်ခြင်း ဖြစ်တယ်။ ဆော့ခရတ္တိကို မီးသင်္ဂြိုဟ်မြေမြှုပ်ခြင်း မဟုတ်ကြောင်း နားလည်။ ဒါဖြင့် ဆော့ခရတ္တိကကောလို့ မေးရင် သုဂတိဘုံသို့သွားပြီလို့ ပြောရန်'' တပည့်နှင့်မိတ်သင်္ဂဟများကို မှာထားခဲ့သည်။
ခေါမဒီမိုကရေစီခေတ်မှ ယနေ့ ၂၁ ရာစုဒီမိုကရေစီခေတ်သို့ ရောက်သည့်တိုင်အောင် ဆော့ခရတ္တိ၏ ကြိုးပမ်းအားထုတ်မှုဖြစ်သော   နိုင်ငံသားတို့အား   အဝိဇ္ဇာမှောင်ခွင်း၍   အလင်းဖွင့်ပေးရမည့် တာဝန်သည် ယနေ့ခေတ် ကို ဦးဆောင်ဖန်တီးနေကြသူများ၏ တာဝန်ဖြစ်သည်။ ဆော့ခရတ္တိ၏ အဆိုတစ်ခုမှာ ယခင်ထုတ်ပြန်ထားသော ဥပဒေကို မပယ်ဖျက်သေးလျှင် သို့တည်းမဟုတ် ထိုဥပဒေထက် ကောင်းမွန်ပြည့်စုံသော ဥပဒေဖြင့် အစားမထိုးနိုင်သေးလျှင် ယခင်ထုတ်ပြန်ထားသော ဥပဒေကို လိုက်နာစောင့်ထိန်းရန် နိုင်ငံသားတိုင်းတွင် တာဝန်ရှိသည်ဟူ၍ မှတ်သားရဖူးကြောင်း အလျဉ်းသင့်၍ တင်ပြလိုက်ရပါသည်။  
Read 1541 times Last modified on Sunday, 10 June 2018 10:30