SJ WorldNews - шаблон joomla Авто

လောဘမတက်တရားဖက်၍ ခရီးဆက်

Tuesday, 12 June 2018 08:34 font size decrease font size decrease font size increase font size increase font size

တိုတောင်းသောလူ့ဘဝသက်တမ်းအတွင်း ခဏတာအသုံးပြုရန် ပစ္စည်းဥစ္စာများကို နည်းအမျိုးမျိုးဖြင့် ရှာမှီးသိမ်းဆည်းကြပါသော်လည်း လူတို့၏ခန္ဓာကိုယ်သည် လည်းကောင်း၊ ပစ္စည်းဥစ္စာသည် လည်းကောင်း ခဏသာတည်၍ ကွဲကွာရပေလိမ့်မည်။ မသေမီကာလမှာလည်း မိမိရှာဖွေစုဆောင်းထားသော ပစ္စည်းဥစ္စာများကို ရန်သူမျိုးငါးပါး ဖျက်ဆီးခံရခြင်းကြောင့် ဆုံးရှုံးလျှင်လည်း   ပင်ပန်းဆင်းရဲရသည်။ ဤသည်ကိုရည်ညွှန်း၍ တံစိုးလက်ဆောင်ရယူခြင်း  အဂတိလိုက်စားမှုကိုရှောင်ကြဉ်ကြရန် ''လက်ဆောင်တံစိုး၊ ကြွယ်ဖြိုးအနက်၊ ဆည်းဝင်ပက်လျှင်၊ တစ်သက်လျာစဉ်၊ ဝိညာဉ်ဖြုတ်ဖြုတ်၊ လနှယ်ဆုတ်၍၊ လေသုတ်မီးခဲ၊ တောက်စစဲသို့၊ ဖောက်လှဲဖိတ်ယို၊ ကြမ္မာတိုမူ'' ဟူ၍  ရှင်မဟာသီလဝံသ စပ်ဆိုတော်မူသော ပါရမီတော်ခန်းပျို့၌ မှတ်သားရသည်။

အဂတိလိုက်စားမှုတိုက်ဖျက်ရေး ကော်မရှင်၏ သတင်းစာရှင်းလင်းပွဲကို ဇွန် ၉ ရက် နံနက် ၁ဝ နာရီတွင် နေပြည်တော်ရှိ အဆိုပါကော်မရှင်ရုံး၌ ကျင်းပရာ ကော်မရှင်ဥက္ကဋ္ဌက ကော်မရှင်၏ မူဝါဒပိုင်းဆိုင်ရာ သဘောထားနှင့် ရှေ့ဆက်လက် လုပ်ဆောင်သွားမည့်    လုပ်ငန်းအစီအစဉ်များကို ပြောကြားစဉ် တံစိုးလက်ဆောင်ဆိုသည့် စကားရပ်ကို အဓိပ္ပာယ်ဖွင့်ဆို ရှင်းလင်းပြောကြားသည်။ ကော်မရှင်ဥက္ကဋ္ဌက ''တည်ဆဲဥပဒေ၌ အရေးကြီးသည့် စကားလုံးတစ်ခုမှာ တံစိုးလက်ဆောင် ဆိုသည့်စကားဖြစ်ကြောင်း၊ တံစိုးလက်ဆောင်ဆိုရာတွင် ငွေကြေး၊ လက်ဆောင်ပစ္စည်းသာမက ဝန်ဆောင်မှုပေးခြင်းနှင့် ဧည့်ခံပြုစုမှုခံယူခြင်း တို့ကို ထိုက်သင့်သည့် အဖိုးစားနားမပေးဘဲ လက်ခံခြင်းတို့ပါဝင်ကြောင်း၊ ယင်းအချက်ကို လုပ်ပိုင်ခွင့်အာဏာရှိသူများ သိထားသင့်သည့်အပြင် အဂတိလိုက်စားမှုသည် အဆိုပါတံစိုးလက်ဆောင်ကို လက်ခံခြင်းသာမက ပေးခြင်းလည်း ပါဝင်သည်ဖြစ်သောကြောင့် စီးပွားရေးလုပ်ငန်းရှင်များ အနေဖြင့် တံစိုးလက်ဆောင်ပေးခြင်းကိုလည်း သတိပြုရှောင်ကြဉ်သင့်သည်ဟု မိမိအနေဖြင့် အကြံပြုပြောကြားလိုကြောင်း'' အလေးအနက်ပြောကြားသည်။

အဂတိလိုက်စားမှုတိုက်ဖျက်ရေး ဥပဒေတွင်ပါဝင်သော  တံစိုးလက်ဆောင် ဆိုသည့်စကားကို အဓိပ္ပာယ် ဖွင့်ဆိုထားသည့်အတိုင်း သက်ဆိုင်သူတို့က လိုက်နာကြမည်ဆိုလျှင် One Table မပေးလျှင်နွမ်းနေရမည့် အခြေအနေမျိုးကို ပြည်သူတို့ကြုံတွေ့ရတော့မည် မဟုတ်ပေ။ ရပ်ကွက်ထဲက ပြည်သူများ ပြောစကားအရ ပုဒ်မ-၄၊ ပေးမလုပ်ဆိုသော စကားသံကိုလည်း ကြားရတော့မည်မဟုတ်ပေ။ နိုင်ငံတော်အစိုးရရုံး၊ ဌာနကြီးများတွင် e-government စနစ်ကိုထိရောက်စွာ အသုံးပြု၍ ပြည်သူ့ဝန်ဆောင်မှုပေးခြင်း၊ မြို့နယ်အဆင့်များ တွင် ရုံး/ဌာနများကို တစ်နေရာတည်း စုဝေးထားပြီး One Stop Service ဖြင့် ပြည်သူ့ဝန်ဆောင်မှုပေးခြင်း တို့သည် ပြည်သူများအတွက် ဝန်ထုပ်ဝန်ပိုး လျော့နည်းစေသော စနစ်များဖြစ်သဖြင့် ထိရောက်သော အနေအထားရောက်အောင် ဖန်တီး တည်ဆောက်ကြရမည်ဖြစ်သည်။ထိရောက်သော နည်းပညာများ တပ်ဆင်ရန် လိုသကဲ့သို့ နည်းပညာကျွမ်းကျင်၍ တာဝန်ထမ်းဆောင်ရာတွင် စိတ်စေတနာကောင်း ထားတတ်သော ဝန်ထမ်းများဖြစ်အောင် လေ့ကျင့်သင်ကြား ပေးရမည်ဖြစ်သည်။ လောကသဘာဝ ယခုမိဘတို့သည် တစ်ချိန်က သားသမီးဖြစ်ကြသည်။ ယနေ့အဟောင်းတို့သည် တစ်ချိန်က အသစ်များဖြစ်သည်။ ယနေ့ဆရာတို့သည် တစ်ချိန်က တပည့်များဖြစ်ကြသည်။ ဤသည်တို့မှာ မဖောက်မပြန်မှန်ကန်သော   ပရမတ္ထသစ္စာတရားများ ဖြစ်သဖြင့်တပည့်မကောင်းဆရာ့ခေါင်းမဖြစ်စေရန် ကြီးကြပ် ကွပ်ကဲမှုရှိအောင် အမြဲသတိပြုကြရပေမည်။

သက်ရှိသတ္တဝါတို့၏ စိတ်အစဉ်တွင်   မသမာသောနည်းဖြင့် ဝမ်းရေးဖြေရှင်းနည်းကို မည်သည့်အချိန်က အစပြုကြောင်းကြားဖူးသမျှဆိုရသော် ဂေါတမမြတ်စွာဘုရားလောင်း   မဟော်သဓာဇာတ်တော်ကြီးမှ မေဏ္ဍပညာခန်းကို ရည်ညွှန်းလိုသည်။ ဤဇာတ်တော်ကြီးတွင် ဝိဒေဟရာဇ်မင်းကြီး၏ နန်းတွင်းမှ အသားမစားသော ဆိတ်တစ်ကောင်နှင့် အသားစားသော ခြေလေးချောင်း သတ္တဝါတစ်ကောင်တို့ ပူးပေါင်းကြံစည်ကြပုံကို မြန်မာပြည်သူများ သိပြီးဖြစ်သည်။ အသားမစားသောဆိတ်က စားဖိုမှူးမသိအောင် အသားကိုခိုးယူလာသည်။

အသားစားသောခြေလေးချောင်းသတ္တဝါက ဆင်ထိန်းမသိအောင် မြက်ကိုခိုးယူလာပြီး ဆိတ်နှင့်အလဲအလှယ်လုပ်ကာ တစ်နေ့စာဝမ်းရေးကိစ္စ ဖြေရှင်းလိုက်ကြသည်။ စဉ်းစားဉာဏ်ရှိသော လူတို့၏စိတ်အစဉ်မှာလည်း တံစိုးလက်ဆောင် ရယူခြင်း အပါအဝင် မသမာသောနည်းဖြင့် ဝမ်းရေးဖြေရှင်းကြရသည်မှာ ဂေါတမမြတ်စွာဘုရား မပွင့်မီကပင်ရှိခဲ့ကြောင်းကို လည်းကောင်း၊ ဂေါတမမြတ်စွာဘုရား ပွင့်တော်မူပြီး တရားရေအေးတိုက်ကျွေးစဉ် ကာလတွင်ရှိခဲ့ကြောင်းကို လည်းကောင်း တွေ့နိုင်သည်။

ဗုဒ္ဓသာသနာ ထွန်းလင်းသောမြန်မာနိုင်ငံ၌ ပဒေသရာဇ်ခေတ်တွင် တံစိုးလက်ဆောင် အပါအဝင် မသမာသောနည်းဖြင့် အသက်မွေးကြသူများအား ရာဇသတ်၊ ဓမ္မသတ်တို့ဖြင့် အရေးယူခံရသဖြင့် မင်းပြစ်မင်းဒဏ် သင့်ကြသူများရှိကြောင်း တွေ့ရသကဲ့သို့ ထိုခေတ်က ပညာရှိသူတော်ကောင်းများ လမ်းညွှန်ပြုစုခဲ့သော စာပေအထောက်အထားများတွင်လည်း တွေ့နိုင်သည်။ ပဒေသရာဇ်ခေတ်ကိုလွန်၍ ကိုလိုနီခေတ်တွင်လည်း အဂတိ လိုက်စားခဲ့ကြသည်။ လွတ်လပ်ရေးရပြီးခေတ်တွင်လည်း ထူးမခြားနားဖြစ်ကြောင်း မြန်မာနိုင်ငံ စီရင်ထုံးများတွင် တွေ့နိုင်ကြသည်။ ထို့ကြောင့် ယနေ့မြန်မာနိုင်ငံတွင် အဂတိလိုက်စားမှုသည် လွန်ခဲ့သောနှစ် ၅ဝ က အရိပ်ဟုဆိုရန် သင့်မသင့် အလေးအနက် စဉ်းစားရန် လိုသည်။

မည်သို့ဆိုကြစေကာမူ ၂ဝ၁၃ ခုနှစ် စက်တင်ဘာ ၁၇ ရက်က စတင်အာဏာတည်သော အဂတိလိုက်စားမှု တိုက်ဖျက်ရေးဥပဒေပါ ပြဋ္ဌာန်းချက်များကို ပြည်သူအများ သိရှိလိုက်နာလျက် လောဘမတက် တရားဖက်၍ ခရီးဆက်ကြလျှင် တိုင်းရင်းသားပြည်သူတို့ မျှော်မှန်းနေကြသော ရွှေပြည်တော် ခရီးပို၍နီးလာမည်ဟု မြဝတီက သုံးသပ်ရပါသည်။  

Read 1535 times Last modified on Tuesday, 12 June 2018 08:36