SJ WorldNews - шаблон joomla Авто

တောင်သူလယ်သမား ပြည့်အင်အား

Saturday, 02 March 2019 09:57 font size decrease font size decrease font size increase font size increase font size

ယနေ့ ၂ဝ၁၉ ခုနှစ် မတ် ၂ ရက်သည် တောင်သူလယ်သမားနေ့ဖြစ်သည်။ မြန်မာ နိုင်ငံသည် စိုက်ပျိုးရေးအတွက် သဘာဝကပေးသောရေခံမြေခံကောင်းနှင့် သင့်တင့်သော ရာသီဥတု၊ မျှတသောလူဦးရေတို့ တည်ရှိသောနိုင်ငံဖြစ်သည်။ နိုင်ငံတော်တွင်နေထိုင် ကြသော လူဦးရေ၏ ၇ဝ ရာခိုင်နှုန်းသည် ကျေးလက်ဒေသ၌နေထိုင်၍ လယ်ယာစိုက်ပျိုး ရေးနှင့်ဆက်နွှယ်သောလုပ်ငန်းဖြင့် အသက်မွေးဝမ်းကျောင်းပြုနေကြသူများဖြစ်သည်။

နိုင်ငံတော်၏ ပြည်တွင်းထုတ်ကုန်စုစုပေါင်းတန်ဖိုး (GDP) ၏ ၃ဝ ရာခိုင်နှုန်းခန့်ကို လယ်ယာကဏ္ဍမှ ထုတ်လုပ်ပေးခြင်း ဖြစ်သည်။

နိုင်ငံတော်တွင် လူဦးရေတိုးပွားလာသည်နှင့်အမျှ စားနပ်ရိက္ခာ ထုတ်လုပ်မှုကိုလည်း တိုးတက်ထုတ်လုပ်ရမည်ဖြစ်သဖြင့် တောင်သူလယ်သမားတို့၏ အခန်းကဏ္ဍသည် အရေး ပါလျက်ရှိသည်။ ကမ္ဘာ့လူဦးရေသည်ယနေ့အချိန်တွင် သန်းပေါင်း ၇ဝဝဝ ကျော်ရှိရာမှ နောင်လာမည့် ၂ဝ၅ဝ ပြည့်နှစ်တွင် သန်းပေါင်း ၉ဝဝဝ ရှိလာမည်ဖြစ်ကြောင်း ခန့်မှန်း ထားသဖြင့် ပြည်တွင်းစားသုံးမှုမှပိုလျှံသောရိက္ခာကို ပြည်ပသို့တင်ပို့နိုင်ရန်မျှော်မှန်း၍ စိုက်ပျိုးရေး ကုန်ထုတ်လုပ်ငန်းများတိုးမြှင့်ရေးကို အရှိန်အဟုန်တိုးမြှင့်ဆောင်ရွက်ကြရ မည်ဖြစ်သည်။ တစ်ချိန်မှာပင် တောင်သူလယ်သမားများ အပိုဝင်ငွေရရှိရေးအတွက် မွေးမြူ ရေးလုပ်ငန်းတွဲဖက် လုပ်ကိုင်နိုင်ရန် နိုင်ငံတော်အစိုးရက အားပေးဆောင်ရွက်လျက်ရှိသည်။

တောင်သူလယ်သမားများအနေဖြင့် သမားရိုးကျစိုက်ပျိုးရေးစနစ်မှ ခေတ်မီသိပ္ပံ နည်းကျစိုက်ပျိုးရေးစနစ်ဖြင့် တစ်နှစ်လျှင်နှစ်သီးစား၊ သုံးသီးစားစိုက်ပျိုးထုတ်လုပ်နိုင် ရန် နိုင်ငံတော် အစိုးရက ဆောင်ရွက်ပေးနေသည်နှင့် တစ်ပြိုင်တည်းမှာပင် ရာသီဥတုဒဏ် ခံနိုင်သော အထွက်တိုး မျိုးကောင်းမျိုးသန့် သီးနှံများ စိုက်ပျိုးထုတ်လုပ်နိုင်ရေး၊ သွင်းအားစု များအသုံးပြုနိုင်ရေး၊ ဈေးကွက်ရရှိရေး တို့ကို ဆောင်ရွက်ပေးလျက်ရှိသည်။ စိုက်ပျိုး စရိတ်နှင့် ရိတ်သိမ်းစရိတ်ကိုပါ သက်သာသော အတိုးနှုန်းဖြင့် ထုတ်ချေးပေးလျက်ရှိပြီး နိုင်ငံတော်အစိုးရအနေဖြင့် တောင်သူလယ်သမား အကျိုးစီးပွား ကာကွယ်ပေးထားသည်။

လက်ရှိတွင် လယ်ယာမြေစီမံခန့်ခွဲရေးဥပဒေကို ပြဋ္ဌာန်းပေးထားပြီးဖြစ်သည့်အပြင် တောင်သူလယ်သမားများ၏ အခက်အခဲများကို ဥပဒေနှင့်အညီ ဆောင်ရွက်ပေးကြရမည့် အဖွဲ့အစည်းများကိုလည်း အဆင့်ဆင့်ဖွဲ့စည်းဆောင်ရွက်နေပြီဖြစ်သည်။ စိုက်ပျိုးမြေ တိုးချဲ့ရေးအတွက် မြေလွတ်မြေရိုင်းများကို လယ်ယာမြေအဖြစ်ဖော်ထုတ်ပြီး စိုက်ပျိုး မြေမရှိသူများအားဝေငှပေးရန် အခြေအနေပေးသော ဒေသများ၌ ဆောင်ရွက်နေကြသည်။ စိုက်ပျိုးရာသီအလိုက် သီးနှံစိုက်ပျိုးစရိတ်နှင့်ရိတ်သိမ်းစရိတ်များထုတ်ချေးပေးခြင်းဖြင့် ကုန်သည်ပွဲစားများ၏အမြတ်ထုတ်မှုမှသက်သာစေပြီး တောင်သူလယ်သမားများအနေဖြင့် ဈေးကောင်းရချိန်မှသာ သီးနှံများထုတ်ရောင်းနိုင်သည့်အခွင့်အလမ်းရရှိနေကြသည်။

တောင်သူလယ်သမားများ ဘဝဖွံ့ဖြိုး တိုးတက်ရေးအတွက် နိုင်ငံတော်အစိုးရက ဆောင်ရွက်ပေးရန် ရှိသည်များကို ဆောင်ရွက်ပေးလျက်ရှိရာ တောင်သူလယ်သမားများ အနေဖြင့် မိမိတို့ကာယ၊ ဥာဏ၊ ဝီရိယစွမ်းအားတို့ကို စိုက်ထုတ်ကြိုးပမ်းကြရမည်ဖြစ် သည်။ နိုင်ငံတော်၏ စီးပွားရေးစနစ်သည် ဈေးကွက်စီးပွားရေး စနစ်ဖြစ်သည့် အားလျော်စွာ ပြည်ပပို့ကုန်တိုးမြှင့်ရေးနှင့် ပို့ကုန်အမည်သစ်များ၊ တန်ဖိုးမြှင့်ထုတ်ကုန်များပြည်ပသို့ တင်ပို့နိုင်ရန် နိုင်ငံတော်အစိုးရ၊ ပုဂ္ဂလိကလုပ်ငန်းရှင်များနှင့် တောင်သူလယ်သမား များက ဟန်ချက်ညီကြိုးပမ်းမှုကြောင့် ယနေ့အချိန်တွင် ဆန်နှင့်ဆန်ကွဲများကို ပြည်ပသို့ ပိုမိုတင်ပို့နိုင်ပြီဖြစ်သည်။ မွေးမြူရေးလုပ်ငန်းများမှ ကျွဲ၊ နွား၊ ဆိတ်နှင့်သိုးတို့ကို သတ်မှတ် ထားသောမူဝါဒများနှင့်အညီ ပြည်ပသို့တင်ပို့နေကြပြီဖြစ်သည်။ မြန်မာနိုင်ငံ၏ပြုပြင် ပြောင်းလဲရေး အရှိန်အဟုန် တိုးမြှင့်သည့် ၂ဝ၁၁ ခုနှစ်နောက်ပိုင်း ၂ဝ၁၃ ခုနှစ် ဧပြီ ၂၂ ရက်တွင် ဥရောပသမဂ္ဂအဖွဲ့ဝင်နိုင်ငံများက မြန်မာနိုင်ငံအပေါ် ပိတ်ဆို့အရေးယူမှုများ ကို ရုပ်သိမ်းပေးခဲ့သည့်အပြင် ကုန်သွယ်မှုအထူးအခွင့်အရေး (GSP) ကိုပါ ခွင့်ပြုလိုက်ခြင်း ကြောင့် စိုက်ပျိုးရေးနှင့် မွေးမြူရေး ကုန်ထုတ်လုပ်ငန်းများအတွက် ပြည်ပသို့ တင်ပို့ရန် ဈေးကွက်ပိုမိုကျယ်ပြန့်လာပြီ ဖြစ်သည်။ နိုင်ငံတော် အစိုးရ အနေဖြင့် တောင်သူလယ်သမားများ၏ ဥာဏအသုံးချ နိုင်ရေးအတွက် အထွက်တိုး မျိုးကောင်းမျိုးသန့် ထုတ်လုပ်ရေးနည်းပညာ၊ ထုတ်ကုန်သီးနှံများ အရည်အသွေး မြှင့်တင်ရေးနည်းပညာ၊ ရိတ်သိမ်းချိန်လွန်ဆုံးရှုံးမှု လျော့နည်းရေးနည်းပညာ၊ ဓာတ်ကြွင်း အာနိသင် ကင်းစင်ရေး နည်းပညာတို့ကို ဖြန့်ဝေပေး လျက်ရှိရာ တောင်သူလယ်သမားများက အကျိုးရှိရှိအသုံးချကြသဖြင့် တိုးတက်မှုရှိနေပြီဖြစ် သည်။

တောင်သူလယ်သမားများအတွက် အကျိုးရှိစေမည့် အထွက်တိုးမျိုးကောင်းမျိုး သန့်သီးနှံများ စိုက်ပျိုးထုတ်လုပ်နိုင်ကြစေရန် နိုင်ငံတော် အစိုးရနှင့်ပုဂ္ဂလိကတို့ပူးပေါင်း ကြိုးစားနေကြရာ တောင်သူလယ်သမားတို့၏ ပူးပေါင်းပါဝင်မှုကြောင့် စီမံကိန်းများအောင်မြင် နေကြောင်း သိရသည်။

သို့ဖြစ်၍ နိုင်ငံတော်တွင် သဘာဝကပေးသောအခြေအနေကောင်းများ ရေရှည် တည်တံ့ရေးနှင့် စိုက်ပျိုးရေးကဏ္ဍမှ နိုင်ငံတော်၏ စီးပွားရေးအင်အားတောင့်တင်းအောင် ကြိုးပမ်းအားထုတ်နေကြသော တောင်သူလယ်သမားထုကြီး၏ စေတနာကို မုဒိတာပွားရင်း တောင်သူလယ်သမားနေ့ အခါသမယတွင် မြဝတီက ဂုဏ်ပြုမှတ်တမ်း တင်အပ်ပါ သည်။ ။

Read 19 times Last modified on Saturday, 02 March 2019 10:14