SJ WorldNews - шаблон joomla Авто

စက္ကန့်ခြောက်ဆယ်တစ်မိနစ်

Sunday, 03 March 2019 08:29 font size decrease font size decrease font size increase font size increase font size

ယနေ့ကာလ အရာရာတိုင်းတွင် ပြိုင်ဆိုင်မှုများလာသည်နှင့်အမျှ အရည်အသွေးရွေးချယ်မှုကလည်း အပ်သွားရာအပ်ချည်ပါ သည့်အလား တွဲလျက်ပါလာသည်။ ပြိုင်ဆိုင်မှု များမှာလည်း လူပုဂ္ဂိုလ်တစ်ဦးချင်းပြိုင်ဆိုင်မှု၊ အသင်းအဖွဲ့လိုက်ပြိုင်ဆိုင်မှု၊ လုပ်ငန်းအချင်းချင်းပြိုင်ဆိုင်မှု၊ နေရာဒေသတစ်ခုနှင့်တစ်ခုပြိုင်ဆိုင်မှုများမှ နိုင်ငံအချင်းချင်း ပြိုင်ဆိုင်မှုအထိ ကျယ်ပြန့်လျက်ရှိရာ လူပုဂ္ဂိုလ်တစ်ဦးချင်းအနေဖြင့် မိမိကိုယ်မိမိအရည် အသွေးပြည့်ဝအောင်၊ စွမ်းဆောင်ရည်ပြည့်ဝအောင် ဖြည့်ဆည်းနေကြ ရမည်ဖြစ်သည်။ စက္ကန့် ၆ဝ တစ်မိနစ်၊ မိနစ် ၆ဝ တစ်နာရီ၊ ၂၄ နာရီ တစ်ရက်ဟူသော အချိန်သတ်မှတ်ချက်စံနှုန်းကို မူလတန်းပညာသင်အရွယ်မှာပင် အလွတ်ကျက်မှတ်ခဲ့ကြရပြီး ဖြစ်သည်။ ၂၄ နာရီ တစ်ရက်အတွင်း လူတိုင်းလုပ်ဆောင်ရမည့် အချိန်ခွဲဝေမှုကိုလည်း လူမှန်းသိတတ်သည့်အရွယ်မှစ၍ သိထားကြပြီးဖြစ်သည့်အတိုင်း အိပ်ချိန်၊ အလုပ်ချိန်နှင့် အပန်းဖြေနားနေ ချိန်တို့ကို စနစ်တကျပိုင်းခြားအသုံးချသည့်အလေ့အထ ရှိ၊ မရှိ ပြန်လည် ဆန်းစစ်ကြရန်လိုသည်။ လူမှန်းသိတတ်စအရွယ်တွင် အချိန်ပိုင်းခြားအသုံးချတတ်ရန် လူကြီးများက အလေ့အကျင့်ပြုလုပ်ပေးကြသည်။ မိမိကိုယ်မိမိထိန်းကျောင်းရမည့် အရွယ်ရောက် လာသောအခါ ထိုအလေ့အကျင့်သည် အလေ့အထဖြစ်လာသည်။အသက်အရွယ်မရွေး၊ လူတန်းစားအလွှာမရွေး မွေးကတည်းကပါလာသည့် တူညီသော ပိုင်ဆိုင်မှုသည် တစ်ရက်အတွက် ၂၄ နာရီဖြစ်သည်။ အပိုအလိုမရှိ လူတိုင်းတူညီသော ပိုင်ဆိုင်မှု ၂၄ နာရီကို သုံးမျိုးပိုင်းခြားထားသည့်အနက် မည်သည့်အချိန်က အရေးအကြီးဆုံးအချိန်ဖြစ်သည်ကို စေ့ငုလိုက်သော အခါ အပန်းဖြေနားနေချိန်သည် အရေးအကြီးဆုံး အချိန်ဖြစ်သည်ဟု ပညာရှင်တို့ကထောက်ပြထားကြသည်။ ပညာရှင်တို့၏ ရှင်းလင်းချက်မှာ အိပ်ချိန်သည် ကျန်းမာရေးအတွက် ခိုင်လုံကောင်းမွန်စေမှုမှတစ်ပါး အခြားအကျိုးကျေးဇူးမရနိုင်ကြောင်း၊ အိပ်စက်ခြင်းသည် တိုးတက်ကြီးပွားရေးကိုဖြစ်စေမည့် မျိုးစေ့မပါရုံမျှမက အိပ်နေခြင်းအားဖြင့် ရုပ်ဝတ္ထုပစ္စည်းများနှင့် ကြီးပွားချမ်းသာရေး အတွေးအမြင်တို့ အလိုလိုရောက်မလာနိုင်ကြောင်း ထောက်ပြထားသည်။ အလုပ်ချိန်သည် လူတစ်ဦး၏ အတွေးအမြင်နှင့် ကြိုးစားအားထုတ်မှုတို့ကိုပေါင်းစပ်၍ လက်တွေ့အကောင်အထည်ဖော်ရသောအချိန်ဖြစ်သဖြင့် အောင်မြင် မှုနှင့်ကြီးပွားချမ်းသာရေးအတွက် မျိုးစေ့ကိုရှင်သန်ကြီးထွားအောင် ပျိုးထောင်ပြုစုရသော အချိန်ဖြစ်သည်ဟု ပညာရှင်တို့က ညွှန်ပြထားကြသည်။ လူတစ်ဦးအတွက် အောင်မြင်မှုနှင့် ကြီးပွားချမ်းသာရေး မျိုးစေ့ရှင်သန်ကြီးထွားအောင် ပျိုးထောင်ပြုစု ရသော အလုပ်ချိန်သည် အရေးအကြီးဆုံး အချိန်ဖြစ်သင့်ပါလျက် အပန်းဖြေနားနေချိန်ကို အရေးအကြီးဆုံး အချိန်အဖြစ် သတ်မှတ်ခြင်းသည် ဆန့်ကျင်ဘက်ဖြစ်နေပြီလောဟု တွေးတောစရာရှိသည်။ အလုပ်ချိန်ကို တာဝန်သိစိတ်ကနှောင်ဖွဲ့ ထားသဖြင့် တွေးလိုရာတွေးသောစိတ်လေလွင့်မှုမရှိ၊ သွားလိုရာသွားလို့မရခြင်းကြောင့် လူတစ်ဦးအတွက် အလိုအလျောက် ထိန်းကွပ်ပြီးဖြစ်သည်။ အပန်းဖြေနားနေသော အားလပ်ချိန်သည် စိတ်သွားတိုင်းကိုယ်ပါနိုင်သည့် အခွင့်အလမ်းရှိခြင်းကြောင့် လူတစ်ဦး အတွက် အကောင်းရောအဆိုးပါဖြစ်စေနိုင်သော မျိုးစေ့ပါဝင်လျက်ရှိရာ ရွေးချယ်တတ်ဖို့လိုသည်။ အပန်းဖြေ နားနေသော အားလပ်ချိန်ကိုလျှော့၍ အလုပ်ချိန်နှင့် ပေါင်းစပ်လိုက်သောအခါ ဘဝအောင်မြင်ကြီးပွားချမ်းသာရေးကို အကျိုးပြုသည်။ အလုပ်အပေါ် စိတ်အားထက်သန်မှုရှိခြင်းသည်ပင် ထိုသူအတွက် အပန်းပြေစေသော အနားယူမှုဖြစ်စေကြောင်း ဘဝအောင်မြင်ကြီးပွား ချမ်းသာရေးကို လက်တွေ့ရရှိထားသူ၏ အတွေ့အကြုံကို ဖော်ပြထားကြသည်။ အလုပ်ချိန်နှင့် အပန်းဖြေနားနေသောအချိန်ကို ပေါင်းစပ်အသုံးချခြင်းသည် ဘဝအောင်မြင်ကြီးပွားချမ်းသာရေးအတွက် ရွှေလမ်းငွေလမ်း ဖောက်ခြင်းဖြစ်ကြောင်း ပြည်တွင်း၊ ပြည်ပ၌ အလုပ်လုပ်ရင်းပညာသင်၊ ပညာသင်ရင်း အလုပ်လုပ်နေကြသူများကို ကြည့်ခြင်းဖြင့် လက်တွေ့သိမြင်နိုင်ကြသည်။ အပန်းဖြေနားနေသော အားလပ်ချိန်ကို ရှိသင့်သည်ထက်ပို၍ ခွဲဝေအသုံးချခြင်း၊ အိပ်ချိန်နှင့် အားလပ်ချိန်ကို ပေါင်းစပ်ခြင်းသည် အကျိုးမရှိသကဲ့သို့ စိတ်အလိုလိုက်မိလျှင်လည်း အကျိုးမရှိရုံမျှမက အကျိုးယုတ်စေနိုင် သည်။ စိတ်အလိုလိုက်၍ သွားလိုရာသွားမည်၊ ပြုလိုရာပြုမည်ဆိုလျှင် ကိုယ်ခန္ဓာကျန်းမာရေးကိုပျက်ယွင်းစေတတ်ခြင်းနှင့် စိတ်မကြည်လင်မှုတို့ကြောင့် အလုပ်ချိန်တွင် လုပ်ဆောင်ရမည့်အင်အားနှင့် ကျွမ်းကျင်မှု ယုတ်လျော့စေခြင်းတို့အပြင် ငွေကြေးဖြုန်းတီးမှုကိုပါ ဖြစ်စေနိုင်သဖြင့် မည်သည့်အရာကိုမဆို အလွန်အကျွံမဖြစ်အောင် သတိဆောင်ကြရမည်ဖြစ်သည်။ ယှဉ်ပြိုင်မှုများလာသော ယနေ့ကာလတွင် စက္ကန့်ဟူသောအချိန်က အဆုံးအဖြတ် ပေးကြောင်း သာဓကအဖြစ် ဖေဖော်ဝါရီ ၂၇ ရက်က နေပြည်တော်၌ကျင်းပသည့် (၆၄)ကြိမ်မြောက် အမျိုးသားတံခွန်စိုက်(ဝန်ကြီးဌာနပေါင်းစုံ)ပြေးခုန်ပစ်ပြိုင်ပွဲ တတိယနေ့ ပွဲစဉ်များမှ အမျိုးသားမီတာ ၁ဝဝဝဝ ပြိုင်ပွဲတွင် ဆုရရှိကြသည့် စံချိန်များမှာ ပထမဆုရသူသည် ၃၃ မိနစ် ၃၂ ဒသမ ၆၆ စက္ကန့်၊ ဒုတိယဆုရသူသည် ၃၃ မိနစ် ၃၅ ဒသမ ၁၃ စက္ကန့်၊ တတိယဆုရသူသည် ၃၃ မိနစ် ၃၇ ဒသမ ၂၂ စက္ကန့် အသီးသီးရရှိကြရာ ပထမ၊ ဒုတိယ၊ တတိယဆုရသူတို့ တစ်ဦးနှင့်တစ်ဦးကွာခြားချက်သည် ၃ စက္ကန့်နှင့် ၂ စက္ကန့်သာရှိကြောင်း တွေ့ရခြင်းကြောင့် အချိန်သည် စက္ကန့်နှင့်အမျှ အရေးကြီးသည်ဟု မြဝတီကရှုမြင်ပါသည်။

 

Read 20 times Last modified on Sunday, 03 March 2019 08:30