SJ WorldNews - шаблон joomla Авто

ပြည်ပပို့ကုန် တိုးမြှင့်ရေး လက်ဖက် စိုက်ပျိုးပေး

Sunday, 10 March 2019 10:21 font size decrease font size decrease font size increase font size increase font size

မြန်မာနိုင်ငံ ရှမ်းပြည်နယ် (မြောက်ပိုင်း)တွင် စိုက်ပျိုးထုတ်လုပ်သော လက်ဖက်အစိုကို ဒေသတွင်း နိုင်ငံများ ဖြစ်ကြသည့် တရုတ်ပြည်သူ့သမ္မတနိုင်ငံ၊ လာအိုနှင့် စင်ကာပူနိုင်ငံတို့သို့ တင်ပို့နေရာမှ ဂျာမနီ၊ ပြင်သစ်နှင့် ချက်နိုင်ငံ တို့အထိ ဈေးကွက်ရထားပြီ ဖြစ်သည်။ ၎င်းနိုင်ငံများအပြင် အမေရိကန် ပြည်ထောင်စုသို့ ၂ဝ၁၄၊ ၂ဝ၁၅၊ ၂ဝ၁၈ ခုနှစ်တို့တွင် တင်ပို့ခဲ့ရာ ၂ဝ၁၉ ခုနှစ် မှစ၍ ကွန်တိန်နာနှစ်ခု ဝင်ဆံ့သော ပမာဏအထိ နှစ်စဉ်ဝယ်ယူရန် ကမ်းလှမ်းထားကြောင်း ပလောင်လက်ဖက် စိုက်ပျိုးရေးနှင့် ပြည်ပပို့ကုန်အသင်း တာဝန်ရှိ သူတစ်ဦး၏ ပြောကြားချက်အရ သိရသည်။

စလေဦးပုည၏ လက်ဖက်မေတ္တာစာ၌ ''လက်ဖက်အမည်သညာ၊ သဒ္ဒါနိဿရည်း၊ ကစ္စည်းကျမ်း အထင်အမြင်၊ ကမ္ဘာစဉ်လမ်းကြောင်း၊ သူဟောင်းတို့စကား၊ ပညတ်ထားသည်မှာ၊ အသားတွင်လည်း ဝက်၊ အသီးတွင်လည်း သရက်၊ အရွက်တွင်လည်း လက်ဖက်၊ သုံးချက်ဥပဒေတင်'' ဟု ဆိုထားသည်။ မြန်မာနိုင်ငံတွင် စိုက်ပျိုးနိုင်သော မြေဧက ၂၉ သန်းကျော်ရှိရာ လူဦးရေနှင့်တွက်လျှင် လူတစ်ဦးအတွက် စိုက်ပျိုးရေးလုပ်ငန်း လုပ်ကိုင်နိုင်သော မြေ ၁ ဧကမပြည့်ကြောင်း တွေ့ရသည်။ နိုင်ငံတော်တွင် ရှိသော လူဦးရေ၏ ၇ဝ ရာခိုင်နှုန်းသည် ကျေးလက်ဒေသတွင် နေထိုင်ကြပြီး စိုက်ပျိုးရေး လုပ်ငန်းနှင့် ဆက်နွှယ်သော လုပ်ငန်းများဖြင့် အသက်မွေးဝမ်းကျောင်း ပြုနေကြရာ စိုက်ပျိုးရေးနှင့်မွေးမြူရေးကို တွဲဖက်လုပ်နေကြခြင်းဖြင့် မိသားစုဝင်ငွေ ပိုမိုရရှိနိုင်ကြသည်။ စိုက်ပျိုးရေး လုပ်ငန်းတွင်  နှစ်တိုသီးနှံနှင့် နှစ်ရှည်သီးနှံတို့ကို ဒေသရေမြေ သဘာဝအလျောက် ဖြစ်ထွန်းအောင်မြင်နိုင်သော အသီးအနှံများကို ရွေးချယ် စိုက်ပျိုးကြသည်။ စိုက်ပျိုးရေး ကုန်ထုတ်လုပ်ငန်းများမှ ထွက်ရှိလာသော သီးနှံများကို ပြည်တွင်းစားသုံးမှု အတွက် ရောင်းချပြီး ပိုလျှံသည်များကို ပြည်ပသို့ တင်ပို့ရောင်းချကြသည်။

အဓိကထွက်ကုန် ဆန်အတွက် ပြည်ပဈေးကွက် အခက်အခဲ မရှိသော်လည်း ပဲမျိုးစုံမှာမူ ဈေးကွက်မသေချာသော အခြေအနေများ ကြုံတွေ့ရကြောင်း သိရသည်။ ရာသီဥတုဖောက်ပြန်မှုနှင့် ရွှေခရုကဲ့သို့သော သီးနှံဖျက်ပိုးနှင့် ငမြှောင်တောင်ပိုး ကျရောက်မှုတို့ကြောင့် သီးနှံအထွက်နှုန်း ကျဆင်းမှုများက တောင်သူလယ်သမားများ တွက်ခြေမကိုက် ဖြစ်ကြရသည်။ မွေးမြူရေးလုပ်ငန်းများမှ ကျွဲ၊ နွား၊ ဆိတ်နှင့်သိုးတို့ကို ပြည်ပသို့ အကောင်လိုက် တင်ပို့နေကြသည့် သတင်းများကိုလည်း ကြားသိရသည်။ ဈေးကွက်ကျယ်ပြန့်သော ငါး၊ ပုစွန်မွေးမြူရေး လုပ်ငန်းများမှာ ဈေးကွက် အလားအလာ ကောင်းသော်လည်း ပြည်ပဈေးကွက်ဝင် စံချိန်စံညွှန်းအတွက် လိုအပ်ချက်များ ရှိနေသေးသည်။ နှစ်ရှည်သီးနှံ သရက်စိုက်ပျိုးရေး သည်လည်း ရာသီဥတု အခြေအနေနှင့် နည်းပညာ လိုအပ်ချက်များကြောင့် အထွက်နှုန်းနှင့် စံချိန်စံညွှန်း လိုနေသေးကြောင်း သိရသည်။ သို့သော် မန္တလေးတိုင်း ဒေသကြီး

အမရပူရမြို့နယ် စိန်တစ်လုံး သရက်ခြံများမှ အပင် ၃၂ဝ ရှိသော ခြံတစ်ခြံကို သရက်သီး တစ်ရာသီအတွက် မြန်မာကျပ်ငွေ သိန်း ၁ဝဝ ဖြင့် ပွဲစားများက စာချုပ်ချုပ် ဝယ်ယူကြောင်း ကြားသိရသဖြင့် ယခုနှစ်အတွက် သရက်သီးဈေးကွက် အလားအလာ ကောင်းမည်ဟု ခန့်မှန်းရသည်။

စလေဦးပုည၏ လက်ဖက်မေတ္တာစာ၌ ''ထီးလှိုင်ရှင် ကျန်စစ်သားမြေးတော် ရွှေဂူဒါယကာစကြာမင်းကောင်း အလောင်းစည်သူသည် ဇမ္ဗူကို လှည့်လည်ရာ၊ မာလာယုကျွန်းသို့ ရောက်သည်တွင်----ရသဝတီနတ်သစ်စေ့ကို၊ ဖောင်စကြာနှင့် ဆောင်၍၊ ပလောင်ဓနုမျိုးတို့နေရာ၊ ရှုသာတင့်တယ်၊ တောင်ငယ်တောင်ဝန်း၊ တောင်ချွန်းတောင်ပုတို့၌၊

ပြုစု ချထားခဲ့ရာတွင်၊ ရှေးဦးစွာကာလ၊ အစပေါ်ထွန်းကြောင်း၊ စာဟောင်းရာဇဝင်၊ နန်းစဉ်လက်သုံး''ဟု ဆိုထားခြင်းကြောင့် ပထမမြန်မာနိုင်ငံတော် ပုဂံခေတ် မှစ၍ မြန်မာတို့ မြေပေါ်၌ လက်ဖက်စတင် စိုက်ပျိုး စားသုံးကြောင်း တွေ့ရသည်။ လက်ဖက်သည် မင်းဧကရာဇ်တို့အား ပဏ္ဏာဆက်သရာတွင် အမွန်အမြတ်ထား၍ ဆက်သသော အစဉ်အလာရှိပြီး ပြည်သူတို့ အချင်းချင်း ကတိကဝတ် ပြုကြရာတွင် လည်းကောင်း၊ ကြွေးမြီကိစ္စ၊ လူမှုရေးကိစ္စတို့၌ နှစ်ဦးနှစ်ဖက်ကျေအေးကြရာတွင် လည်းကောင်း လက်ဖက်ပွဲဖြင့် သစ္စာစကား ဆိုကြသည့် ရှေးအစဉ်အလာ ရှိသည်ကို ရည်ညွှန်း၍ အရွက်မှာ လက်ဖက်ဟု ဆိုထားခြင်း ဖြစ်သည်။

ရှမ်းပြည်နယ် (မြောက်ပိုင်း)မှ နမ့်ဆန်နှင့် ကျောက်မဲမြို့နယ်တို့၌ လက်ဖက်စိုက်ပျိုး ဖြစ်ထွန်းသကဲ့သို့ ရှမ်းပြည်နယ် (တောင်ပိုင်း) ပင်လောင်းမြို့နယ်တွင်လည်း လက်ဖက်စိုက်ပျိုး ဖြစ်ထွန်းသဖြင့် ကျောက်မဲလက်ဖက်စို၊ လက်ဖက်ခြောက်နှင့် ပင်လောင်းလက်ဖက်ခြောက်တို့ကို ပြည်တွင်း၌ အသုံးများကြသည်။ မုတ်သုံမိုးမရွာသွန်းမီ တပေါင်းလ၌ခူးသော လက်ဖက်ရွက်သည် အနံ့အရသာနှင့် ပြည့်စုံသောကြောင့် ရေမဝင်မိုးမမီ၊ ရွှေဖီလက်ဖက်၊ နတ်သစ်ရွက်ဟု တင်စားထားကြသည်။

ထို့ကြောင့် စိုက်ပျိုးစွမ်းအား ပြည်ထွန်းကားဆို စကားနှင့်အညီ လက်ဖက်စိုက်ပျိုး ထုတ်လုပ်၍ ပြည်ပပို့ကုန် တိုးမြှင့်ရေးကို ဒေသခံပြည်သူများက ပူးပေါင်းပါဝင် အားပေးကူညီ ကြပါရန် မြဝတီက တိုက်တွန်း နှိုးဆော် လိုက်ရပါသည်။ ။

Read 24 times Last modified on Sunday, 10 March 2019 10:22